Helgarpósturinn - 26.07.1984, Blaðsíða 21

persónu út á við. Þetta olli fjöl-
skyldu minni að síðustu mjög miklu
hugarangri. — Og gerir enn! Nú,
þegar farið var að kanna málið þá
fannst auðvitað hvergi minnsti fót-
ur fyrir þessum rógburði, þessu
lyktaði þannig að borgarstjóri lofaði
að koma með skriflegar skýringar á
ástæðum uppsagnarinnar. Nokkrir
borgarfulltrúar minnihlutans kváð-
ust ekki myndu taka við skýrslunni
sem trúnaðarmáli nema ég fengi að
sjá hana sem ég aldrei fékk. Trúnað-
ur forstjóra SVR og borgarstjóra átti
alltaf að vera til að vernda mig en
það hef ég aldrei beðið um. Ég hef
ekkert gert sem ekki þolir dagsins
ljós. Á fundinum kynnti borgarstjóri
skýrsluna með því fororði að ég
fengi aldrei að sjá hana. Svo ég
stend í þeirri undarlegu stöðu að til
eru þykkar skýrslur um mig í borg-
arkerfinu sem menn lesa afturábak
og áfram en er haldið leyndum fyrir
mér, einum málsaðila. Niðurstaðan
er því sú að þeir hafa ekkert á mig
r.ema það að ég hafði mínar skoð-
anir á Strætisvögnum Reykja-
víkur."
„Hin raunverulega
saga“
,,Ég held að ein af hinum raunveru-
legu orsökum fyrir uppsögn minni
séu afskipti mín af tengslum Sjálf-
stæðisflokksins og SVR. Af því til-
efni skrifaði ég borgarstjóra í fyrra
þar sem kom fram að ef hann tæki
ekki að sér að slíta þau óeðlilegu
tengsl sem eru milli Sjálfstæðis-
flokksins og Strætisvagna Reykja-
víkur þá myndi ég taka að mér að
segja borgarbúum frá þessu, sem ég
svo gerði í vetur og var rekinn
nokkrum dögum seinna."
„íslenska
þjódkirkjan“
En Magnús hefur áhuga á f leira en
Strætisvögnum Reykjavíkur og
meðferðinni á sér þar. Hann hefur
mótað sér ákveðin lífsviðhorf, sem
hann eftir fremsta megni lifir eftir.
„Ég trúi á Guð með stóru G-i. Ég
trúi á líf eftir dauðann og á umbun
verka annars staðar eftir jarðlífið.
Samt er ég ekki í íslensku þjóðkirkj-
unni. Það er meðal annars af trúar-
legum ástæðum, en samt er
ákaflega margt sem fellur að
mínum hugmyndum úr kristni
samanber kærleiksboðorðið. Ég lifi
eftir einu boðorði trésmiðsins frá
Nazaret, Jesú nokkurs Jósefssonar:
„Það sem þér viljið að aðrir menn
gjöri yður það skuluð þér og þeim
gjöra". Ég tel þetta vera einu
lífsregluna sem réttlátt fólk geti
lifað eftir svo vit sé í. Varðandi
úrsögnina úr þjóðkirkjunni þá var
sérstök ástæða fyrir henni.
Dómorganistinn minn Ragnar
Björnsson var rekinn úr starfi sínu
fyrir svipaðar sakir á svipaðan hátt
og ég á sínum tíma. Það var þá sem
ég sagði mig úr iögum við þetta um-
burðarlynda fyrirtæki, íslensku
þjóðkirkjuna. Samt fer ég oft í kirkju
og styð hana af sumu leyti
fjárhagslega."
„Ég dey líklega ekki
úr elli“
„Ég er þó um flest sammála Forn-
Grikkjum varðandi heimsmyndina.
Þeir sögðu að lífið á jörðinni væri
komið frá stjörnunum og færi aftur
til stjarnanna. Ég er þeirrar skoðun-
ar að framhaldslíf okkar geti alveg
eins átt sér tilvist einhvers staðar
annars staðar í alheiminum. Ég er
sammála mörgu sem dr. Helgi Pjet-
urs sagði fyrr á öldinni, en það hefur
hann meðal annars frá Forn-Grikkj-
um. Og ég trúi líklega á dómsdag
líka. Ég þarf nú ekki annað en að
líta á stöðu heimsmála í dag til að sjá
það að ég dey líklega ekki úr elíi.
Það skyldi þó ekki hafa verið rétt
sem opinberunarbók Jóhannesar
segir: „Og eldtungur munu upp rísa
úr himnum og himnarnir glóa“.
Þetta þykir mér afskaplega skorin-
orð lýsing á kjarnorkustyrjöld dags-
ins í dag, því miður. Menn hefur
ekki grunað hvernig þetta myndi
framvindast með tækninni og hatr-
inu. En samt virðist höfundur inn-
sæisins hafa haft eitthvað fyrir sér í
þessu."
