Morgunblaðið - 05.07.1960, Qupperneq 6

6
MORCVNBLAÐIÐ
Þriðjudagur 5. júlí 1960
Glæsileg
Varöarför
Dm 400 manns tóku þátt
í fórinni sl. sunnudag
ÞAÐ var þungt í lofti og ekki út-
lit fyrir sérlega gott veður, þeg-
au: haldið var af stað í Varðar-
ferðina 1960 á sunnudagsmorg-
un. Alls tóku þátt í ferðinni um
400 manns og var farið í 11 stór-
um áætlunarvögnum. En veður-
guðirnir voru samt ferðafólkinu
hliðhollir, því ekki var fyrr kom-
ið inn fyrir Elliðaár, en sólin
skein í heiði og þannig hélzt veðr
ið mestan hluta ferðarinnar.
Að þessu sinni var Varðar-
íerðin farin um Landnám Skalla
gríms. Var farið frá Sjálfstæðis-
húsinu kl. 8 um morguninn og
ekið, sem leið liggur til í>ing-
valla þar sem var áð, litla stund,
í glaða sólskini. Ferðalangar
drukku morgunkaffið eða gengu
um gjárnar. Síðan var haldið af
stað og ekið upp vellina, inn fyr-
ir Ármannsfell yfir Meyjarsæti,
niður x Sandkluftir og upp á
Kaldadalsveg. Skammt frá Brunn
um er síðan beygt af og haldið
upp á Uxahryggi en við Þverfell,
sem gnæfir yfir á þessari leið er
komið inn í hið upprunalega land
nám Skallagríms.
Siðan var ekið niður Lundar-
reykjadal og haldið yfir Hvítár-
brú og ekki áð fyrr en nokkru
vestan við Borg á Mýrum, hið
garma höfuðból Skallagríms og
afkomenda hans.
Þegar haldið hefur verið kyrru
fyrir nokkra stund, er enn hald-
ið af stað og ekið inn í Hítardal.
Þegar komið er inn í Hítardal
blasa við fjallakambar á báðar
hliðar. Er náttúrufegurð mikil á
þessum stað og nokkuð sérstæð
þeim, sem koma þar í fyrta sinn.
Norðan dalsins er fyrst Fagra-
skógafjall en suðaustur úr því
skagar móbergsfjall, veðurbar-
íð með ótal strýtum. Efst í fjalli
þessu hafðist Grettir við um
skeið og er nefnt Grettisbæli.
Numið var staðar nokkuð neð-
an við túnið á Hítardal. Var þar
framreiddur matur góður og mik-
ill. Dreifðust menn um móana
Mikil þdtttoka í fjórðungsmoti
hestumunnu í Borgnrfirði
HINN 16. og 17. þ. m. verður
haldið fjórðungsmót á vegum
Landsambands hestamannafélaga
og Búnaðarfélags íslands að
Faxaborg á Hvíárbökkum.
Þetta mót verður hið lang-
stærsta, sem haldið hefur verið
á þessum stað. Sýningarsvæðið
er frá Reykjanesi og vestur í
Dali. Sýnd verða kynbótahross,
bæði hryssur og stóðhestar, þá
gæðingar frá 6 hestamannafé-
lögum og auk þess verða kapp-
reiðar.
Þegar hafa verið skráðir til
sýningar 18 ikynbótahestar, 63
hryssur, sem er hartnær eins
margt og á landsmóti, og 29 gæð
ingar auk kappreiðahrossanna.
Hestamannafélagið Faxi í Borg
arfirði annast framkvæmd móts-
ins. Hópar manna munu koma
ríðandi úr ýmsum landshlutum.
Áð í Hítardal. Bjarni Benediktsson dómsmálaráðherra heldur ræðu.
og snæddu í glampandi sólskini
og steikjandi hita.
Þá tók til máls Þorvaldur Garð
ar Kristjánsson, formaður Varðar
og bauð fólk velkomið í förina.
Kvað hann ferðir þessar vera
orðnar fastan lið í félagslífinu
og ættu þær sívaxandi vinsæld-
um að fagna. Á sumrin lægi póli-
tíkin í dvala en þess í stað væri
efnt til skemmtiferðar, sem í
rauninni einnig hefði nokkuð
pólitískt gildi, því jafnan væri
flutt ein pólitísk ræða 1 hverri
ferð. Óskaði hann síðan þátttak-
endum góðrar skemmtunar.
Næstur tók til máls Bjarni
Benediktsson, dómsmálaráðherra
og varaformaður Sjálfstæðis-
flokksins og flutti hann snjalla
ræðu. Þá talaði Arni Óla rit-
stjóri og flutti ferðalýsingu. Var
hún glögg og greinargóð og hin
skemmtilegasta. í Hítardal hefur
um aldarraðir verið mikið menn-
ingarsetur, þar hafa setið miklir
fræðimenn og höfðingjar. í hérað
inu í kring úir og grúir af ör-
nefnum og sögustöðum, þar sem
merkir atburðir hafa gerzt og
frægir menn riðið um héruð.
