Morgunblaðið - 06.06.1981, Síða 37

MORGUNBLAÐIÐ, LAUGARDAGUR 6. JÚNÍ 1981
37
félk í
fréttum
Gro heimsækir Kekkonen
+ Fyrir nokkrum dögum var forsætisráðherra Norðmanna Gro Harlem
Brundtland í opinberri heimsókn í Finnlandi. — Það vakti blaðaskrif í Noregi, að
forsætisráðherrann skyldi ekki fara heim til Noregs úr þessari opinberu
heimsókn með venjulegri áætlunarflugvél frá finnska flugfélaginu Finnair —
heldur hafi hún látið senda flugvél eftir sér, 2ja hreyfla þotu úr norska
flughernum. Komutími finnsku áætlunarflugvélarinnar til Osló og eins þotu
forsætisráðherrans var því sem næst hinn sami. Þessi mynd er af Gro Harlem og
Kekkonen, forseta Finnlands, og tekin meðan á heimsókn hennar stóð í
Helsingfors.
Karsten í ham ...
+ Þennan tónlistarmann munu margir kannast við
hérlendis, um leið og þeir sjá þessa mynd. — Þetta
er norski hljómsveitarstjórinn Karsten Andersen,
sem tíðum hefur stjórnað Sinfóníuhljómsveitinni
hér. — Þessi mynd var tekin fyrir skömmu, er hann
stjórnaði sinfóníuhljómsveitinni í Bergen, er hún
flutti Grieg-sinfóníuna, sem tónskáldið skrifaði
1863—64, tvítugur að aldri.
+ Kunnur fjallgöngu-
maður, bandarískur,
Dave Mahre að nafni,
mun væntanlega slást í
för með fjallgöngu-
mannahópi, sem næsta
ár ætlar að klífa á tind
Mont Everest, Kínameg-
in. Þar hefur ekki áður
verið ráðist til uppgöngu
á þennan hæsta fjalls-
tind veraldarinnar. Tak-
ist kappanum að komast
á tindinn, verður Ðave
Mahre elsti maðurinn,
sem sigrað hefur tind-
inn. Hann er nú 55 ára
gamall. Synir hans
tveir, Phil og Steve
Mahre, eru kunnir
skíðakappar í Banda-
ríkjunum a.m.k.
w
A afmæli Massa
+ Aldursforseti górilluapa í dýragörðum heimsins átti nýlega 50 ára
afmæli. Er þetta afmælismyndin af Massa, en svo heitir górillan, og er í
dýragarðinum í borginni Philadelphia í Bandaríkjunum. — Á afmælis-
daginn var Massa færður veislumatur í búrið sitt, grænmeti og ávexti.
Einnig hafði verið bökuð afmælisterta. — Hið breiða bros Massa minnir á
tannkremsauglýsingu. Vegna síns háa aldurs er þó svo komið, að gerðar
eru sérstakar ráðstafanir til að vernda tennurnar. Svo aldurhnigin górilla
þolir ekki deyfingu, segir í myndajextanum.
Njósnari?
+ Þessi ungi maður, sem
er undirforingi í Banda-
ríkjaher, var handtek-
inn um daginn, að því er
segir í tilk. frá bæki-
stöðvum bandaríska
flughersins í Washing-
ton. Hann þykir ekki
hafa alveg hreint mjöl í
pokanum. Var handtak-
an rökstudd þeim grun,
að heimsóknir hans í
sendiráð Sovétríkjanna
í borginni, í þrígang,
hafi rennt stoðum undir
grun um hugsanlegar
njósnir þessa undirfor-
ingja. Hann starfar við
eina af 54 skotpalla-
stöðvum Titan-
eldflauga, sem nú er
vitað um í Bandaríkjun-
um. Undirforinginn,
Christopher M. Cooke,
25 ára, var í mikilvægri
stöðu í Titan-eldflaug-
astöð, þar sem hann
m.a. hafði undir hönd-
um dulmálslykla til
notkunar ef allt fer í bál
og brand. Maðurinn hef-
ur ekki verið ákærður.
