Morgunblaðið - 21.04.1963, Page 17

f Sunnudagtir 21. aprfl 199*
MORCUNBLAÐ1Ð
17
Karl Schram
Minning
F. 4. júní 1899 D. 14. apríl 1963.
Á M O R G U N fer fram útför
Karls Schram, framkvæmda-
stjóra „Veggfóðrarans hf.“, sem
lézt hér í sjúkrahúsi 14. þ. m.
Hann var fæddur í Reykjavík
4. júní 1899, sonur merkishjón-
anna Magðalenu Árnadóttur og
Ellerts Schram, skipstjóra.
Fráfall þessa mæta manns
bar fljótt að, svo að okkur sam-
starfsmenn hans setur hljóða
um stund og eigum bágt með að
átta okkur;/því skammt er síðan
við áttum fund með honum í
sjúkrahúsinu, og datt þá engum
okkar í hug, að svona stutt væri
bilið milli lífs og dauða. Þetta
er mér óleymanleg stund, því
von um góðan bata virtist mér
svo augljós. Þessi helfregn kom
því mjög óvænt, yfir okkur sam-
starfsmenn hans; og hefur fyrir-
tæki okkar misst þann starfs-
kraft, sem erfitt er að bæta.
Þessi fáu kveðjuorð eru stíluð
frá okkur öllum, sem stöndum
að fyrirtækinu „Veggfóðraran-
um hf.“, með einlægri þökk fyr-
ir allt hans starf, sem unnið var
af mikilli samvizkusemi og
skyldurækni, þrátt fyrir það þó
heilsan væri oft ekki upp á það
bezta. Alltaf var hann glaður í
lund, og mér fannst mér ávallt
létta í skapi, að eiga viðtal við
hann, sem var mjög oft, næst-
um daglega í nærri 26 ár; höfð-
um við mikil samskipti og aldrei
fallið skuggi á samleið okkar.
Mér er því ljúft að minnast han$
sem eins hins bezta drengskap-
armanns, sem ég hef kynnzt.
Kvæntur var hann hinni ágæt-
ustu konu, Unni Ágústsdóttur,
kaupmanns frá Bíldudal. Var
hjónaband þeirra hið ástríkasta
og var hún honum mikill styrk-
ur í heilsuleysi, sem lengi þjáði
hann. Þau eignuðust tvö mann-
vænleg börn, Hrafnhildi, flug-
freyju, og Ágúst, nemanda.
Við vottum eftirlifandi konu
hans og börnum og öðrum að-
standendum, okkar innilegustu
samúð, og biðjum algóðan Guð
að styrkja þau og blessa í hinni
þungu sorg.
Sveinbjöm Kr. Stefánsson.
★
VINUR minn, Karl Schram for-
stjóri, lézt á páskadagsmorgun
síðastliðinn, eftir stutta legu.
Karl var fæddur 4. júní 1899 í
Reykjavík. Foreldrar hans voru
sæmdarhjónin Magdalena Árna-
dótt-ir og Ellert Schram, skip-
stjóri. Hann ólst upp hjá for-
eldrum sínum í hópi tápmikilla
systkina, sem öll syrgja nú sinn
góðá bróður.
Karl var alla tíð eftirsóttur
félagi, enda ávallt hrókur alls
fagnaðar. Karl var í æsku
manna hraustastur, fjörmikill og
naut sín vel á meðal vaskra
íþróttamanna. Tók hann mikinn
þátt I starfi Knattspyrnufélags
Reykjavíkur, sat í stjórn þess
um árabil, varð íslandsmeistari
í knattspyrnu og var í úrvals-
flokki fimleikamanna. Síðar á
sevinni varð hann fyrir því á-
falli að veikjast af sjúkdómi,
sem háði honum mjög síðan. En
þá sýndi hann bezt hvert karl-
menni hann var. Ekki heyríiist
frá honum æðruorð eða kvört-
un.
Karl var frábær'maður, hrein-
skilinn og fágaður í allri fram-
komu. Hann var mikill bókavin-
ur og naut góðra bóka og þrosk-
aði hugann alla tíð með lestri
þeirra, enda var hann fróður
með afbrigðum. Hann var og
vel hagmæltur þótt fáir fengju
að njóta þess, nema nánustu
vinir hans.
Starfsmaður var Karl í bezta
lagi. Hann lauk fullnaðarprófi
frá Verzlunarskóla íslands. Vann
síðan við Heildverzlun Garðars
Gíslasonar, bæði hér á landi og í
Skotlandi. Eftir heimkoihuna
setti hann á stofn heildverzlun
hér í Réykjavík. En fyrir 26 ár-
um var hann beðinn að taka við
forstjórastöðu við fyrirtæki
veggfóðrara hér í bæ, Veggfóðr-
aranum hf. Þar eins og í öllu
öðru lífsstarfi hans komu mann-
kostir hans glöggt í ljós. Hann
var jafnan traustur, gætinn og
áreiðanlegur reglumaður, sem
mátti ekki vamm sitt vita.
Samtarfsmenn hans, einkum
þeir, er störfuðu lengst með
honum, kunnu vel að meta
mannkosti hans og var þar um
gagnkvæmt traust og vináttu að
ræða.
