Morgunblaðið - 24.03.1957, Qupperneq 3
Sunnudagur 24. marz 1957
M O R G U N B L A ÐIÐ
S
IIr verinu
TOGARARNIB
Veðrið hefur verið gott sunn-
anlands, en harðara fyrir vest-
an og norðan, og suma dagana
hafa skipin ekki getað verið að
veiðum og orðið að hafa upp í.
Togararnir hafa verið mjög
dreifðir síðustu viku allt frá Sel-
vogsbanka og norður á Skaga-
grunn. Skipin hafa verið nokkuð
jafnt á öllu þessu svæði, Sel-
vogsbanka, Eldeyjarbanka, imd-
an Jökli, á Halanum og Skaga-
grunni.
Aflabrögð hafa verið mjög
misjöfn. Sum skipin hafa verið
með dágóðan afla, en önnur lít-
inn, og má segja, að hvergi hafi
verið „kraftafli“. — Líklega
hefur verið einna skást á
Skagagrunni, en tíðin haml-
aði þar veiðum suma dagana.
Fiskur virtist vera þarna mik-
ill sums staðar, því að skip
sprengdu vörpuna. Þarna var
sæmilegur fislcur til að byrja
með, en hefur nú smækkað.
Við Jökulinn hefur aflinn ekki
verið eins ýsuborinn síðustu viku
og áður.
Sjómenn segja, að mörg ár séu
síðan jafnmikil fiskigengd hefur
verið undan Jökli og í ár þrátt
fyrir þann aragrúa, sem þar hef-
ur verið af skipum.
Eitthvað hefur lóðað á fiski á
hjá togurunum á Selvogsbankan-
um og þá helzt hartnær uppi í
grjóti. Hafa skipin fengið fyrst
poka í „hali“ en ekki meira þegar
til lengdar lét. £>ó hafa einstaka
skip fengið þar sæmilegan afla.
Sjómenn eru heldur vongóðir
um afla þarna því mikið er alls
staðar af síli. Á Selvogsbanka er
aflinn alltaf ufsablandinn framan
af. í vetur hefur þar verið óvenju
mikið af ýsu. Er það sama sagan
alls staðar, að hún virðist hafa
gengið mikið á miðin í vetur.
Nokkur skip, sem fóru út síð-
ustu daga, tóku flottrollið með,
en hafa líklega eklci kastað því
enn.
Einstaka skip hafa verið að
skjótast út á Eldeyjarbanka og
sum fengið þar sæmilega veiði,
en yfirleitt virðist ekki vera
fiskur þar.
FISKLANDANIR tn.
Marz....................... 298
Egill Skallagrímsson...... 240
Pétur Halldórsson .......... 17
saltf. 138
Uranus .................... 126
Askur ..................... 241
Hallveig Fróðadóttir,..... 188
Hvalfell .................. 214
Þorkell máni................ 20
saltfiskur 80
Ingólfur Arnarson .......... 50
saltfiskur 110
Þorstein Ingólfsson......... 25
saltfiskur 100
BÁTARNIR
Róið var alla vikuna nema á
miðvikudaginn, þá var hann
hvass a norðan.
Afli var tregur hjá netjabátun-
um, einstaka bátar voru þó með
sæmilegan afla dag og dag.
Beztu róðrarnir í vikunni voru
hjá Ásgeiri 21 lest, Þóri 181/2 lest
og Barða 12% lest.
Hjá útilegubátum, sem eru með
net, var Helga með 50 lestir,
Rifsnes 45 lestir og Björn Jóns-
son 44 lestir, yfirleitt úr 5—6
lögnum.
Aðeins tveir bátar róa með
línu, og var bezti róðurinn hjá
Rex 7 lestir einn daginn.
AKRANES
Afli hefur yfirleitt verið léleg-
ur síðustu viku, þótt einstaka
bátar hafi fengið sæmilega róðra
og þá helzt þeir, sem sótt hafa
langt. Hefur aflinn hjá þeim
komizt upp í 12 lestir.
1 bátur rær með net, og hefur
aflinn þar verið sízt betri en á
línuna, jafnvel miklu lélegri,
flesta dagana ekki nema 1% lest
í róðri.
Menn eru nú orðnir mjög svart
synir á, að þetta ætli nokkur
vertíð að verða.
KEFLAVÍK
Gæftir voru alla daga vikunnar
nema á miðvikudaginn. Á
fimmtudaginn reri aðeins helm-
ingur flotans, en það var af því,
að fjöldinn átti ekki beitt.
Afli hefur verið upp og ofan,
algengast 3—5 lestir, komizt hæst
upp í 10 lestir slægt og þá sjaldn-
ast nema 2—3 bátar hverju sinni.
