Morgunblaðið - 04.09.1965, Blaðsíða 11

Laugardagur 4. sept. 1965
MORGUNBLAÐIÐ
11
við kaupsýslumenn, sem ekki
hafa ótakmörkuð fjárráð. Vett
vangur, sem við höfum lítið
eýnt okkur á til þessa. Enn-
íremur höfum við fengið góð
sambönd við A-Evrópumarkað
irin, þ.e.a.s. fólk, sem búsett* er
í Bandaríkjunum, hefur þar
Iþegnrétt, en er nú farið að ferð
ast austur fyrir tjald til þess
að heimsækja ættingja og sjá
ineð eigin áugum hvernig
ástandið er í þeim heimshluta.
Þetta er aðeins tvennt af fjöl-
mörgu, sem við erum að vinna
að þessa stundina. Loftleiðir
eru nú vel þekktar meðal
ferðaskrifstofanna í Bandaríkj
unum — og þar sitjum við á
sama bekk og önnur flugfélög,
því að við veitum mörgum þess
ara aðila mjög góð viðskipti,
sagði John Loughery að lok-
um. •
• Vandantálið
skortur á sœfum
■ Göran Hoving hefur veitt
aðalumboði Loftleiða í Hels-
ingsfors forstöðu síðan í maí
1S59, en Loftleiðir hafa haft
umboðsskrifstofu þar í borg síð
an 1957. Hoving hefur starfað
eð ferðamálum síðan 1951. Um
skeið vann hann á vegum
r dansks flugfélags í Helsingfors.
Áður en hann tók við aðal-
umboði Loftleiða dvaldist hann
tvö ár í Englandi, Þýzkalandi
og Bandaríkjunum og kynnti
sér ferðamál. Umboðsskrifstofa
Hovings nefnist ,,I1 mailukeskus
oy“ og er vel staðsett í borg-
inni. Á skrifstofunni eru fjórir
starfsmenn, sem sjá um allt,
sem Loftleiðí varðar. Síðan
1960 hafa Loftleiðir haft við-
komu í Helsingfors einu sinni
í viku.
— Loftleiðir eru í mjög góðu
áliti í Finnlandi, segir Hoving.
Fólk hefur fylgzt með framför-
um og gengi Loftleiða síðan fé-
lagið tók til starfa og ber til
þess fyllsta traust. l>að hefur
verið skrifað talsvert um Loft-
leiðir í finnskum blöðum.
Finnskir blaðamenn, sem leggja
leið sína til íslands og segja frá
landi og þjóð í skrifum sínum,
fara, undantekningarlaust mjög
lofsamlegum orðum um starf-
semi Loftleiða.
— Farþegafjöldinn hefur öll
árin verið mjög jafn og stöð-
ugur. Einnig er mikið um leigu
ílugferðir, meðfram vegna auk
ins fjölda norrænna móta á
íslandi, t.d. norræna skólamót-
ið, sem haldið var í Reykja-
vik í sumar.
— Ég hef orðið var við það,
að margir Finnar hafa mikinn
áhuga á veiðiskap á ísiandi.
Þetta finnst mér að mætti aug-
lýsa meira til þess að auka
ferðamannastrauminn til ís-
lands. Þetta er að vísu nokk-
uð dýrt, leiðin milli landanna
er löng, en samt mundu hinir
áköfustu veiðimenn tæpast
setja það fyrir sig.
— Já, Loftleiðir eiga vissu-
lega framtíð fyrir sér, sagði
Hoving að lokum' —- svo fram-
arlega sem þeir halda fast við
núverandi afstöðu síná til IATA
og halda áfram að fljúga á hin-
um lágu fargjöldum. Vanda-
málið hjá okkur er það, hve
erfitt er að útvega sæti með
vélunum. Þær eru svo að segja
alltaf fullsetnar.
* Loftleiðir, þjóðar-
flugfélag í Noregi
UMBOÐSMAÐUR Loftleiða í
Osló er E. Frösá, en hann starf
ar á vegum Braathens flugfé-
lagsins norska. Frösá hefur
langa reynslu að baki í ferða-
málum og réðst til Braathens
að loknu námi 1946. Flugfélag
Braathens hefur haft aðalum-
boð fyrir Loftleiðir frá 1952 og
hefur Frösá veitt því forstöðu
allt frá byrjun.
