Norðurslóð - 25.03.1997, Blaðsíða 4
4 - NORÐURSLÓÐ
Minning
Sveinn Vigfússon
frá Þverá í Skíðadal
F. 30. mars 1917 - D. 30 des 1996
Af ýmsum ástæðum hefur dregist
hjá mér að minnast fyrrum ná-
granna míns, Sveins Vigfússonar
fyrrverandi bónda á Þverá í Skíða-
dal, sem andaðist á Akureyri 30.
desember sl„ nær áttræður að
aldri, en þá hafði hann af æðru-
leysi og karlmennsku í nær þrjú ár
barist við þann illvíga sjúkdóm, er
að lokum varð honum að aldurtila.
Manns sem Sveins á Þverá er ljúft
að minnast, þar fór góður drengur
til orðs og æðis. A okkar kynni féll
aldrei skuggi öll þau ár er leiðir
okkar lágu saman.
I þessum minningabrotum um
Svein Vigfússon reikar hugur
minn aftur til miðbiks aldarinnar
og enn lengra, eða til þess tíma,
sem ég hefi jafnan nefnt blóma-
skeið Skíðadals. Þá var fjölmenn-
ari byggð í dalnum en nú er og var
meginhluti íbúanna ungt fólk,
bjartsýnt og þróttmikið, er trúði á
sjálft sig og framtíðina. I minning-
unni finnst mér að æskufólkið í
dalnum hafi verið sem ein stór
fjölskylda, er sótti fram með hug-
sjón ungmennafélagshreyfingar-
innar að leiðarljósi. Eg var nokkuð
yngri að árum, en þau er forystu
höfðu að stofnun félagsins, er
hlaut nafnið Skíði, en þeir Þverár-
bræður, Björn og Sveinn ásamt
mörgum öðrum voru í fylkingar-
brjósti. Starfsemi félagsins var
óvenju þróttmikil og það lét sér
fátt óviðkomandi, sem unnið var í
þágu dalsins. Það réðist í byggingu
samkomuhúss að Þverá, er þótti
hin veglegasta bygging á þeim
tíma og laðaði fólk að, m.a. frá
Dalvík þá er dansleikir voru haldn-
ir, eða önnur skemmtun. Félags-
menn unnu að skógrækt, garðrækt
og fóru sem sjálfboðaliðar í vega-
vinnu. Stofnað var lestrarfélag er
var öflugt um tíma og margt fleira
mætti nefna. U.M.F. Skíði var á
blómaskeiði sínu meðal þrótt-
mestu félaganna innan Ungmenna-
sambands Eyjafjarðar, þótt önnur
væru mun fjölmennari. Það sá ég
glöggt er ég var um tíma ritari
sambandsins. Oft hefur mig undr-
að er ég lít til baka, hve miklu fé-
lagsmenn áorkuðu, þrátt fyrir lang-
an vinnudag við bústörf, því
blómaskeið félagsins var áður en
tæknibyltingin í landbúnaði varð
að veruleika.
Allt frá því að ég man fyrst eftir
ríkti einlæg vinátta milli fjöl-
skyldnanna á Þverá og í Hlíð. Stutt
er á milli bæjanna og samgöngur
miklar milli þessara nágranna-
bæja, þótt Skíðadalsá væri oft erf-
iður farartálmi. Gat hún orðið
flagð hið versta, einkum þó í vor-
leysingum. Síðar urðu kynni mín
af Þverárfólki mjög náin, því að
tvö síðustu ár mín í bamaskóla var
hann staðsettur í samkomuhúsi
ungmennafélagsins að Þverá.
Minningar mínar frá þeim árum
eru umvafðar birtu og gleði. Mér
fannst ég eignast þar annað heim-
ili. Hjá Soffíu móður Þverársyst-
kinanna naut ég falslausrar um-
hyggju er minnti mig á ástúð
minnar eigin móður. Örlög höguðu
því svo til, fimmtán til sextán áram
síðar, að ég kenndi tvö síðustu árin
er skóli var á Þverá. Enn sem fyrr
mætti ég sömu hlýju og vináttu og
áður frá heimilisfólkinu á Þverá. I
frímínútum komu Þverárbræður
oft og fóru í leiki með krökkunum
og tóku þátt í ærslum bamanna.
Þau fundu vel að þau voru aufúsu-
gestir og að Þverárheimilið stóð
þeim ávallt opið.
Meginhluti af lífssögu Sveins er
bundinn Þverá og Skíðadal. A
Þverá var hann fæddur, þar átti
hann bemsku og æsku sína og þar
var hann bóndi mestan hluta af
starfsævi sinni. Er Vigfús faðir
hans andaðist árið 1938 tók hann
við búi ásamt móður sinni og Birni
bróður sínum. En árið 1950 urðu
merk og gæfurík tímamót í ævi
hans, en þann 28. maí kvæntist
hann Þórdísi Rögnvaldsdóttur frá
Dæli, góðri konu er var honum
tryggur lífsförunautur til hinstu
stundar. Ári síðar tóku þau við
Þverárbúi og bjuggu þar snotru og
vel nýttu búi til ársins 1975, að þau
brugðu búi og fluttu til Dalvíkur
að Skíðabraut 13, en þar áttu þau
heima síðan.
