Morgunblaðið - 21.12.1951, Qupperneq 16

Veðurúiiif í dag:
Hvass SV, skúrir, síðar él.
297. tbl. — Föstudagur 21. dcsember 1951. *
4
dagar
til
j'óla
lúmU70 þús. manns á ieik*
sýningum Þjóðleikhússins
Á máiverkasýningunni í Bláfúni

Yfiriitsskýrsla þjéðieíkhússfjóra

ÞJÓÐLEIKHÚSSTJÓRI sendi Mbl. í gærkvöldi yfirlit um þær
leiksýningar, sem fram hafa farið í Þjóðleikhúsinu síðan það hóf
starfsemi sína. — Segir í fréttatilkynningu hans, að vegna allmikilla
umræðna um Þjóðleikhúsið, þyki honum hlýða að gefa almenningi
kost á slíku yfirliti. — Samkvæmt því hafa alls farið fram
342 leiksýningar og gestir leikhússins eru alls 170.111.
Það leikrit, sem mest aðsókn'®-
hefur verið að, er íslandsklukk-
an, næst kemur gamanleikurinn
Pabbi. — Hér fer yfirlit þjóð-
leikhússtjóra á eftir:
Nýársnóttin eftir Indriða Ein-
arsson, 28 sýningar. Leikhúsgest-
ir samtals 16.606.
Fjalla-Eyvindur eftir Jóhann
Sigurjónsson, 16 sýningar. Leik-
húsgestir samtals 9.603.
fslandsklukkan eftir Halldór
Kiljan Laxness, 50 sýningar. —
Leikhúsgestir 28.582.
Brúðkaup Figaros eftir Mozart,
7 sýningar. Leikhúsgestir samtals
4.789.
Óvænt heimsókn eftir J. B.
Priestley, 13 sýningar. Leikhús-
gestir samtals 4.770.
Pabbi eftir Howard Lindsay og
Russel Crouse, 36 sýningar. Leik-.
húsgestir samtals 19.266.
Jón biskup Arason eftir
Tryggva Sveinbjörnsson, 12 sýn-
ingar. —■ Leikhúsgestir samtals
5.676.
Konu ofaukið eftir Knud Söd-
erby, sýningar 6. Leikhúsgestir
samtals 1.528.
Söngbjallan eftir Charles Dick-
ens, 8 sýningar. Leikhúsgestir
samtals 2.238.
Flekkaðar hendur eftir Jean-
Paul Sartre, 16 sýningar. Leik-
húsgestir samtals 6.209.
Snædrottningin eftir H. C.
Andersen, 16 sýningar. Leikhús-
gestir samtals 8.176.
Heilög Jóhanna eftir G. Bern-
ard Shaw, 23 sýningar. Leikhús-
gestir samtals 10.520.
Sölumaður deyr eftir Arthur
Miller, 13 sýningar. Leikhúsgest-
ir samtals 4.634.
Dansinn í Hruna (loka atriðið)
eftir Indriða Einarsson, 1 sýning.
Leikhúsgestir samtals 295.
ímyndunarveikin eftir Moli-
ére, 32 sýningar. Leikhúsgestir
samtals 16.523.
Rigoletto eftir G. Verdi, 29
sýningar. Leikhúsgestir samtals
18.605.
Lénharður fógeti eftir Einar H.
Kvaran, 12 sýningar. Leikhús-
gestir samtals 4.699.
Dóri eftir Tómas Hallgrímsson,
14 sýningar. Leikhúsgestir sam-
tals 4.439.
Hve gott og fagurt eftir W.
Sommerset Maugham, 10 sýning-
ar. Leikhúsgestir samtals 2.953.
Sýningar standa enn yfir.
NÆSTA LEIKRIT
í æfingu eru leikritin „Gullna
hliðið“ eftir Davíð Stefánsson,
frumsýnt 2. jóladag, „Anna
Christie" eftir Hugen O’Neill. —
„Þess vegna skiljum við“, eftir
Guðmund Kamban og „Sem yð-
ur þóknast“ eftir W. Shake-
speare.
Að lokum segir í fréttatilk.
þjóðleikhússtjóra:
Af þessu yfirliti mun öllum
ljóst að Þjóðleikhúsið hefur sett
markið hátt, hvað snertir val
leikrita. Flest eru leikrit þessi úr
flokki úrvals leikbókmennta inn-
lendra og erlendra og eftir víð-
kunna og vinsæla höfunda. Enda
er það viðurkennt af hinum
beztu kunnáttumönnum á sviði
leiklistarinnar er hlutlaust líta á,
að Þjóðleikhúsið hafi með sýn-
ingum á svo mörgum úrvalsverk-
um þegar í byrjunarstarfi unnið
merkilegt menningarstarf og
þannig gegnt því hlutverki, sem
því frá upphafi var ætlað.
Rúmlega 114ðonn
af jélapósii
PÓSTSTOFAN hér í Reykja-
vík skýrði Mbl. svo frá í gær
að jólapósturinn, bæði inn-
lendur og erlendur, til og frá
landinu, næmi alls um 114,2
tonnum.