Karl var kvæntur Unni Ágústs
dóttur Sigurðssonar frá Bíldu-
dal. Er hún í flokki hinna ágæt-
ustu kvenna, tápmikil og hjarta-
góð. Var heimilislíf þeirra yndis-
legt. Þau hjón eignuðust tvö
mannvænleg börn, Hrafnhildi,
sem nú er flugfreyja, og Ágúst
vélfræðinema. Karl og fjöl-
skylda hans höfðu nú nýlega bú-
ið um sig á skemmtilegum stað
í Vesturbænum, en þær slóðir
voru Karli kærastar. Hann naut
þessa góða og hlýlega bústaðar
aðeins fáa daga í faðmi fjöl-
skyldu sinnar, áður en hann var
svo skyndilega í burtu kallaður.
Minningin um Karl Schram
er heiðrík og björt, munu því
margir, bæði félagar hans og
samstarfsmenn, vinir hans og
frændur, sakna hans lengi og
jafnan minnast vináttu hans og
drengskapar. En mestur er þó
söknuður konu hans og barna,
sem kveðja nú hinztu kveðju
ástríkan eiginmann og um-
hyggjusaman föður.
Með beztu samúðarkveðju.
Kristján L. Gestsson.
Bförn Blöndal póst-
aigreíðslum. 75 ára
ÍDAG er 75 ára Björn P.
Blöndal fyrrverandi póstaf-
greiðslumaður á Hvammstanga.
Blöndalsættin er orðin kunn
um alilt landið. En síðast á öld-
inni sem leið, voru' forfeður,
hennar kunnastir hér í Húna-
þingi. Var þá jafnan litið svo á,
að í þeirri sett kæmu mjög fram
áberandi eiginleikar, svo sem á-
gætar gáfur, listhneigð og skör-
ungsskapur. Og vissule'ga hefur
Björn P. Blöndal hlotið í ríku
mæli þessar kynfylgjur ættar
sinnar. I þessum fáu línum er
ekiki ætlunin að rekja ævi-
feril afmælisbarnsins, en aðeins
minna á nok'kur störf og þætti
er snert hafá hans samstarfs-
menn og allan almenning í byggð
arlaginu.
Á síðasta ári lét hann af
embætti, sem póstafgreiðslumað-
ur á Hvammstanga eftir 49 ára
starf. Þessu starfi gegndi hann
með frábærri reglusemi og dugn-
aði og má marka hvaða álit yf-
irmenn hans hafa haft á honum,
að hann var settur, sem póst-
meistari á Alþingishátíðinni á
Þingvöllum 1930. Má segja að
það hafi verið sama hvort Björn
P. Blöndal hefur unnið að póst-
afgreiðslustörfum, sem hrepp-
stjóri, í stjórn sparisjóðs V.-Hún.
eða sem ritari á fundum sýslu-
nefndar — svo nokkur störf í
almenningsiþágu séu nefnd —
þá hefur starfið mótazt af áhuga
og reglusemi og frágangur all-
ur á bókhaldi, svo sem bezt má
verða, enda rithöndin glæsileg.
Hann hefur nokkuð lagt fyrir
sig tungum.álanám, þar á með-
al esperanto, og mun víða kunn-
ur meðal þeirra, sem leggja stund
á það mál.
•• ■ ••:•••:•:•:• ........................................ ■ •'•:• ■
Á fynri árum tók hann oft virk
an þátt í skemmtanalífi á
Hvammstanga, og þá fyrst og
fremst leikstarfsemi, sem þá átti
við mikla erfiðleika að etja. Lék
hann þá oft stærstu hlutverkin
og málaði jafnavel leiktjöldin.
Bar allt það starf hans vott um
kisthnéigð hans og smekkvísi.
Björn P. Blöndal er skapfestu-
maður, hann myndar sér ákveðn-
ar skoðanir á málum, og fylgir
þeim ákveðið fram, hver sem
í hlut á. Hann er ákveðinn stuðn-
ingsmaður Sjálfstæðisflokksins
og hefur ekki trú á að vanda-
mál þjóðfélagsins verði leyst af
kommúnistum eða stuðnings-
mönnum þeirra. Björn var kvænt
ur Rósbjörgu Þorgrímsdóttur, en
missti hana sumarið 1961. Þau
eignuðust fjórar vel gefnar dæt-
ur. Vestur-Húnvetningar og aðr-
ir vinir og kunningjar árna
honum allra heilla á þessu merk-
isafmæli. B.G.
Nýjar vörur
Stretch buxnaefni, 3 litir.
Sumarkjólaefni í úrvali.
Verzlunin VÍK
Laugavegi 52.
— Bezt að auglýsa / Morgunblaðinu —
Kvenpeysur
Tökum upp í fyrramálið mjög fallegar amerískar
kvenpeysur í mörgum ljósum litum. —
Sérstaklega hagstætt verð. —
-K Heilar peysur kr. 95.00
* Gólftreyjur kr. 125.00
Miklatorgi.
Harðplastplötur
WIRU-tex (Vestur-þýzkar)
3 mm þykkar, 260x200 cm. Verð kr. .874.00.
ABEZIA (ítalskar)
1,4 mm þykkar, 280x130 cm. Verð kr. 686,15.
Hvoru tveggja er I. flokks plötur.
Páll Þorgeirsson
Laugavegi 22 — Sími 1-64-12.
Afgreiðslustarl
Stúlka (helzt vön) óskast til afgreiðslustarfa í
tízkuverzlun hálfan daginn. — Tilboð sendist
til afgr. Mbl. fyrir 26. þ.m., merkt; „Áreiðan-
leg — 6756“.
...allir
þekkja
KIWI
gljáann

KIWI
gljáir á
augabragði
O. JOHNSON & KAABER H/F, REYKJAVIK