Morgunblaðið - 28.01.1968, Blaðsíða 5

MORGUNBLAÐIB, SBNNUDAGUR 28.' JANÚAR 1968
STÖRF þingsins í síðustu viku
eru glöggt dæmi um að ekki er
allt sem sýnist í þingsölum. Á
fundum Sam. þings og þing-
deilda hefur verið unnið a'ð því
að koma áfram ýmsum málum,
sem jafnan sitja á hakanum, þeg
ar önnur brýnni þurfa að fá af-
greiðslu með skjótum hætti. Hér
er um að ræða ýmis minni hátt
ar frv. og þingsályktunartillögur,
sem einstakir þingmenn flytja.
Af þessum sökum voru þingfund
ir ógnar leiðinlegir allt þar til í
fyrradag, þegar fróðlegar umræð
ur urðu um húsnæðismál í Sam-
einuðu þingi. En þótt almennar
umræður í þinginu hafi því ekki
verið tilþrifamiklar þessa dag-
ana hefur þeim mun meira verið
í bígerð að tjaldabaki. Þingflokk
ar stjórnarflokkanna hafa setið á
nær daglegum fundum alla vik-
una til þess að ræða vandamál
frystihúsanna og ég er sannfærð-
ur um að fá mál hafa hlotið jafn
rækilega meðferð þingmanna og
málefni frystihúsanna, þegar að
því kemur að þau verða lögð
fyrir þingið sjálft. Að vísu hef
ég aðeins aðstöðu til þess að
leggja dóm á starf eins þing-
flokksins að þessum málum en
þau hafa að mínu viti verið til
fyrirmyndar. Allar hugsanlegar
hliðar þessara mála hafa verið
ræddar ítarlega, bæði staða frysti
húsanna, sem er mjög misjöfn,
og leiðir til tekjuöflunar. Því er
oft haldið fram að virðing þings
ins sé lítil meðal almennings í
landinu og töluvert kann að vera
til í því en frá mínum sjónarhóli
séð hafa a.m.k. þingmenn stjórn-
arflokkanna tekið myndarlega á
þessa dagana. Vandamál þeirra
og þingsins er hins vegar það, að
þessi hlið þeirra starfs snýr ekki
að almenningi og getur það tæp
ast efni málsins samkvæmt.
Á morgun munu samtök hrað-
frystiiðnaðarins í landinu taka
endanlega afstöðu til nýrra til-
lagna ríkisstjórnarinnar um
lausn á vandamálum hraðfrysti-
húsanna. Á þessu stigi málsins
skal engu um það spáð hver
niðurstaða frystihúsanna verður.
Tvímælalaust er hér um að ræða
eitt erfiðasta vandamál, sem rík-
isstjórnin hefur staðið frammi
fyrir lengi, ekki fyrst og fremst
vegna efnis málsins heldur hins
að þau áföll, sem þjóðarbúið hef
ur orðið fyrir binda mjög hend
ur ríkisstjórnarinnar, hún hefur
ekki jafn mikið svigrúm og áður
þegar vel gekk t.d. til nýrrar
tekjuöflunar. Þegar litið er yfir
farinn veg frá því í haust kem-
ur í ljós að ríkisstjórnin. hefur
staðið frammi fyrir hverju stór-
vandamálinu á fætur öðru með
litlum hléum á milli. Og þótt
farsæl lausn finnist á málum
hraðfrystihúsanna, sem menn
verða að vona, bíða ný og erfið
vandamál úrlausnar á næsta
leiti. í marzbyrjun má búast við
að skerist í odda vegna launa-
mála og í vor stendur ríkisstj.
frammi fyrir hugsanlegum vanda
málum í sambandi við síldveið-
arnar. Þeir menn eru því ekki
öfundsverðir, sem halda um
stjórnvölinn um þessar mundir,
en þannig hlýtur það líka að
vera á erfiðleikatímum.
Hraðfrystihúsin völdu þá leið
að stöðva allan rekstur sinn þar
til úrlausn fengist. Frá þröngu
hagsmunasjónarmiði þeirra kann
sú afstaða að vera skiljanleg. Ár-
ið 1967 var frystihúsunum örugg
lega erfitt og fjárhagsleg aðstaða
þeirra er tvímælalaust mjög
veik. En þessi þýðingarmikla at-
vinnugrein hlýtur einnig að líta
á málin frá öðrum hliðum. Verka
lýðssamtökin hafa um nokkra
hríð rekið hófsamari kjarastefnu
en áður og m.a. verið spör á
verkfallsvopnið. Það er hrað-
frystihúsunum ótvírætt til hags-
bóta að skynsamleg leið verði far
in í launamálunum. Hver verða
viðbrögð verkalýðssamtakanna,
þegar þau sjá frystihúsin beita
stöðvun til þess að koma fram
málum sínum? Frystihúsaeigend
ur geta sjálfir velt fyrir sér
þeirri spurningu og þá jafnframt,
hvort það er þeim sjálfum til
hags að ýta undir sams konar
stöðvunarstefnu af hálfu verka-
lýðssamtakanna.
