Morgunblaðið - 30.01.1968, Blaðsíða 2

2
MORGUNBLAÐIÐ, ÞRIÐJUDAGUR 30. JANÚAR 1968
Þúsundir fugla drepast
■ olíu á Axarfirði
— Gúmbát rak í gær við Einarsstaði — Slysa-
varnafélaginu er ekki kunnugt um skipstapa
á þessum slóðum
MIKIL olíubrák fór að gera
vart við sig í fyrrakvöld á Ax-
arfirði, og fór brátt að bera á
deyjandi fuglum af svartfugla-
ætt á fjörum við Axarfjörð. t
gærdag rak síðan á land gúm-
björgunarbát við Einarsstaði í
Axarfirði, en ekki er kunnugt
um neinn skipstapa, að því er
Slysavarnafélag tslands upplýs-
ir, og er því gátan um olíuna og
bátinn óleyst enn. Samkvæmt
upplýsingum Arna Waag, gæti
olía þessi haft mjög alvarlegar
Kristján Bersi Ólafsson
ritstjóri
afleiðingar fyrir æðarvarp á
þessum stöðum, einu súlubyggð
ina norðanlands við Rauðanúp,
og yfirleitt allt fuglalíf, en þó
mun tjónið líklega ekki koma í
ljós fyrr en varptíminn hefst
með vorinu.
Fréttaritari Mbl. á Kópaskeri
sagði í gær að mjög mikil olíu-
brák væri á Axarfirði, fyrir
ströndum Melrakkasléttu, Núpa-
sveitar og inn á Tjömes. Lægi
meðfram ströndum röst af deyj-
andi eða dauðum svartfugli og
gætti þar mest stuttnefju, lang-
víu, haftyrðils, svo og æ’ðar-
fugls, en sá síðastnefndi virtist
harðgerðastur og hafði komizt á
land, þar sem hann sat og plokk
aði fjaðrir sínar. Síðar um dag-
inn rak síðan gúmbjörgunarbát
við Einarsstaði og er Mbl. hafði
tal af Halldóri Gunnarssyni
bónda þar sagðist honum svo
frá:
— Ég fann bátinn og dró hann
upp í fjöruna, svo að hann færi
ekki aftur í sjóinn. Hann er
svartur og virðist yfir honum
rauð ábreiða, sem er nokkuð
rifin og einnig er einhver blár
litur á henni. Við bátinn er fest
einhvers konar málmhylki í
gúmhólk og á það er m.a. skrá’ð
A 9017 ISSUE 6 og ennfremur
XERIAL. Þá er rauðbrún bót á
bátnum, er virðist sjálflýsandi
og á henni er máð letur og gat
ég greint stafina XED.
Mikið er af dauðum fugli hér
og er hann allur löðrandi í olíu
allt frá Rauðanúpi að Tjörnesi,
að því er ég hef heyrt. Eru þar
álkur, lundi, langvíur og haf-
'tyrðlar.
Fulltrúar Slysavarnafélagsins
gátu ekki ráðið af þeirri lýs-
ingu, er þeir höfðu fengið, hvers
lenzkur gúmbáturinn er. Hafa
þeir gert rá’ðstafanir til þess að
hann verði sendur til Reykjavík
ur við fyrsta tækifæri og þeim
er ekki kunnugt um að Skip
hafi farizt úti fyrir Axarfirði.
Höfðu þeir haft samband við
Siglufjarðarradíó og var þar
tjáð, að þar hefði ekkert grun-
samlegt heyrzt.
Bóndinn á Mánárbakka, Að-
algeir Egilsson, sagði Mbl. í
gær, að hann hafi farið á fjör-
ur og fundið deyjandi fugla og
hafi hann deytt yfir 50 fugla,
en þeir voru a'ð krókna vegna
olíunnar. Svartfuglinn skríður

S<ms

U KA SíjULíí
Hlutafélag stofnað um
rekstur Alþýðublaðsins
Kristján Bersi Ólafsson ráðinn ritstjóri
Fuglamir, sem verst hafa orðið úti á Axarfirði.
á land um leið og hann blotn-
ar í olíunni. Ekki virðist eins
mikil olía inni á firðinum og á
útnesjum.
