Skólavarðan - 01.09.2007, Blaðsíða 28
28
SKÓLAVARÐAN 6.TBL. 7. ÁRG. 2007
Sjöunda námskeiðið hér á landi í Davis
náms- og lestrartækni var haldið 13.
- 15. júní síðastliðinn. Að þessu sinni
var það í Snælandsskóla í Kópavogi.
Um er að ræða þriggja daga námskeið
ásamt eftirfylgni/framhaldsnámskeiði í
október og janúar (tveir hálfir dagar).
Námskeiðið sóttu að þessu sinni 25
grunn- og leikskólakennarar víðs vegar
af landinu. Guðbjörg Emilsdóttir segir
frá námskeiðinu.
Um 200 íslenskir leik- og grunnskóla-
kennarar hafa nú sótt námskeið í Davis
námstækni og gefa þeim mjög góða
umsögn. Komið er inn á marga mikilvæga
þætti sem fá kennara til að hugsa öðruvísi
um nemendur sína og hvernig þeir kenna.
Þeim líkar vel uppbygging námskeiðsins, þ.
e. skipting á milli fræðilegra og verklegra
þátta og að boðið skuli upp á eftirfylgni.
Óneitanlega getur verið erfitt að taka upp
nýja kennsluhætti og því mikilvægt að
geta fengið stuðning og hvatningu.
Sumarið 2003 var fyrsta námskeiðið í
Davis námstækni haldið á Íslandi og hafa
þau verið haldin á hverju sumri síðan.
Fyrstu árin voru erlendir leiðbeinendur
og fóru námskeiðin þá fram á ensku. Nú
hafa tveir Íslendingar öðlast réttindi til
þess að kenna á þessum námskeiðum, þau
Valgerður Snæland Jónsdóttir skólastjóri
og Sturla Kristjánsson sálfræðingur. Þeim
til aðstoðar er undirrituð, Guðbjörg
Emilsdóttir sérkennari. Þau þrjú hafa
jafnframt réttindi til þess að leiðbeina
kennurum úti í skólunum við að aðlaga
Davis námstæknina starfi sínu ásamt því
að vera Davis lesblinduráðgjafar.
Námskeið í Davis námstækni eru haldin
víða um heim, í Bandaríkjunum, Bretlandi,
Þýskalandi, Sviss, Hollandi, Ástralíu og á
Nýja Sjálandi, auk Íslands.
Davis námstækni byggist á kenningum
Ronald D. Davis sem skrifaði bókina
„Náðargáfan lesblinda“. Bókin kom fyrst
út ensku 1994 og hefur nú verið þýdd
á 17 tungumál. Davis námstæknin er
ætluð öllum 5 - 9 ára gömlum börnum
og hugsuð sem aðferð til að fyrirbyggja
sértæka námsörðugleika. Nemendum er
kennd aðferð til þess að þjálfa sig í að
halda athyglinni við það sem þeir eru
að gera hverju sinni. Þeir læra slökun/
sleppingu og að stilla sína eigin orku
með ímyndaðri orkuskífu. Þeim er kennt
að lesa með skapandi aðferðum sem
taka til allra skynfærniþáttanna, sjónar,
heyrnar, snertingar og hreyfingar. Mikið
er unnið með leir. Þessar aðferðir má
nota einar sér eða samhliða öðrum
lestrarkennsluaðferðum og geta þær
jafnframt nýst í öllum námsgreinum.
Davis námstæknin hefur góð áhrif á
nemendur með ofvirkni og athyglisbrest
og auðveldar kennurum að halda uppi aga
í skólastofunni og eiga jákvæð samskipti
við nemendur. Með því að fá þjálfun í
þessari námstækni eru börnin betur búin
undir ævilangan námsferil.
Íslenskir kennarar sem nota Davis
námstækni segja að þeir skilji nemendur
sína betur en áður, þeir séu fljótari að
greina vísbendingar um lestrar-, náms- og
hegðunarörðugleika og jafnframt hafi
þeir nú í höndunum tæki eða aðferð
sem hjálpar þeim að grípa fyrr inn í á
árangursríkan hátt.
Flestum börnum líkar námstæknin
vel. Þeim finnst gott að læra slökun og
að stilla athygli sína og orku og segja að
það auðveldi sér að lesa og læra. Flestum
börnum finnst einnig gaman að leira.
Næsta námskeið í Davis námstækni
er fyrirhugað í ágúst 2008. Jafnframt
því að halda þessi námskeið bjóða
Valgerður, Sturla og undirrituð upp á
fræðslufundi fyrir skóla og félagasamtök
um Davis aðferðirnar, bæði námstækni og
leiðréttingarnámskeið svo og aðstoð inn í
þá skóla sem þegar eru byrjaðir að nota
Davis námstækni og vilja fá ráðgjöf eða
stuðning.
Nánari upplýsingar um Davis námstækni
og námskeiðin má finna á vefsíðunni
www.lesblind.is og www.davislearn.com.
Guðbjörg Emilsdóttir
Höfundur er sérkennari, Dipl. Ed. og Davis
ráðgjafi.
Kylfingar í grunnskólum
Reykjavíkur keppa
Um miðjan september var haldið á
Korpúlfsstaðavelli í Reykjavík golfmót
grunnskólanna í Reykjavík. Þátttökurétt
í mótið hafa allir sem starfandi eru við
grunnskóla Reykjavíkur á viðkomandi
skólaári.
Úrslit urðu eftirfarandi:
Höggleikur án forgjafar
1. sæti Jón Hafsteinn Karlsson
2. sæti Birgir Einarsson
3. sæti Pétur Orri Þórðarson
Punktakeppni með forgjöf
1. sæti Páll Þórsson
2. sæti Örn Baldursson
3. sæti Gísli Sváfnisson
Menntun ungra barna á fyrsta áratug
21. aldar er viðfangsefni bókarinnar.
Sjónum er beint að leikskólanum og
yngstu bekkjum grunnskólans, tengslum
þessara skólastiga og þeim breytingum
sem eiga sér stað þegar börn fara úr
leikskóla í grunnskóla. Rýnt er í ólíka
sögu, hefðir og þróun skólastiganna og
greint frá rannsóknum á kennsluaðferðum
og starfsháttum í leik- og grunnskólum.
Dregnar eru saman rannsóknir á
sjónarmiðum helstu hagsmunaaðila.
Viðhorf barna til leikskólans og upphafs
grunnskólagöngunnar eru skoðuð svo
og viðhorf foreldra gagnvart þeim breyt-
ingum sem verða þegar börn þeirra fara
úr leikskóla í grunnskóla. Jafnframt
er fjallað um viðhorf kennara og litið
til kennsluaðferða og starfshátta sem
henta báðum skólastigum. Bókina prýða
ljóð Vilborgar Dagbjartsdóttur sem lýsa
hversdagslífi og hugarheimi barna.
Bókin er ætluð kennurum í leik- og
grunnskólum, kennaranemum, stefnu-
mótunaraðilum og öðrum sem láta sig
varða menntun yngstu borgarana.
Höfundur bókarinnar er dr. Jóhanna
Einarsdóttir prófessor við Kennaraháskóla
Íslands.
Bókin er gefin út af Rannsóknarstofu í
menntunarfræðum ungra barna í samvinnu
við Háskólaútgáfuna.
Davis námstækni fyrir 5 -9 ára börn
Tengsl leikskóla og
grunnskólaLítil börn með skólatöskur
DAVIS NÁMSKEIÐ, FRÉTTIR