Tímarit hjúkrunarfræðinga - 01.10.2004, Blaðsíða 7
RITSTJÓRASPJALL
Valgeröur Katrín Jónsdóttir
„Þetta reddast"
Valgerður Katrin
Jónsdóttir
„Ég hugsa og því er ég til" er haft eftir heim-
spekingnum Descartes. Víst er aö hugsunin
skiptir ef til vill mestu máli í lífi okkar og
mótar afstööu okkar til lífsins. Hugsunin stýrir
oröum okkar og verkum og þeir sem hugsa
jákvætt eiga auöveldara meö að mæta ýmsum
erfiðleikum í lífinu og snúa þeim jafnvel upp
í tækifæri og hvata til dáöa. Þannig er það
oft ekki þaö sem fyrir fólk kemur sem mótar
líf þess heldur afstaöan til þess. Hver kannast
ekki viö dæmisöguna um glasið sem er fyllt
til hálfs. Sumir líta á þaö sem hálftómt aðrir
sem hálffullt.
Afstaða okkar Islendinga hefur oft einkennst af
viðhorfinu „þetta reddast", óblíð náttúra, veður-
far og atvinnuhættir hafa sett okkur í þau spor
að við höfum þurft að bregðast við umhverfinu,
redda aflanum, heyinu og fleiru þess háttar og
enginn spurður hvort honum líki það betur eða
ver. Með breyttum atvinnuháttum og tæknivæð-
ingu ættum við að geta skipulagt betur og hugsað
meira fram í tímann á hvaða sviði sem er innan
samfélagsins. Fjölskyldan hefur löngum verið
talin hornsteinn samfélagsins þó sumir segja
hana hafa verið hornreka undanfarna áratugi
og að engin opinber fjölskyldustefna sé til hér
á landi. Ungar mæður hafa verið bæði yngri og
fleiri hér á landi en þekkist í flest öllurn öðrum
löndum. Eitt af verkefnum OB ráðgjafar, sem
kynnt er í þessu tölublaði, er einmitt að bregðast
við þessari staðreynd.
I framhaldi af þessu er gaman að geta þess að í
þessu tölublaði hefst nýr greinaflokkur um fjöl-
skylduhjúkrun og hefur ritnefnd og ritstjóri feng-
ið Erlu Kolbrúnu Svavarsdóttur til að vera ásamt
þeim í forsvari fyrir greinaflokkinn. Stephanie A.
Rowe, sem hefur lokið meistaragráðu í gagnrýnni
hugsun, var aðalleiðbeinandi á vinnusmiðjunni
„Hugsað um barn“ sem sagt er frá í þessu tölu-
blaði. Þar var einmitt lögð áhersla á ýmis tilvist-
arvandamál, svo sem ákv'arðanatöku, mikilvægi
þess að taka meðvitaðar ákvarðanir, hvort sem
það á við um kynlíf, barneignir eða annað sem skiptir okkur
máli í lífinu. Og hugsun okkar mótar einnig viðhorf til sjúk-
dóma eins og fram kemur í viðtali Fríðu Proppé við kanadísku
prófessorana dr. Janice M. Bell og dr. Lorraine M. Wright og
viðhorf okkar til barna sem haldin eru downsheilkenninu eins
og fram kemur hjá dr. Marciu Van Riper. Því þó við leggjum
meiri áherslu á skipulagningu í lífi okkar geta ýmsir þættir
valdið því að lífið beinist í annan farveg en við ætluðum og þá
þarf að bregðast við því. Það sem er foreldrum í fyrstu áfall,
eins og t.d. að eiga von á barni sem er með downsheilkennið,
getur þó fært foreldrum mikla gleði með breyttri hugsun eins
og Marcia Van Riper bendir á og á það eflaust við um ýmsa
aðra þætti er Iífið tekur óvænta stefnu.
BEDCO & MATHIESEN EHF
Bæjarhraun 10 - Hafnafjörður
Sími 565 1000 - bedco@bedco.is
Timarit hjúkrunarfræöinga 4. tbl. 80. árg. 2004