Morgunblaðið - 16.03.2018, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 16. MARS 2018
Höskuldur Daði Magnússon
hdm@mbl.is
„Þetta er skemmtilegt verkefni,
mjög gaman,“ segir veitingamaður-
inn Ólafur Örn Ólafsson sem undir-
býr nú að opna gamla Hagavagninn
við Sundlaug Vesturbæjar að nýju.
Búið er að rífa út gamlar innrétt-
ingar og tæki og stefnt að því að
vagninn verði opnaður í maí. Meðal
eigenda eru eigendur Geysis-
verslananna.
Hagavagninn er eitt af þekktari
kennileitum Vesturbæjar Reykja-
víkur. Næstum fjórir áratugir eru
síðan pylsuvagn var opnaður við
Vesturbæjarlaug og fékk hann síðar
nafnið Hagavagninn. Hann hefur
verið lokaður síðasta árið. Haga-
vagninn hefur löngum notið vin-
sælda – enda þykir mörgum nauð-
synlegt að fá sér í gogginn eftir góða
sundferð. Það er því von að Vestur-
bæingar fagni þessum tíðindum.
Sífellt meira líf er að færast í
þennan hluta Vesturbæjarins. Kaffi-
hús Vesturbæjar var opnað fyrir
tæpum fjórum árum hinum megin
við Hofsvallagötuna og von er á því
að Brauð & co opni þar bakarí á
næstunni. Ólafur vill ekki upplýsa
nákvæmlega um hvað verði á mat-
seðlinum en játar því að þarna verði
áfram seldir hamborgarar. „Þetta er
allt á mjög miklu byrjunarstigi,“
segir Ólafur sem hefur lagst í miklar
rannsóknir á hamborgurum að und-
anförnu.
„Ég er að vinna með bakara að því
að finna rétta brauðið og er að gera
tilraunir með kjötið. Það þarf að
finna út hvaða hlutar eru bestir í
hakkið. Svo stefni ég á að fara upp á
næsta stig í að gera djúsí grænmet-
isborgara,“ segir Ólafur, sem þekkt-
ur er fyrir framgöngu sína í mat-
reiðsluþáttum í sjónvarpi en hefur
komið að opnun og rekstri fjölda
veitingastaða, svo sem Dills, auk
þess að stjórna matarmarkaðinum
Krás.
Morgunblaðið/Hari
Nýir tímar Ólafur Örn Ólafsson veitingamaður opnar Hagavagninn á ný.
Fornfrægur matarvagn öðlast nýtt líf
 Þekktur veitingamaður opnar Hagavagninn að nýju
Upphafið Auglýsing sem birtist
í Vísi í ágústmánuði árið 1980.
Agnes Bragadóttir
agnes@mbl.is
Landsfundur Sjálfstæðisflokksins
hefst í dag og stendur þar til síðdegis
á sunnudag. Fundurinn er að venju
haldinn í Laugardalshöllinni.
Laugardalshöll verður opnuð kl.
08.45 í dag og verða fundargögn þá af-
hent landsfundarfulltrúum. Kl. 16.30
hefst dagskráin, með ræðu formanns-
ins, Bjarna Benediktssonar.
Dagskrá verður svo fram haldið kl.
09.00 í fyrramálið með kjöri stjórn-
málanefndar og kynningu á drögum
að stjórnmálaályktun.
Að því búnu flytur framkvæmda-
stjóri flokksins skýrslu sína.
Frá kl. 09.50 til kl. 11.30 verður fyr-
irspurnatími, þar sem flokksforystan
situr fyrir svörum. Kl. 15 á morgun
flytja frambjóðendur til formanns,
varaformanns og ritara, þau Bjarni
Benediktsson, Þórdís Kolbrún R.
Gylfadóttir og Áslaug Arna Sigur-
björnsdóttir framboðsræður sínar. Í
gær var ekki vitað um fleiri framboð í
þessi forystusæti flokksins.
Á sunnudag verður málefnastarfi
haldið áfram á fundinum frá kl. 09.00.
Reiknað er með að kosning til for-
manns, varaformanns og ritara hefj-
ist kl. 13.55. Kl. 14.00 verði stjórn-
málaályktun fundarins afgreidd og
fundinum ljúki kl. 16.00 með ávarpi
formanns Sjálfstæðisflokksins.
Morgunblaðið/Eggert
Heiðruð Petrea Jónsdóttir var heiðruð fyrir áratuga störf í þágu Sjálfstæðisflokksins á hófi Landssambands Sjálf-
stæðiskvenna í gærkvöldi. Með henni á myndinni eru Gréta Ingþórsdóttir og Vala Pálsdóttir formaður LS.
Óvíst um mótframboð
 Landsfundur Sjálfstæðisflokksins hefst í dag í Laugardals-
höll og stendur til sunnudags  Fundargögn afhent frá 08.45
Agnes Bragadóttir
agnes@mbl.is
Sigrún Jenný Barðadóttir, sem
leiddi störf fjárlaganefndar Sjálf-
stæðisflokksins við samningu draga
að ályktun landsfundar flokksins
um fjárlög, segir að ein málsgrein í
drögunum, sem ekki samræmist
stefnu Sjálfstæðisflokksins um
upptöku alþjóðlegs gjaldmiðils,
verði fjarlægð úr drögunum og vís-
að til efnahags- og viðskipta-
nefndar.
