Norðurslóð - 28.04.1993, Side 8

TímamóT
Skírnir
8. apríl var Sævar Þór skírður í Dalvíkurkirkju. Foreldrar hans eru
Baldrún Hrönn Sævarsdóttir og Thor Johan Skordal, Karlsrauða-
torgi 5, Dalvík.
10. apríl var Sigurður Ingvi skírður í Dalvíkurkirkju. Foreldrar
hans eru Hólmfríður Sigurðardóttir og Rögnvaldur Ingvason (Ei-
ríkssonar, Þverá, Skíðadal), Reynihólum 12, Dalvík.
10. apríl var Gunnlaugur Jóhann skírður í Dalvíkurkirkju. For-
eldrar hans eru Som Kignok og Skarphéðinn Frímann Sigurðsson
(Guðmundssonar, Bessastöðum), Malarási 15, Reykjavík.
Andlát
24. mars varð bráðkvaddur á heimili sínu,
Svarfaðarbraut 13, Dalvík, Jón Baldvin
Bjarnason.
Jón fæddist á Dalvík 13. mars 1949, sonur
Bjarna Thorarensen Jónssonar, vélstjóra, sem
er látinn, og Hildar Jóhannsdóttur, sem býr á
Dalvík. Hann var elstur fjögurra systkina sem
eru auk hans Jóhann, Þóra Soffía og Sædís.
Jón byrjaði ungur til sjós, fyrst yfir sumar-
tímann sem unglingur. Síóar lá leiöin til
Rcykjavíkur þar sem hann settist á skólabekk í
Stýrimannaskólanum í Reykjavík hvar hann lauk 2. stigs fiski-
mannaprófi vorið 1969, tvítugur aö aldri.
Strax þá um sumarið hófst ferill Jóns sem stýrimanns, þegar
hann varð stýrimaður á Bjarma II EA 110 en á þeim báti var hann
til ársins 1971. Stýrimaður á Olafi Magnússyni EA var hann frá
1971 til 1974 er hann réði sig á togarann Björgvin EA 311 sem þá
kom nýr hingað til hafnar. Stýrimaður varó Jón á Björgvin um ára-
mótin 1976-77 og hefur hefur verið þar stýrimaóur síðan. Þessi ár á
Björgvin EA hefur Jón ætíð haft Vigfús Jóhannesson sem skip-
stjóra og leysti Jón hann af og stýrði þá skipinu til veiða.
A jóladag 1970 kvæntist Jón eftirlifandi eiginkonu sinni, Sigur-
lín Kjartansdóttur frá Hauganesi. Þau byggðu sér heimili að Svarf-
aðarbraut 13. Börn þeirra eru fjögur. Elst er Hildur Birna en hennar
maður er Hjalti Hjaltason. Næstelstur er Bjarni Thorarensen, þá
Helena Sif og yngst er Díana Hrund.
Jón var cinn af stofnendum Skíðafélags Dalvíkur og hafói alla
tíð áhuga á starfi þess. Hann batt sterk vináttubönd við sitt fólk og
til hans var ætíó gott að leita, enda skapgóður og rólegur maður.
Jón var jarðsunginn frá Dalvíkurkirkju 1. apríl.
Húsabakkaskóli:
Skólinn fær
nýtt merki
í Húsabakkaskóla fór frani á út-
mánuðum hugmyndasamkeppni
meðal nemenda um merki fyrir
skólann. Komu fram inargar
hugmyndir og tillögur að merki
en dómnefndin, sem samanstóð
af kennurum og öðrum sem Iétu
málið til sín taka, taldi hugmynd
Söndru Bjarkar Marteinsdóttur
besta. Merkið hefur nú verið
þrykkt á bréfliausa og umslög
skólans og einnig á stutterma
boli. Voru þeir seldir til
styrktar nemendasjóði
skójans.
Agóðanum af sölunni
var varið til kaupa á
vídeótæki og skáp undir
það. Einnig er fyrirhugað
að fjárfesta í húsgögnum
fyrir setustofu ef áfram-
haldandi sala verður
skólabolunum. Að sögn
Helgu Hauksdóttur skóla-
stjóra geta þeir sem áhuga
hafa á að eignast skólaboli Húsa-
bakkaskóla, t.d. gamlir nemendur,
haft samband við hana. Verður
nýtt upplag Iíklega prentað með
haustinu.