— Við þurfum um þetta
leyti á flugvélum að halda í
leiguflug til austurlanda og
fengum leigðar flugvélar hjá
okkur. Þetta kom sér mjög vel
fyrir báða aðila — og hefur
æ síðan verið mjög góð sam-
vinna milli þessa,ra tveggja
flugfélaga.
— Loftleiðir eru mjög vel
þekkt flúgfélag í Noregi. Norð
menn bera mikið traust til
þess. Norðmenn líta raunar á
Loftleiðir sem þjóðarflugfélag
vegna hinnar góðu samvinnu
við okkur. Það er heldur eng-
inn munur á íslendingum og
Norðmönnum, þegar allt kem-
ur til alls. íslendingár komu
upphaflega frá Noregi og þetta
skapar vissa samúð, sem Norð-
menn bera ekki til annarra
þjóða. Einnig eiga deilur Loft-
leiða og SAS sinn þátt í þvi.
— Farþegafjöldinn með Loft
leiðum hefur aukizt jafnt og
þétt, — á síðasta ári var aukn
ingin 24%. En það sem stend-
ur fyrir þrifum er, að lending-
ar Loftleiðavéla eru takmark-
aðar. Nú bíðum við aðeins eft-
ir, að Loftleiðir fái að nota
Rolls Royce-400 vélar sínar í
Skandinavíu.
— Mestur hluti farþega Loft
leiða fer til Bandaríkjamanna,
en ég er sannfærður um það,
að ef betur væri búið að ferða
mönnum hér — og þar á ég
við hótelskortinn — mundu
fleiri hafa hér viðdvöl. Fólk
veit, að hér er fallegt, og að
íslandi svipar til Noregs. Allir
þeir sem ég hef rætt við og
hafa komið til íslands, tala um
þá vináttu og gestrisni, sem
útlendingum er sýnd á Islandi.
Það sé eins og að vera heima
hjá sér. Loftleiðir auglýsa
mikið í norsku blöðunum og öll
dagblöðin í Noregi, sama hvaða
stjórnmálaflokki þau heyra til,
styðja Loftleiðir. Saga Loft-
leiða er Norðmönnum vel kunn
og deilan við SAS hefur verið
mjög góð og jákvæð auglýsing
fyrir félagið. Þá er ekki úr
vegi að minnast á það, að Loft
leiðir hafa unnið okkur Norð-
mönnum talsvert gagn, því að
vegna hinna lágu fargjalda
hefur fjöldi Bandaríkjamanna
látið freistast að koma til
Noregs.
— Samstarf okkar við stjórn
armenn Loftleiða hefur alltaf
verið eins og bezt verður á kos
ið, sagði Frösá að lokum.
• Heiti félagsins
þrándur í götu
— Ef við hefðum fleiri sæti,
gætum við selt meira, sagði
Paul Braun, en hann hefur með
höndum aðalumboð Loftieiða í
Genf. Braun hefur starfað fyrir
Loftleiðir siðan 1952 og segir,
að markaðurinn hafi aukizt
stöðugt allt til þessa árs.
— Ég býst við, að allir segi
hið sama, segir Braun og bros-
ir við. Umboðsskrifstofan í
Genf selur aðailega farmiða til
Bandaríkjanna en minna til ís-
lands. Farþegar fljúga frá
Luxemborg, en þaðan er 8
stunda ferðalag með lest frá
Genf.
— Margir farþegar kjósa að
hafa viðdvöl á íslandi á leið
sinni til Bandaríkjanna og þetta
virðist alltaf vera að færast í
vöxt, jafnvel að vetrinum. Lágu
fargjöld Loftleiða hafa notið
mikilla vinsælda, einkum hjá
námsmönnum og fjölskyldum.
— Annars er einn galli á
gjöf Njarðar, og hann er sá, að
það er dálítið erfitt að selja
miða út á nafnið Loftleiðir.
Fólk veit ekki, hvað þetta þýð
ir og þetta er orð, sem ekki er
gott að muna. Icelandic Airlin
es eða IAL væri mun betra.
