Morgunblaðið - 03.07.1979, Page 23

MORGUNBLAÐIÐ, ÞRIÐJUDAGUR 3. JÚLÍ1979
31
Átta eístu hestar í B-flokki gædinga, en þeir eru frá hægri talið Kristall sem stóð efstur og síðan
Glotti, Háfeti, Flugumýrar-Skjóni, Kvika, Flótti og Sokki. Ljösm. Vaidimar KriHtlmwon.
Fjóróungsmótið á Vindheimamelum:
Snöggtum betra hjá
hryssunum en folunum
Hinn nýi íslandsmethafi f 800 metra stökki kemur að marki. Knapi og
eigandi er Tómas Ragnarsson. Fast á hæla hans kemur Reykur. sem
Sigurður Sæmundsson situr.
UM HELGINA var haldið
á Vindheimamelum í
Skagafirði fjórðungsmót
norðlenzkra hestamanna.
Veður var ágætt flesta
dagana. þótt ekki væri
hlýtt. Mikill fjöldi hrossa
var skráður til keppni og
þar á meðal voru mörg af
bestu kappreiðahrossum
landsins. Forráðamenn
mótsins töldu að um þrjú
þúsund manns hefðu
komið á mótsstað. Um
sjötíu kynbótahross voru
skráð og þar af voru
tveir stóðhestar, þeir
Hrafn 802 frá Holtsmúla
og Baldur frá
Sy.ðri-Brekkum, sýndir
með afkvæmum. Að
þessu sinni var engin
hryssa afkvæmasýnd.
Tveir stóðhestar
afkvæmasýndir —
engin hryssa
I flokki stóðhesta með
afkvæmum hlaut 1. verðlaun
Hrafn frá Holtsmúla. í dómsorði
segir meðal annars: Hrafn er
reiðhestafaðir og hlýtur 1. verð-
laun fyrir afkvæmi, einkunn 7,95
sem er meðaleinkunn þeirra sex
afkvæma hans sem hér eru sýnd.
Eigandi Hrafns er Sigurður
Ellertsson Holtsmúla. í flokki
stóðhesta sex vetra og eldri voru
sýndir 7 hestar. Efstur stóð
Freyr 931 frá Akureyri. Eigandi
Freys er Þorsteinn Jónsson
Akureyri og er hann undan Svip
385 frá Akureyri og Báru 4418
frá Akureyri. Freyr fékk í aðal-
einkunn 8.00. Aðeins voru sýndir
þrír hestar í fimm vetra flokkn-
um. Þar bar hæstan hlut Fáfnir
frá Fagranesi nr. 897. Eigandi
hans er Jóhann Friðgeirsson
Dalvík. Fáfnir sem hlaut í eink-
unn 8,34 er undan Hrafni 802 og
Jörp 3781 frá Holtsmúla. í flokki
fjögurra vetra hesta voru einnig
aðeins þrír hestar í sýningu. Þar
var efstur Kolskeggur 924 frá
Sauðárkróki, eigandi er Ragn-
hildur Óskarsdóttir Sauðár-
króki. Foreldrar hans eru Sörli
653 og Hæra frá Krossi Óslands-
hlíð. Kolskeggur hlaut í einkunn
7,82. Af hryssum urðu efstar
sem hér segir. I flokki sex vetra
og eldri Lyfting 4578 frá Flugu-
mýri, eigandi er Ingimar Ingi-
marsson Sauðárkróki. Faðir er
Sörli 653 og móðir er Hrefna
4576. Hún hlaut í einkunn 8,33.
Af fimm vetra hryssum varð efst
Svala 4633 frá Glæsibæ, hlaut
einkunnina 8,07, faðir Hrafn 802
og móðir Svala frá Fjósum
A-Hún. Eigandi Svölu er Ingi-
björg Friðriksdóttir Glæsibæ.
Efst af fjögurra vetra hryss-
um varð Blíða 4811 frá Flugu-
mýri. Eigandi Blíðu er Sigrún
Inga Sigurðardóttir Flugumýri.
Faðir er Skuggi 888 frá Flugu-
mýri og móðir Ingu-Skjóna
Flugumýri.
Ráðunauturinn óánægð-
ur með stóðhestana
Að aflokinni kynbótasýningu
sneri blm. til Þorkels Bjarnason-
ar hrossaræktarráðunauts og
spurði hann álits á kynbóta-
hrossum þeim er þarna voru
sýnd. Taldi hann að ekki væri
um að ræða miklar framfarir frá
síðasta fjórðungsmóti, en þess
bæri að gæta að alltaf væri
erfitt að halda fjórðungsmót
árið eftir landsmótsár, sökum
þess að bestu hrossin skiluðu sér
ekki eins og ella. Einnig hefði
tíðarfar sett stórt strik í reikn-
inginn hvað viðkemur tamningu
og þjálfun sýningarhrossa á
siðasta vetri og vori. Hvað við-
kemur heildarsvip sýningarinn-
ar, þá kvaðst Þorkell vera
óánægður með stóðhestana og
taldi hann að hryssurnar hefðu
komið snöggtum betur út úr
sýningunni en folarnir. Þó
fannst honum vanta fleiri getu-
hross í hryssuhópinn.