Hér er miðað við póstinn,
sem afgreiddur hefur verið
dagana 1.—18 des. En jólapóst
ur er eðlilega mestur hluti
þess pósts. Tekið var fram að
enn ætti mikið af jólapósti
eftir að berast, til dæmis utan
af landi.
Til Reykjavíkur höfðu alls
borizt 1781 póstpoki þann 18.
des., og vógu þeir alls 39,200
kg. Frá Reykjavík hafa verið
sendir 3660 póstpokar, samtals
75 tonn að þyngd.
Almenningur er hvattur til
að póstleggja jólabréf sín hið
allra bráðasta og eigi síðar en
fyrir miðnætti á laugardags-
kvöíd.
Sýning Jóns Þorleifssonar, sem staðið hefur í eina viku í vinnu-
1 stoíu hans að Blátúni við Kaplaskjólsveg, hefur verið dável sótt.
Níu málverk hafa selzt. — Sýningunni lýkur á Þorláksmessu. —
Þessi mynd heitir: Garðurinn í Blátúni. (Ljósm. Mbl.: Ól. K. M.)
Ljósmyndapertim
slolið
BLAÐALJÓSMYNDARI Tímans
varð fyrir því óhappi í gær, að
stolið var úr bíl hans hér í Mið-
bænum fullum pappakassa. Voru
í kassanum 120 perur, flashper-
ur, frá GEC verksmiðjunum.
Hafi einhver orðið kassans var
eða þjófsins, sem honum stal, er
viðkomandi beðinn að gera rann-
sóknarlögreglunni tafarlaust við
vart.
1984 — Fræg skéld-
saga á íslenzku
HIN heimsfræga skáldsaga „1984“
eftir George Orwell er nýlega
komin út á íslenzku í þýðingu
Thorolfs Smiths og Hersteins
Pálssonar.
George Orwell hafði getið sér
heimsfrægð fyrir skáldsögur sín-
ar, ritgerðir og blaðagreinar áður
en hann lézt á árinu sem leið.
Þessi bók hans var hin síðasta
frá hans hendi. Efnið er mjög
hugstætt, og verður í höndum
höfundarins svo hugleikið, að
víðast hvar minnir það á „spenn-
andi“ lögreglusögu. Má fullyrða,
að fæstir, sem hefja lestur þess-
arar bókar, sleppa henni fyrr en
að lestri loknum, svo gagnteknir
verða flestir af töfrum frásagn-
arinnar.
Það má auðvitað lengi deila
um það, hvort nokkur líkindi séu
til þess, að þær aðstæður, sem
Orwell lýsir af svo miklu fjöri í
sögunni „1984“, eigi eftir að skap-
ast hér í Vestur-Evrópu. En hitt
dylst engum, að höfundurinn hef-'
ur um efnið fjallað af mikilli
hugkvæmni og frásagnargleði.
Stærsta skipið.
SUNDERLAND — Norðmenn
hafa samið um smíði á 26.400
tonna olíuskipi í Sunderland, og
verður það stærsta skip, sem þar
hefur verið smíðað.
Gullfaxa var
r i»
mm Yio
VEGNA óhagstæðrar veðurspár
fyrir Reykjavík var Gullfaxa
snúið við í gær aftur til Prest-
víkur, en hann hafði verið rúma
klukkustund á lofti er honum
var snúið. Gullfaxi var væntan-
legur um klukkan 8 í gærkvöldi,
en þá var búizt við 12—14 vind-
stigum hér í Reykjavík. Veður-
hæðin mun hafa verið kringum
10—11 vindstig í mestu vindbylj-
unum og skyggni slæmt vegna
rigningarinnar.
Gullfaxi er væntanlegur mOli
kl. 12,30 og 1 í dag. Fer svo í
kvöld áleiðis til Pori í Finnlandi
til að sækja innflytjendur til
Toronto í Kanada. — Er þess
vænzt að Gullfaxi komi úr Kan-
adaförinni á aðfangadagskvöld,
ef ferðin gengur samkvæmt á-
ætlun.
Hilli 160 og 170 Iré
hafa unnizt
I GÆRKVÖLDI, er öðrum degi
skógræktarhappdrættis Land-
græðslusjóðs til ágóða fyrir vel-
gerðarstofnanir lauk, höfðu milli
160 og 170 tré unnizt í happdrætt-
inu.
Þó veður væri slæmt síðdegis í
gær, rok og rigning, var þátttaka
góð. — í gær var lítil telpa svo
heppin að vinna tvö tré. Hún
hafði verið send að heiman með
20 krónur til að kaupa tvo miða
og sú litla dró þá báða í einu og
fékk sitt tréið á hvorn þeirra.
Eftir hádegi í dag heldur happ-
drættið áfram að Laugavegi 7.
Tréð var sett upp á
Auslurvelli í gær
í GÆRKVÖLDI var jólatréð,
sem Skógræktin hefur gefið
Reykjavík, sett upp á Austur-
velli. — Vegna veðurs var ekki
hægt að setja á það hin marglitu
jólaljós, en komið var fyrir á
jörðinni kastljósum, er lýsa það
upp.
