Tíminn - 03.08.1960, Side 3

3
Löndunarbið alls
staðar eystra
en engin veiíi á vestursvæíi
Töluverð síldveiði- var á
austursvæðinu um helgina, en
vestra var engin veiði. Saltað
er á öllum Austfjarðahöfnum
og löndunarbið orðin alls stað-
ar nema á Vopnafirði. Fara
skipin allar götur til Raufar-
hafnar með síld til söltunar.
Skipin fóru út um hádegi á
sunnudag, og komust þá fljótlega
í síld, og var bærileg veiði aðfara-
nótt mánudags og sömuleiðis í
fyrrinótt. í gærmorgun höfðu 35
skip tilkynnt afla sinn og voru þau
samtals með 18.850 mál. Aflahæst
voru Víðir II, GK, 1000 mál, Ólaf-
ur Magnússon EA, 900, Hjálmar
IsK, 800, Heiðrún, 850, Stefán Ben.
900, Heimir SU, 850 og Guðrún
I orkelsdóttir, 900. Veiðin er öll á
tiltölulega litlu svæði út af Norð-
fjarðarhorni, og er allur flotinn
þar að veiðum. Skipin dreifa sér
síðan á hafnir eystra, og var í gær
orðin löndunarbið alls staðar nema
á Vopnafirði.
Fullar þrær eystra
Til Neskaupstaðar komu 20 skip
í fyrrinótt með um 7000 mál, og
íer það mestallt í bræðslu, en síld-
in er mjög blönduð. 6000 mál
komu til Neskaupstaðar á mánu-
dag, og eru þrær síldarverksmiðj-
unnar þar fullar og löndunarstöðv-
un þar til í kvöld. — Um 5000 mál
hafa borizt til Seyðisfjarðar und-
anfarna daga, og þar er tveggja
sólarhringa löndunarbið. Síldar-
verksmiðjan hefur nú tekið við 60
þúsund málum. Þar er saltað á
einni stöð, en mestöll síldin sem
þangað berst fre í bræðslu. —
Nokkur skip hafa farið allt til
Raufarhafnar af austursvæðinu til
að koma afla sínum í salt. Þangað
komu 8—10 skip í gær með tæp-
lega 5000 mál og tunnur. Mikið
gengur úr síldinni, en innan um
er stór og góð síld og töluvert
saltað.
A vestursvæðinu eru engin skip
og engin veíði. Þó verður stöðugt
vart við væna síld út af Sléttu, en
torfurnar eru enn svo þunnar að
lílið verður úr þeim.
12 mílur við
Færey jar ’63
Peler Mqhr Dam harmar verðlækkun á
útfluttri Sslandssíld
Kaupmannahöfn —
Einkaskeyti til TÍMANS.
Færeyingar héldu um helg-
ina hátíðlega Ólafsvökuna og
Lögþingið var sett. Við það
tækifæri hélt lögmaðurinn
Peter Mohr Dam ræðu þar
sem hann m. a. harmaði, að
íslendingar hefðu lækkað verð
á síld, sem flutt væri út til
Svíþjóðar og Danmerkur.
Við verðum að leita eftir því, að
ísland, Noregur og Færeyjar hafi
samvinnu um slík utanríkisvið-
skipti til þess að komið verði í veg
fyrir, að eitt landið skaði hin,
cagði Mohr Dam.
Konan heimsækir
Powers
Washington, 27.7.—NTB —
Reuter. — Eiginkona Francis
Powers, flugmanns þess er
stjórnaði U-2 flugvélinni, sem
skotin var niður yfir Sovét-
ríkjunum 1. maí s.l., hefur
farið þess á leit við sovézk
yfirvöld, að hún fái að heim
sækja mann sinn, sem nú er
í fangelsi í Sovétríkjunum og
kemur brátt fyrir rétt. Frúin
kvaðst vongóð um árangur af
beiöni sinni. Hingað til hefur
faðir Powers eihn fengið að
hitta hann að máli.
