Morgunblaðið - 19.07.1957, Blaðsíða 2

2
Föstudagur 19. júlí 1957
>
MOP.G V N PT. ÍOIÐ
«c

Asíuinfíúenzan er vœg og
ólíklegt að hún geti orðið
hœttulegur faraldur
Islnndsraeístaranét í golii
holdið í Hverogerði og Rvk
Sexfánda golfþingi íslands nýlega lokið
f GÆR 18. júlí var 16. golfþing fslands haldið í golfskálanum í
Reykjavík og hófst kl. 10.00 árdegis.
Allir golfklúbbar í Golfsambandi íslands höfðu sent fulltrúa,
samtals 10 og auk þess sat forseti Í.S.Í., Benedikt G. Waage, þingið.
í Golfsambandinu eru 5 goifklúbbar og er mikill áhugi ríkjandi
meðal þeirra allra.
í BANDARÍSKA vikuritinu U.S.
News and World Report er grein
um Asíuinflúenzuna svonefndu,
og þar sem ætla má, að lesendur
blaðsins hafi áhuga á að kynna
;ér efni hennar, verður hér á
eftir drepið á hið helzta í laus-
iegri þýðingu.
Blaðið bendir fyrst á, að þessi
nýja inflúenza hafi geisað á ýms-
um landsvæðum, en á öðrum hafi
veikin aðeins stungið sér niður
ennþá.
Hversu hættuleg er Asíu-
inflúenzan, spyr blaðið? Inflúenz
an, sem geisað hefir undanfarið
í Asíulöndunum og hætta er á
að berist til Evrópu og Ameríku,
er væg. Dánartalan er tiltölulega
mjög lág. Menn eru aðeins veikir
í þrjá eða fjóra daga, fá höfuð-
verk, beinverki og háan hita.
En hví þá allt þetta umtal um
veikina?
Vegna þess að svo margir fá
hana. Svo virðist sem aðeins fáir
menn séu ónæmir fyrir henni.
Veikin fer eins og eldur í sinu
um þau landsvæði, sem hún er
einu sinni komin til. Sums stað-
ar þar, sem veikin hefir herjað,
hefir annar hver maður fengið
hana, á nokkrum stöðum hefir
jafnvel hver einasti maður tekið
veikina.
Hvernig fá menn veikina?
Menn fá Asíuveikina eins og
aðrar tegundir af inflúenzu. Að-
allega berast veirurnar með hósta
og hnerra smitberanna. Heil-
brigður maður getur borið veik-
ina án þess að fá hana nokk-
urn tíma.
Hvemig getið þér vitað, að þér
séuð með veikina?
Einkenni hennar koma í ljós
mjög fljótt eftir smitun. Venju-
lega verða menn skyndilega
slappir, og fá e.t.v. í sig hroll.
Stundum fylgir höfuðverkur, ó-
gleði og uppköst. Hitinn kemst
upp í 38—39 stig, en fer
stundum hærra. — Þá geta
menn einnig fengið dálítinn hósta
og orðið sárir í hálsinum. Bein-
verkirnir koma aðallega fram í
fótum og baki.
Hvað er hægt að gera, ef mað-
ur fær veikina?
Heldur lítið. Enn er ekkert lyf
til við inflúenzuveirunni, svo að
læknar verða að halda sig að
þeim lyfjum, sem draga úr bein-
verkjunum og minnka hitann.
Nauðsynlegt er að leggjast í rúm-
ið. Hægt er að gefa fúkkalyf og
súlfa til að koma í veg fyrir
hættulega fylgikvilla, s.s. lungna
bólgu, sem getur fylgt í kjölfar
inflúenzunnar.
Er ekki til bóluefni við inflú-
enzu?
Jú, en það er aðeins notað í
því skyni að koma í veg fyrir,
að menn taki veikina, en það
er gagnslaust sem lyf eftir að
veikin hefir blossað upp. Veiran,
sem veldur Asíuveikinni er ný af
nálinni. (Því má skjóta hér inn í,
að síðustu fregnir herma, að
Bandaríkjamenn séu nú að fram
leiða bóluefni við inflúenzunni,
en greinin er skrifuð áður en
tilraunum þeirra með slíkt bólu-
efni var lokið. Hins vegar segir,
að bóluefnið verði sennilega til-
búið með haustinu og megi
reikna með því, að það verði svo
áhrifamikið, að það geti komið
í veg fyrir, að bólusettir menn
fái veikina). I greininni segir
ennfremur: Sennilegt er, að síð-
ar .verði bóluefni við Asíuveik-
inni sett í bóluefni við öllum
öðrum tegundum inflúenzu.