Tré þetta er úr Hallormsstaða-
stöðinni og er um sex metra hátt.
Togarar bæjarins
hafa landað 794
SÍÐAN ákveðið var að togarar
Bæjarútgerðar Reykjavíkur hæfu
veiðar, til þess að landa aflanum
í Reykjavík, hafa fjórir togarar
útgerðarinnar, b.v. Hallveig Fróða
dóttir, b.v. Jón Þorláksson, b.v.
Pétur Halldórsson og b.v. Jón
Raldvinsson, landað hér 794 tonn-
um til vinnslu í frystihúsum, í
salt og til harðfiskverkunar.
Jólagestur varnar-
liðsins kemur frá
Indianafylki
FYRIR nokkru var frá því skýrt
að yfirmenn varnarliðsins í Kefla-
vík hefðu efnt til ritgerðarsam-
keppni meðal hermannanna þar.
Þéim er skilaði beztu ritgerðinni
skyldi gefinn kostur^i að fá móður
sína í heimsókn nú um jólin. Verð-
ur hún jólagestur varnarliðsins.
Ritgerðarefnið var: Hversvegna
ég tel að móðir mín ætti að dvelja
hjá mér um jólin. Liðþjálfi að
nafni John W. Butler í flughern-
um varð hlutskarpastur og móðir
hans, sem búsett er í Indiana-
fylki, er væntanleg til Keflavík-
urflugvallar á Þorláksmessu.
Fjárlagafrv. samþ.
sem lög 4
Á FUNDl seint í gærkveldi fóí
fram atkvæðagreiðsla um fjárlaga
frumvarpið., Voru allar tillögur
meiri hluta fjárveitinganefndaí
samþykktar og allmargar tillögur
einstakra þmgmanna.
Verður nánar skýrt frá af
greiðslu fjárlagafrv. síðar.
------------------- <' I
Amerískur háskóla-
kór á jólafónleikum
KÓR George Washington háskól-
ans í Washington-borg, kemur
fram á Jólatónleikum þeim er
Tónlistarfélagið hér í Reykjavík
efnir til fyrir meðlimi sína.
Kórinn kemur hingað til lands
á morgun og mun syngja á jóla-
skemmtunum á Keflavíkurflug-
velli. — Eru í kórnum, sem er
blandaður, 34 manns.
Háskólakór þessi mun vera van-
ur flutningi stærri hátíðasöngva.
Þó ekki sé fyllilega ákveðið, hvað
hann flytji á jólatónleikum Tón-
listarfélagsins, þá mun hann á
Keflavíkurflugvelli flytja oratorí-
ið Messias eftir Hándel. *
Jólatónleikarnir verða í Frí-
kirkjunni klukkan 5 á annan í jól-
um.
Alþhgi fresfað fram
yfir áramóf j
ALÞINGI var frestað í gær, en
mun koma aftur saman þann 3.
jan.
Á síðustu fundum, sem haldn-
ir voru í báðum deildum og sam.
þingi. kvöddu forsetar þingmenn
og óskuðu þeim gleðilegra jóla og
utanbæjarmönnum góðrar ferðar
heim og heimkomu.
í neðri deild kvaddi Einar Ol-
geirsson sér hljóðs og þakkaði
Sigurði Bjamasyni forseta deild-
arinnar góð störf og óskaði hon-
um allra heilla og stóðu þing-
menn upp til áréttingar þessum
orðum. Einar Olgeirsson þakkaði
Jóni Pálmasyni forseta sam.
þings á sama hátt og risu þing-
menn eiunig úr sætum sínum,
í efri deild þakkaði Haraldur
Guðmundsson Bernharð Stefáns-
syni forseta deildarinnar og árn-
aði honum allra heilla og risu
þingmenn úr sætum sínum.
----------------- 4
eyri jéiafré
AKUREYRL 20. des.: — Undan-
farin ár hefur Fegrunarfélag Ak-
ureyrar beitt sér fyrir jólaskreyt
ingu ýmissa áberandi staða hér
í bænum.
Frú Gunnhildur Ryel hefur ný
lega gefið félaginu tvö grenitré
úr garði sínum. Eru þau nokkuð
á áttunda m hvort á hæð. Hefur
annað verið sett upp á Eiðsvelli,
en hitt á Höepfnerstorgi. — Hafa
þau verið skreytt marglitum
ljósaperum. Eru þau að kunn-
ugra sögn fyrstu grenitén, sem
ræktuð hafa verið í íslenzkri
mold og notuð sem jólatré á al-
mannafæri.
Frú Gunnhildur á miklar þakk
ir skyldar fyrir þessa höfðinglegu
gjöf. Þá hefur Kvenfélagið hér
fengið tvö lítil íslenzk grenitré aði
gjöf, til að setja á efsta þrepið
framan við kirkjuna, þar serrs
þau verða sett upp á aðfangadag
jóla. — H. Vald. L