Morgunblaðið - 02.10.2009, Blaðsíða 44

Úr Guð blessi Ísland Jón Ásgeir í sumarbústað.
Upptaka sem hann segist ekki hafa vitað af.
JÓN Ásgeir Jóhannesson er afar ósáttur við vinnu-
brögð Helga. „Við gerðum samning um það að við
myndum vinna saman þetta efni og hann sam-
þykkti það. Hann er hins vegar að svíkja það með
því sem hann hefur gert núna. Ekki nóg með það
þá er hann það óforskammaður að hann tekur upp
þegar hann segist ekki vera að taka upp og það er
eitthvað sem maður hefur aldrei lent í,“ segir hann.
Þannig að deilan snýst aðallega um það, að hann
hafi ekki látið vita af upptöku?
„Jú, jú, mér finnst það bara óheiðarlegt, þess
vegna vildi ég ekkert koma nálægt þessu.“
Er eitthvað í þessum atriðum sem má ekki sjást,
ertu að segja eitthvað sem þú vilt ekki að aðrir
heyri?
„Nei, nei, þetta snýst bara um það að menn voru
búnir að samþykkja að gera þetta með ákveðnum
hætti og hann kaus að þverbrjóta það,“ segir Jón
Ásgeir. Hann geti þó ekki stöðvað Helga í því að
hafa þessar tökur í myndinni.
Verða einhver eftirmál af þessu?
„Nei, nei, ég ætla ekki að gera honum það til
geðs,“ svarar Jón Ásgeir og svarar neitandi þeirri
spurningu hvort lögsókn sé í vændum.
Hann sagði að þú hefðir ýjað að því að framtíð
hans yrði ekki eins og hann hefði ímyndað sér, léti
hann verða af þessu...
„Nei ... ég held ég hafi nú ekki sagt það einhvers
staðar,“ svarar Jón Ásgeir. „Fyrir mér er hann
bara að kaupa sér „five minutes of fame“ og setja
mannorðið sitt að veði, það var það sem ég sagði við
hann.“
Þannig að málinu er lokið?
„Ég mun aldrei tala við þennan mann aftur.
Hann hefur sýnt af sér óheiðarlega framkomu og
mér skilst að aðrir séu ósáttir.“ Spurður að því
hverjir það séu segist hann hafa heyrt af því að
Geir Haarde sé einnig ósáttur.
„Óforskammaður“ og „óheiðarlegur“
 Jón Ásgeir ætlar ekki að lögsækja Helga
 Segist ekki einn um að vera ósáttur
44 MenningFÓLK
MORGUNBLAÐIÐ FÖSTUDAGUR 2. OKTÓBER 2009
 Það er ekki spyrja að hinum öfl-
uga ljóða- og listaflokki Nýhil sem
blæs nú til opins hljóðnemakvölds á
laugardaginn að hætti hipp-
hoppara. Í stað þess að rappa er
fólki gert að lesa ljóð og staðsetn-
ingin er ljóðræn, a.m.k. Bukowski-
leg, en öldurhúsið Bakkus mun
hýsa uppákomuna. Í kersknislegri
tilkynningu frá samtökunum segir
m.a.: „Það er bannað að smygla inn
drykkjum og þú verður að reykja í
gættinni en að örðu leyti er gert
ráð fyrir að partíið leysist upp í vit-
leysu, eymd og volæði … við mun-
um síðar meir geta rifjað það upp
með ljúfsárum söknuði hvað allt er
ömurlegt nú.“
Nýhilistar standa fyrir
„open mic ljóðafxxx“
Fólk
FYRIR rúmu ári auglýsti myndlistarmaðurinn Snorri Ás-
mundsson eftir að fá jarðneskar leifar fólks lánaðar til gerðar
í listaverk, nánar til tekið í vídeóverk. Hann sagði í viðtali hér
í Morgunblaðinu í ágúst í fyrra að á annan tug manna hefði
sýnt auglýsingu hans áhuga og hann væri að vinna í því með
lögfræðingi að útbúa plagg fyrir áhugasama að skrifa undir.
Eitthvað hefur líkleitin breytt um stefnu hjá Snorra því ný-
lega birtist viðtal við hann í List þar sem kemur fram að hann
er að fara að auglýsa um alla Evrópu, í ítölskum, frönskum,
þýskum og breskum blöðum eftir líkum í vídeóverkið.
