Skólavarðan - 01.09.2007, Blaðsíða 9
9
FRÉTTIR
SKÓLAVARÐAN 6.TBL. 7. ÁRG. 2007
Formaður Félags náms- og starfs-
ráðgjafa, Ágústa Elín Ingþórsdóttir
og formaður Heimilis og skóla -
landssamtaka foreldra, María Kristín
Gylfadóttir skrifuðu á dögunum undir
viljayfirlýsingu um samstarf.
Félag náms- og starfsráðgjafa og Heimili
og skóli - landssamtök foreldra hafa
það sameiginlega markmið að standa
vörð um hagsmuni nemenda innan
skólasamfélagsins. Með viljayfirlýsingu
þessari senda báðir aðilar skýr skilaboð
til samfélagsins að þau láti sig varða
hagsmuni barna í landinu og hyggist
styðja sameiginlega við málefni sem stuðla
að bættum hag nemenda í íslenskum
skólum.
Markmiðum þessum verður náð með því
að báðir aðilar:
• standi vörð um hagsmuni nemenda og
komi fram með sameiginleg skilaboð
þegar það á við.
• stuðli að því að skólasamfélagið (for-
eldrar, nemendur og starfsfólk) öðlist
betri þekkingu á störfum náms- og
starfsráðgjafa.
• stuðli að því að nemendur og foreldrar
öðlist betri þekkingu á náms- og starfs-
vali.
• stuðli að því að starfsfólk skóla öðlist
betri þekkingu á mikilvægi öflugs
foreldrasamstarfs.
Foreldrasamstarf hefur jákvæð áhrif á
skólastarf. Rannsakendur hafa sýnt fram
á að foreldrasamstarf stuðlar m.a. að
betri líðan nemenda, auknu sjálfstrausti,
betri námsárangri, minna brottfalli og
jákvæðara viðhorfi nemenda sem og
foreldra þeirra til skólans.
Heimili og skóli eru landssamtök for-
eldra á Íslandi og hafa það að meginmark-
miði að efla foreldra í uppeldishlutverki
sínu, veita þeim stuðning og hvatningu
til virkrar þátttöku í skólasamfélaginu,
miðla upplýsingum og fróðleik um
foreldrasamstarf til skóla, foreldraráða og
foreldrafélaga, standa vörð um hagsmuni
nemenda og vera málsvari fjölskyldna
gagnvart stjórnvöldum í málefnum er
varða skólasamfélagið.
Félag náms- og starfsráðgjafa er
fagfélag náms- og starfsráðgjafa á Íslandi
og er hlutverk félagsins samkvæmt 2.
grein laga FNS m.a. að efla náms- og
starfsráðgjöf og að efla faglegt starf
meðal náms- og starfsráðgjafa.
Náms- og starfsráðgjafar starfa m.a.
í skólum, í fyrirtækjum og á atvinnu-
miðlunum. Starf þeirra er breytilegt
eftir því hvar þeir starfa en byggir þó að
grunni til á því sameiginlega markmiði
Ágústa Elín Ingþórsdóttir formaður
Félags náms- og starfsráðgjafa og María
Kristín Gylfadóttir formaður Heimilis og
skóla skrifa undir viljayfirlýsinguna.
að stuðla að velferð einstaklinga með
hagsmuni þeirra að leiðarljósi. Markmið
náms- og starfsráðgjafar er að efla vitund
einstaklinga um viðhorf sín, áhuga og
hæfileika, þannig að þeir fái notið sín í
námi og starfi. Meginverkefni náms- og
starfsráðgjafa í grunn- og framhaldsskóla
er að aðstoða nemendur við námsval og
veita ráðgjöf meðan á námi stendur.
Náms- og starfsráðgjafi er trúnaðarmaður
og talsmaður nemandans. Mikilvægt er að
allir nemendur hafi aðgang að þjónustu
náms og starfsráðgjafa í sínum skóla.
FNS og Heimili og Skóli
undirrita viljayfirlýsingu
Lj
ó
sm
y
n
d
f
rá
Á
g
ú
st
u
E
lí
n
u
I
n
g
þ
ó
rs
d
ó
tt
u
r
Í október verða haldin námskeið fyrir
trúnaðarmenn í Félagi leikskólakennara.
Námskeiðin verða sex talsins og þar af
eru tvö sem eingöngu eru ætluð nýliðum
í hópi trúnaðarmanna, þ.e. þeim sem
hafa ekki sótt nýliðanámskeið. Umsjón
með dagskrá/innihaldi námskeiðanna
verður í höndum stjórnar FL.
Námskeiðin verða sem hér segir:
Fyrir nýja trúnaðarmenn:
Akureyri, mánudagur 1. október.
Námskeið fyrir trúnaðarmenn í 5. 6. og
7. svæðadeild. Haldið í Rósenborg við
Skólastíg (Gamli barnaskólinn).
Reykjavík, miðvikudagur 3. október.
Námskeið fyrir trúnaðarmenn í 1., 2., 3.,
4., 8., 9. og 10. svæðadeildum. Haldið í
Gerðubergi í Breiðholti Reykjavík.
Fyrir alla trúnaðarmenn:
Akureyri þriðjudagur 2. október.
Námskeið fyrir alla trúnaðarmenn í 5. og
6. svæðadeild. Haldið í Rósenborg við
Skólastíg.
Egilsstaðir þriðjudagur 9. október.
Námskeið á Egilstöðum fyrir alla
trúnaðarmenn í 7. svæðadeild. Haldið á
Gistihúsinu Egilsstöðum.
Reykjavík mánudaginn 22. október.
Námskeið fyrir alla trúnaðarmenn í 1.
deild. Haldið í Gerðubergi í Breiðholti
Reykjavík
Selfoss mánudagur 29. október.
Námskeið á Selfossi fyrir alla
trúnaðarmenn í 8.og 9. svæðadeild.
Haldið í húsi Ungmennafélagsins Tíbrá
við Engjaveg 50.
Hvalfjarðarsveit miðvikudaginn
31. október. Námskeið fyrir alla
trúnaðarmenn í 2., 3. og 4. svæðadeild.
Haldið í Miðgarði Hvalfjaðarsveit ( Áður
Innri Akraneshreppur).
Trúnaðarmenn á Höfn í Hornafirði og í
10. deild (Suðurnes) geta valið á milli 22.
október (með 1. deild), 29. október (með
8. og 9. deild) eða 31. október (með 2.,3.
og 4. deild).
Trúnaðarmannanámskeið Félags
leikskólakennara 2007