ítarleg rannsókn mun
fara fram á ferðum
hans til sovétsendiráðs-
ins, en heimsóknirnar
hófust í desembermán-
uði 1980.
Aldurs-
forseti
Úndína Sigmunds-
dóttir - Minning
Föstudag 29. maí sl. var til
moldar borin Úndína Sigmunds-
dóttir, Hagamel 51. Var hún kvödd
í kyrrþey við einfalda og látlausa
athöfn að viðstöddum nánustu
ættingjum og vinum. Sr. Halldór
Gröndal flutti kveðjuorð og bæn
og minntist hinnar látnu á fagran
og einlægan hátt.
Úndína Sigmundsdóttir var
fædd í Vestmannaeyjum 6. júní
1912, elst átta systkina, barna
hjónanna Sólbjargar Jónsdóttur
og Sigmundar Jónssonar. Hún ólst
upp í foreldrahúsum, en fluttist á
unglingsaldri til Reykjavíkur og
átti þar heimili æ siðan. Hún
giftist 12. nóvember 1932 Guð-
mundi Sölvasyni, verslunarmanni,
nú innheimtustjóra Sláturfélags
Suðurlands. Þau eignuðust tvö
börn, Eygló og Sigmund Birgi,
sem bæði eru gift, og fjögur
barnabörn. Úndína lést á heimili
sínu 19. maí af afleiðingum heila-
blóðfalls.
Þannig er saga hennar, sú saga
staðreynda, sem lesin verður úr
kirkjubókum, manntölum og þjóð-
skrá. Enn ein saga um eiginkonu,
móður og ömmu, sem aldrei krafð-
ist athygli heimsins, einskis frama
leitaði á vettvangi fjölmiðla eða
félagslífs, en vann sín verk af alúð
og einlægni í trú á guð í alheims-
geimi og trúnaði við guðsneistann
í eigin brjósti.
En þessi saga er aðeins rammi
— rammi um þá mynd, sem vinir
hennar geyma í huga sér —
umgerð um þann helga dóm, sem
minning hennar er ástvinum
hennar öllum. Sú mynd sýnir unga
stúlku, sem átti þann draum að fá
tækifæri til að lesa og læra, en
tíðarandi og þröngar skorður
veittu aðeins möguleika til skóla-
göngu einn vetrarpart eftir ferm-
ingu í kvöldskóla í heimabyggð-
inni. Þeir, sem heyrðu hana segja
frá því, hver gæfa henni fannst að
fá þetta tækifæri til náms og
hveTsu þakklát hún var fyrir það,
skildu um leið, að sá fróðleikur,
sem þar var miðlað, hafði átt
greiðan aðgang að opnum huga,
enda varð árangur skammrar
skólavistar í samræmi við það. Á
þessum vetri lagði Úndina
grundvöll þeirrar menntunar, sem
hún alla ævi hélt áfram að ávaxta
og auka við.
Hún var hlédræg og lítið fyrir
að láta á sér bera í fjölmenni, en
naut sín vel í fámennum hópi
góðra vina og þá kom í Ijós hvað i
hugarheimi hennar bjó og hve
miklu hún hafði að miðla.
Hún hreifst af allri fegurð, jafnt
náttúrufegurð sem fegurð í litum,
línum og hljóm, hafði sérstakt
yndi af skáldskap, kunni mikið af
ljóðum, lét jafn vel að flytja og
hlýða og hafði næman smekk fyrir
því, sem vel var gert og fagurt í
skáldskap og tónlist. Úndína var
vel lesin og fróð um marga hluti,
bjó yfir lifandi frásagnargáfu,
hafði traust minni og gat brugðið
upp svipmyndum liðinna atvika af
nákvæmni, sem bar vitni næmri
athyglisgáfu. Þar naut sín kímni-
gáfa hennar, sem var mannleg og
hlý og laus við brodd og beiskju.
