Morgunblaðið - 16.08.1975, Blaðsíða 7

MORGUNBLAÐIÐ, LAUGARDAGUR 16. AGUST 1975
7
r
Loksins,loksins,
loksins
Blað eftir blað hefur
Þjóðviljinn farið eins og
köttur kring um heitan
graut i skrifum sinum um
framvindu mála í Portú-
gal. Einstakir blaðamenn
hans hafa þó Iðtið í Ijósi
skýlausa samúð með yfir-
gangsöflun kommúnista
þar i landi, jafnvel talað
um „slysaskot", þegar
fjallað er um skothrið
kommúnista á vopnlausan
almúgan, sem krefst
þegnréttinda og lýðræðis f
landinu. Þessi afstaða
Þjóðviljans hefur að
vonum vakið andúð og
gremju iesenda hans, sem
nú er orðin svo mögnuð,
að ritstjórar blaðsins hafa
neyðzt til að breyta um
tóntegund.
Þjóðviljinn hefur nú
loksins, eftir langan
umhugsunartima, bætzt F
Ritstjóri Þjóöviljans.
hóp erlendra gagnrýnenda
hervalds og ofbeldis í
Portúgal, samanber
leiðara hans i gær. Mót-
mælin eru að visu sett
fram með sérstæðum
hætti. Fyrst er „fagnað af
alhug þeim höggum",
sem kommúnisminn hefur
greitt svokölluðu borgara-
legu lýðræði þar í landi,
siðan er mótmælt
sem hliðstæðum „höml-
um á stjórnmálastarf-
semi Sósfalistaflokksins
(jafnaðarmanna) og ann-
arra lýðræðisafla" og
aðförum almennings að
„skrifstofum Kommún-
istaflokks Portúgals"!
Eitthvað er Þjóðviljinn
þó uggandi um, að þessi
nýja afstaða hans komist
til skila, a.m.k. til
íslenzkra jafnaðarmanna,
þvi að i lok leiðarans er
það tekið sérstaklega
fram, að það sé „borin
von að foringjar Alþýðu-
flokksins skilji svo ein-
faldan hlut" sem afstöðu
Þjóðviljans til lýðræðis og
sósialisma. Bragð er að þá
barnið finnur!
Alþýðublaðið
á öðru máli
Alþýðublaðið er þó ekki
trúað á sinnaskipti Þjóð
viljans. í leiðara þess
gær segir svo m.a.:
„Við íslendingar erum
fámenn þjóð og auk þess
eyþjóð og þess vegna
hættir okkur oft til þess
að taka válegum tiðindum
frá umheiminum með
kæruleysi- og segja sem
svo: „Komi það, sem
koma vill, fari það sem
fara vill — það verður
mér og minum að meina-
lausu. Slikt kemur aldrei
fyrir okkur. Hin
ómennsku öfl eiga sér
engin vaxtarskilyrði hér."
Hversu barnaleg er ekki
slík afstaða! Landið okkar
hefur orðið vettvangur i
blóðugum hildarleik og þá
lá nærri, að við misstum
nýfengið frelsi og sjálf-
stæði. Slíkt getur gerst
aftur. Höfum við ekki á
meðal vor talsvert sterk
öfl, sem lagt hafa blessun
sina yfir ógeðslegustu
morðvig og niðingsverk
— jafnvel á næstu
nágrönnum okkar og
vinum, Finnum? Er ekki
Þjóðviljinn einmitt þessa
dagana að predika fyrir
okkur, að það sé svo sem
ekkert til þess að fárast
yfir, þótt einhverjir portú-
galskir andkommúnistar
verði fyrir „slysaskotum"
úr byssunum „með
blómin í hlaupunum"? f
þeim herbúðum var
mönnum talið það til gild-
Ritstjóri Alþýðublaðsins.
is, að hvorki blóðferill J
Stalins i Rússlandi né at- |
burðirnir i Ungverjalandi I
eða Tékkóslóvakíu hafi j
getað vakið samvisku I
þeirra af svefni eða gætt I
þá samúð með fórnar- .
lömbum „slysaskota". I
Fyrir menn, sem hert hafa I
samvisku sina i slikum
eldi, breytir það litlu þótt I
ógnarverkin færist nær I
þeim stað á jarðarkringl-
unni, sem við byggjum." •
___________________________I
Messur á
ASPRESTAKALL Safnaðar-
ferð og messa í Vestmanna-
eyjum. Séra Grímur Grímsson.
