Morgunblaðið - 23.06.1939, Side 2

2
MORGUNBLAÐIÐ
Föstudagur 23. júní 1939.
Eru þeir með baktjaldamakk við Þjóðverja?
„Óvænt“ yfirlýsing Rússa
„Miðar ekkert
áfram í áttina til
samkomulags“
Frá frjettaritara vorum.
Khöfn í gær.
AÐ kom eins og þruma úr heiðskíru lofti, er hin
opinbera frjettastofa í Rússlandi gaf út til-
kynningu á hádegi í dag, þar sem segir að
ekkert hafi þokast áfram til samkomulags milli Breta og
Rússa með málamiðlunartillögunum, sem sendiherrarnir
M. Naggiat og Sir William Seeds, ásamt Mr. William
Strang lögðu fyrir Molotoff í gær. í gærkvöldi hafði ver-
ið talið í London, að góðar horfur væru á, að samkomu-
lag næðist.
FÁ EKKI SKILIÐ —.
Málamiðlunartillögurnar snerust um það, á hvern
hátt Vesturríkin gætu orðið við kröfu Rússa um ábyrgð
til handa Eystrasaltsríkjunum. Þegar fulltrúar Breta og
Frakka ræddu við Molotoff í gær, höfðu samningarnir
legið niðri í fjóra daga.
Stjórnmálamenn í London og París segjast ekki skilja, hvern-
ig því sje varið, að Rússar skuli halda því fram, að tillögur
þessar hafi ekkert haft nýtt að geyma.
HJÁ MOLOTOFF I KVÖLD.
Það kemur fram í kvöld, að líkindum, hvað Rússum
gengur til. Molotoff hefir boðað sendiherra Breta og
Frakka og Mr. Strang, á fund sinn í Kreml í kvöld.
Ýmsum getum er að því leitt, hvað undir býr hjá Rússum.
Sumir telja að hjer sje aðeins um klæki í samningum að ræða
og að Rússar sjeu að reyna að fara með Breta og Frakka eins
langt og komist verður, áður en samningar verða undirskrifaðir.
Afstaðan hjá SíwatOw. Sjálf borgin er skamt fyrir norðan Hong-
Kong, beint vestur af Formosa jkem er japönsku eyja). Annars
sýna flöggin helstu flotabækistöðvar á þessum slóðum. (Flaggið
með deplunum í er japanskt, Bandaríkjamenn eiga Filippseyjar
og Bretar Hong-Kong og Singapore.
Afstaða Ðreta
í Kína harðnar
„Gelur ekki gengið
endalausF
Frá frjettaritara vorum.
Khöfn í gær.
AFSTAÐA Breta og Bandaríkjamanna í Kína
virðist vera að harðna. Yfirflotaforingjar
þeirra í Austur-Asíu neituðu í dag að taka þá
kröfu Japana til greina, að öll erlend skip færu frá
Swatow — borginni sem Japanar tóku í gær — fyrir kl.
1 í dag.
Breskt beitiskip og tveir tundurspillar liggja í höfninni í
Swatow.
Utan við hafnarmynnið er breskur tundurspillir viðbúinn ef
á honum þarf að halda.
„HVAÐ SEM JAPANAR SEGJA —
Flotaforingi Bandaríkjanna þar eystra lýsti yfir því í morg-
un, að amerísk herskip myndu liggja í hverri höfn í Kína svo
lengi sem amerískir þegnar kynnu að hafa þeirra þörf, hvað sem
Japanar segðu, og ennfremur myndi Bandaríkjastjórn gera Jap-
ana ábyrga fyrir hverjum skaða, sem Bandaríkjamenn yrðu fyrir
hvort heldur væri á eignum þeirra eða persónum.
En um leið veita menn sam-
búð Rússa og Þjóðverja vax-
ándi athygli. — Það hefir
verið tilkynt að þýsk sendinefnd
sje væntanleg til Moskva innan
skamms til þess að gera versl-
unarsamninga við Rússa.
300 MILJ.
MÖRK
Eins og kunnugt er, boðaði
Molotoff í ræðu sinni, — einu
ræðunni, sem hann hefir flutt
síðan hann varð utanríkismála-
ráðherra, að verslunarsamning-
ar myndu hefjast milli Rússa
og Þjóðverja innan skamms.
Fullyrt er að Þjóðverjar
hafi tjáð sig fúsa til þess að
veita Rússum 300 miljóna rík-
ismarka útflutningslán, til þess
að blása nýju lífi í þýsk-rúss-
nesk viðskifti. Skilyrði er auð-
vitað að þessi^ láni verði varið
til kaupa á þýskúm framleiðslu-
vörum.
STÚDENTAMÓTIÐ.
Iestir hinna íslensku þátttak-
enda norræna stúdentamóts-
ins eru nú komnir til Osló.
Var íslendingunum fagnað af
norskri stúdentanefnd, er þeir
komu til borgarinnar.
Nokkrir af íslensku þátttakend
unum dvöldu í gær uppi í Hall-
ingdal og komu svo til borgar-
innar í morgun.