Á fös'tudag urðu miklar um-
ræður í Sameinuðu Alþingi um
húsnæ'ðismálin og þá fyrst og
fremst byggingarframkvæmd-
irnar í Breiðholti og lánveiting-
ar Húsnæðismálastjórnar. Tveir
Alþýðuflokksmenn, Eggert G.
Þorsteinsson og Jón Þorsteins-
son stóðu þar aðallega í eldin-
um og að þeim var sótt mjög
hart af fjölmörgum þingmönn-
um Framsóknarflokksins og Al-
þýðubandalagsins. Þeim var
fyrst og fremst gert að svara
þeirri spurningu, sem sækir á
menn með vaxandi þunga,
hvort ætlunin sé að taka meiri-
hlutann af fjármagninu til
Breiðholtsframkvæmdanna úr
sjóðum Húsnæðismálastjórnar.
Mér virðast enn ekki hafa kom-
ið fram fullnægjandi svör við
þessari spurningu af hálfu ríkis-
stjórnarinnar. Það virðist í alla
staði eðlilegt að Húsnæðismála-
stjórn láni fé til Breiðholtsfram
kvæmdanna að sama marki og
til annarra byggingafram-
kvæmda en eigi þessi stofnun
að lána meirihlutann af kostn-
aðarverði þessara íbúða eru
fyrirsjáanlegir miklir örðugleik
ar á lánveitingum til annarra að
ila og væri það vissulega illa far
ið ef þessar þýðingarmiklu fram
kvæmdir yrðu til þess að hamla
byggingarframkvæmdum ein-
staklinga. Ég held tæpast að það
hafi verið hugsunin að baki
Breiðholtsframkvæmdunum. Að
vísu skal það fúslega játað að
eins og nú er ástatt eru vafa-
laust miklir erfiðleikar á fjár-
öflun til þessara framkvæmda
umfram eðlilegar lánveitingar
Húsnæðismálastjómar. En þá
er að segja það eins og það er
og gefa um það skýrar yfirlýs-
ingar í stað þess að láta svo
viðkvæm mál svífa í lausu lofti
eins og gert er.
í þessum umræðum tóku þátt
ýmsir yngri þingmenn stjórnar-
andstöðunnar, svo og tveir gaml
ir harðjaxlar, þeir Eysteinn
Jónsson og Lúðvík Jósepsson.
Óneitanlega vakti það athygli
að hinir tveir síðarnefndu
voru mun harðari í málflutn-
ingi heldur en yngri mennim-
ir. Ég held að þeir Eggert og
Jón hefðu átt sæmilega auðveld
an leik gegn yngri þingmönn-
um stjórnarandstöðunnar en um
ræðurnar hörðnuðu mjög við
þátttöku Eysteins og Lúðvíks.
Þrátt fyrir allt hafa gömlu menn
irnir ýmislegt til brunns að bera
og þá kannski fyrst og fremst
reynslu, sem hinir yngri hafa
ekki nema að takmörkuðu
leyti.
f vikunni var lögð fram breyt
ingartillaga frá Jóhanni Hafstein
við kosningalögin, sem miðar að
því að útiloka framboð svipað
því sem Hannibal Valdimarsson
beitti sér fyrir í Reykjavík sl.
vor. Vafalaust mun takast al-
menn samstaða með þingflokkun
um um samþykkt þeirrar breyt-
ingar en jafn víst er að Hanni-
bal og fylgismenn hans innan
þingsins munu berjast hart gegn
þeirri breytingartillögu. Hér er
auðvitað um töluvert hagsmuna-
mál fyrir stjórnmálaflokkana að
ræða. Innan þeirra eru jafnan
nokkur átök í sambandi við
framboð til þings og með I-Hsta
framboðinu í vor vísaði Hanni-
bal óánægjuöflum í flokkunum
veginn. Þessi breytingartillaga,
sem vafalaust verður samþykkt,
er því líkleg til þess að stuðla
að hreinum línum í stjórnmála-
baráttunni, en annað mál er,
hvort hún er kjósendum sérstak
lega hagkvæm og vissulega dreg
ur hún ekki úr flokksræðinu í
landinu.
Á fimmtudag tók Eyjólfur
Konráð Jónsson, ritstjóri, sæti á
Alþingi og er það í fyrsta skipti,
sem hann situr á þingi. Tók hann
sæti Bjartmars Guðmundssonar,
sem verður frá vegna veikinda-
forfalla um nokkurt skeið.
Styrmir Gunnarsson.
Fjaðrir, fjaðrablöð, hljóðkútar
púströr o. fl. varahlutir
í margar gerðir bifreiða
Bílavörubúðin FJÖÐRIN
Laugavegi 168 - Sími 24180
Námskeiðin byrja 5. febrúar
Námsgreinar: Mynsturgerð, teikning, postulíns-
málning, glerskreyting, (margs konar), mosaik,
tauprent.
Listvefnaður, listsaumur, röggvasaumur, handofin
undirstaða (Batik), emelering, tóvinna, (nýjar
vinnuaðferðir) o. fl.
Upplýsingar gefnar í
Verzluninni Kirkjumunir
KIRK JU STRÆTI 10.
k
IITSALA — IITSALA