Norðurslóð - 25.03.1997, Blaðsíða 6

TímamóT
Skírnir
Sunnudaginn 2. mars var skírð í Dalvíkurkirkju Emilía Eir. For-
eldrar hennar eru Halldór Sverrisson og Inga Rós Eiríksdóttir
Karlsrauðatorgi 24 Dalvík.
Afmæli
Þann 23. mars varð att- rtift ■
ræður Jóhannes Jó- á i éiifli
£ 1 hannesson frá Búrfelli, . ■ '!■
nú á Dalbæ. ; p
Þann 29. mars verður r - ' f
sjötug Friðgerður Odd- • 4.- i
mundsdóttir, Bárugötu 9 Dalvík f flk *
Norðurslóð ámar heilla.
Helgihald um páskana
Föstudagurinn langi kl. 20.30: Kyrrðarstund í Dalvíkurkirkju.
Lesin píslarsaga og sungin Litanía Bjama Þorsteinssonar.
Páskadagur kl. 8.00: Hátíðarguðsþjónusta í Dalvíkurkirkju Altar-
isganga.
Páskadagur kl. 13.30: Hátíðarguðsþjónusta í Urðakirkju. Hátíðar-
söngur.
Páskadagur kl 16.00: Hátíðarguðsþjónusta í Tjamarkirkju Hátíð-
arsöngur.
Sæplast hf.
Góð afkoma -
miklar framkvæmdir
Aðalfundur Sæplasts hf hefur
verið boðaður 5. apríl n.k. og um
leið hefur verið kynnt afkoma
fyrirtækisins á árinu 1996. Hagn-
aður var af rekstri fyrirtækisins
eins og lengst af áður.
Hagnaður af reglulegri starf-
semi fyrirtækisns jókst frá árinu á
undan en á árinu 1995 var sölu-
hagnaður eigna sem er ekki reglu-
leg starfsemi þannig að heildaraf-
koma ársins 1995 telst betri en síð-
asta árs. Eins og kunnugt er var
síðasta ár mikið framkvæmdaár hjá
Sæplasti hf. Þá var afkastageta
verksmiðjunnar á Dalvík ríflega
tvöfölduð og verksmiðjan gerð
tæknilega mjög fullkomin.
Heildartekjur fyrirtækisins námu
389,5 milljónum króna og höfðu
aukist um 2,4% frá fyrra ári. Sala á
innanlandsmarkaði var 46,9% af
heildartekjum og útflutningur nam
53,1% Sæplast hf seldi framleiðslu
sína til alls um 30 landa og er eitt
af stærstu fyrirtækjum heims í fram-
leiðslu fiskikerja. Stofnun verk-
smiðju á Indlandi sem áður hefur
verið sagt ffá styrkir fyrirtækið
hvað þetta varðar til muna.
Hagnaður árins nam 24,4 millj-
ónum króna og var arðsemi eigin
fjár 8,4% á móti 14% árið áður.
J.A.
Málningartilboð
Polytex 10
1 1 4 1 10 1
Staðallitir 470 1.880 4.700
Blandaðir litir ljósir 499 1.996 4.990
Blandaðir litir dökkir 750 3.000 7.500
Polytex 3
1 1 4 1 10 1
Staðallitir 390 1.560 3.900
Blandaðir litir ljósir 450 1.800 4.500
Blandaðir litir dökkir 520 2.080 5.200
FréttahorN
Carmina Burana eftir Carl Orff
verður flutt miðvikudaginn
26. mars nk. kl. 20:30 í íþrótta-
skemmunni á Akureyri. Kór Dal-
víkurkirkju undir stjórn Hlínar
Torfadóttur og Samkór Svarfdæla
undir stjóm Rósu Kristínar Bald-
ursdóttur taka þátt í tónleikunum
með Sinfóníuhljómsveit Norður-
lands, kórum Grenivíkur-, Lauf-
áss- og Svalbarðskirkna, kór Tón-
listarskólans á Akureyri og ein-
söngvurunum Michael Jóni Clarke
og og Amdísi Höllu Asgeirsdótt-
ur. Stjómandi er Guðmundur Oli
Gunnarsson.
Skólanefnd Húsabakkaskóla
ákvað á fundi sínum á dögun-
um að taka upp daglegan akstur
fyrir alla nemendur allan næsta
vetur. Þar með er langri sögu
heimavistar Húsabakkaskóla lokið
í þeirri mynd sem verið hefur. Aft-
ur á móti hafa verið til umræðu
hugmyndir um nokkrar „Langar
skólavikur“ þar sem skólastarfið
verður brotið upp og unnið alfarið
með afmörkuð efni t.d. íþróttir,
tölvufræðslu, listgreinar osfrv. og
skóladagar teygðir fram á kvöldið.