DÓMKIRKJAN — Messa kl.
11 árd. Séra Óskar J. Þorláks-
son dómprófastur.
HALLGRlMSKIRKJA —
Messa kl. 11 árd. Séra Ragnar
Fjalar Lárusson.
ELLIHEIMILIÐ GRUND —
Guðsþjónusta kl. 2 síðd. Sr.
Kristján Búason lektor
messar. Fél. fyrrv. sóknar-
presta.
HÁTEIGSKIRKJA — Messa
kl. 11 árd. Dr. Jakob Jónsson
messar, ræðuefni: Orð Guðs til
þin. Séra Jón Þorvarðsson.
FlLADELFlA — Almenn
guðsþjónusta kl. 8 síðd. Einar
Gíslason.
LAUGARNESKIRKJA —
morgun
Messa k!.. 11 árd. Séra Garðar
Svavarsson.
GRENSASKIRKJA — Messa
kl. 11 árd. Séra Halldór S.
Gröndal.
BREIÐHOLTSPRESTAKALL
— Messa I Bústaðakirkju kl. 11
árd. Séra Lárus Halldórsson.
DÓMKIRKJA KRISTS KON-
UNGS, LANDAKOTI — Lág-
messa kl. 8 árd. Hámessa kl.
10.30. Lágmessa kl. 2 slðd.
NESKIRKJA — Guðsþjónusta
kl. 11 árd. Séra Frank M. Hall-
dórsson.
KIRKJA ÓHAÐÁ SÁFNAÐ-
ARINS — Messa kl. 12 sfðd.
Séra Páll S. Pálsson messar f
fjarveru minni. Séra Emil
Björnsson.
KÓPAVOGSKIRKJA — Guðs-
þjónusta kl. 11 árd. Séra Þor-
bergur Kristjánsson.
HAFNARFJARÐARKIRKJA
— Messa kl. 11 árd. Séra Garð-
ar Þorsteinsson.
KEFLAVlKURKIRKJA —
Vígsla Hólmsbergskirkjugarðs
hefst með helgistund f kirkj-
unni kl. 2 síðd. Ólafur Oddur
Jónsson.
(JTSKALAKIRKJA — Messa
kl. 11 árd. Séra Guðmundur
Guðmundsson.
SAURBÆR A KJALARNESI
— Messa kl. 2 síðd. Séra Einar
Sigurbjörnsson.
AKRANESKIRKJA — Messa
kl. 10.30 árd. Séra Jón Einars-
son I Saurbæ messar. Sóknar-
prestur.
HVERAGERÐISPRESTA-
KALL — Messa í Hveragerðis-
kirkju kl. 10.30 árd. — Messa í
Kotstrandarkirkju kl. 2 sfðd.
Sóknarprestur.
ODDAKIRKJA — Messa kl. 11
árd. Athugið breyttan messu-
tíma. Séra Stefán Lárusson.
RÚMLEGA 300 börn á AKureyri nata t sumar sott leiKja- og íprottanamskeið á vegum Æskulýðsráðs
Akureyrar. Aðalleiðbeinendur hafa verið Sigbjörn Gunnarsson og Anna Ilermannsdóttir, en auk
þeirra hafa nokkrir stálpaðir unglingar sagt börnunum til. Áhugi barnanna hefur verið mikill og þau
hafa bæði haft gagn og gaman af námskeiðunum. Ljósnt.Mbl.Sv.P.
Blðm
vikunnar
HJARTABLOM
(dicentra spectabilis)
Þótt saga skrautjurta hér á
landi sé ekki löng þegar hún er
borin saman við ræktunarsögu
nágrannaþjóða okkar, þá eru
einstaka jurtir sem hér hafa
haldið vinsældum sínum ára-
tugum saman og fólk talar jafn-
an um með óblandinni virð-
ingu. Ein þessara jurta er
hjartablóm, en þegar um það er
talað má stundum heyra sagt:
Hjartablóm, það er alveg dá-
samlegt. Hún mamma (eða
jafnvel amma) átti það svo
lengi í garðinum sínum! Og
þetta eru orð að sönnu, hjarta-
blómið er mjög fagurt á að líta
en viðkvæmt er það og nokkr-
um vandkvæðum bundið að
rækta það I okkar kalda landi,
endaættað frá Japan.