Færeysk útfærsla
Mohr Dam ræddi einnig um 12
mílurnar við ísland og sagði að út-
færslan hefði komið hart niður á
færeyskum fiskimönnum. Hann
boðaði 12 mílna útfærslu við Fær-
cyjar árið 1963 er samningurinn
v:ð Breta gengi úr gildi. Peter
Mohr Dam sagði þó, að hann von-
aðist til þess, að Færeyjar, fsland
og Grænland næðu um það samn-
ingum sín á milli um gagnkvæmar
fiskveiðar þessara þjóða allt upp
að fjögurra mílna landhelgi.
Lumumba krefst
fundar Oryggis-
ráðsins
New York, 2. ágúst. — Ghana
sakaði Belgíustjórn í dag um
voprtaöa innrás í Kongó sam
tímis sem Lumumba forsætis
ráðhei'ra lýsti yfir því, að
hann kynnhað krefjast ann-
ars fundar í Öryggisráðinu
um Kongomálið, ef ástandið
batnaði ekki. Hann krafðist
þess, að allt belgískt herlið
hefði sig á brott frá Kongó
þegar í stað. — Fréttir frá
Leopoldville hermdu í dag að
Hammarskjöld hefði fengið
um það vitneskju eftir diplo
matiskum leiðum, að Belgíu
stjórn legðist ekki gegn því,
að S.þ. sendi herlið inn í
Katanga.
Frá Þórsmörk. Myndin er af skála Ferðafélags íslands í Langadal. í Langa-
dal var allf með friði og spekt um helgina, en nokkur ölvun í Húsadal.
Um fvö þúsund manns munu hafa dvaíizt í Húsadal og er ekki að furða
þótt nokkuð hafi borið á ölvun, þar sem svo margt fólk var saman kbmið
við útiskemmtun, miðað við reynslu fyrri ára af verzlunarmannahelginni.
Skozkur dýralæknir
(Framh af L síðu )
sér sæmilega í íslenzku og
var mjög hrifinn af íslenzku
hestunum og mörgu í íslenzku
þjóðlífi. Stuart Mclntosh er
21. maðurinn, sem drukknar
í Brúará, síðan sögur hófust,
að því er bezt er vitað.
Þ.S.
SkritSan
fFramh af 1 síðu).
föllum nema vegurinn til söltunar-
stöðvarinnar tepptist, en hann var
ruddur afur þegar á laugardag. Þá
féllu m'argar minni skriður utar
með firðinum, en ekki mun hafa
hlotizt tjón af þeim.
Verksmiðjan stöðvaðist
í þessu vatnsveðri stöðvaðist
^ vinna í sí 1 darverksmiðjunni á
Seyðisfirði um skeið — vegna
vatnsleysis. Kom það til af því, að
vatnsleiðslur stífluðust af aur og
leir, en það vatn, sem barst, var
svo leirblandið að það var ekki
nothæft. Féll niður vinna í verk
smiðjunni eina vakt aðfaranótt
laugardagsins, en að morgni kom-
ust vatnsleiðslur aftur í samt lag,
og hófst vinna þá aftur. H.G.
Ætlaði að synda til
skips, — drukknaði
Það hörmulega slys varð á
Seyðisfirði aðfaranótt laugar-
dags að ungur síldarsjómaður
drukknaði þar i höfninni.
Hafði hann lagzt ti1 sunds
áleiðis út i skip sitt sem lá
kippkorn frá landi, en gafst
upp á leiðinni og varð ekki
bjargað.
Maðurinn hét Björgvin Árnason
og var frá Akureyri, tvítugur að
aldri. Hann var á sildar'skipinu
Björgvin frá Dalvík, sem lá á Seyð
isfjarðarhöfn um 400 metra frá
landi. Síðia nætur kom Björgvin
heitinn fram á svonefnda Nagels-
bryggju, en þar lágu þrjú norsk
skip, og hafði Björgvin tal af Norð
inónnunum um borð í skipinu Vest
holm, sem lá innst við bryggjuna
og kvaðst vera á leið út í skip sitt.