Þá gisti nemendur þessar vikur í
skólanum.
Fjárhagsáætlun Svarfaðardals-
hrepps hefur verið lögð fram til
fyrri umræðu. Skatttekjur hrepps-
ins á árinu eru áætlaðar 35 milljón-
ir. Rekstur málaflokka nemur 31,7
milljón en eignfærðar fjárfestingar
frá áramótum eru 10,2 milljónir.
Stærsti útgjaldaliður eru sem fyrr
fræðslumálin. Þau nema tæpum 24
milljónum og af því er hlutur
Húsabakkaskóla um 15 milljónir.
Ráðinn hefur verið nýr veitu-
stjóri á Dalvík. Sá heitir Þor-
steinn Bjömsson og starfaði áður
sem bæjartæknifræðingur á Olafs-
firði. Var hann valinn úr hópi 7
umsækjenda og er gert ráð fyrir að
hann hefji störf nú um mánaða-
mótin. Fyrrverandi veitustjóri
Amar Snorrason hefur sem kunn-
ugt er ráðist til vinnu hjá Sæplasti.
á hefur verið ráðinn nýr fram-
kvæmdarstjóri hjá Hreini hf. en
Margrét Björgvinsdóttir sem gegnt
hefur því starfi óskaði eftir að
draga sig út út því. Nýi fram-
kvæmdastjórinn heitir Grétar
Steindórsson. Hann lærir við-
skiptafræði í Bandaríkjunum og
hefur leikið með knattspymuliði
Dalvíkur að undanfömu.
Eins og sagt var frá í síðasta
blaði Norðurslóðar var Snæ-
fellið, sem Útgerðarfélagið Njörð-
ur hf. á Dalvík gerir út, sent á
rækjuveiðar til Namibíu. Skipið
hefur nú verið að veiðum í þrjár
vikur og hefur veiðin verið mjög
dræm. Skipið er nú að reyna fyrir
sér við veiðar á öðmm tegundum.
Ekki eru mörg íslensk skip á veið-
um við strönd Afríku en svo vill til
að tvö þeirra tengjast mjög Dalvík,
það er Snæfellið og Dalborg.

Þinghúsið á
Grund
Eftirsótt
húseign
Þinghúsið á Grund hefur nú lok-
ið löngum og giftudrjúgum ferli
sem samkomuhús Svarfdæla.
Norðurhluti hússins er meira en
100 ára gamall. Var hann upp-
haflega reistur á Tungunum en
síðan fluttur að Grund og var
þar starfræktur skóli allt fram
til þess að Húsabakkaskóli var
vígður 1955.
Með tilkomu hins nýja félags-
heimilis Rima, stendur Þinghúsið
nú verkefnalaust og hafa eignarað-
ilar þess (Svarfaðardalshreppur og
Ungmennafélagið Þorsteinn Svörf-
uður) og fleiri haft af því nokkrar
áhyggjur hvað gera ætti við þetta
gamla og lasburða hús. Þær áhyggj-
ur virðast hins vegar ástæðulausar
því nú þegar hafa einir þrír aðilar
lýst áhuga sínum á að eignast hús-
ið. Einn hefur óskað eftir athugun
á því hvort húsið heyrir undir
húsafriðunarlög. Annar hefur ósk-
að eftir leigu eða kaupum á húsinu
undir atvinnurekstur og sá þriðji
hefur sótt um að kaupa húsið til að
gera það upp sem íbúðarhúsnæði.
Vandinn er sá að eignaraðilar era
tveir, Eldri, nyrðri hlutinn er í eigu
hreppsins en þann nýrri, steypta
viðbyggingu við suðurendann,
byggði Ungmennafélagið Þorsteinn
Svörfuður á sínum tíma. Ung-
mennafélagið hefur óskað eftir því
við Svarfaðardalshrepp að hann
kaupi hlut félagsins í byggingunni
og hreppurinn hefur gert gagntil-
boð sem hljóðar uppá 400 þúsund
krónur. Málið er því hjá Ung-
mennafélaginu í bili og ef af samn-
ingum verður þarf að samþykkja
þá á aðalfundi félagsins áður en af
kaupum getur orðið. Þá fyrst er
hægt að ráðstafa húsinu til vænt-
anlegs kaupanda eða leigjanda.
