Dagblaðið Vísir - DV - 08.09.2015, Page 29

24 Fréttir Vikublað 8.–10. september 2015
Gamli GluGGinn úr nýi GluGGinn í
svo einfalt
er það!
súðarvoGur 3-5, reykjavík
GluGGaGerdin@GluGGaGerdin.is
s: 5666630 / GluGGaGerdin.is
»
Segja bæinn leigja út
heilsuspillandi íbúðir
n Leigjendur segja myglusvepp orsök tíðra veikinda n Umsjónarmaður segir íbúðirnar í toppstandi
M
aðurinn minn, sem er
lungnasjúklingur, féll um
20 prósent í lungnagetu
og sjálfur var ég meira og
minna veikur meðan við
bjuggum þarna,“ segir Hlöðver Páls-
son, sem grunar að hann og sam-
býlismaður hans hafi leigt myglu-
sveppasýkta íbúð af Fasteignum
Ísafjarðarbæjar um tíu mánaða
skeið. Hann stendur nú í ströngu við
sveitarfélagið þar sem hann neitar
að greiða eftirstöðvar leiguskuldar
fyrr en úr því fæst skorið hvort íbúð-
in hafi verið íbúðarhæf eður ei.
Umsjónarmaður Fasteigna Ísa-
fjarðarbæjar segir ekkert benda til
að myglusvepp sé að finna í íbúðinni
sem sé yfirfarin af iðnaðarmönnum
fyrir hverja útleigu. Tveggja barna
móðir sem einnig leigði íbúð í sama
húsi segir að hún og börnin hafi alltaf
verið veik í þá átta mánuði sem þau
bjuggu þar. Hún segir próf sem hún
tók staðfesta tilvist myglusvepps.
Skýring á veikindum
Forsaga málsins er að Hlöðver og
sambýlismaður hans þurftu að flytja
inn í leiguhúsnæði á vegum sveitar-
félagsins í fjölbýlishúsi við Dalbraut
í Hnífsdal með skömmum fyrir-
vara í október 2013, eftir eldsvoða í
íbúð þeirra. Þeir bjuggu í leiguhús-
næðinu þar til í ágúst 2014. Hlöðver
hafði óskað eftir því að eftirstöðvum
ógreiddrar leigu á tímabilinu yrði
dreift í raðgreiðslur. Eftir að þeir
fluttu út kveðst Hlöðver hins vegar
hafa komist að því að grunur léki á að
skaðlegan myglusvepp væri að finna
í húsinu og hefði greinst í annarri
íbúð í húsinu.
„Þá fór maður að leggja saman
tvo og tvo. Hannes, maðurinn minn,
er lungnasjúklingur og á þeim tíu
mánuðum sem við bjuggum á Dal-
braut féll hann um rúmlega 20 pró-
sent í lungnagetu og var í kjölfar-
ið lagður inn á Reykjalund,“ segir
Hlöðver. Sjálfur kveðst hann hafa ver-
ið töluvert slappur sömuleiðis en á
þeim tíma alltaf tengt tíð veikindi við
áfallið sem fylgdi brunanum.
„Ég var meira að tengja það við
hið sálræna því maður var nýbúinn
að missa allt.“
Eftir að hann flutti út hafi hann
fengið vitneskju um að íbúðir blokk-
arinnar væru hugsanlega myglaðar
af svepp. Fyrrverandi nágranni hans
hafi tekið sveppapróf með sýni sem
reyndist jákvætt.
Vill að málið sé skoðað
„Ég sendi Ísafjarðarbæ erindi þegar
ég komst að þessu og sagði að ég
vildi að skuldin yrði felld niður eða í
það minnsta fryst þar til niðurstaða
væri komin í málið og kannað yrði
hvort gamla íbúðin mín hafi verið
eins og hinar, sýkt af myglusvepp. Ég
fékk engin svör frá þeim fyrr en núna
í síðustu viku.
Leigjendur hafa aðeins tiltek-
inn tíma til að kvarta yfir göllum á
íbúð eftir að þeir taka við henni. „Sá
frestur er auðvitað löngu liðinn hjá
mér en þeir ætla ekki að koma til
móts við mig og ætla að setja mig á
vanskilaskrá ef ég borga ekki.“
Í erindi Hlöðvers til sveitarfélags-
ins segir hann að í ljósi alvarleika
málsins neiti hann að greiða áfram af
skuld sinni við Fasteignir Ísafjarðar-
bæjar fyrr en tekinn verði af allur vafi
um að íbúðin sem hann leigði sé ekki
sýkt af heilsuspillandi sveppum. „Og
að téð heilsutjón á maka mínum sé
ekki afleiðing skeytingarleysis starfs-
manna Fasteigna Ísafjarðarbæjar á
mjög svo raunverulegu vandamáli.“
Segir hann að hann muni glað-
ur greiða sína skuld ef grunur hans
um að íbúðin sé sýkt reynist rang-
ur. Hann fer í bréfinu fram á það að
sveitarfélagið taki málið föstum tök-
um, hrindi í framkvæmd aðgerða-
áætlun um málið og upplýsi íbúa
blokkarinnar um stöðuna og þær
heilsufarshættur sem kunni að stafa
af búsetu í húsnæðinu.
Hlöðver segir að íbúðin sem hann
leigði hafi staðið tóm um skeið eftir
að hann og Hannes fluttu út, en eftir
að hann sendi erindi sitt hafi íbúð-
in einfaldlega verið máluð og leigð
út aftur til barnafjölskyldu. Það telji
hann ámælisvert.
Þvertekur fyrir myglusvepp
Marzellíus Sveinbjörnsson, um-
sjónarmaður Fasteigna Ísafjarðar-
bæjar, segir að ekkert bendi til að
myglusveppur sé í umræddri íbúð
eða umræddu húsi.
„Ég get bara sagt að ég hef aldrei
fengið kvörtun frá þeim, meðan þeir
voru inni í húsinu, um að það væri
myglusveppur í húsinu.“
Sigurður Mikael Jónsson
mikael@dv.is
Ósáttur Hlöðver Pálsson neitar að greiða
af leiguskuld sinni við Fasteignir Ísafjarða-
bæjar fyrr en hann fær á hreint hvort
heilsuspillandi myglusveppur hafi verið í
íbúðinni sem hann leigði. Sambýlismaður
hans varð fyrir heilsutjóni. Mynd AðSend
Framhald á næstu opnu 
Tvennar sögur Tveir
leigjendur segjast hafa
fundið fyrir verulegum
óþægindum og tíðum
veikindum eftir að hafa
búið í íbúð á vegum
Fasteigna Ísafjarðar-
bæjar að Dalbraut í
Hnífsdal. Umsjónar-
maður segir íbúðirnar í
góðu ástandi. Mynd Já.iS
„Ég var meira
að tengja það
við hið sálræna því
maður var nýbúinn
að missa allt