Morgunblaðið - 21.10.1980, Blaðsíða 3
MORGUNBLAÐIÐ, ÞRIÐJUDAGUR 21. OKTÓBER 1980
3
Kjartan Jóhannsson varaformaður
Alþýðuflokksins:
Ekki rétt af mér að
koma í veg fyrir það
að val eigi sér stað
„ÞAÐ sem Keröist var það. að margt af ágadu flokksfólki. hér og þar
á landinu og á öllum aldri. óskaði eftir þessu við mig o« þótt ég hafi
framundir þetta ekki talið rétt að ){efa kost á mér, þá hef ég nú komizt
að þeirri niðurstöðu, að það sé ekki rétt af mér að koma í vej? fyrir
það, að val eigi sér stað," sagði Kjartan Jóhannsson. varaformaður
Alþýðuflokksins, í samtali við Mbl. í gær um ást&‘ður þess að hann
hefur ákveðið að Kefa kost á sér við formannskjör á flokksþinKÍ
Alþýðuflokksins um mánaðamótin.
„Við erum lýðræðislegur stjórn-
málaflokkur og höfum meðal ann-
ars innleitt lýðræði í okkar flokki
í meiri mæli en aðrir flokkar,“
sagði Kjartan. „Við tókum upp
prófkjör, sem margir héldu að
yrðu okkur hættuleg, en þau
reyndust flokknum til framdrátt-
ar.
Ég tel enga hættu á klofningi í
flokknum, þótt gefinn sé kostur á
þessu vali. Samstarf okkar Bene-
dikts hefur verið gott og hér er
ekki um að ræða flokkadrætti og
ekki málefnaágreining."
Kjartan kvaðst ekki hafa fleira
um málið að segja að svo stöddu,
en Mbl. spurði hann þá, hvort
hann myndi gefa kost á sér sem
varaformaður áfram, ef hann ekki
næði kjöri sem formaður. „Frá
mínum sjónarhóli séð, er ekki
ástæða til annars, ef eftir því
verður óskað,“ svaraði Kjartan.
Björgvin Guömundsson borgarfulltrúi
Alþýðuflokksins:
Framboð Kjartans
er mjög óeðlilegt
-MÉR FINNST þetta framboð
mjög óeðlilegt og ástæðan er sú,
að mér er kunnugt um það, að
Benedikt ræddi við Kjartan og
ýmsa þingmenn flokksins fyrri
hluta sumars um það, hvort hann
ætti að gefa kost á sér eða ekki og
þeir, sem hann ræddi við, hvöttu
hann frekar til þess að gefa kost
á sér áfram en hitt," sagði
Björgvin Guðmundsson. borgar-
fulltrúi Alþýðuflokksins, er Mbl.
spurði hann I gær álits á fram-
boði Kjartans Jóhannssonar til
formannskjörs á landsfundi Al-
þýðuflokksins. „Vegna þessarar
forsögu og svo hins, hversu seint
þetta kemur fram, þá finnst mér
þetta ekki eðlilegt," sagði Björg-
vin og spurningu Mbl. um stuðn-
ing hans, svaraði hann: „Ef
þessir tveir menn verða i kjöri,
þá mun ég styðja Benedikt."
„Um afleiðingar þessa er það að
segja, að svona framboð og kosn-
ingar munu valda sundrungu og
klofningi í flokknum. Reynslan er
öll í þá átt og því er það að mínu
viti bamaskapur að halda öðru
fram,“ sagði Björgvin.
Pétur Hoffmann
Salómonsson látinn
PÉTUR Hoffmann Salómonsson
lézt i Reykjavík sl. laugardag.
Hann var á áttugasta og fjórða
aldursári. fæddur 25. febrúár
1897 í Drápuhlíð í Helgafellssveit
á Snæfellsnesi. Pétur lærði sjó-
mannafræði hjá Jóni Erlends-
syni, siðar skipstjóra hjá Eim-
skipafélaginu, og fékk upp úr þvi
námi réttindi til þess að vera með
30 tonna skip. Var Pétur siðan
stýrimaður og skipstjóri i mörg
ár. rak jafnframt fisksölu, bæði
innan lands og við útlönd. Hann
var brautryðjandi á mörgum
sviðum og flutti m.a. út fyrstur
íslendinga. ísaðan fisk i kössum.
Var það fyrir strið á Bretlands-
markað.
Pétur gerði út á grásleppu í
Selsvör í 18 vertíðir, en í Selsvör
var vígi hans á margan hátt og í
næsta nágrenni við Selsvör tíndi
hann mikið af silfri og gulli. Pétur
Hoffmann lét slá peninga með
mynd af sér, Selsvarardali, í
kopar, silfur og gull. Hafa þeir
lengi verið eftirsóttir safngripir,
en Pétur Hoffmann Salómonsson
var fyrsti og eini heiðursfélagi
Myntsafnarafélags íslands. Stefán
Jónsson alþingismaður skráði
ævisögu Péturs og heitir hún „Þér
að segja“, gefin út árið 1%3. Fer
Pétur þar á kostum eins og við var
að búast en hann lifði mjög
ævintýralegu lífi og hafði mikla
frásagnargáfu þar sem fagurt
íslenzkt mál hans naut sín til
fulls, enda hafði hann nánast allar
íslendingasögurnar á hraðbergi
auk ótal rímna, kvæða og sagna.
Þá gaf Pétur út margs konar
bæklinga um óskyld efni. Pétur
Hoffmann Salómonsson setti alla
tíð mikinn svip á umhverfi sitt og
um árabil hefur hann verið einn af
föstu punktunum í miðbæjarlífi
Reykjavíkur.
Stærsti krani
landsins tek-
inn í notkun
í dag
I DAG verður stærsti
krani landsins tekinn í
notkun við Sundahöfn, en
hann mun þjóna Eimskip
hf. við uppskipun á gám-
um næstu þrjú árin.
Lyftigeta kranans, sem er
í eigu Lyftis hf., er 140
tonn og er það mun meira
en aðrir kranar hér á
landi ráða við. Kraninn er
keyptur notaður frá Am-
eríku og kostaði um 200
milljónir.
Einn af eigendum kranans er
Tryggvi Kristjánsson og sagði
hann í spjalli við blaðið að það
hefði verið orðinn mikil þörf
fyrir svona stóran krana vegna
þess hve gámaskipin eru orðin
breið og há og hingað til hefur
oft orðið að nota tvo krana til að
skipa upp þeim gámum, sem eru
út við borðstokkinn fjær landi.
„Kraninn er keyptur með þetta
hlutverk í huga og vegna þess
hve bóman er löng, 130 fet, og
lyftigetan mikil, teljum við að
hann muni koma að mjög góðum
notum og reiknum með því að
hann eigi eftir að þjóna Eimskip
bæði vel og lengi.“
TOYOTA
saumavéla
fjölskyldan
TOYOTA saumavélar fyrir alia.
Á verði fyrir alla.
Á greiðslukjörum fyrir alla.
2ja ára ábyrgö og saumanámskeiö
innifalið í veröi.
Fullkomin viögeröar- og varahlutaþjónusta.
TOYOTA
VARAHLUTAUMBOÐIÐ
Ármúla 23, sími 81733.
Verð
kr.
218.300
TOYOTA
5500
með
saumaarmi
Fullkomin þægileg vél
sem leikur í höndun-
um á þér. Sjálfvirkur
teygjusaumur, fjöl-
sporasaumur, kapp-
mellusaumur,
blindföldun og
hnappagatasaumur.
Zig-zag allt aö 7
mm.