Morgunblaðið - 20.05.1964, Side 12

12
MORGUN&' *OIÐ
Miðviktidagur 20. maí 1964
Á afmæli skáldsins
Gunnars Gunnarssonar
Á ANNAN dag hvítasunnu,
13. maí, átti Gunnar skáld
Gunnarsson 75 ára afmæli.
■fr ÞÁ um morguninn gengu
n ikkrir vinir skáldsins á íund
þess og færðu Gunnari skjal, þar
sem skýrt var frá því, að all-
margir vinir hans hefðu ákveðið
að gefa honum brjóstlíkan af
skáitdinu, sem Sigurjón Ólafsson,
rnyndhöggvari, er nú að vinna
að, og yrði það steypt í eir. For-
sætisráðherra Dr. Bjarni Bene-
diktsson, hafði orð fyrir gefend-
um.
Þá þegar um morguninn tóku
að berast að blóm og heiilaóska-
skeyti víðs vegar að úr veröld-
inni. Vinir skáldsins sóttu hús
þess heim og fluttu því ham-
ingjukveðjur.
Milli kl. 4 og 6 hafði mennta-
málaráðherra, dr. Gylfi Þ. Gísia-
Myndin er tekin í Ráðlrerrabústaðnum á 75 ára afmælisdcgi Gunnars Gunnarssonar. Frá vinstri:
Gylfi Þ. fiíslason, menntamálaráðherra og kona hans, frú Guðrún Vilmundardóttir, Gunnar Gunn-
arsson og kona hana, frú Franzioka Gunnarsson, sonardóttir hjónanna, Katrín Gunnarsdóttir,
Bjarni Benediktsson, forsætisráðherra, og kona hans, frú Sigríður Björnsdóttir. (Ljósm. Ól. K. M.).

Sigurjón Óiafsson, myndhöggvari, við vinnu að styttu sinni af
Gunnari Gunnarssyni.
son, boð inni í Ráðherrabús'taðn-
um fyrir Gunnar Gunnarsson og
vini hans. Var þar mikil gesta-
þröng.
Forseti íslands, herra Ásgeir
Ásgeirsson, kom í hófið og sæmdi
skáldið heiðursmerki íslenzku
þjóðarinnar, stórkrossi hinnar
íslenzku fálkaorðu, fyrir ritstörf.
Þjóðminjavörður, dr. Kristján
Eldjárn, gaf skáldinu minjapen-
ing frá 100 ára afmæli Þjóð-
minjasafnsins.
Um kvöidið var skáldsins
minnzt í Ríkisútvarpinu. Hafði
Stefán Jónsson, fréttamaður, við
tal við Gunnar, og Tómas Guð-
mundsson flutti erindi um ská'ld-
ið. Ennfremur flutti menntamála
ráðherra Dr. Gylfi Þ. Gíslason,
í fréttaauka ræðu þá er hann
hafði flutt skáldinu í ráðherra-
bústaðnum.
Danska útvarpið minntist
Gunnars Gunnarssonar á hvíta-
sunnukvöld. Var þá fiutt erindi,
sem skáldið hafði lesið á segul-
band, og kallar: „Tonen fra Jord-
en‘‘. Fjallar það um kynni skálds
ins af danskri 1 jóðagerð.
Um kvöldið heimsóttu ættingj-
ar og vinir skáldið heim.
27 þús. kr. aflahlutur
í róðri eða ekkert
VOPNAFIRÐI, 19. maí —
Hákarlaveiði hefur verið
mjög léleg í vetur þrátt fyrir
góða tíð, eða 3—8 hákarlar á
bát. Undanfarna hálfa aðra
viku hefur verið mjög erfið
bíð, svo sjómenn hafa ekki
getað vitjað um línur sínar.
Þegar þeir komust út voru
tvær línur tapaðar, en 8 há-
karlar fengust á þær línur,
sem búið var að vitja um.
Einn bátur var svo hepp-
inn, að fiá 6 af þessum 8 sem
veiddust og mun þ^ð vera
mesti aifli, sem hér hefur feng
izt í einni umvitjun á bát.
Þessir heppnu veiðimenn
voru Sigurjón Jónsson og
Agúst Jónsson (þeir sömu
sem sáu risa&mokkfiskiiui í
fyrra).
Fleiri hafa verið heppnir á
þessum vetri en þeir bræður.
Albert Ólafsson í Leiðarhöfn,
sem rær einn á trillu sinni,
fékk 4 hákarla í einum róðri,
að vísu voru þeir víst ekki
allir fullorðnir, en erfiður
■ mun sá róður samt hafa ver-
ið einum manni.
Það er talið að fullorðinn
hákarl geri fullverkaður ca.
9000.oo kr. Verður því brúttó
aflahlutur í þessum tilfellum
ca. 27 þús. kr. á maon. Ekki
má þó draga þær ályktánir
af þessari frásögn, að hákarla
veiði sé tómur gróði, því fleiri
eru þeir róðrarnir, sem ekki
skila öðru en koetnaði og erf-
iði.
Sem Sagt þorrablót ætti að
geta farið fram með þjóðleg-
um hætti á komandi vetri, ef
fleiri afladagar koma líkir
þessum — S. J.
Bræðumir Ágúst og Sigurjón á Vopnafirði með feng sinn, 6 hákarla í einum róðri,