Hversu lengi varir ónæmið
fyrir inflúenzu?
Á meðan faraldurinn gengur
yfir. Ónæmi hefir ekki myndazt
í líkamanum fyrr en hálfum mán
uði eftir að bólusetning hefir
farið fram, svo að bólusetning
er gagnlaus eftir að faraldurinn
hefir látið á sér kræla. Venjan
er sú, að bólusetja menn við
inflúenzu á haustin, svo að ónæm
ið dugi yfir veturinn.
Væri ráðlegt að bólusetja alla,
þegar bóluefnið er fyrir hendi?
Hver og einn ætti að fara eftir
ráðleggingum læknis síns í þess-
um efnum .... Einkum ætti
að bólusetja þá, sem þola illa
fylgikvilla, s.s. gamalmenni og
ungböm.
Herjar inflúenzan með á-
kveðnu millibili?
Ýmsar skoðanir hafa verið uppi
í þessum efnum. Til eru nokkrar
tegundir inflúenzuveira og ein
þeirra — a-gerðin — virðist geisa
annað eða þriðja hvert ár. Síð-
asti stórfaraldurinn var 1953. B-
gerðin virðist koma með fjögurra
eða fimm ára millibili. Síðasti
stórfaraldurinn var 1952.
Veiran, sem veldur Asíu-innflú
enzunni, heyrir til a-gerðinni. Dr.
Maurice R. Hilleman, sérfræðing-
ur í veirusjúkdómum, einangr-
aði þessa nýju veirutegund á
sínum tíma. Hann heldur, að veik
in muni breiðast út um heim all-
an.
Gæti þessi nýja tegund inflú-
enzu, sem er væg, breytzt í drep-
sótt?
Sérfræðingar vilja helzt segja
sem minnst um það. Þeir benda
þó á, að flest dauðsföll í inflú-
enzudrepsóttinni, sem herjaði
1918, hafi átt rætur að rekja til
fylgikvilla, eins og lungnabólgu,
en ekki til sjálfrar inflúenzunn-
ar. Þeir eru þeirra skoðunar, að
jafnvel þótt þessi nýja veira
breytist og verði lífshættuleg, þá
muni sagan frá 1918 ekki endur-
taka sig vegna fúkkalyfjanna og
annarra þeirra lyfja, sem fyrir
hendi eru.
STJÓRNIN ENDURKJÖRIN
Forseti þingsins var kjörinn
Gunnar Schram, Akureyri, en
þingskrifari, Sveinn Snorrason,
Reykjavík.
Dagskrárliðir voru eins og venju
lega og ríkti eining og prúð-
mennska í störfum þingsins.
Stjórn Golfsambandsins var öll
endurkjörin: —
Ólafur Gíslason forseti sam-
bandsins og meðstjórnendur:
Björn Pétursson, Reykjavík, Jó-
hann Þorkelsson, Akureyri, Lárus
Ársælsson, Vestmannaeyjum.
Öldunga-keppni í golfi var
ákveðið að færi fram sama dag á
á Golfvellinum í Reykjavík og
var tilkynnt um 6 þátttakendur.
ÍSLANDSMEISTARAMÓT
íslandsmeistaramót var ákveð-
ið að fari fram á Golfvellinum
í Hveragerði og Reykjavík, þann-
ig að fyrstu 18 holurnar verði
leiknar í Hveragerði í dag 19 júli
og hefst keppnin kl 1 s.d. Næstu
18 holurnar verða leiknar á Golf-
vellinum í Reykjavík, laugardag-
inn 20. júlí og síðan 36 holur í
Reykjavik 21. júlí og lýkur þá ís-
landsmeistaramótinu.
Þátttakendur í meistarakeppn-
inni verða 40.
Koppreiðor hestamannaíélagsins
Sraóra holdnar oð Sondlækjarósi
Keppl var um „Hreppasvipuna”
Hæli, 17. júlí 1957.
SÍÐASTLIÐINN sunnudag hafði hestmannafélagið Smári kapp-
reiðar og góðhestakeppni á skeiðvelli sínum við Sandlækjarós.
Til keppni voru skráðir 33 hestar. Helztu úrslit urðu þessi:
Á skeiði hlaut verðlaun Jarpur'
frá Hvítárbakka og rann hanti
skeiðið á 28 sek.
í folahlaupi sigraði Blakkur Ei-
riks Bragasonar, Eyrarbakka á
20,5 sek. Annar var Hringur
Steins Einarssonar, Eyrarbakka
á 20,6 sek. Þriðji var Blesi Magn-
úsar Sigurðssonar, Bryðjuholti á
20,9 sek.
