Litli Bergþór - 01.06.2012, Blaðsíða 26
26 Litli-Bergþór
Dr. Róbert Abraham Ottósson
og stofnun Skálholtskórsins 1963
Ávarp Sigurðar Þorsteinssonar á Heiði á tónleikum
í Skálholtsdómkirkju á uppstigningardag 17. maí
2012, í tilefni aldarafmælis Dr. Róberts Abrahams
Ottóssonar þann dag.
Í dag er öld liðin frá fæðingu dr. Róberts Abrahams
Ottóssonar. Hann fæddist í Berlín í Þýskalandi,
stundaði þar tónlistarnám en flúði til Íslands undan
nasismanum árið 1935. Einn þeirra hæfileikaríku
tónlistarmanna af gyðingaættum sem ekki var lengur
vært í heimalandi sínu.
Dr. Róbert varð meðal merkustu tónlistarmanna
landsins og starfaði á ýmsum vettvangi, meðal
annars sem stjórnandi Sinfóníuhljómsveitar Íslands
og Söngsveitarinnar Fílharmóníu. Hann var söng-
málastjóri þjóðkirkjunnar og kennari við Háskóla
Íslands, auk þess að vera einn af stofnendum Tón-
skóla Þjóðkirkjunnar. Þá var hann fyrsti Íslending-
urinn til að ljúka doktorsprófi í tónvísindum við
Háskóla Íslands með ritgerð sinni um Þorlákstíðir.
Það var eftirminnilegur dagur í apríl-
mánuði 1963, þegar dr. Róbert Abraham
kom hér í Biskupstungur og hingað á
Skálholtsstað í þeim hugleiðingum að
stofna kór til að syngja við vígslu Skál-
holtsdómkirkju, á Þorláksmessu að sumri.
Forgöngu um það höfðu þau hjónin
Anna Magnúsdóttir og sóknarpresturinn
sr. Guðmundur Óli Ólafsson. Þau höfðu
talað við hóp fólks, sem þau þekktu vel
og vissu að var all söngvant og þau
treystu til þess að syngja. Og stofnun
Skálholtskórsins varð að veruleika.
Hópurinn kom saman til skrafs og
ráðagerða ásamt dr. Róbert og fyrsta
æfingin var ákveðin. Sú æfing var dálítið
söguleg eins og reyndar fleiri æfingar.
Hópurinn stillti sér upp í kórnum,
meistarinn dreifði blöðum með nótum
og texta, gaf tóninn og sló kórinn inn. En
ekkert bofs kom frá kórnum. Reynt var
aftur og það fór á sömu lund. Smá áfall
fyrir meistarann. Hvað var hann með í
höndunum?
Þetta lag sem við áttum að syngja þarna
beint af blaði höfðum við aldrei séð. Okk-
ur alveg alókunnugt. Anna Magnúsdóttir
tók þá til máls og tjáði Róbert að flestir í
kórnum væru ólæsir á nótur. Annað áfall
fyrir meistarann.
Sigurður
Þorsteins-
son
Dr. Róbert Abraham Ottósson.