„Útilokaö ad viö
höfum oröiö til viö
fœöinguna eöa
getnaöinn“
„Ég lít ekki á mannkynið sér. Ég
lít á allt jarðlífið í heild sinni. Ég er
þeirrar skoðunar að eitthvað hafi
farið úrskeiðis í árdaga þróunar lífs-
ins hér á jörðunni, og af því súpum
við seyðið enn í dag. Maðurinn
gegnir því hlutverki, að mínu mati,
að vera eina dýrategundin sem
hefði getað og gæti forðað þessu, en
gerir það ekki. Svo er spurning
hvort það hafi verið tilviljun að
hann kom fram með vitræna eigin-
leika. Það má ímynda sér að Guð
hafi gefið manninum þessa hæfi-
leika til að betrumbæta. Ég hef þá
trú að líf ið á jörðunni sé ekkert eins-
dæmi, það beri fremur að tala um
lífið í alheiminum. Ég held að lífið í
alheiminum tengist bæði lífinu eftir
jarðlífið og eigi sínar ástæður fyrir
upphafi lífsins á jörðunni. Saman-
borið við það sem Einstein sagði
forðum að „ekkert verður úr engu“
þá er útilokað að við höfum orðið til
við fæðinguna eða getnaðinn."
pólitík fyrir sér stöðu flokksins í
höfuðborginni um þessar mundir.
Ólafur Jóhannesson, fyrrum for-
ingi flokksins, er fallinn frá en í
þingsæti hans er óreyndur maður,
Haraldur Ólafsson lektor, sem
enginn veit hvemig mun reynast
eða hvort hann nær jafn óumdeil-
anlegri stöðu innan flokksins og
forveri hans. Kristján Benedikts-
son borgarfulltrúi er talinn ætla
að hætta setu sinni í borgarstjóm
næst eftir 20 ára setu þar. Það mun
hafa verið ætlun hans við síðustu
borgarstjórnarkosningar en ekki
varð af því. Þau sem heist em talin
líkleg til að taka við af honum em
Gerður Steinþórsdóttir borgar-
fulltrúi og Alfreð Þorsteinsson,
forstjóri Sölu vamartiðseigna.
Hvomgt þeirra hefur þó ótvírætt
styrka stöðu og þykir því Reykja-
víkurvígi Framsóknarflokksins
með veikara móti um þessar
mundir...
lEn það er fleira fréttnæmt úr
herbúðum Framsóknarflokksins.
Þær deilur sem urðu á aðalfundi
fulltrúciráðs flokksins í Reykjavík
vegna kosningar í stjóm hússjóðs-
ins standa enn. Aðild SÍS að Isfilm
hefur valdið sundmngu meðal
flokksmanna og gjaldþrot Endur-
tryggingafélags Sænvinnutrygginga
hf. er enn ein bensíngusan í eldhaf-
,ið. Klofningur er því áberandi með-
al framsóknarfólks...
lEftirspum eftir laxveiðileyf-
um stórjókst þegar góðar aflafrétt-
ir fóm að berast í upphcifi laxveiði-
vertíðarinnar og mun töluvert um
að veiðileyfi gangi nú kaupum og
sölum á „yfirverði". Þeir sem fylgst
hafa með laxveiðum í langan tíma
benda þó á það, þótt ekki fari það
hátt, að góð veiði í upphafi lax-
veiðib'ma sé síður en svo trygging
fyrir góðu laxveiðisumri. Þvert á
móti hafi það oftsinnis verið þann-
ig að þegar veiði hefur verið góð í
upphafi tímans, hafi hún dofnað
mjög þegsir á sumarið leið og verið
léíeg þegar á heildina er litið. Mun
slíkt hafa gerst síðast árið 1980...
TAKIÐ ÞATTI HAPPDRÆTTI
HELGARPÓSTSINS
TIVOLI
8 börn fara til Kaupmannahafnar í
helgarferð með Flugleiðum föstu-
daginn31. ágúst. Fariðverðurí
Tívolí, dýragarðinn og Sirkus
Schumann.
Þið fáið einn miða fyrir hvern
fimmtudag sem þið eruð að selja,
og einn miða fyrir hver tíu blöð
seld.
Sölulaunin eru góð; t.d.: 36 blöð
seld gefa 420 kr. í laun og 4 happ-
drættismiða.
Verið með frá byrjun (það eykur
vinningsmöguléikana). Sölubörn
úti á landsbyggðinni snúi sér til
síns umboðsmanns.
Ný sölubörn hringið í síma 81511
og fáið hverfi. Blöðin eru send
heim.
HELGARPÓSTURINN
FLUGLEIÐIR
HELGARPÓSTURINN 21