300 METRA STÖKK:
1. Ör Óskars Indriðasonar,
Ásatúni á 24,1 sek.
2. Sörli Sveins G. Sveinssonar,
Hrafnkelsstöðum á 24,5 sek.
3. Brúnn Hárlaugs Ingvars-
sonar, Austurhlíð á 24,8 sek.
350 METRA STÖKK:
1. Krummi Kristins Ingvars-
sonar, Austurhlíð á 28,0 sek.
2. Háfeti Ingvars Eiríkssonar,
Efri-Reykjum á 29,0 sek.
3. Stjarni Magnúsar Sigurðs-
sonar, Bryðjuholti á 29,3 sek.
HLAUT „HREPPASVIPUNA"
f góðhestakepni bar sigur úr
býtum Gola Jóns Helgasonar á
Miðhúsum. Hlaut hún „Hreppa-
svipuna", sem er farandgripur.
Gola er 15 vetra dóttir Skugga
frá Bjarnarnesi, glæsilegt gang-
og viljahross. Þótti hún vel að
sigrinum komin.
Kappreiðarnar voru fjölsóttar,
fónx vel fram og gengu greiðlega.
Nokkur mótvindur var, sem ætla
má að hafi dregið nokkuð úr
hlaupahraða hrossanna.
Fréttaritari.
Kemst ekki inn
RENNE, 18. júlí — Þjófur nokk
ur arkar nú þjóðvegina í
Normandí af því hann kemst ekki
inn í fangelsið, þar sem hann á
að vera. Stafar það af því, að
franskir fangaverðir eru komnir
í verkfall. Henri Moulin var
dæmdur í viku fangelsi í Coutan-
ces-fangelsinu, en þegar hann
kom þangað til að afplána sök
sína, neituðu verðirnir að útfylla
nauðsynlega pappíra, og komst
Moulin því ekki inn. Hann átti
ekki peninga til að komast heim
til sín, en var skipað að leggja
land undir fót og snauta heim í
eigin bæ.
Reykjavík skipl nið-
iir í úiburðarhverfi
PÓSTSTJÓRNIN hefur nú gefið
út „Götuskrá fyrir Reykjavík"
til leiðbeiningar um utanáskriftir
pósts, en Reykjavík hefur nú ver-
ið skipt niður í útburðarhverfi
og eru þau sex talsins, og verða
fyrst um sinn.
ÚTBURÐARHVERFIN
Enginn póstáritun er nú lengur
til sem heitir Reykjavík, heldur
Reykjavík, N. Reykjavík, NV.,
Reykjavík SV., Reykjavík NA.,
Reykjavík A og Reykjavík SA.
Til þess að auðvelda áritun til
Reykjavíkur hefur póststjórnin
gefið út „Götuskrá fyrir Reykja-
vík“ sem verður send öllum póst-
stofum og póstafgreiðslum á land
inu og verður hún þar til sölu.
MIKILVÆG AÐSTOD
Telur póststjórnin að þegar
póstur er þanig merktur með
hverfisbókstöfum verði sundur
lestur allur fljótari og skil verði
öruggari.
Hestamót „Geysis“ í Ranoár vallasý siu
haldið síðastliðinn sunmidag
Sýning unghrossa á mófinu vakfi mikla afhygli
SIGLUFIRBI, 18. júlí. — Um 10
skip fengu síld í nótt úti við Kol-
beinsey öll um og innan við 100
tunnur. Þessi skip eru komin
hingað: Guðmundur Þórðarson
RE, Sjöfn VE, Bergur og Særún.
Afli skipanna var saltaður.
Síldin sem Guðmundur Þórðar-
son fékk var veidd austur við
Rauðunúpa og var falleg söltunar
sild. í dag er norðangola og kalt
á miðunum. — Guðjón.
Búib að alhirða
AKRANESI, 13. júlí — Búið er
að alhirða að heita má fyrri slátt
af túnum á tveim bæjum utan
Skarðsheiðar. Er það á bæjunum
Eystra-Miðfelli og Hlíð í Hval-
fjarðarstrandarhreppi. Búið er
að slá allt túnið í Akrakoti í
Innri-Akraneshreppi. öll taðan
er komin þurr upp í sæti, aðeins
eftir að hirða inn. —Oddur.
HELLU, Rang., 13. júlí. — Hið^
árlega hestamót „Geysis" í Rang-
árvallasýslu var haldið á Gadda-
staðaflötum sunnudaginn 7. júlí
s.l. Veður var mjög gott þennan
dag og mikill mannfjöldi var
saman kominn á flötunum, eitt-
hvað á annað þúsund manns.