— Það er langsótt, 4—6 stundir
út, og er þar komið i-nkið dýpi.
Þar virðist vera nokkur fiskur,
en þá er ekkert næði fyrir tog-
urunum. Hefur verið mikið línu-
tap af þeirra völdum, allt upp
í 15 stampa, algengt 10 stampa.
Er aflinn þarna karfa- og keilu
borinn.
í netin hefur afli verið léleg-
ur, algengast 5—7 lestir eftir nótt
ina og komst upp í 18 lestir hjá
einum bát ‘ á fimmtudaginn, en
þá var það tveggja og þriggja
nátta.
Talað er nú um, að sjórinn sé
óvenjukaldur í Faxaflóa, jafn-
vel ekki nema 1% gr. C. og að
fiskurinn gangi því ekki á
venjulegar fiskislóðir, en haldi
sig í. dýpri sjó, allt niður á 200
faðma dýpi.
HAFNARFJÖRÐ UR
Róið var alla vikuna, og var
aflinn hjá línubátunum 2—4
lestir.
Netjabátarnir hafa ýmist lagt
upp í heimahöfn eða syðra,
Grindavík eða Sandgerði, jafn-
vel Þorlákshöfn. Afli þeirra hef-
ur verið mjög misjafn, 2—15
lestir. í vikunni komu þessir
útilegubátar með mestan afla:
Faxaborg 32 lestir, eftir 5 daga
útivist, Ársæll Sigurðsson, 51 lest
eftir 7 daga og Fákur 25 lestir
eftir 6 daga. '
Togarinn Röðull kom inn með
99 lestir, þar af 79 lestir salt-
fiskur, og Júlí með 200 lesíir af
ísvörðum fiski, sem fór í fryts-
ingu og herzlu.
VESTMANNAEYJAR
Austan og norðaustanátt hefur
verið ríkjandi alla vikuna og róið
daglega.
Netjabátarnir hafa yfirleitt
flutt netin mikið til, og eru
nokkrir bátar nú komnir með
net sín vestur að L'elvogsbanka-
hrauni og fengið þar reytingsafla,
Yfirleitt má segja, að afli hafi
verið rýr síðustu viku, vart
meira en 6 lestir í róðri að með-
altali miðað við óslægðan fisk.
Sama er að segja um hand-
færabátana, afli hefur verið lít-
ill hjá þeim þessa viku en veru-
legan þátt mun stormasöm veðr-
átta eiga í því.
Fiskurinn fer nú að jafna sig
eftir loðnuátið og eru sjómenn
þá að vona, að afli fari að glæð-
ast. —
ATHYGISVERÐ
NÝJUNG
Á Eskifirði hefur Lúðvik
Ingvarsson sýslumaður hafið
merkilegt starf í sambandi við
framleiðslu á harðfiski með hrað-
frystingu og innanhússþurrkun.
Hann keypti þarna gömul hús og
breytti þeim í lítið frystihús og
þurrkhús og byggði nokkuð við.
Fiskurinn er fyrst frystur á
sérstakan hátt og síðan þurrk-
aður í þurrkhúsi og þá höggv-
inn niður í smábita líkt og kara-
mellur, sem að lokum er búið
um í smápakka með sellófan-
umvafi.
Við framleiðsluna er aðeins
notaður fyrsta flokks fiskur, og
er þetta hinn ljúffengasti réttur
og gaman að borða þessa smá-
bita, sem leysast auðveldlega í
sundur vegna frystingarinnar og
líkt og bráðna í munninum.
Hingað til hefur Lúðvík ekki
nærri getað fullnægt eftirspurn-
inni, og hefur fiskur þessi aðal-
lega verið seldur á Akureyri, en
fæst nú orðið einnig í Reykja-
vík. Það er trúlegt, að þetta
gæti orðið útflutningsvara.
HÚSÞURRKU® SKREIÐ
HEFUR 70% MEIRA
NÆRINGARGILDI
Lúðvík Ingvarsson hefur ný-
lega keypt frystihúsið Fram á
Fáskrúðsfirði eða meirihluta
hlutafjárins. Hefur hann nú sagt
lausu sýslumannsembættinu eða
er í þann veginn að gera það
og hyggst snúa sér að því að
stjórna frystihúsum sínum á
Eskifirði og Fáskrúðsfirði.