Sögu Grundarinnar virðist því frá-
leitt lokið hver svo sem framtíð
hennar verður.
Leikhópurinn VIÐ
Þrjár sýningar á einu ári!
Leikhópurinn VIÐ stóð nýlega
fyrir leiksýningu í Ungó og var
það þriðja sýning hópsins á að-
eins einu ári. Leikhópurinn VIÐ
samanstendur af unglingum úr
9. og 10. bekk sem hafa gert sér
það til gamans að semja, æfa og
sýna leikrit.
Friðrik Hjörleifsson er einn
þessara kraftmiklu unglinga og
hann féllst á að segja okkur örlítið
frá þessu unga athafnafólki.
Hverjir eru VIÐ?
„VIÐ eram 15-20 krakkar sem
tengjast leikhópnum og héldum
einmitt upp á eins árs afmæli hóps-
ins þann 1. febrúar sl., en þá var ár
liðið frá því leikhópurinn Saga
kom hingað í heimsókn og varð
kveikjan að þessari starfsemi. Við
byrjuðum í Gimli en sprengdum
það fljótlega utan af okkur og
fengum aðstöðu hjá Leikfélagi
Dalvíkur í Ungó þar sem við höf-
um verið síðan en leikfélagið hefur
sýnt okkur mikinn stuðning og
verið okkur innanhandar um ýmis-
legt. Einnig hefur Sparisjóður
Svarfdæla stutt okkur fjárhagslega
en það kostar alltaf einhverja pen-
inga að koma upp leiksýningu."
Hvaðan kemur þessi mikli
áhugi ykkar á leiklist?
„Þessi hópur hefur verið mikið
saman innan skólans og brallað
Friðrik t.h. sem Þórunn Bergsdóttir
skóla stjóri og svo hún sjálf.
ýmislegt í gegnum tíðina og svo
hefur þetta komið af sjálfu sér að
okkur langaði að gera eitthvað
alveg sjálf. BÍVA, leikritið sem
við sýndum núna síðast, var þriðja
sýning okkar og sú sem við lögð-
um mest í. Eg samdi leikritið sem
tók einn og hálfan tíma í flutningi
en fram að því hafði hópurinn séð
um að semja. Það voru átta sýning-
ar á BIVA og aðsóknin hefði mátt
vera betri.
Hvað erBÍVA?
„Leikritið er um fólk sem býr í
litlu þorpi í Ameríku. Þar vaxa
peningamir ekki á trjánum frekar
en annars staðar. En þau detta í
lukkupottinn og vinna stóra pen-
ingaupphæð. Þau flytja til Wash-
ington og þar reyna aðrir að njóta
góðs af peningunum. BÍVA er guð
fjölskyldunnar, rétt eins og við trú-
um á Jesú. Fjölskyldan þarf að
hlíta nokkrum reglum sem era hálf
snúnar eins og t.d.: „Eigi mega
konur þrifa milli sextánda og sex-
tugasta árs, ef þær gera það munu
þær breytast í karlmenn innan sól-
arhrings!““
Hvernig gengur að sinna leik-
listinni með skólanum?
„Fyrst þegar við voram að byrja
gleymdist skólinn alveg og reynd-
ar allt annað líka, mamma sendi
mér t.d. mat niður í Ungó! Núna
erum við skipulagðari og reynum
að láta skólann ekki sitja á hakan-
um. Það er líka frábært að finna
hvað Þórunn skólastjóri sýnir okk-
ur mikinn áhuga og hvetur okkur í
því sem við eram að gera.“
Hvert er framhaldið hjá ykkur?
„Við sem eram í 10. bekk
förum flest í framhaldsskóla og
munum örugglega finna okkur í
félagslífinu þar, t.d. í leiklistarhóp-
unum. Sjö af okkur vorum með í
uppfærslu Leikfélags Dalvíkur á
Stútungasögu fyrr í vetur og þar
fengum við að kynnast leiklistinni
betur og það varð til að vekja enn
meiri áhuga hjá mörgum okkar.
Svo höfum við líka verið að fikta
við að taka upp á myndband ýmsa
vitleysu og kannski leggja sum
okkar þann miðil fyrir sig.
Norðurslóð þakkar Friðriki fyr-
ir viðtalið og óskar leikhópnum
alls hins besta með von um að sjá
meira af þeim í framtíðinni. hg