Formaður Hestamannafélagsins
„Geysis", Lárus Gíslason, hrepp-
stjóri Miðhúsum setti mótið með
ræðu, að henni loknni hófst sýn-
ing unghrossa — fjögurra til sex
vetra — í tamningu, er þetta nýr
þáttur í mótum „Geysis" og mjög
skemmtilegur. Komu þarna fram
fimmtán hross á öllum stigum
tamningar og vakt mesta athygli
Freyfaxi 6 v. eigandi Jónas Guð-
mundsson, Núpi.
Þar næst fór fram góðhestasýn-
ing og komu þar fram seytján
hestar. Beztan dóm og fyrstu
verðlaun hlaut Þráinn, eigandi
Magnús Guðmundsson, Uxa-
hrygg, önnur verðlaun hlaut
Fluga, eigandi Árni Jóhannsson
frá Teigi og þriðju verðlaun hlaut
Hörður, eigandi Steinar Magnús-
son, Ámagerði.
Var þá komið að hlaupunum
og í þéim tóku þátt sextán hestar
alls.
f folahlaupi sigraði Lýsingur
frá Fróðholti á 20,9 sek. annar
varð Freyfaxi frá Núpi á 21,0
sek.
Á 300 m spretti sigraði Roði
úr Reykjavík á 23,2 sek., annar
varð Jarpur frá Varmadal á 23,6
sek.
Á 350 m. spretti sigraði Sokki
frá Bakkakoti á 27,1 sek., annar
varð Hringur frá Selfossi á 27,7
sek.
Að kappreiðunum loknum var
dansað í Hellubíói og skemmti
fólk sér hið bezta.
H. J.
Tllraun með gatna-
gerð á Akranesl
AKRANESI, 18. júlí — Götunum
hér hefur lengi verið viðbrugðið
fyrir hvað þær eru holóftar. Nú
á að gera tilraun til endurbóta
með því að topplagsfylla um 120
metra langan spöl á Skólabraut
inni. Búið er að taka þar upp úr
götunni 20 cm. þykkt lag og byrj-
að á að fylla upp í veginn með
mulningi. Síðan á að valta og
sandfylla þar á eftir. Loks á að
sprauta yfir með bitumen og strá
í það grófum sandi. Þegar búið
er að valta í síðasta sinn á slit-
lagið að vera fullgert. —Oddur.
„Drottningin64
fullskipuð
DRONNING ALEXANDRINE,
sem er nú eina skipið, sem held-
ur uppi áætlunarferðum milli fs-
lands og útlanda, kom hingað
laust eftir hádegi í gær frá Kaup-
mannahöfn fullskipuð farþegum,
eða með um 150 manns. Skipið
kom einnig með allmikið af vör-
um. — Héðan siglir skipið um
hádegisbilið á morgun áleiðis til
Kaupmannahafnar og verða með
skipinu þangað um 200 farþegar.
Bryggjubyggingin á
Gjögri gengur vel
GJÖGRI, Ströndum, 18. júlí —
Þurrkar hafa verið hér undan-
farna daga.
Unnið er stöðugt við byggingu
bryggju hér á Gjögri og miðar
verkinu vel áfram miðað við allar
aðstæður.
Selveiði í Ófeigsfirði er nú lok-
ið. Alls voru veiddir 128 selir og
er það svipað og var í fyrra.
— Regína.
Dulles leyfir blaða
mömuim til Kína
WASHINGTON, 18. júlí: — John
Foster Dulles utanríkisráðherra
Bandaríkjanna gaf í dag sam-
þykki sitt við því að takmarkað-
ur fjöldi bandarískra blaða-
manna fengi að fara til kínverska
alþýðulýðveldisins. Samkomulag
um fjölda þeirra, sem fara mega,
náðist hins vegar ekki, þegar
Dulles ræddi við fimm helztu
ritstjóra Bandaríkjanna. Utan-
ríkisráðuneytið mun rannsaka
málið nánar, áður en endanleg
ákvörðun verður tekin.
Sprengjur í Alsír
ALGEIRSBORG, 18. júlí: — Einn
lögreglumaður var drepinn og
fjórir særðir í nokkrum spreng-
ingum, sem áttu sér stað á göt-
um Algeirsborgar í kvöld. Spreng
ingarnar voru gerðar á þremur
aðalgötum borgarinnar. í bæ
nokkrum í Vestur-Alsír kastaði
uppreisnarmaður sprengju inn í
veitingahús og tveir gestanna
særðust.