Freyr - 01.12.1924, Blaðsíða 4

4. SÍÐA
F R E Y R
F R E Y R
Heimilisblat?
Kemur út mánabarlega.
Ver3 Sl.r.O a ftrl.
Borgist fyrirtram.
Útgefandi:
S. B. BBNEDICTSSON.
760 Wellington Ave.
Winnipeg, Manitoba, Canada.
Prenta'5 hjá
THE CITT PRINTING & PUBL. CO.
WINNIPEG, DESEMBER, 1924
Freyr
kemur fram á sjónarsviðiS full-
ur vonar um góða framtíð.
Hann lofar að flytja fróðleik og
skemtun inn á livert það heimili
sem hann fær að koma.
Aðalstefna hans er að fræða
og skemta. Hann talar bæði í
gamni og alvöru eftir ástæðum.
Hann ann sannleik, fegurð og
réttlæti. Hann vill vera ófölsk
rödd frelsisins. Hann ann bind-
indi og dýraverndun, skáldskap
og listum. Hann vill gera sitt
bezta til að tryggja þjóðernis-
böndin meðal íslendinga. Hann
ætlar að sneiða alveg hjá flokks
málum, sérstaklega í kirkju-
málum og stjórnmálum. Hann
ann skoðanafrelsi, ritfrelsi/ og
málfrelsi. Hann vill engan
meiða, en alla gleðja. Hann
ætlar að flytja sögur og Ijóð,
fróðlegar ritgerðir, skrítlur,
fréttapistla og smálvegis um
hitt og þetta. Hann óskar eftir
sveitafréttum, en getur ekki
tekið langar ritgerðir. Vill ekki
lenda í deilum, ef unt er að
komast hjá því, og tekur ekki
neitt, sem er persónulegt.
Hann er óháður öllu valdi,
nema því góöleiks valdi, sem
stjórnar æðri hvötum og ástríð-
um mannanna.
Eg sendi hann svo frá mér
með þeirri ósk og beiðni, að
honum sé gefið tækifæri til að
lifa og sýna, hvað úr honum
getur ræzt.
Með vinsemd
Útgefandinn.
------0-----
FREYR verður sendur öllum
þeim, sem útgefandinn nær til,
og þeir beðnir að veita honum
viðtöku. Og þeir sem ekki hafa
sent hann til baka fyrir 15.
janúar 1925, verða skoðaðir
sem líklegir kaupendur.
Þeir sem síður vildu binda sig
við heilan árgang í bráð, geta
sent mér 50c sem borgun fyrir
fjóra mánuði.
Mig vantar reglulegan útsölu-
mann við hvert pósthús. Þeir
sem vildu taka að sér útsölu á
Frey, geri svo vel að láta mig
vita það hið allra fyrsta.
Útg.
------0-----
Sumir halda því fram að
kirkjan hafi brugðist friðar-
hugsjónum manna. Það er
kanske satt að vissu leyti, en
mín skoðun er sú, að þar leggi
menn of harðar kröfur á hend-
ur henni. Fyrst og fremst var
málfrelsi hennar takmarkað á
stríðstímunum. Svo saman-
stendur hún af herskylduðum
mönnum. Þeir urðu að fara í
stríðið. Mæður þeiirra, konur
og systur stóðu í kirkjunni.
Þeim var ant um að stríðið ynn-
ist. Hver hugsaði um sig og
sína. Þjóðræknin var alstaðar
eins og illur vættur. Við hana
réði kirkjan ekki. Svo voru at-
vinnumál og verzlunarmál vaf-
in og tvinnuð saman í trúar-
s’koðanir manna og kirkjulíf.
Að öllu þessu athuguðu vildi eg
ekki kasta þungum steini að
kirkjunni. Orsakir stríðsins
finnast ál öðrum sviðum.
Hvenær á að ræða og rita um
frið ? Á friðartímum verður
það mál að ræðast, því á ófrið-
artímum verður ekki hlustað á
slíkt óþarfahjal. Þá eru flest-
allir svo þjóðræknir, að öll
mannúð og sálargöfgi verður
að lúta í lægra haldi.
Svo eru stríðin eins og hvert
annað forlaga atriði. Þegar
stríðin eru að skella á, þá er
orðið of seint að hindra þau.
Það er ekki svo að skilja, að
þau séu ekki ávalt jafn-röng,
jafn-óttaleg, jafn-djöfulleg, held-
ur er það svo, að þau eru háð
lögmáli orsaka og afleiðinga.
Þau eru afleiðing en ekki or-
sök.
Til að koma í veg fyrir stríð,
verður að byrja það verk löngu
áður en atvikin hafa skapað
stríðskringumstæðurnar. Á frið-
artímum á því að ræða um frið,
en ekki á stríðstímum. Þetta
eru söguleg sannindi og sálar-
fræðisleg vissa.
-----0-----
ÁTTA STUNDA VINNUDAGUR
Ef átta stunda vinnudagur
er nefndur á nafn, verða margir
eins og boli, sem sér rauða
dulu. Þeir snúa um í sér aug-
unum og fara að muldra um
“lata verkamenn”. Aldrei hef-
ir heyrst meiri þröngsýni.
Það er þó hægt að sýna, að
frítímar manna hafa iðnaðar-
lega þýðingu eigi síður en bein
vinna.
Framleiðsla erfiðismannsins
verður ekki mæld eftir þeim
tíma, sem hann eyðir við starfs-
áhöldin. Vel eyddur frítími
getur haft beina þýðingu fyrir
framleiðsluna. Hann getur haft
þau áhrif að auka ótakmarkan-
lega þjóðlega auðlegð. í því
tilfelli fær auðmaðurinn hærri
hluta í sinn ágóða. En fengju
nú verkamenn átta stunda
vinnudag, myndu þeir þá verja
frítíma sínum vel? Sem svar
upp á þessa spurningu er Sví-
þjóð gott dæmi til skýringar.