Morgunblaðið - 14.06.1979, Blaðsíða 19

MORGUNBLAÐIÐ, FIMMTUDAGUR 14. JÚNÍ 1979
19
Rætt viö fulltrúa á 31. Þingi BSRB

þeirra á milli, svo sem í sambandi
við upplýsingaöflun í samninga-
gerð og fleira. Væntanlega myndi
það einnig verða til þess að
styrkja mjög félagslega samheldni
félaganna og málefnalega stöðu.
Einnig sagði Hersir að nokkuð
hefði verið rætt um launakröfur,
en þó ekki mikið enn sem komið
er. Fyrir þinginu sagði hann liggja
drög að kröfugerð, en þingið kæmi
þó ekki til með að fjalla beinlínis
um kröfugerðina, heldur yrði
vænt.anlega samþykkt að halda
áfram á svipaðri leið og gert hefur
verið í þeim efnum.
Jafnréttismál sagði Hersir
einnig vera ofarlega á baugi á
þinginu, einnig tillögur um vinnu-
vernd, um aðbúnað og hollustu-
hætti á vinnustöðum og fleira, svo
sem kröfur um mjög aukin rétt-
indi eftirlaunaþega, í þá átt að
stofnaðar verði sérdeildir lífeyr-
isþega sem látið hafa af störfum.
Einnig vildi Hersir nefna að fyrir
þinginu lægi tillaga um stofnun
verkfallssjóðs, og er lagt til að
15% af árgjöldum félaganna renni
til B.S.R.B. í þessum tilgangi.
„Þetta mál er auðvitan í beinu
framhaldi af áunnum verkfalls-
rétti nú á síðustu árum,“ sagði
Hersir.
Af hugsanlegum ágreiningsefn-
um sagði Hersir að helst mætti
hugsa sér fyrrnefnda stofnun
bæjarmálaráðs, og einnig væru
skiptar skoðanir um forgangsröð
verkefna í Munaðarnesi og
hugsanlega byggingu ráðstefnu-
hallar eða orlofshótels þar.
Hersir Oddsson fyrsti varafor-
maður B.S.R.B.
Ágreiningsefni sagði hann hins
vegar ekki hafa sett svip sinn á
þingið, til dæmis hefði skýrsla
stjórnarinnar verið lítið rædd, og
talsmenn Andófs ’79 hefðu ekki
látið til sín heyra. Að lokum
sagðist Hersir Oddsson fyrsti
varaformaður B.S.R.B. ekki eiga
von á átökum við stjórnarkjörið
sem verður í dag, en Hersir hefur
sjálfur ákveðið að vera ekki aftur í
framboði.
„Ólíklegt að til
kosninga komi
um skipan
forystunnar44
„Eins og komið er hefur mest
verið rætt um lífeyrismálin og
stofnun verkfallssjóðs. Um líf-
eyrissjóðinn voru mjög skiptar
skoðanir, en búið er að afgreiða
það mál, talsvert breytt frá því
sem upphaflega var lagt fram,“
sagði Skúli Möller, Reykjavík, um
helstu ágreiningsmál þingsins að
hans mati. „Varðandi verkfalls-
sjóðinn eru menn nokkuð
sammála um að stofna slíkan sjóð,
en greinir aftur á um hvernig afla
skuli tekna til hans. Þar eru
aðallega skiptar skoðanir milli
þeirra sem koma til með að vinna í
verkföllum og svo aftur hinnar,"
sagði Skúli.
Hann taldi að vel hefði verið
Skúli Möller
unnið á þinginu, ekki þá síst ef
mælt væri í því mikla pappírsflóði
sem flæddi yfir þingfulltrúa. „Það
er aftur á móti vonlaust að setja
sig inn í öll þau mál sem liggja
fyrir,“ sagði Skúli.
Hann sagði að enn hefði enginn
alvarlegur ágreiningur komið upp,
það væri þá einkum í sambandi
við lagabreytingar að menn væru
ekki sammála, þá sérstaklega
varðandi stofnun sérstaks bæjar-
málaráðs. Það mál væri þó ekki
komið upp á yfirborðið ennþá, en
búast mætti við því að ríkisstarfs-
mönnum þætti sem bæjarstarfs-
mönnum væri gert of hátt undir
höfði með stofnun slíks ráðs.
Um forystumál sambandsins
sagði Skúli: „Ég tel það óeðlilegt
að sami maður, án tillits til hæfni
viðkomandi, gegni bæði stöðu
framkvæmdastjóra og embætti
varaformanns sambandsins. Hins
vegar tel ég það ekki líklegt að til
kosninga komi í þessu sambandi
né um aðrar breytingar á forystu-
liðinu."
„Endurskoðun
lífeyrissjóðsmála
eitt meginmál
þingsins44
„HELSTU mál þessa þings eru
vitaskuld viðhorfin til launamála
almennt og undirbúningur undir
Sigfús J. Johnsen.
kröfugerð sambandsins í hönd
farandi samningum," sagði Sigfús
J. Johnsen, Reykjavík. Hann sagði
að inn í þau mál fléttaðist mjög
endurskoðun lífeyrissjóðsmála
opinberra starfsmanna sem einnig
hlyti að vera eitt af stærri málum
þessa þings. „En til þess að þau
mál nái fram að ganga," sagði
Sigfús, „þurfa þau að ganga gegn-
um Alþingi með breytingu á gild-
andi lögum um lífeyrissjóð opin-
berra starfsmanna."