„Leitin hér heima skilaði árangri en síðan fór ég í gegn-
um siðferðislega skoðun og ákvað að fresta verkinu um
ákveðinn tíma, m.a. út af ástandinu í þjóðfélaginu.
Nú er leitin hafin á ný og það eru engin landamæri,“
segir Snorri um líkleitina. „Ég vinn með ein-
staklingnum fyrir andlát og hann gefur leyfi fyrir áfram-
haldandi vinnu eftir andlát.“
Ertu að leita að dansfélaga? „Þetta er dansvídeó,“ svarar
Snorri og jánkar spurður hvort hann ætli að dansa við
líkið. Snorri vinnur að ýmsu um þessar mundir, von er á
bók frá honum fyrir jól t.d.. „Það er bók sem heitir Beauty
Swift Generation og er um þróuðustu kynslóðina af mann-
inum. Þetta er framhald af verkinu Beauty Camp
Weekend sem ég var með í Nýlistasafninu í
sumar,“ segir Snorri sem heldur til Rómar í
næsta mánuði til að taka þátt í Fish eye
festival. Þar sæýnir hann safn af tveggja
mínútna vídeóportrettum sem hann hefur ver-
ið að safna af fólki í sínu nánasta umhverfi.
ingveldur@mbl.is
 Forsala á opnar upptökur Da-
mien Rice hefst í dag kl. 10 á midi-
.is. Rice, sem heillaði heimsbyggð-
ina árið 2002 með hinni ægifögru
O, er Íslandsvinur mikill og ætlar
að taka upp næstu plötu sína í
einkar innilegu umhverfi – hér á Ís-
landi. Auk þess að
frumflytja nýtt efni mun Damien
leika lög af fyrri plötum sínum og
eftir flutninginn munu áhorf-
endur eiga kost á því að spyrja
tónlistarmanninn spjörunum úr.
Um fernar opnar upptökur verð-
ur að ræða dagana 4.-5. nóvember
og munu einungis 90 áhorfendur
komast inn á hverja fyrir sig.
Nákvæm staðsetning verður ekki
gefin upp fyrr en nokkrum klukku-
stundum áður en þær hefjast.
Hver vill eiga stund
með Damien Rice?
 Eitt er víst að Einar Bárðarson
klikkar ekki á að kokka upp hug-
vitssamlegar „plögg“-leiðir fyrir
útvarpsstöðina sína Kanann. Hann
og vaskir samstarfsmenn hans
auglýstu fyrir nokkru eftir skjald-
borginni sem ríkistjórnin lofaði
landsmönnum og gengu svo langt
að lofa peningaverðlaunum uppá
100.000 krónur fyrir þann sem
veitt gætu nokkrar vísbendingar
um það hvar skjaldborgin væri
niðurkomin. Sú upphæð hefur nú
verið hækkuð upp í 200.000 því að
enn finnst ekki tangur né tetur af
þessari borg. Hægt er að fylgjast
með leitinni af skjaldborginni í
beinni útsendingu alla virka
morgna í þættinum Egg og Beikon
á Kananum þar sem Einar fer á
kostum.
Kaninn hækkar fund-
arlaun upp í 200.000
Eftir Helga Snæ Sigurðsson
helgisnaer@mbl.is
GUÐ blessi Ísland. Þannig endaði
Geir H. Haarde, þá forsætisráð-
herra, sjónvarpsávarp sitt til þjóð-
arinnar 6. október í fyrra. Þessi
setning hefur orðið mörgum lista-
manninum innblástur, þ.á.m. kvik-
myndagerðarmanninum Helga Fel-
ixsyni sem ákvað þennan dag að
gera kvikmynd um hrunið. Titillinn
Guð blessi Ísland lá beint við.
Helgi ræddi við blaðamann í gær,
örþreyttur eftir annríki vikunnar,
ekki síst vegna þess að athafnamað-
urinn Jón Ásgeir Jóhannesson hefur
krafist þess að atriði með viðtölum
við hann og myndum verði klippt úr
myndinni og að tökum með honum
verði eytt. Liggur því beinast við að
spyrja Helga hvort Jón Ásgeir hafi
hótað honum.
„Eins og ég hef sagt mjög skýrt
þá er ekki hægt að túlka það sem
beinar hótanir. Þetta eru meira fyr-
irskipanir og þá gefið meira í skyn,
að ef ég geri ekki eins og mér er
sagt að gera sé framtíð mín ekki
eins og ég hafi hugsað mér hana,“
segir Helgi. Enginn annar hinna sk.