— Ég er mjög bjartsýnn á
framtíð Loftleiða, sagði Braun
að lokum. Það hefur talsvert
verið skrifað um félagið í sviss
nesk blöð og fólk dáist að því,
að svo lítið félag skuli geta
haldið velli í samkeppni við
„risana“.
• Breytt viðhorf
H. Davids-Thomsen veitir
umboðsskrifstofu Loftleiða í
Kaupmannahöfn forstöðu. Skrif
stofan er í hjarta borgarinnar,
gegnt járnbrautarstöðinni og
þangað koma margir Islending
ar á hverjum degi, — ef erindið
er ekki að grennslast fyrir um
ferðir heim,. þá til að lesa ís-
lenzku blöðin, sem liggja þar
frammi. Á þessari skrifstofu
starfa 6 íslendingar, og er
það helmingur starfsliðsins.
Thomsen hefur mikla reynslu
að baki í ferðamálum, — á
árunum 1947 til 1952 starfaði
hann hjá SAS, en áður hafði
hann sýslað með útflutning og
komizt þannig í samband við
marga aðila, sem kom sér vel,
þegar hann tók að starfa sjálf
stætt að ferðamálum.
Thomsen tók við umboðs-
starfi fyrir Loftleiðir árið 1955.
Hann segir, að fólk hafi fyrst
í stað verið fremur vantrúað á
þetta litla flugfélag, en viðhorf
in hafi heldur betur breytzt.
Til dæmis er farþegaaukning
nú miðað við síðasta ár rúm-
lega 20%.
— Við seljum langmest af
farmiðum til Bandaríkjanna.
Viðskiptavinir okkar er fólk,
sem verður að borga miðana
sjálft. Það hefur verið aukning
í sölunni ár hvert að undan-
teknu síðasta ári, en þá flaug
SAS DC-7 vélum til New
York. En nú er salan aftUr að
aukast. Það var kannski skilj
anlegt, að fólk vildi fremur
fljúga með stærri vélum SAS
á sama verði, en jafnskjótt og
SAS hvarf frá því ráði, fengum
við aftur farþegana.,
— Annars verður þess eflaust
ekki langt að bíða, að Loftleið
úm verði heimilað að fljúga
Rolls Royce 400 vélum sínum
til Skandinavíu. Forráðamenn
SAS 'hljóta að fara að skilja
það, að það er ekki hægt að
aftra Loftleiðum frá því.
— Ég hef haft mikla ánægju
af samvinnunni við Loftleiðir,
sagði . Thomsen að lokum. Á
þessum 12 árum hefur aldrei
borið neitt á milli. Ég hef
aldrei hitt fyrir betra fólk í
samskiptum.
• Vill aukna
vöruflutninga
Belgíumaðurinn Willy Geer-
sten hefur unnið að ferðamál-
um í fjölda ára, en fyrir 18
árum hóf hann afskipti af flug-
málum. Þá var hann umboðs-
maður fyrir Fred Olsen Air
Transport, norskt félag, sem
annaðist leiguflutninga, m.a.
með norskar skipshafnir. En
Fred Olsen hætti fluginu og þá
hélt Geersten áfram starfi sínu
við almennan ferðaskrifstofu-
rekstur.
— Það var fyrir tilmæli Ein-
ars Aakrann í Luxemborg að
ég tók að mér umboðsmanns-
starf fyrir Loftleiðir. Skrifstof-
urnar voru fyrst tvær, ein í
Brússel og önnur í Antwerpen,
en þetta þótti ekki gefast vel
og því er nú aðalskrifstofan í
Brússel, en hún var opnuð í
febrúar.
— Og hvað er að segja um
farþegaflutninga frá Belgíu?
■— Salan á farmiðum hefur
aukizt jafnt og þétt — um 50%
á ári. Það er auðvitað lágu
fargjöldin, sem fólk sækist eft-
ir. Farþegarnir fara til Lux-
umborgar í flugvélarnar, en
ferðin þangað tekur um 3 klst.
með lest. Við auglýsum tals-
vert og ég ver yfirleitt tveim-
ur eða þremur dögum til heim-
sókna í ferðaskrifstofur, sem
selja miða fyrir okkur. Þá höf-
um við líka reynt að auglýsa
í blöðum hjá ýmsum verk-
smiðjum og fengið þaðan
fjölda fólks, sem vill ferðast
ódýrt. Það hefur verið mjög
ánægjulegt að vinna Loftleið-
um markað í Belgíu, en sam-
keppnin er hörð og við get-
um ekki staðið stóru flugfélög-
unum á sporði, því að þau hafa
fjármagn til að auglýsa sig í
stórum blaðaauglýsingum svo
til daglega. En engu að síður
eru Loftleiðir orðnar allþekkt-
ar í Belgíu.