í A-flokki gæðinga stóð efst
Hrafnkatla Sveins Guðmunds-
sonar. Knapi var Sigurjón
Gestsson. Og í B-flokki gæðinga
stóð efstur Kristall Gunnars H.
Jakobssonar Akureyri, knapi á
honum var Eyjólfur ísólfsson. í
unglingakeppninni varð efst
Helga Árnadóttir 13 ára frá
Akureyri, var hún á hestinum
Ýra.
íslandsmet í 800
metra stökki tvíbætt
í kappreiðum mótsins náð’íst
ágætur árangur og ber þar hæst
íslandsmet Þróttar í 800 m
stökki. Hljóp hann tvisvar undir
gamla metinu sem var 59,7 sek. í
undanrásum hljóp hann á 58,9
sek. og í milliriðli á 59,6 sek. Á
sunnudag hljóp hann svo á 62,0
sek. í úrslitahlaupinu, en þá voru
aðstæður frekar óhagstæðar.
Eigandi og knapi á Þrótti er
Tómas Ragnarsson. Annar í
úrslitahlaupinu varð Móri, eig-
andi og knapi Harpa Karlsdótt-
ir. Hann hljóp á 62,6 sek. Þriðji
varð svo Reykur Harðar G.
Albertssonar á 63,0 sek. Knapi á
Reyk var Sigurður Sæmundsson.
í 800 m brokki sigraði
Frúar-Jarpur Unnar Einarsdótt-
ur á í.44,0 mín., knapi var
Kristinn Guðnason. Annar varð
svo Jarpur, eigandi og knapi Jón
Höskuldsson. Hljóp hann á
1.51,3 mín. Og þriðji varð Reykur
á 1.53,5 mín. Eigandi hans er
Njáll Þorgeirsson og knapi var
Ragnar Hinriksson.
í 350 m stökki sigraði Stormur
Hafþórs Hafdal á 25,3 sek., hafði
hann áður hlaupið 24,9 sek í
undanrásum sem er mjög góður
tími. Annar varð Óli, eigandi
Guðni Kristinsson Skarði, knapi
var Þórður Þorgeirsson. Óli
hljóp á 25,8 sek. í þriðja sæti
varð svo Glanni á 27,7 sek,
eigandi hans er Þorgerður Sæ-
mundsen en knapi var Einar
Svavarsson.
í 250 m stökki sigraði Don
Harðar G. Albertssonar á 18,9
sek., knapi Hörður Harðarson.
Hafði Don hlaupið á 18,1 sek í
undanrásum. Varð gerð tilraun
til að slá metið með aukaspretti
á föstudagskvöldið. Náði Don
bestum tíma í þeim spretti 18,1
sek. Önnur í folahlaupi varð Irpa
á 19,0 sek, eigandi hennar er
Leifur Þórarinsson. Sjónarmun
á eftir Irpu varð svo Leó Baldurs
Baldurssonar og knapi á honum
var Björn Baldursson. í 150 m
nýliðaskeiði náði bestum tíma
Váli Sigurbjörns Bárðarsonar,
en knapi á honum var Trausti Þ.
Guðmundsson. Hljóp hann á 17,3
sek. Önnur varð Lyfting, sú
sama og stóð efst í flokki
hryssna 6 vetra og eldri. Eigandi
og knapi Ingimar Ingimarsson
Sauðárkróki. Hún hljóp á 17,5
sek.
í þriðja til fjórða sæti urðu
Blakkur Áskels Ólafssonar,
knapi Aðalsteinn Aðalsteinsson
og Tígull eign Flugumýrar-
bræðra, knapi Ingimar Jónsson.
Hlupu þeir á 18,3 sek og skiptu
með sér verðlaununum. I 250 m
skeiði sigraði Fannar Harðar G.
Albertssonar, knapi Aðalsteinn
Aðalsteinsson, á 24,2 sek. Annar
varð Funi Bjarna Ágústssonar,
knapi Gunnar Arnarsson, á 24,6
sek. í þriðja til fjórða sæti urðu
Þór Þorgeirs í öufunesi, knapi
Sigurður Sæmundsson, og Jón
Haukur eigandi Matthias Eiðs-
son, knapi Jóhann Þorsteinsson.
Hlupu þeir á 25,3 sek.
Segja má að framkvæmd
mótsins hafi tekist með ágætum
enda er aðstaðan á Vindheima-
melum einhver sú besta á land-
inu til stórmótshalds.
V.K.
Verkstæði okkar verður lokað
vegna sumarleyfa dagana 16.
júlí til 13. ágúst.
Davíd Sigurðsson h.f.
Fiat einkaumboð
Síðumúla 35.
iltofgitiiÞfafrib
óskar eftir
blaðburðarfólki
AUSTURBÆR:
Rapido
Fellihýsin
Margfaldur
verblaunahafi
Hafið sarnband við
Gunnar Ólafsson í
Panelofnum
Sími: 44210