Á Ytri-Tungu á Tjörnesi
fundust og nokkrir deyjandi
fuglar, en sá bær er vestanmeg-
in á nesinu.
Þá hafði Mbl. í gær tal af
Árna Waag, sem er mikill kunn-
áttumaður í fuglafræði. Árni
kvaðst ætla að haftyrðlarnir,
sem væru að drepast við Ax-
arfjörð væru af norðlægari
slóðum og leitu'ðu þeir hingað á
veturna. Væru þeir ef til vill
frá Jan Mayen en haftyrðill
verpir hvergi á íslandi nema í
Grímsey. Hveriur hann alls
staðar annars staðar af landinu
og flyzt norður á bóginn, er
vorar.
Hins vegar sagði Árni að olí-
an gæti haft alvarlegar afleið-
ingar fyrir æðarvarpið. Þó væri
ekki unnt að fullyrða neitt um
það hversu alvarlegt þetta gæti
orðið fyrir þessar fuglategund-
ir, fyrr en varptíminn hæfist í
vor og sumar.
Slysavarnafélagið hafði hug á
að senda flugvél norður í dag
til þess að kanna nánar olíu-
brákina. Henry Hálfdanarson
kvaðst ekki vita um neinar ferð
ir olíuskipa á þessum slóðum.'
Eftir lýsingu manna fyrir norð-
an að dæma væri þó helzt að
ætla að eitthvert slys hefði orð-
ið á svæðinu milli Grímseyjar
og Rauðanúps.
Samkvæmt upplýsingum er
Mbl. fékk frá Raufarhöfn, mun
hér um svokalla’ða fuelolíu að
ræða, en hún er notuð til
brennslu undir katla gufuskipa.
Hér mun því ekki um vélarolíu
að ræða.
ALÞÝÐUBI.AÐIÐ skýrir frá þvi
sl. sunnudag, að stofnað hafi
verið hlutafélag til að annast
rekstur blaðsins, Nýja útgáfu-
félagið h.f. Jafnframt hefur
Kristján Bersi Ólafsson verið
ráðinn ritstjóri Alþýðublaðsins
og ábyrgðarmaður, en Benedikt
Gröndal verður eftir sem áður
ritstjóri við blaðið og annast
aðallega stjórnmálaskrif. Al-
þýðuflokkurinn er áfram eig-
andi blaðsins.
Kristján Bersi Ólafsson er
Hafnfirðingur, þrítugur að aidri.
Hann varð stúdent við Mennta-
skólann í Reykjavík 1957 og
lauk fil. kand. prófi vi<ð háskól-
ann í Stokkhólmi 1962. Síðan
þá hefur Kristján Bersi stundað
blaðamennsku, fyrst við Tímann
en þrjú síðustu árin við Al-
þýðu'blaðið.

Viðtal við skipstórann á Víkingi III:
Annar brezkur togari
kallaði Romanus upp
EINS og fram hefur komið í
fréttum, heyrði mb. Víkingur
III frá ísafirði .neyðarkall frá
togaranum St. Romanus, sem
nú er talinn af. Morgunblaðið
reyndi að ná sambandi við
Ásgeir Sölvason, skipstjóra á
Víkingi, þegar þetta fréttist,
en hann var þá úti á sjó og
ekki hægt að ná tali af hon-
um. Um síðustu helgi náðist
svo í Ásgeir ,og sagði hann
þá:
„Ég var sofandi þegar neyð-
arkallið heyrðist ,en stýrimað
urinn sagði mér frá því. Ég
spurði hvort hann hefði náð
sambandi við einhvem, og
stýrimaðurinn sagði, að strax
og neyðarkallinu lauk hafi
annar brezkur togari byrjað
að kalla hann upp. Meira
heyrðist ekki fyrir truflunum.
Við mundum nafnið á St.
Romanusi þegar byrjað var að
lýsa eftir honum, því að það
er dálítið sérstætt. Hinsvegar
tók stýrimaðurinn ekki eftir
nafni togarans sem var að
kalla hann upp. Ég vil taka
það fram, að ef við hefðum
getað veitt hina minnstu
hjálp hefðum við gert það
strax og án nokkurrar um-
hugsunar. En þar sem togar-
inn var mörg hundruð mílur
frá íslandi og nær öðrum
löndum, og auk þess annar
brezkur togari að hafa sam-
band við hann, fannst okkur
við ekkert geta gert.