Bresku konungs-
bjónin komin
heim
London í gær. Ftl.
eorg Bretakonungur og
Elísabet drotning komu
aftur til Englands í dag eftir
sjö vikna ferðalag til Kanada,
Bandaríkjanna og Nýfundna-
lands.
Beitiskip sigldi með dætur
konungshjónanna til móts við
hafskipið „Empress of Britain“,
svo að þeim gæfist kostur á að
heilsa foreldrum sínum.
í Southampton tók Mary
ekkjudrotning og hertoginn og
hertogafrúin af Gloucester og
hertogahjónin af Kent á móti
konungshjónunum.
Óhemju mannfjöldi fagnaði
þeim, er þau óku gegnum götur
Southampton, áleiðis til braut-
arstöðvarinnar.
Lundúnaborg var öllum fán-
um skreytt, er kónungshjónin
komu, og aragrúi gólks hafði
jafnast saman báðumegin veg^
arins frá Waterloo-járnbrautar-
stöðinni til Buckinghamhallar.
Lúðvík Ingvarsson hefir verið,
settur sýslumaður í Suður-Múla-
sýslu frá 1. júlí u.lr.
Það er til marks um að
Bretar og Bandaríkjamenn
ætla að verja rjettindi sín
í Swatow, að 70 konur voru
fluttar þaðan til Hong-
Konpj í dag.
Japanar*'hafa lýst yfir ' að
ómögulegt sje að ábyrgjast Jíf
og eignir útlendinga í éw’htow.
SKEYTI
HALIFAX
London í gær. FÚ.
Halifax lávarður, u.tanríkis-
hiálaráðherra Breta. sendi íbú-
um hins einangraða forrjettinda
svæðis í Tientsin samúðarskeyti
í dag, og var aðalræðismaður
Breta þar í borginni látinn
koma því á framfæri.
I skeytinu segir, að breska
stjórnin muni gera allar nauð-
synlegar ráðstafanir til vernd-
ar öryggi og eignum breskra
þegna í Tientsin.
Breska setuliðið í Tientsin
hefir verið aukið með aðstoðar-
sveitum frá Peking.
Fyr í dag hafði opinber til-
kynning verið gefin út í Lon-
don, þar sem lýst er yfir því,
að núverandi ástand í Tientsin
muni ekki verða þolað enda-
laust.
Bresku stjórninni sje að vísu
mjög ant um að fá deiluna
ieysta þegar í stað sem málefni,
er^ einungis varði þann stað,
en ef Japanar halda yf-
irgangi sínum áfram á öðrum
stöðum, þá muni það óhjá-
kvæmilega leiða til gagnráð-
stafarfa.
Kölnar milli
Ungverja og
Þjóðverja ?
Yfirlýsing forsætis-
ráðherra Ungverja
London í gær. FÚ.
orsætisráðherra Ungverja-
lands lýsti yfir því í gær,
að hann teldi fullsannað, að naz-
istar í Ungverjalandi nytu fjár-
styrks erlendis frá. Hann sagði,
að ókunnir menn hefðn nýlega
keypt miklar fúlgur af ungversk-
um gjaldeyri % Ziirich, og gæti
þetta fje ekki hafa verið notað
til venjulegra viðskifta.
Leiðtogi nazista í Ungverja-
landi hefir játað, að hann hafi
staðið í samningum við banka í
Vín um stórt lán, én neitar því,
að hann hafi fengið fjárstyrk frá
útlöndum.
Valur gegn
Bretunum
Priðji kappleikur Bretanna
verður háður í kvöld og
keppa þeir þá við Val. Leikurinn
hefst ekki fyr en kl. 9 í kvöld
vegna þess að verslanir eru opn-
ar til kl. 8.
Margir hafa beðið með óþreyju
eftir þessum leik vegna þess að
það er trú manna, að Reykjavík-
urmeisturunum takist að sigra
Bretana.
Valsmenn eru samt svo óhepn-
ir að Ellert Sölvason getur ekki
leikið með og vafasamt hvort Jó-
hannes Bergsteinsson getur leikið
vegna meiðsla, sem þeir hlutu á
leiknum í fyrrakvöld. En Valur
á marga sterka varamenn og það
hefir hvað eftir annað sýnt sig
að Valur hefir farið með sigur
af hólmi þó ekki hafi allir aðal-
spilararnir verið með.
Bæjarbúar munu fjölmenna á
völlinn í kvöld til þess að sjá
hvort ekki er hægt að sigra hina
erlendu gesti.
HVAÐ GYÐINGAR
HAFA LÆRT.
London í gær. FÚ.
á grunur virðist nú- staðfest-
ur, að fjelagsskapur Gyðinga
nokkurra muni eiga sök á hermd-
arverkum þeim, er unnin hafa
verið í Palestínu undanfarið.
Er ætlað, að þeir eigi leynilega
utvarpsstöð, annaðlivort í Palest-
ínu eða í nánd við landamærin,
og hafa þeir iitvarpað tíðindum
af hermdarverkum sínum og
stært sig af því, hve miklu tjóni
þeir hafa valdið, bæði á manns-
lífum og eignurn.
Samningar milli Norðmanna og
Spánverja urp saltfisksölu ög
vöruskifti hefjast á morgun í
Bilbao. (FÚ)