Af öðrum málum nefndi Sigfús,
að í tillögum um skattamál væri
lagður meginþungi á, að persónu-
frádráttur yrði miðaður við raun-
hæfa framfærslu einstaklingsins
þannig að tekjuskattur félli
algjörlega niður af almennum
launatekjum og um leið yrði stað-
ið við núgildandi lög um stað-
greiðslukerfi skatta.
Varðandi lífeyrismálin væri
höfuðatriðið heildarendurskoðun
lífeyrissjóðslaganna með vísun til
þess, að allir starfsmenn, sem
taka laun samkvæmt launakjörum
BSRB, fái aðild að lífeyrissjóðn-
um, jafnframt því sem biðreikn-
ingur yrði lagður niður. Annað
meginatriðið í þessu sambandi
væri að 95 ára reglan yrði að nýju
tekin í lög og að réttur til eftir-
launa yrði framvegis miðaður við
60 ára aldursmark. „Með þessu er
síðan stefnt að því að sameina alla
lífeyrissjóði starfsmanna innan
BSRB í einn sjóð,“ sagði Sigfús.
„Það er mín meining varðandi
starf þessara samtaka," sagði
Sigfús að lokum, „að menn hefji
sig upp úr lágkúrulegri flokkspóli-
tiskri umræðu um forystu sam-
takanna sem hlýtur hverju sinni
að vera skipuð mönnum sem vilja
taka stéttarlega og málefnalega á
málurn."
„Persónufrá-
dráttur verði
miðaður við raun-
hæfa framfærslu
einstaklingsins“
„FLEST mál þessa þings eru mjög
mikilvæg,“ sagði Þorgeir Ibsen í
Hafnarfirði, „svo sem margvísleg
réttindamál opinberra starfs-
manna, orlofsheimilamál, jafn-
réttismál, skattamál og margt
fleira."
I skattamálum sagði Þorgeir að
uppi væru hugmyndir um að gera
tekjuskattinn að brúttóskatti, að
afnema tekjuskatt af almennum
launatekjum og að koma á stað-
greiðslukerfi skatta. Þessar hug-
myndir væru enn í mótun, og væri
ekki gott að segja hvað yrði að
lokum ofan á í þeim efnum. Þá
sagði hann einnig að vilji væri
fyrir hendi í þá átt aö álykta um
að afturvirkni skatta yrði ekki
látin eiga sér stað framvegis, og
Þorgeir Ibscn
einnig um að persónufrádráttur
yrði miðaður við raunhæfa fram-
færslu einstaklingsins, en það
þýðir í raun að tekjuskattur verði
felldur niður af almennum launa-
tekjum.
Þorgeir kvaðst ekki eiga von á
miklum átökum við stjórnarkjör í
dag, þó vissulega væri óhugsandi
að segja fyrir um það. „En við-
kvæm mál eins og þetta með þrjú
prósentin hafa ekki komið upp á
yfirborðið enn sem komið er, og
talsmenn Andófs ’79 hafa verið
fáir og lítt áberandi á þinginu, þó
að þeir hafi að vísu sent inn
greinargerð. í heild hefur þingið
því verið mjög friðsamlegt, en
hvort það verður svo til enda
skýrist ekki fyrr en í kvöld eða á
morgun við stjórnarkjör," sagói
Þorgeir að lokum.
„Raungildi
launa nú 10%
lægra en
árið 1977“
„KJARAMÁLIN eru eðlilega aðal-
mál þessa þings, það er númer eitt
að marka stefnuna í kjaramálum,
auk þess sem fjallað er um fleiri
mikilvæg mál, jafnréttismál,
skattamál og fleiri mál,“ sagði
Örlygur Geirsson, Reykjavík, er
Morgunblaðið spurði hann hver
væru að hans mati helstu mál
þingsins.
Örlygur ítrekaði þá skoðun sína,
að kjaramálin ,væru langmikil-
vægust, og það sem fyrst og
fremst myndi standa eftir af
störfum þingsins yrði stefnumörk-
un í kjaramálum, vegna þess að 1.
júlí næst komandi verða samning-
ar lausir, og því væri undirbúning-
ur þegar hafinn að gerð nýrra
kjarasamninga.
Örlygur sagði að ekki væri um
verulega stefnubreytingu að ræða
í kjaramálum, en tók fram að enn
ætti eftir að fjalla um þá liði sem
viðkvæmastir eru, það er kauplið-
irnir sjálfir, en mikið af þeim
malum sem nú væru í undirbún-
ingi væru kröfur sem settar hafa
verið fram við gerð undangeng-
inna kjarasamninga en ekki hafa
náðst fram. Ekki sagði Örlygur
vera búið að setja niður neina
krónutölu, en ljóst væri að margra
dómi, að um 10% munur væri á
raungildi þeirra launa er opinber-
ir starfsmenn hafa nú og þeim
launum sem samið var um árið
1977. Markmiðið væri því ef til vill
fyrst og fremst það að ná þeim
samningum aftur, enda spurning
um hvort eitthvað sé unnt að bæta
við.
Örlygur sagði, að of snemmt
væri að segja til um hvort stór
ágreiningur yrði um einhver sér-
stök mál á þinginu, það yrði ekki
ljóst fyrr en síðar í kvöld eöa á
morgun. Ekki sagðist Örlygur
hafa trú á neinum átökum við
stjórnarkjör í dag.
Örlygur Geirsson