Ljósmæðrablaðið - 15.12.2003, Blaðsíða 6
Ina May Gaskin
á íslandi
Helga Harðardóttir Ijósmóðir
og
Sigrún Kristjánsdóttir Ijósmóðir
Ina May Gaskin á
Þingvöllum ásamt þeim
Sigrúnu Kristjánsdóttur
formanni frœðslunefndar
og Guðrúnu Kormáks-
dóttur úr frœðslunefnd.
Þœr sýndu henni gullna
hringinn að lokinni
ráðstefnunni á Grand Hotel
sem haldin var í tilefni af
komu Inu May hingað til
lands í lok september 2003.
Ti! liœgri má sjá teppi sem
Ina May hefur saumað i
minningu kvenna sem hafa
látist af völdum inngripa
eða aukaverkana eftir
inngrip í fœðingu.
*■
Það var mikill heiður og lærdómsrík upplifun
að fá til landsins þekkta og áhrifamikla
ljósmóður frá Bandaríkjunum, Inu May Gaskin.
Upphaflega var það fyrrum formaður
fræðslunefndar Sigríður Sía Jónsdóttir sem
hafði sambandi við Inu May í lok árs 2001.
ísland var þá sett á, annars þétt setinn, lista
yfir lönd sem Ina May ferðast til, heldur
fyrirlestra og miðlar hugmyndafræði sinni um
náttúruvæðingu í fæðingum. Fyrir um það bil
ári var ljóst að Ina May myndi koma til landsins
í september 2003 og var því ekki úr vegi að
skipuleggja myndarlega ráðstefnu í kringum
komu hennar. Auk fræðslunefndar
ljósmæðrafélagsins tók námsbraut í
ljósmóðurfræðum frá HÍ, þátt í undirbúningi
að þessari ráðstefnu, sem haldin var dagana
25.-26. september. Ráðstefnan bar yfirskriftina
“Eðlilegar fæðingar í nútímasamfélagi”. Yfir
100 ljósmæður sóttu ráðstefnuna sem tókst vel
í alla staði. Fyrir hönd ljósmóðurnámsins sat
Ólöf Ásta Ólafsdóttir í ráðstefnunefnd. Ina
May dvaldi á Islandi í eina viku og var sá tími
mjög vel nýttur. Helsta hlutverk Inu May var
að sjálfsögðu á ráðstefnunni en þar var hún
aðalfyrirlesari báða dagana. Einnig var hún
með opinn fyrirlestur á vegum Háskóla íslands
um kynhormóna og fæðingar, sem hún nefndi:
“það sem kemur því inn, kemur því út”. Ina
May fór einnig í heimsókn á miðstöð
mæðravendar, kvennadeild LSH og
heilbrigðisstofnunina á Selfossi. Ina May hélt
fund með læknum á kvennadeild LSH og
ljósmæðranemum HÍ. Fjölmiðlar sýndu Inu
May mikinn áhuga og voru bæði tekin viðtöl
við hana fyrir sjónvarp og dagblöð. Á fundum
þessum sagði Ina May sögu sína, um sína eigin
reynslu sem ljósmóðir, hún fjallaði um
heimafæðingar, fullnægingar í fæðingum,
húmor í fæðingum og margt fleira.
Utan hins fræðilega, þá var farið var með Inu
May í sýnisferð um suðurland og fékk hún
m.a. að sjá Þingvelli, Gullfoss, Geysi, Bláa
lónið og einnig bæjarferð um höfuðborgina.
Ina May var mjög ánægð með það að fá að
ferðast um landið, því það er eitthvað sem hún
gefur sér sjaldan tíma til þegar hún kemur i
fyrirlestraferðir til annara landa.
0Liósmæðrablaðíð
Desember 2003