LlF eða dauði
Það virðist n,ú svo sem um líf
eða dauða íslenzks sjávarútvegs
sé að tefla. Verði ekkert að gert
í friðunarmálunum, er trúlegt að
fiskur verði horfinn hér af heima
miðum eftir 10—20 ár rétt eins
og við Færeyjar og Bretland, þar
sem aðeins er um „lúsar.
kropp“ að ræða. — Það er
meira en vafasamt að meiri-
hluti Alþingis fáist til að
samþykkja tillögu Péturs Otte-
sens um að færa friðunarlínuna
út í 12 milur, þó að því verði
ekki trúað að óreyndu, að ekk-
ert verði afhafzt í landhelgis-
málinu, þessu mesta hagsmuna-
máli íslendinga í dag.
FRIÐUN GOTSVÆÐANNA
En það er annað, sem þarf að
fylgja í kjölfarið, og það er frið-
un fyrir netjaveiði, þar sem
helztu gotstöðvarnar eru eins og
Selvogsbanki og þó einkum
hraunið. Áður fyrr fékkst ekk-
ert nema svilfiskur í netin, en
nú síðari ár, eftir að farið var
að leggja netin á hraunið, hefur
þetta gjörbreytzt. Nú orðið er
mjög mikið af netjafiskinum
hrognfiskur. Úr einu meðal-
hrogni koma 4—5 millj. seiða, ef
allt hlekst út.
NORÐMENN FYLGJAST
MEÐ TÍMANUM
Tvö norsk skip haia verið að
gera tilraunir með kanadislta
síldartrollið í vetur. Norðmenn
hafa að vísu reynt það áður, en
þá var það of veikt, svo að það
sprakk undan síldarmergðinni.
Svo sem kunnugt er, er kana-
diska flottrollið frábrugðið því
danska í því, að það er dregið
af tveimur bátum, en það kanad-
iska af aðeins einu skipi. Það er
þannig gert, að því má halda á
því dýpi, sem síldartorfurnar
eru á.
Sr. Þorsteinn Björnsson:
ÞÖCN KRISTS
Gunnar Jónss
Lögmaður
við undirrétti og hæstarétt.
Þingholtsstræti 8. — Sími 81259.
pAll s. pálsson
hæslaréttarlögmaður
Bankastræti 7 — Sími 81511
Á LANGAFÖSTU er í kirkjum
bæjarins sérstakar guðsþjónust-
ur, þar sem píslarsagan er lesin
og hugleidd. Um þetta leyti föstu
er þar komið sögu, að réttarhöld
eru hafin yfir Kristi. Eins og
önnur réttarhöld munu þessi
hafa átt að heita leit að sann-
leika í máli. En hér var samt
fyrirfram ákveðið hvað finna
skyldi. Þegar mál er þannig upp
tekið þagnar sannleikans rödd.
Fyrir því segir píslarsagan um
Krist á þessa leið: „Og er nú sák-
ir voru á hann bornar af æðstu-
prestunum og öldungunum, svar-
aði hann engu“. Nú var þeirra
tími og vald myrkursins, sem
réði. Upp frá þessu segir Kristur
aðeins eina setningu unz dauða-
dómurinn var felldur. Og við á-
kærendur sína sagði hann ekki
framar nokkurt orð. Trú vor er,
að Guð sé eins og Jesús Kristur.
Ef menn þekkja hann vita þeir
allt, sem þeir þurfa að vita sér
til sáluhjálpar. Sömuleiðis til
þess að geta lifað saman í ein
ingu andans og landi friðarins.
Kristur hefur brotið mönnum veg
til guðsríkis svo á jörðu sem á
himni. Með orði sínu viU hann
leiða menn þann veg. Orðið er
ljós á vegum vorum og lampi
fóta vorra ef vér viljum nota það
Vegur þessi er sagður mjór, en
fyrst og fremst vegna þess hvað
menn gera sig breiða. Hann er
og grýttur, en eingöngu af því að
menn kasta grjóti. Þeir sjá ekki
heldur, að þetta er björt braut
af því að þeir eru sífellt með
ljóstírur síns eigin ágætis fyrir
augum.
Af þessu var sú blinda sprott-
in, sem hinir gömlu ákærendur
voru haldnir. Eflaust þekktu
þeir ritningarnar og væntu Mess-
iasar. En hann varð að vera eftir
þeirra eigin þrönga hjarta. Og
því var hann nú hrjóður og „lauk
eigi upp munni sínum“, eins og
hinn forni spámaður hafði sagt
fyrir. Þessir menn einblíndu á
eigin útskýringar og stafkróka,
en voru blindir á opinberun
Guðs. Og það varð hlutskipti
þeirra að velja Barabas í stað
Jesú, manndrápara fyrir hann,
sem lífið gefur, ræningja í stað
gjafara allra góðra hluta. Enn í
dag tala jafnvel kristnir menn
um að leita sannleikans í þessu
efni, rétt eins og hann hefði
aldrei fundizt og því síður að
mönnum hafi verið gefinn hann.