Fyrst eftir að farið var að
rækta hjartablóm á Vesturlönd-
um, en það mun hafa verið um
miðja síðustu öld, þótti vissara
að rækta það í pottum eða kerj-
um og hafa í skýli á vetrum.
Síðar kom á daginn að hægt er
að rækta það f görðum í frjóum
jarðvegi sé það haft f góðu
skjóli og á hlýjum stað, — hing-
að til lands hefur það svo borist
sennilega frá Norðurlöndum og
ræktun þess tekist vonum
framar, en vel þarf að hlúa að
því og helst að geyma í reit yfir
veturinn. Þá er nauðsynlegt að
hjartablóm sé haft á þurrum
stað því rótarstönglarnir eru
meirir og þola illa vatnsaga.
Hjartablómið er mjög sérstakt
hvað útlit snertir og er engu
öðru blómi lfkt. Blöðin eru
mjúk og áferðarfalleg, fvið blá-
leit, blómstöngullinn dumb-
rauður og sveigist í boga en
neðan f boganum hanga svo
blómin, rauð og hvít, alveg eins
og lítil hjörtu f laginu.
Þetta sérstaka útlit hefur gef-
ið munnmælunum byr undir
báða vængi og blómið þar með
hlotið ýmis skemmtileg gælu-
nöfn m.a. blæðandi hjarta og
liðsforfngjahjarta (löjtnants-
hjarta) en tilefnið til þeirrar
nafngiftar mun vera þetta: Ef
rauðu krónublöðin, en þau
mynda svolitla poka, eru sveigð
varfærnislega til hliðar kemur f
ljós stúlkumynd sem mest líkist
dansmær, og myndast af hvitu
blöðunum. Þessi hvitu blöð
lykja um frævuna, grænan stíl
sem með þvf að beita ofurlitlu
hugmyndaflugi gæti likst háls-
langri kampavínsflösku. Vita-
skuld fylgir sögunni að það sé
einmitt þetta tvennt — konan
og kampavínsflaskan — sem
standi næst hjarta liðsforingj-
ans.
Mjög hefur verið erfitt að fá
plöntur af hjartablómi i gróðr-
arstöðvum undanfarin ár enda
vilja þær tína tölunni nema
þær njóti sérstakrar umhyggju.
Ætla má að jurt þessa sé
heppilegt að rækta í óupphit-
uðu gróðurhúsi, en mjög fer nú
f vöxt að einstaklingar komi sér
upp slíkum húsum.
Dvergahjarta (dicentra form-
osa) er náskylt hjartablómi, en
harðgerðara og mun algengara
f ræktun hér, og hefur nokkuð
borið á þvi að þessum tveim
plöntum sé ruglað saman.
AB.
Mynd þessi af Silkibyggi féll
uiður f sfðasta þætti, og birtist
hún því hér.
Silkibygg hentar mjög vel til
afskurðar og þurrkunar og sé
það skorið á réttum tima getur
liturinn á stráunum haldizt
vetrarlangt. Þegar stráin eru
þurrkuð er bezt að vefja þeim
inn í dagblaðapappír og hengja
upp á hlýjum stað.
HOSfiOHBLUIS
fyrir 50 árum
Annað kennaraembættið við Kennaraskólann er auglýst laust. Byrjunar-
laun eru kr. 3.000 hækkandi upp i 4.200 kr. Umsóknarfrestur er til
ágústloka.
Forstjóri Landsverslunar hefir beðið Mbl. að geta þess, að framleiðsla
hinna innlendu baðlyfja hafi numið nál. 40 tonnum á ári. Kaupverð
Landsverslunar var i fyrra kr. 1,05 á kg, en verður i ár 85 aurar á kg.
Álagning verslunarinnar fyrir nauðsynlegum kostnaði er nál. 10 aurar á kg.
Malbikun Hverfisgötu hefur reynst torsóttari en ætlað var i upphafi. í
fjárhagsáætlun bæjarins var ráð fyrir gert að Hverfisgata yrði malbikuð inn
að Vitastig, og Laugavegur milii Vitastigs og Barónstigs. En þar eð eigi er
hægt að fást við aðgerð á báðum þessum götum i einu. vegna umferðarinnar,
verður lokið siðar við Hverfisgötu en ætlað var. Þá er nú i ráði að fresta
malbikun á Laugavegi, en malbika Hverfisgötu alla leið inn að Barónsstíg.
EF ÞAÐ ER FRÉTT-
NÆMTÞÁERÞAÐÍ
MORGUNBLAÐINU