Skólastarf á Húsabakka hefur
annars verið meó nokkuð klassísku
sniði í vetur. Síðustu vikuna fyrir
páska var þemavika þar sem hin
hefóbundna stundatafla var lögð til
hliðar. Þema vikunnar var „Heil-
brigó sál í hraustum líkama". Und-
ir þessu gamla gríska kjörorði voru
unnin ýmis verkefni, stundaðar
hollar íþróttir og farið í vettvangs-
fcrðir. I lok vikunnar var foreldr-
um boðið að skoða árangurinn og
þar var einnig sýnt leikritið „Smá-
fuglarnir“ eftir Ióunni Steinsdóttur
sem nemendur 8. og 9. bckkjar
fluttu undir stjórn hins gamal-
reynda lcikstjóra Aðalstcins Hjart-
arsonar sem nýkominn er frá Kína
hingað norður á gamlar slóðir.hjhj
Merki Húsanbakkaskóla er eflir Söndru Björk
Marteinsdóttur.
Gallvaskur í göngur
næsta haust
- Beisi á Ingvörum fékk nýtt nýra í Gautaborg
Eiður Steingrímsson eða Beisi á
Ingvörum eins og flestir kalla
hann, er nýkominn heim frá
Gautaborg í Svíþjóð. Þangað fór
hann með hraði þann 5. febrúar
s.I. þeirra erinda að fá grætt í sig
nýtt nýra á Salgrenska Sjukhus-
et í Gautaborg.
Undanfarin 5 ár hefur Beisi
þraukað án nýrna og haldið lík-
amsstarfseminni gangandi með því
að tappa á sig svokölluðum kvið-
skilunarvökva 4 sinnum á sól-
arhring. Aður hafði hann verið í
nýmavél í fjóra mánuöi þannig að
segja má að heilsufarið hafi ekki
verið upp á marga fiska að undan-
fömu. Sjúkdómssaga hans er þó
mun lengri, sennilega allar götur
frá barnæsku.
En nú er Beisi semsagt kominn
með nýtt og gott nýra og kennir sér
einskis meins. Norðurslóó hitti
hann að máli fyrir helgina í hest-
húsinu í Hringsholti þar sem hann
var að stússast kring um hrossin.
Hann er þegar tekin til við að ríöa
út en í síðustu viku fór hann til
Reykjavíkur að láta fjarlægja
slöngumar sem áður héldu í hon-
um lífinu en heyra nú fortíðinni til.
Ertu búinn að bíða lengi eftir
nýju nýra?
- Ja, ég var á skrá í dönskum
líffærabanka og hef verið þar í bið-
röð eftir nýrum í nokkur ár. Danir
sitja hins vegar fyrir þar en útlend-
ingar fá afgreiðslu ef Danimir geta
ekki nýtt sér hana. Það var svo
bara núna í fyrra aó ríkið gerði
samning við Salgrenska í Gauta-
borg. Þar sitjum við við sama borð
og Svíar og þar af leiðandi gengur
afgreiðslan fljótar fyrir sig þar. Eg
var kominn þar á skrá fyrir jól. Eg
fór þá í mikla rannsókn hér heima.
Það þarf að senda upplýsingar um
ótal atriði, s.s. blóóflokka og eitt
og annað sem ég kann varla að
nefna. Þann 5. febrúar kom sem-
sagt kallið. Það var hringt í mig kl.
2 um nótt og ég var kominn í
aðgeróina í Gautaborg kl. 6 um
kvöldið.
Og aðgerðin hefur heppnast
vel?
- Já, já, ég fann strax mun þegar
ég vaknaði. Eg hef alltaf haft verki
öðru hvoru og það hefur smám
saman verið að draga af mér. Nú er
ég alveg laus við verkina og kenni
mér einskis meins. Eg lá í hálfan
mánuð á spítalanum en fór síðan á
lítió heilsuhæli skammt frá þar
sem ég dvaldi í 5 vikur.
Voru fleiri Islendingar þarna?
- Já, þama voru þónokkrir
Islendingar. Fólk sem var að bíða
eftir ýmsum líffænim, s.s. hjarta,
lungum og lifur. I þeim tilfellum
þarf fólk aó bíða á staðnum. Þama
var t.d. Húnvetningur sem grætt
var í hjarta nú fyrir skemmstu.