Færeyjar aðilar að EFTA
skv. óskum fœreysku landsstjórnarinnar
HINN 1. janúar sl. gerðust
Færeyingar fullgildur aðili
að Fríverzlunarbandalagi
Evrópu (EFTA). Aðild Fær-
eyinga að EFTA gekk í gildi
í ársbyrjun skv- tillögum
færeysku landsstjórnarinnar
og tilkynningu dönsku stjórn
arinnar þar um, en skv. samn
ingum nægði slík einhliða til-
kynning af hálfu Dana til þess
að aðild Færeyja að EFTA
tæki gildi. Grænland varð
með sama hætti aðili að
EFTA 1961.
Á ráðherrafundi EFTA-land-
anna í októbermánuði sl. skýrði
Fundi Oryggisrúðsins
um Pueblo freslað
New York, 29. janúar — NTB
ÖRYGGISRÁÐ Sameinuðu þjóð-
anna frestaði í dag fundi þeim,
sem ákveðinn hafði verið um
Pueblo-málið, svo að fulltrúar
ráðsins fengju tækifæri til frek-
ari einkaviðræðna. Forseti ráðs-
ins, Agha Shahi frá Pakistan,
skýrði frá því, að ekki hefði ver-
ið ákveðinn neinn tími fyrir
næsta fund ráðsins, þar sem
hann mun verða kominn undir
því, hverju fram vindur í einka-
viðræðum fulltrúanna.
Forseti Öryggisráðsins vildi
ekki heldur skýra neitt frá því,
hvað hinir einstöku fulltrúar
ráðsins ræða á einkafundum sín
um. en haft er eftir öðrum heim-
ildum, að eitt aðalatriðið sé
möguleikinn á því, að Öryggis-
ráðið bjóði Norður-Kóreu að
senda fulltrúa, sem tala skuli
máli Norður-Kóreu. Haft er eftir
heimildum frá Austur-Evrópu,
sem standa í nánum tengslum
við stjórnarvöldin í Pyonyamg
að Norður-Kóreumenn miuni
taka slíku tilboði, verði það gef-
ið án skilyrða af nokkru tagi.
Árshátíð
frestað
ÁRSHÁTÍÐ Sjálfsæðilsfélaganna
á Akureyri, sem halda átti næst-
komandi laugardag, hefur verið
frestað, vegna andláts Þórarins
Björnsson, skólameistara. Árs-
hátíðin verður haldin laugar-
daginn 2. marz.
viðskiptamálaráðherra Dana frá
því, að vænta mætti formlegrar
yfirlýsingar um þetta efni og
hafa viðræður síðan farið fram,
sem voru nauðsynlegur undan-
fari aðildar Færeyja. Færeying-
ar munu nú njóta þeirra tolla-
fríðinda í EFTA-löndunum fyrir
útflutningsvörur sínar, sem fylg-
ir aðild að EFTA og bætir það
mjög samkeppnisaðstöðu þeirra
á þessum mörkuðum.
Kjósarsýsla
FULLTRÚARÁÐ Sjálfstæðlsfé-
laganna í Kjósarsýslu efnir til
fundar að Hlégarði í kvöld kl.
21.00. Fulltrúaráðsmenn eru
hvattir til þess að fjölmenna.
Silfurhestuiinn
í SVARGREIN Kristjáns Alberts-
sonar s.l. sunnudag vegna verð-
launaveitingar fyrir skáldsögu
Guðibergs Bergssonar urðu þrjár
meinlegar prentvillur í einni
m’álsgein, og átti hún að hljóða
svo: „Og ennfremur því, hve rit-
dómarar geti leyft sér að lúta
lágt, þegar þeir knékrjúpa illri
útlenzkri tízku, því sem skríls-
legast er og hraksmánairlegast i
nýrri tíma kynóraskáldskap og
fjarlægast heilbrigðum íslenzk-
um bókmenntasme.kk“.