Bjarni Benediktsson, formaður
Sjálfstæðisflokksins og fjár-
málaráðherra, sagði í samtali við
Morgunblaðið í gær, spurður um
álit á hugmyndum fjárlaganefndar
um að taka hér upp alþjóðlegan
gjaldmiðil: „Ég ætla ekki að tjá mig
um drög að ályktun, sem lands-
fundurinn á eftir að fjalla um. Hins
vegar get ég sagt að ég er ekki
þeirrar skoðunar, að við eigum að
stefna að upptöku annars gjaldmið-
ils. Ég er þeirrar skoðunar að það
hefði verið stórkostlega ábyrgð-
arlaust að eiga ekki í handrað-
anum, ný þjóðhagsvarúðartæki,
samhliða haftaafnáminu, til þess að
sýna fram á að við myndum ekki
láta það gerast aftur, að vaxtamun-
aviðskipti færu af stað. Þess vegna
studdi ég eindregið upptöku þess-
ara þjóðhagsvarúðartækja, sem fel-
ast í þessum inngripum Seðlabank-
ans. Það er síðan önnur umræða
hversu skarpt eigi að beita tækj-
unum. Þá umræðu munum við taka
á Alþingi á næstunni,“ sagði Bjarni.
Málsgreinin sem um ræðir fjallar
um afnám fjármagnshafta, en þar
segir, eftir að afnámi hafta hefur
verið fagnað: „Meðferð Seðlabank-
ans á þeim tækjum sem enn eru
fyrir hendi að þessu leyti er ekki
trúverðug. Ef ekki er unnt að fella
niður valdheimildir Seðlabankans
til að tempra innflæði gjaldeyris
hlýtur næsta skrefið að vera upp-
taka alþjóðlegs gjaldmiðils.“
Heyrir undir aðra nefnd
Sigrún Jenný var í gær spurð
hvort drög nefndarinnar að álykt-
un, um upptöku alþjóðlegs gjald-
miðils væru ekki þvert á stefnu
Sjálfstæðisflokksins: „Jú, það er
rétt, að þetta er ekki í samræmi við
stefnu flokksins, enda get ég fullyrt
að þessi setning verður tekin út úr
drögunum strax í fyrramálið.
Í raun falla ríkisfjármál, afnám
gjaldeyrishafta og peningastefna
ekki undir fjárlaganefnd, heldur
efnahags- og viðskiptanefnd, “
sagði Sigrún Jenný.
Drögum fjárlaga-
nefndar breytt
 Ekki í samræmi við stefnu flokksins
Liðsmenn úr Slökkviliði höfuðborg-
arsvæðisins (SHS) voru við Elliða-
vatn að æfa björgun úr vök þegar
ljósmyndara Morgunblaðsins bar
að. Þá voru tveir komnir upp á end-
ann á ísbretti og sá þriðji að toga þá
upp á ísbrúnina.
Hafsteinn Halldórsson, aðstoðar-
varðstjóri hjá SHS, sagði að þegar
hlýnaði í veðri yrði ís á vötnum
varasamur. Færi fólk niður um ís-
inn gæti verið erfitt að komast upp
úr vökinni. Hann rifjaði upp útkall
sem hann fór í þegar kona fór niður
um ís á Rauðavatni og komst ekki
upp úr af sjálfsdáðum. Þá kom ís-
brettið að notum við björgunina.
Ísbrettið flýtur og er hægt að róa
því út á vatn. Það dreifir þunganum
og fer síður niður um veikan ís en
mannsfóturinn. gudni@mbl.is
Æfðu björg-
un úr vök
með ísbretti
Morgunblaðið/Árni Sæberg
Rýmingu tveggja
reita undir
Strandartindi í
Seyðisfirði var
aflétt eftir há-
degi í gær en þá
hafði dregið úr
úrkomu og hætta
á votum snjóflóð-
um minnkað. Á
níunda tímanum
í gærkvöldi var
svo óvissustigi vegna snjóflóða-
hættu aflýst á Austurlandi.
Morgunblaðið ræddi við Tómas
Jóhannesson, jarðeðlisfræðing á
snjóflóðavakt Veðurstofunnar í
gærkvöldi. Hann sagði töluvert
hafa fallið af blautum snjóflóðum
víða í Norðfirði í gær og sömuleiðis
hefðu lítil flóð runnið í Seyðisfirði.
Meiri úrkoma var á sunnanverðum
fjörðunum en í Seyðisfirði og norð-
ar og féll regn í efstu hlíðum, sem
skapaði hættu á blautum flóðum.
athi@mbl.is
Óvissuástandi aflýst
á Austurlandi
Óvissa Rýmingu
var aflétt í gær.