Hvenœr ferð þú svo að vinna
aftur?
- Eg reikna með að geta byrjað
að vinna núna upp úr mánaðamót-
um. Það er ekkert sem mælir gegn
því. Eg má fara á bak en ég má
ekki hlaupa neitt næstu mánuóina.
Þú mœtir þá gallvaskur í göng-
ur nœsta haust?
- Já, ég reikna með því, segir
Beisi og hlær.
Við óskum Beisa til hamingju
meó nýraö og endurheimta heilsu.
hjhj
FréttahorniÐ
Fiskmiðlun Norðurlands h/f hef-
ur ákveóið að starfrækja skoð-
unarstofu á sínum vegum. Nokkur
af stærstu sölufyrirtækjunum í
sjávarútvegi hafa aó undanfömu
verið að setja á stofn skoðunarstof-
ur og hafa þær þá verió staðsettar á
Reykjavíkursvæðinu en nú er Fisk-
miðlun búin að ákveða að stofn-
setja eina Skoðunarstofu Noróur-
lands. Skoðunarstofur yfirtaka eft-
irlitshlutverk sem hefur verið hjá
Ríkismati sjávarafurða sem nú
verður lagt niöur. Skoðunarstofur
gera úttekt á bátum og fiskverkun-
arhúsum, einnig úttekt á afurðum
en aðstoóa framleiðendur við að
koma á eftirliti innan fyrirtækjanna
sem er virkasta aðferðin við eftir-
lit.
Að undanförnu hefur verið tals-
verð fiskigengd á grunnslóð
víða um land. Eyjafjörðurinn hefur
ekki verið nein undantekning.
Mikil veiði hefur verið hjá trillum
og smábátum hér á víkinni og á
milli Hríseyjar og lands að vestan-
verðu.Síðastliðinn laugardag mátti
sjá 11 smábáta milli lands og eyjar.
Hér voru á ferðinni bátar með net,
línu eða handfæri. Allir voru þeir
að veiða þokkalega dagana á und-
an. Hins vegar hefur grásleppu-
veiði verió treg og á sama tíma
voru einungis þrír grásleppubátar á
veiðum hér að vestanverðu í firð-
inum.
Lúðrasveit skipuó börnum úr
Svarfaðardal, af Árskógs-
strönd, Dalvík og Ólafsfirði hefur
verið að festa sig í sessi í tónlistar-
lífinu hér við utanverðan Eyja-
fjörð. Nýverið fór sveitin suður til
Reykjavíkur og lék þar í Ráðhús-
inu, í beinni útsendingu á Bylgj-
unni og heimsótti svo skólalúðra-
sveit Laugamesskóla. Að sögn Ei-
ríks Stephensen stjómanda sveitar-
innar gekk ferðin ákatlega vel og
bömin, 21 að tölu, stóóu sig með
prýði. Þau fóru suður með rútu
fimmtudaginn 15. apríl, léku á
Bylgjunni morguninn eftir og í
Ráðhúsinu síðdegis. Á laugardag-
inn voru æfingar með skólalúðra-
sveit Laugarnesskóla og síðan tón-
leikar síðdegis. Heim var svo farið
á sunnudegi. Krakkamir í sveitinni
eru á aldrinum 11 -15 ára, en af ein-
hverjum ástæðum er ríflega helm-
ingurinn á sama árinu, 14 ára,
hvort sem sá árgangúr er óvenju-
lega músíkalskur eða tilviljun ræó-
ur. Sveitinni hefur vaxið fískur um
hrygg og hlotið viðurkenningar og
styrki frá Sæplasti, Menningar-
sjóði Svarfdæla, sveitarstjómum
Svarfaðardals, Ólafsfjarðar og Ár-
skógsstrandar auk þess sem Lions-
klúbbur Dalvíkur hefur ákveðið að
styrkja þetta ágæta unglingastarf.
Eiríkur sagði að ferðir eins og sú
sem farin var til Reykjavíkur hefðu
ómetanlegt gildi fyrir starfsemi
sveitarinnar. „Þær auka sjálfstraust
þeirra og samheldni, auk þess
hversu skemmtilegar þær eru,“
sagði hann.