Aður en þau giftust hafði Þórdís
eignast son, Ingva Eiríksson, sem
Sveinn unni sem eigin syni. Ingvi
er nú starfsmaður hjá fyrirtækinu
Strýtu, ásamt eiginkonu sinni, Sig-
rúnu Þorsteindóttur. Eiga þau
fimm börn og þrjú bamaböm.
Önnur böm Sveins og Þórdísar eru
Vignir, aðstoðarframkvæmdastjóri
Fjórðungssjúkrahússins á Akur-
eyri, kvæntur Valdísi Gunnlaugs-
dóttur skrifstofumanni, eiga þau
fjögur böm, Soffía Heiðbjört, bú-
sett í Danmörku ásamt manni sín-
um Stefáni Jakobssyni, eiga þau
þrjú böm og eitt bamabam og
Ragna Valborg starfsmaður á
Dvalarheimilinu Hlíð, Akureyri.
Hennar maður er Heiðar Ólason
verslunarmaður og eiga þau 3
böm.
Heimili Sveins og Þórdísar á
Þverá bar vitni um einstaka snyrti-
mennsku, jafnt utan bæjar sem
innan. Allt virtist leika í höndum
þeirra, sem laut að fegurð og hlý-
leika. Sveinn var listamaður í eðli
sínu og fegurðarskyni hans virtust
engin takmörk sett. Vegghleðsla
varð að listaverki í höndum hans
og jafnvel einnig handgrafnir
skurðir í óræktarmýmm. Hann
virtist jafnhagur á tré og jám og
þar var eigi kastað til höndum.
Vandvirkni var aðalsmerki hans á
þessu sviði sem öðrum. Hér í Hlíð
gefur að líta eitt listaverka Sveins.
A fagurgerðu spjaldi má líta ljá í
orfi, hrífu, heynál og torfljá. Þessa
fagurgerðu muni sendi hann Frið-
bimi bróður mínum á sjötugsaf-
mæli hans.
„Sveinn hefur læknishendur“,
svo mælti eitt sinn móðir mín, en
þá hafði Sveinn komið daglega og
penísillínsprautað einn bræðra
minna, er þjáðist af slæmri ígerð í
hendi. Var Sveinn í raun og vem
staðgengill læknisins á Dalvík, er
framkvæma þurfti þannig læknis-
aðgerðir.
Eigi mun Sveinn hafa sóst eftir
metorðum, en samt var hann kjör-
inn til ýmissa trúnaðarstarfa. Sat í
hreppsnend tvö kjörtímabil. Fjall-
skilastjóri var hann um tíma og
einnig varaoddviti. Forðagæslu-
maður var hann um tíma, svo
nokkuð sé nefnt. Sveinn var alger
bindindismaður bæði á vín og
tóbak og átti hann sæti í áfengis-
vamamefnd Eyjafjarðarsýslu um
árabil. Eftir að hann fluttist til Dal-
víkur var hann í stjórn félags aldr-
aðra á Dalvík og húsvörður um
skeið við ráðhús Dalvíkur.
Sveinn fylgdist vel með málum
sem efst vom á baugi hveiju sinni
og einnig þjóðmálum. Hann fylgdi
skoðunum sínum fast eftir ef því
var að skipta, var oft mjög hnytt-
inn í tilsvörum, er sló oft þann út
af laginu er rökræddi við hann.
Hann tók vel græskulausum gam-
anmálum og skein þá oft hýr
glettni úr augum hans. Á kok-
mælgi og stóryrðum hafði hann
andstyggð og vart vil ég trúa að átt
hafi hann sér óvildarmann á ævi-
göngu sinni, því að slíkur dreng-
skaparmaður var hann.
Eg var djúpt snortinn er ég las
minningarorð Valdísar Gunn-
laugsdóttur um tengdaföður sinn,
hversu náið hún hefur kynnst
mannkostum Sveins, heiðarleika,
trúmennsku og falslausri hjarta-
hlýju. Við orð Valdfsar er vart
nokkru að bæta, svo glöggt er lýst
valmenninu Sveini frá Þverá.
Góða Þórdís mín. Oft leitaði
hugur minn til þín, er lífsförunaut-
ur þinn af æðruleysi og karl-
mennsku, háði sína löngu baráttu
við óvæginn sjúkdóm. Víst bað
maður út í tómið um styrk þér til
handa að standast þessa erfiðu þol-
raun. En líf hvers manns er víst
svona. Gleði og þjáning, hamingja
og harmur. En ég veit Þórdís, að
minningin um góðan dreng mun
bregða birtu á leið þína og milda
harminn. Eg sendi þér og þínum
einlægar samúðarkveðjur frá mér
og systur minni.
Sigurjón Jóhannsson
SVARFDÆLABUÐ
S í MI : 4 6 6 3 2 1 1
466 1202
Páskasteikin í ár
Bayonneskinka.............
Reyktur svínakambur.......
Londonlamb................
Grillkryddað lambalæri....
Kjúklingar................frá
Svínahamborgarhryggur.....
Fléttaður lambahryggur....
777 kr./kg
777 kr./kg
892 kr./kg
859 kr./kg
599 kr./kg
899 kr./kg
959 kr./kg
Mikið úrval af páskaeggjum,
servíettum og kertum