Gunnar Gunnarsson og forseti íslands, herra Ásgeir Ásgeirsson,
takast í hendur við veitiugu stórkross hinnar islenzku fálkaorðu.
Jón Jónssoii
Smyrlabjörgum
áttræður
í DAG á áttræðisafmæli Jón
Jónsson bóndi á Smyrlabjörgum
Suðursveit.
Á Smyrlabjörgum hefur hann
átt heima alla æfi og þar er hann
fæddur 20. maí 1884, sonur hjón-
anna þar Sigríðar Hálfdanardótt-
ur frá Odda á Mýrum d. 23. apríl
1945 og Jóns Jónssonar bónda á
Smyrlabjörgum, d. 14. júní 1922.
Að Jóni standa traustar bænda
ættir austur þar. Jón ólst upp í
foreldrahúsum ásamt 5 systkin-
um sínum, eru þrjú þeirra lát-
in, en á lífi eru Ingunn fyrrum
húsfreyja á Uppsölum og Sigur-
björn smiður sem hefur átt heima
í Reykjavík nú um nokkurt ára
bil. 10. júlí 1920 var mikill ham-
ingjudagur í lífi Jóns er hann
kvæntist-Lúcíu Guðnýju Þór-
arinsdóttur frá Breiðabólsstað í
Suðursveit. Foreldrar hennar
voru búandi hjón þar Guðleif
Benediktsdóttir frá Hala af hinni
alkunnu Hólaætt í Nesjum, og
Þórarinn Steinsson sem var frá
Breiðabólsstað.
Jón og Lucía tóku við búsfor-
ráðum á Smyrlabjörgum og hafa
búið þar síðan. Barnaláni hafa
þau hjón átt að fagna og eru börn
in 8 öll uppkomin og myndarfólk,
eru þau þessi: Sigurjón ógiftur
heima, Nanna Halldóra gift Karli
Ágústi Bjarnasyni, búa þau 6
Smyrlabjörgum og eiga þau S
börn, Þóra Guðleif gift Þorsteini
Jónassyni bónda í Borgarhöfn
eiga þau 3 börn. Þorbjörg gift
Ragnari Júlíusi Sigfússyni bónda
á Skálafelli eiga þau 2 börn. Jör-
undur ógiftur hefur mikið stund-
að sjómennsku, Snorri ógiftur
heima, Baldur ógiftur heima, Ing-
unn unnusta Þórarins Guðjórrs
Gunnarssonar, Vagnsstöðum.
Jón á Smyriabjörgum hefur
skift sér Mtt af obinberum mál-
um en í sóknarnefnd Kálfafells-
staðarsóknar átti hann sæli um
áratugi, en hefur nú látið af
því starfi.
Jón hefur viljað hvers manns
vandræði leysa og hef ég heyrt
því viðbrugðið hvað hann hefði
verið einltar hjálpfús þegar ná-
grannar hans og sveitungar
þurftu einhvers með. Er hann
enn við beztu heilsu þó hann
hafi fyrir nokkrum árum lagt
flest ráð oúsins í hendur sona
sinna.
Heimili þeirra Jóns og Lúcíu á
Smyrlabjörgum er í röð fremstu
sveitaheimila, þar situr rausnin
og höfðingsskapurinn í öndvegi.
Er sveitungum þeirra og vinum
einkar ijúft að sækja þau heim,
og munu ekki þeir dagar vera
margir sem ekki ber gest að
garði þeirra.
Á þessu merkisafmæli Jóns
senda fjölmargir vinir og frænd-
ur honum oeztu árnaðaróskir.
Lifðu heill. )
Kunnugur. ,