Þegar hvílzt hafði verið í Hít-
ardal langa stund var haldið af
stað og ekið að Borg á Mýrum.
Virtist þá um stund sem veður
mundi skipast í lofti, en ekki
varð úr því nema stutt skúr.
Á Borg skoðuðu menn kirkjuna
en íbúðarhúsið brann fyrir
nokkru, sem kunnugt er og hefur
ekki venð endurreist. Einnig hér
flutti Árni Óla stutta ferðalýs-
ingu ok kom víða við, skýrði frá
sögustöðum og landslagi.
Var þá enn haldið af stað og
ekið í Hafnarskóg hjá Ölver og
snæddur kvöldverður, sem auð-
kenndist af sama höfðingsskapn-
um og hin fyrri máltíð. Dvöld-
ust menn um hrið í hinu fagra um
hverfi og síðan var ekið til
Reykjavíkur, með stuttri við-
komu í Hvalfjarðarbotni, og kom
ið í bæinn laust eftir kl. ellefu.
Var auðheýrt á'ferðalöngum að
þeir voru ánægðir með ferðina.
Var þessi ferð hin ánægjulegasta
í hvívetna og með miklum glæsi-
brag. Aðbúnaður allur svo sem
bezt verður kosinn og ferðastjórxi
í öruggum höndum.

• Að vilja föður síns?
Velvakanda hefur borizt
BLIK, ársrit Gagnfræðaskól-
ans í Vestmannaeyjum, frá
þessu ári. Hefst ritið á hug-
vekju eftir Þorstein Víglunds-
son, þar sem hann ræðir um
m. a. um áfengisnautn ung-
linga. Segir Þorsteinn sögu af
pilti, sem starfaði með honum
í stúku af miklum áhuga, en
hætti m. a. vegna þess, hve
faðir hans var andstæður allri
bindindissarfsemi. Síðan segir
Þorsteinn:
„Ekki leið svo ýkjalangur
tími, þar til ég fékk vissu
fyrir því, að pilturinn var
tekinn að neyta áfengis.
Mundi hann ‘ekki í þeim efn-
um tekinn að þjóna vilja föð-
urins? ....
. . . Nokkru síðar fékk þessi
ungi maður góða stöðu hér í
bænum. Um það bil giftist
hann gæða- og myndarstúlku.
Þessi ungu hjón þekkti ég
bæði vel. Þau höfðu verið nem
endur mínir.
♦ Gæfa og gengi
Drykkjuskapur unga heim-
ilisföðurins fór í vöxt. Síð-
ast var hann svipur stöðunni
sökum drykkjuskapar. Hjóna-
bandið var líka að fara út um
þúfur, þegar hann hrökklaðist
héðan úr bænum. Engir líða
nú meiri sálarkvalir sökum
ógæfu hins unga heimilisföð-
ur, en foreldrarnir, sem þó
höfðu kallað þetta fjölskyldu
böl yfir sig. Síðan hefur þessi
ungi maður, sem nú er brátt
miðaldra, aldrei borið barr
sitt. Skyldi ekki saga fjölda
ungra manna og kvenna í
þessu landi, nú vera eitthvað
áþekk sögu þessa Vestmanna-
eyings, þar sem orð og gjörðir
í sjálfu föðurtúninu, heimil-
inu, virðast án efa eiga upp-
tök að ógæfunni".
Síðar í hugleiðingu sinni
segir Þorsteinn:
„Trúað gæti ég, að margir
foreldrar gerðu sér of litla
grein fyrir því, hve heimilin
eru áhrifaríkur aðili til ills
eða góðs, um allt uppeldi æsku
lýðsins. Það er sanni næst, að
uppalandinn gegni ábyrgðar-
mestu stöðu þjóðfélagsins,
hvort sem starf hans á sér
stað innan veggja heimilisins
eða annarra stofnana. Framtíð
þjóðfélagsins veltur á því,
hvernig honum tekst yfirleitt
að inna það starf af hendi, Þar
fer saman hin sanna gæfa og
og hið sanna gengi uppaland-
ans sjálfs og þjóðfélagsins".
Uppþot í Genúa
GENÚA, Ítalíu, 30. júnf. (Reuter).
— Að minnsta kosti 30 manns
særðust í óeirðum í Genúa í dag,
er til mótmæla kom vegna vænt-
anlegs þings nýfasista í borginni.
frá minningarathöfn, em haldin
var við minnismerki hermanna,
er barizt höfðu gegn fasismanum
á styrjaldarárunum, reyndi lög-
reglan að dreifa mannfjöldánum.
Notaði hún til þess táragas og
vatnsslöngur, en mótmælamenn
náðu í nokkrar táragassprengjur
og köstuðu aftur að lögreglumönn
unum.
Verzlunum í borginni var lok-
að og kom víða til verkfalla, svo
að öll venjuleg starfsemi gekk úr
skorðum.