útrásarvíkinga hafi skipt sér af því
hvernig samtöl við þá séu notuð.
Það tók Helga fleiri mánuði að
landa viðtölum við víkingana.
Hvað fer svona fyrir brjóstið á
Jóni Ásgeiri?
„Ég tók upp hluta af viðtali án
hans vitundar,“ svarar Helgi.
Nú vita allir af þessum sam-
skiptum ykkar eftir umfjöllun í fjöl-
miðlum seinustu daga...
„Já, það var eiginlega þannig sem
ég svaraði, ég sá ekki aðra leið en að
láta vita af þessu. Þá væri ég strax
búinn að birta þetta og málið af-
greitt,“ segir Helgi. „Það er ein-
hvern veginn þannig að þegar mað-
ur vinnur í svona skapandi myndum
þá verða hlutir stórir sem manni
fannst ekki vera merkilegir.“ Helgi
vill ekki greina frekar frá þessum
atriðum, vill halda í hið óvænta. „Ég
er með stóra myndavél og ég bara
stilli henni upp og hún er í gangi.
Ég er ekki með falda myndavél og
ég er ekkert spurður að því hvort
myndavélin sé í gangi eða ekki. Ég
er bara að taka viðtal og ég set
myndavélina í gang og hún rúllar.
Þannig hef ég unnið þetta og það er
ákveðinn karakter í þessu.“
Andlit fallsins
Helgi segist hafa notað þessa að-
ferð til að nálgast „andlit fallsins“.
Hann hafi ekki fengið þá tilfinningu
að þetta væri viðkvæmt mál þegar
hann var að vinna myndina en kom-
ist að því eftir á að menn væru hör-
undsárir. „Ég get líka sagt, varð-
andi allt hitt fólkið sem ég hef verið
að mynda í marga mánuði, að ég hef
verið að mynda það margoft án þess
að það hefði hugmynd um að
myndavélin væri í gangi. Þar eru
mínar bestu myndir,“ segir Helgi.
Hin ómeðvituðu augnablik.
Þú hlýtur samt að skilja að Jón
Ásgeir sé þér reiður?
„Jú, jú, ég skil það en ég túlka
þetta á allt annan hátt en hann,“
svarar Helgi. Sumir séu viðkvæmari
en aðrir fyrir því að fólk sjái þá í
nýju ljósi, í ljósi sem þeir kæri sig
ekki um að varpað sé á þá.
Helgi segir frásögnina í myndinni
í raun „aksjónina“ hjá fólkinu sem
kemur fram í henni. Þar sé sterk
myndræn tjáning á ferð, hann sé
enginn rannsóknarblaðamaður,
reyni ekki að setja sig í slíkar stell-
ingar heldur sé hann ein af per-
sónum myndarinnar. Hvað útrás-
arvíkinga varðar sé aðalatriðið að
komast að því hvað drífi þá áfram
og síðast en ekki síst hvort það hafi
áhrif á heilsufar þeirra að hafa úr
milljörðum króna að spila.
„Þetta er grafalvarleg mynd, mik-
il sorgarsaga,“ segir Helgi. Jón Ás-
geir og félagar séu ekki aðalatriðið
heldur þeir Íslendingar sem urðu
fyrir tjóni af völdum hrunsins,
„venjulegt“ fólk. Í myndinni sé rætt
við fólk sem misst hafi aleiguna.
„Mig langaði til þess að gera kar-
akterdrama út frá ákveðnum per-
sónum sem ég fylgi í gegnum fallið,“
útskýrir Helgi og telur að myndin
sé jafnvel sú besta sem hann hafi
gert.
„Mikil sorgarsaga“
Morgunblaðið/RAX
Ólga Helgi Felixson á Austurvelli í gær, að mynda mótmælendur við setn-
ingu Alþingis. Mynd hans, Guð blessi Ísland, er þegar orðin umdeild.
Frekari fróðleik um verk Helga má
finna á felixfilm.se. Myndin verður
frumsýnd 6. október næstkom-
andi.
 Guð blessi Ísland er fyrsta kvikmyndin í fullri lengd um efnahagshrunið  Jón
Ásgeir Jóhannesson krafðist þess að atriði með honum yrðu klippt úr myndinni
Snorri Hefur nóg að gera.
Auglýsir eftir látnum dansfélaga um alla Evrópu