Skömmu .síðar heyrðu Norðmenn-
irnir að hann steypti sér til sunds
og brugðu þá við að fylgjast með
ferðum hans, en yfir tvö skip var
að fara. Sneri Björgvin heitimn
við er hann var kominn nokkuð
áieiðis og kallaði um leið á hjálp.
Tveir Norðmenn stungu sér þegar
til sunds, en þegar þeir áttu ör-
stutt ófarið til Björgvins, sökk
bann, og fundu Norðmennirnir
hann ekki, þrátt fyrir langa leit.
Á laugardag var slætt í höfninni,
en lík Björgvins heitins fannst
ekki og hafði enn ekki fundizt
í gær. HG.
Brutu húsgögn og
lögðust til sunds
Ærsl og óspektir á SeytSisfirtSi
Ölvun mikil var á Seyðis-
íirði á föstudagskvöld s 1. og
urðu talsverðar óspektir um
kvöldið á dansleik sem hald-
inn var á félagsheimilinu
Herðubreið. Landlega mikil
var á Seyðisfirði á föstudag,
og lágu hatt á annað hundrað
skip þar inni.
•Þá um morguninn var áfengis-
verzlunin á Seyðisfirði opin um
stund, þótt vani sé að loka henni
í landlegum. Verzluninni var þó
lokað fljótlega að kröfu mikiis
fjölda bæjarbúa. Hins vegar lótu
afleiðingarnar ekki á sér standa,
því að um kvöldið gerðist ölvun
mikil og atoenn í kaupstaðnum.
Dansleikur var haldinn í féiags-
heimilinu Herðubreið, og kom þar
til mikilia óspekta. Var mikið af
húsgögnum brotið í smátt og áflog
voru tíð, þótt ekki hlytust mann-
skaðar af. Vatnsveður var geysi-
mikið á Seyðisfirði þá um nóttina,
en engu að síður var fjölmenni á
ferli um götur með söng og há-
reisti fram eftir allri nóttu. Það
var alltítt um nótitna að menn legð
ust til sunds í höfninni og má geta
þess að eitt skip sem lá allutarlega
hirti upp þrjá sundmenn með
skömmu millibili allþrekaða. —
Þr'ír lögregluþjónar voru á staðn-
um og gerðu sitt betza til að lialda
uppi reglu, en máttu ekki við margn
um, enda í mörg horn að líta. HG.
Lengja togaraeigendur ?
(Framh. af 1 síðu).
þeirri töf, sem orðið hefur
á því, ag „lausn“ fengist í
landhelgisdeilunni og spáir
blaðið' því að þetta verði
fyrsta og um leið það erfið-
asta málið er bíði hins nýja
fiskimálaráðherra Breta,
Christhopher Soames.
Hótun um löndunarbann
Observer segir, að spurn-
ingin um það, hvort friður
ríki um málefni brezka tog-
araflotans, fari mjög eftir
því, hvort Soames takizt að
fullvissa hina órólegu togara
menn um það, að raunveru-
lega miði í samningum við ís
lendinga. Blaðið segir enn-
fremur, að fái togaraskip-
stjórarnir og áhafnir þeirra
ekki slíka tryggingu frá ráð
herranum, sé ekki ósennilegt
að í krafti samtaka þeirra
muni þeir beita sér gegn fisk
löndunum íslenzkra togara í
Bretlandi. Observer segir að
íslendingar geri sér ,grein fyr
ir slíkri hótun og sé við því
búizt, að takast megi að fá
þá til nýrra samninga um
fiskveiðimörkin.
Arabar slíta
stjórnmálasamb.
yiS íran
CAIRO, 27.7.—AFP. — Ara
biska utanríkisráðun. skýrði
frá því i dag, að Arabiska
sambandslýðveldið hefði slit
ið stj órnmálasambandi við
íran. Ástaðan er sú, að íran
hefur viðurkennt sjálfstjórn
ísrael. Samkvæmt Reuters-
fregnum hefur n ústjórn ír-
ans farið þess á leit við sendi
herra Arabíska sambandslýð
veldisins þar í landi að hann
verði brott úr landinu innan
sólarhrings. Hafði sendiherr
anum áður verið neitað um
áheyrn yfirvaldanna.