Er ekki þessi leit, að því sem
gefið er stundum harla kynleg?
Fjarri fer að haft skuli á móti
nokkurri vísindalegri rannsókn.
En vilji menn njóta fegurðar
blóma og læra að elska þau, er
leiðin varla sú að rífa þau í tætl-
ur, enda þótt þær séu svo skoð-
aðar í smásjá. Eða hvort munu
menn finna „sálina" í málverki
með því að skafa burt liti þess
og taka til efnafræðilegrar grein-
ingar? Eða njóta tónlistar af
bókum um hana í stað þess að
hlusta á hana? Vitanlega finna
menn hitt og annað með þessari
aðferð, en tæplega það sem höf-
undarnir hafa fyrst og fremst
viljað láta öðrum í té. Við því,
sem öllu máli skiptir fæst ekki
svar með þessu móti. Með valdi
geta menn ekki fengið það. Þögn
in kennir að með auðmjúkum hug
ber að nálgast því lík efni öil,
eigi þau að vera til uppbygging-
ar. Sagt er að mikil listaverk
séu dómarar vorir en vér ekki
þeirra. Það sem vér kunnum um
þau að segja sýnir aðeins hvort
vér erum sýkn eða sek um
glópsku. í ríkustum skilningi á
þetta við um hið sanna og góða.
Það dæmir oss. Viðbrögð vor
gagnvart því sýnir hvernig vér
erum. Guð hefur lagt mönnum í
brjósti hæfileika til lotningar og
tilbeiðslu — aðeins með því get-
um vér nálgast hann og notið
náðar hans. Þögn Krists frammi
fyrir hinum jarðnesku dómurum
er dómur hans yfir þeim. En
þótt þessi dómur sé þungur eins
og hver sú sál veit, sem einhvern
tíma hefur fundizt hún yfirgef-
in af Guði og mönnum, þá er
samt fagnaðarefnið þetta og
reynsla kynslóðanna hefur stað-
fest, að hvar sem maður sýnir
lit á því að vilja þiggja blessun
Guðs af einlægu hjarta, þá
streymir þar að varmi náðar
hans og hlýjar kvöldu brjósti.
yor sæla er undir komin að vér
í lotningu og tilbeiðslu beygjum
„holdsins og hjartans kné“ fyrir
Kristi Drottni vorum og þökkum
það, að hann tók á sig ok yfir-
sjóna vorra og synda til þess að
vér þrátt fyrir allt um síðir mætt
um öðlast lífið og gleðina í eilífu
ríki hans.
IMILFISK
komin aftur!
NILFISK
ryksuga
— gerð 1957 —
ennþá afl-
tneiri en áður.
Pantanir óskast vinsamlega
sóttar sem fyrst.
FÖNIX
O. KORNERUP-HANSEN
— sími 2606 —
Suðurgötu 10
Náimkeið í hjálp
i viðlogum
RAUÐI KROSS ÍSLANDS efnir
til námskeiðs í hjálp í viðlögum,
er hefst 25. marz nk. öllum er
heimil þátttaka í námskeiðinu
án endurgjalds, og eru menn
hvattir til að notfæra sér þetta
tækifæri til að afla sér nauð-
synlegustu þekkingar í þessum
efnum, því enginn veit hvenær
á slíkri kunnáttu þarf að halda
og fyrsta hjálpin er oft bezta
hjálpin.
Undanfarin ór hefir Rauði
krossinn gengizt fyrir slíkum
námskeiðum vor og haust og
hafa þau verið vel sótt. Til dæm-
is hafa ýmis fyrirtæki hvatt
starfsfólk sitt til að sækja nám-
skeiðin og að jafnaði hafa marg-
ar húsmæður sótt þessi námskeið,
því slys verða ekki sjaldnar í
heimahúsum en á vinnustöðum
utan heimilis.
Jón Oddgeir Jónsson kennir á
námskeiðunum og notuð er
kennslubók, sem hann hefir sam-
ið um hjálp í viðlögum. Nám-
skeiðin eru þrjú kvöld í viku
fyrir hvorn flokk, tvær stundir
á kvöldi, kl. 5.15 og kl. 8.15.
Nánari upplýsingar um tilhög-
un námskeiðanna er hægt að fá
á skrifstofu Rauða krossins.
Áðalfundur
Njarðvíkings
AÐALFUNDUR Sjálfstæðisfé-
lagsins Njarðvíkingur verður
haldinn í Samkomuhúsi Njarð-
víkur í dag kl. 1,30. Auk venju-
Iegra aðalfundastarfa verður
rætt um félagsmál.