— Eru framtíðarhorfur góð-
ar?
— Án efa. Við þurfum bara
að kynna okkur betur og all-
ur almenningur þarf að vita
um tiiveru okkar. Það eru horf-
ur á mikilli farþegaaukningu
þegar á næsta ári. Og ég hef
mikinn hug á að reyna leigu-
flutninga með vörur eða áætl-
unarflug vöruflutningaflugvéla.
Það gæti eflaust gengið mjög
vel.
• Viðurkenna til-
lögu Loftleiða
Norðmaðurinn M. B. Steen-
strup starfar fyrir Loftleiðir
í Gautaborg. Hann hefur
langa reynslu að baki á sviði
ferðamála. Vann fyrir skipa-
félög fyrir stríð og flugfélög
frá lokum heimsstyrjaldarinn-
ar.
— Það var mjög erfitt að
fá fólk til að fljúga fyrst eftir
stríðið. Flugvélin var ekki
orðin jafnviðurkennt farar-
tæki og hún er nú. Árið
1947 vann ég fyrir Braathens
SAFE í Gautaborg og vegna
samvinnu Braathens og Loft-
leiða tók ég að starfa fyrir ís-
lenzka flugfélagið árið 1951,
en þá flugu vélar þess til
Kaupmannahafnar. Hinn 17.
maí 1954 hófust svo áætlunar-
ferðir Loftleiða til Gautaborg-
ar. Fyrst í stað var ein ferð
vikulega með Skymaster-vél-
unum, sem þá voru í eigu fé-
lagsins, en síðan urðu ferðirn-
ar tvær og svo þrjár. Nú er
hins vegar aðeins flogið
tvisvar um Gautaborg í hverri
viku og er það alltof lítið, en
sænsk yfirvöld leyfa ekki
meiri flutninga vegna sam-
keppni við SAS. Það er alRaf
fullbókað í ferðir frá okkur,
og eftirspurn eftir fari fer
vaxandi, en við seljum nú í
jafnmörg sæti og við gerðum
fyrir fimm árum vegna þess-
ara fyrirmæla sænskra yfir-
valda. Hlutfallstala hefur því
lækkað hjá okkur miðað við
flutningana í heild. Á leíðinni
um Norðurlönd eru enn not-
aðar flugvélar af gerðinni
Dc-6, en ég tel a§ senn hætti
fólk að ferðast með þeim vél-
um, og ef sætin, sem við hefð-
um til umráða væru fleiri,
ættum við eflaust í erfiðleik-
um með að fylla þau. Þess
vegna teljum við afar nauð-
synlegt að hefja flug til Norð-
urlanda með Rolls-Royce vél-
unum nýju. Hvenær það getur
orðið, veit ég ekki. Loftleiðir
fljúga um Gautaborg vegna
þess að hún liggur nokkurn
veginn í fluglínu frá Kaup-
mannahöfn til íslands. Við
höfum samt haft áhuga á að
fljúga til Stokkhólms og höf-
um hugsað okkur, að vélar á
leiðinni Reykjavík — Helsinki
hefðu þar viðkomu, en sænsk
yfirvöld vilja halda okkur ut-
an Stokkhólms.
— Eru miklir flutningar frá
Gautaborg til íslands?
— Við höfum aúglýst fsland
sem ferðamannaland og áhug-
inn á landinu er vaxandi. Svo
getum við líka boðið farþegum
okkar sólarhring'sdvölina hér
og hana vilja margir. Dvölin
hér á íslandi verður því miklu
ódýrari heldur en ef viðkom-
andi farþegar skipulegðu hana
upp á eigin spýtur. Svo er líka
um lengri ’tíma að ræða hjá
okkur heldur en þennan eina
sóiarhring.
— Er útlitið fyrir Loftleiðir
á Norðuriöndum slæmt?
Framh. á bls. 23