Menntun Úndínu og menning
hjartans birtist einnig í hinu
daglega starfi móður og húsfreyju.
Heimili hennar hafði sterkt svip-
mót og sérstakt. Svipmót, sem bar
þess vott, að hlutum var valinn
staður af kostgæfni og virðing
borin fyrir þeim gripum, sem
valdir höfðu verið til heimilis-
prýði. Hún vandaði öll sín verk.
Kastaði aldrei höndum til neins.
Hroðvirkni var henni víðsfjarri.
Jafnvel þau störf, sem teljast til
hins venjubundna verkahrings
virkra daga voru unnin af þeirri
fágun og smekkvísi, að líkara var
undirbúningi að hátíð en hvers-
dagsstarfi. Allt var unnið af
heilum hug. I því voru þau hjón,
Úndína og Guðmundur, samtaka.
Gestum var fagnað af heilum hug
og mikilli rausn og hvenær sem
hægt var að greiða veg einhvers
eða leggja honum lið var það gert
af myndarskap og með gleði. Ekki
síst urðu barnabörnin þessa að-
njótandi, enda voru þau, velferð
þeirra og framtíð, jafnan efst í
huga Úndínu. Hlýtur sá fjársjóður
ástar og umhyggju, sem barna-
börnin áttu alla tíð hjá afa og
ömmu, að verða þeim drjúgt
veganesti til farsældar á framtíð-
arbraut svo framarlega sem góður
hugur og fyrirbænir mega sín
nokkurs hér í mannheimi.
Síðustu árin gekk Úndína ekki
heil til skógar. Þrek hennar og
lífsþróttur fóru dvínandi. Sjálf
vildi hún lítið um það ræða og
kvartaði ekki, þó að líðanin væri
sjaldan góð. En vegna þessa slakn-
aði nokkuð á tengslum við ætt-
ingja og umhverfi. Henni lét betur
að vera veitandi en þiggjandi.
Að leiðarlokum vil ég þakka
Úndínu, tengdamóður minni, allar
þær stundir, sem við áttum og
ræddum sameiginleg hugðarefni.
Stundir sem voru alltof stuttar og
stopular, en eru mér dýrmætar
vegna þess, sem hún miðlaði mér
af fjársjóði huga síns.
Blessuð sé minning Úndínu Sig-
mundsdóttur.
Snorri Þorsteinsson
Höfn í Hornafirði:
Humarveiðin mjög góð
Ilornafirði. 1. júni.
HUMARVERTÍÐIN hér á Höfn
hófst 24. maí. Humarveiðin hefur
verið mjög g(')ð það sem af er og
hafa nú borist 60 tonn af slitnum
humri, í 30 löndunum. Héðan
stunda 15 bátar humarveiðar. Auk
humarbátanna eru tveir á fiski-
trolli og tveir á netum. annar
fiskar i. en hinn leggur upp hér
heima. Síðan verða tveir á hand-
færum.
Þrír aflahæstu humarbátarnir
þann 3. júní voru: Æskan SF 144
með 5904 kíló, Garfey SF 22 með
5228 kíló og Þinganes SF 25 með
4794 kíló. Nokkrir bátanna fylgja
fast á eftir. Hér hefur verið heldur
kalt veður að undanförnu, en von-
andi fer þessum kuldakafla að
ljúka. Þess má að lokum geta að á
vegum æskulýðsráðs Hafnarhrepps
verða í sumar starfræktir skóla-
garðar og munu þátttakendur
skólagarðanna rækta allar algeng-
ustu matjurtir. Umsjónariaenn
skólagarðanna eru þau Rannveig
Einarsdóttir garðyrkjufræðingur
og Albert Einarsson, formaður
æskulýðsráðs Hafnarhrepps. Vinna
í skólagörðunum hefst eftir hvíta-
sunnu. Einar