Tímarit hjúkrunarfræðinga - 01.05.2003, Blaðsíða 23

VIÐTAL
Valgeröur Katrín Jónsdóttir ræöir viö fráfarandi formann,
Herdísi Sveinsdóttur Herdís Svejnsdóttir|
fráfarandi formaöur Fíh.
„Svo sannarlega
eftirsjá að starfinu"
-segir Herdís Sveinsdóttir, formaöur
Herdís Sveinsdóttir, formaður Félags íslenskra
hjúkrunarfræðinga undanfarin fjögur ár, hefur
ákveðið að bjóða sig ekki fram til næstu
tveggja ára. Hvernig hefur henni líkað að
starfa fyrir félagið og hvað tekur við hjá
henni? Ritstjóri Tímarits hjúkrunarfræðinga
settist niður með henni einn eftirmiðdag.
Herdís segir að þegar hún hafi tekið við for-
mannsstólnum hafi hún gert ráð fyrir því að hún
myndi í meira mæli sinna menntunarmálunum
og ýmsum faglegum þáttum en raunin varð á.
Raunin varð hins vegar sú að kjara- og réttinda-
málin tóku mestan tímann fyrstu árin. Hagfræð-
ingur félagsins í sjö ár hætti um svipað leyti og
Herdís tók við og fór mikil þekking á þessum
málaflokki út af skrifstofu félagsins með honum.
Núverandi hagfræðingur, Helga Birna Ingi-
mundardóttir, hóf ekki störf fyrr en 8 mánuðum
eftir að Herdís tók við og því voru kjara- og rétt-
indamálin mikið á hennar herðum fyrsta árið.
Helga Birna var líka ný í starfi og þurfti sinn að-
lögunartíma. Þessi réttindamál tóku mikinn tíma
og það hvíldi þungt á mér að hjúkrunarfræðing-
ar, sem leituðu til félagins út af einhverjum mál-
um, fengju rétta úrlausn. Ymsir félagsmenn voru
þó góður bakhjarl, auk Vigdísar, fráfarandi hag-
fræðings, sem komin var í nám til Danmerkur.
Fljótlega fórum við svo út í kjarabaráttuna og
hún tók talsverðan tíma, bæði varðandi almenna
samninga og svo líka varðandi samninga við
Tryggingastofnun ríkisins."
Herdís segir að í samninganefndina hafi skipast
gott fólk sem hafi unnið mjög vel saman og ár-
angurinn hafi verið þokkalegir samningar. Mik-
ill lærdómur hlaust af tveggja daga verkfallinu sem er fyrsta
verkfall Félags íslenskra hjúkrunarfræðinga. Þá og síðar þegar
samningi var hafnað kom fram samstaða og samtakamáttur
hjúkrunarfræðinga. „Það var því mjög mikill átakatími í kring-
um samningana og mikil vinna með hjúkrunarfræðingum og
það er auðvitað mjög gefandi. Þegar ég hugsa til baka til þess-
arra fjögurra ára þá finnst mér mjög dýrmæt hin miklu sam-
skipti við hjúkrunarfræðinga úti um allt land en þau hafa gef-
ið góða sýn yfir um hvað á sér stað og hvað hjúkrunarfræðing-
ar eru að vinna öflugt starf alls staðar.”
Herdís segir gríðarlega mikla starfsemi á vegum félagsins. Auk
þess sem mikið sé leitað til félagsins varðandi kjara- og rétt-
indamál sé mikil vinna t.d. við rekstur orlofshúsa, úthlutanir
úr sjóðum og önnur störf sem fram fara á vegum þess, svo sem
útgáfumál, fjármál og vinnu við ýmis fagleg verkefni. „011 álit,
lög og reglugerðir, sem eru lögð fram á Alþingi og varða heil-
brigðismál, koma hingað inn til umsagnar og þá skiptir máli að
geta leitað til fagdeildanna varðandi þær umsagnir. Það er ó-
trúlega mikið starf unnið á vegum félagsins og svo erum við
með ýmis mjög tímafrek mál fyrir fólk sem eru mjög tímafrek.
Þegar gengið er á rétt hjúkrunarfræðinga tekur hvert og eitt
einstakt mál tíma og það er reynt að vinna þau öll vel þó nið-
urstöður verði ekki alltaf eins og við hefðum óskað. Við eigum
enn í málaferlum vegna verkfallsins, því við teljum að gengið
hafi verið á rétt hjúkrunarfræðinga með því að draga af þeim
öllum laun þessa tvo verkfallsdaga þrátt fyrir að sumir hafi
uppfyllt sína vinnuskyldu. Þetta mál fórum við fyrst með fyrir
félagsdóm en því var vísað frá og nú erum við með málið fyrir
héraðsdómi."

Tímarit islenskra hjúkrunarfræðinga 2. tbl. 79. árg. 2003