Morgunblaðið - 19.12.1982, Síða 28
76
MORGUNBLAÐIÐ, SUNNUDAGUR 19. DESEMBER 1982
öhTTÍ
VDANON
Núverandi forseti
Real Madrid, Don
Luis de Carlos, við
málverk af sjálfum
Santiago Bernabeu,
en leikvangur Real
Madrid heitir í höf-
uðið á honum.
Í Hinn frægi heimavöllur Real Madrid, Santi-
m ago Bernabeu, er ekki aðeins stór, hann er
g líka mjög fallegur. Þar fór fram úrslitaleikur
síðustu heimsmeistarakeppni í knattspyrnu.
Hér má sjá mynd frá vellinum þar sem Real
Madrid leikur gegn Valencia. Völlurinn er
ávallt þéttsetinn eins og sjá má á myndinni.
„Æðið var að skella á; æði sem
náði skjótri útbreiðslu og gekk
brátt yfir allan Spán. Það hét
„Futbol". En þá, í kringum alda-
mótin, þýddi „fótbolti" ekki annað
en hróp og köll á hvítkölkuðum
grasvelli við hliðina á „La Taur-
ina“ og truflaði gestina."
Eitthvað á þessa leið eru inn-
gangsorðin í bók Ramon Melcon
og Stratton Smith um „Real
Madrid Club de Futbol" — og
þannig byrjaði ferill spánska fé-
lagsins. Það tók sinn tíma þar eins
og hjá svo mörgum stórum félög-
um nútímans, að vinna sig upp og
sigrast á byrjunarörðugleikunum.
Þegar húma tók að kvöldi og sól
settist til viðar hittist fólk á „La
Taurina" til að fá sér koníakstár
og spjalla um þjóðaríþróttina,
nautaatið. Þá stund gleymdust
áhyggjur líðandi dags. Á „La
Taurina" var íþróttin lofuð og
rómuð á alla kanta. Allt snerist
um hið sanna vígsvið þar sem
stæltur og þungbúinn nautabani
sveiflaði skarlatsrauðri slánni.
Enginn gat láð þessu fólki það,
að finnast knattspyrnumennirnir
óskammfeilnir unglingar, sem í
ofanálag hlytu að hafa skerta
greind þar sem þeir hlupu á eftir
tuðrunni berir að ofan.
„Hvernig gátu þessi ungmenni
leyft sér að leika rétt við nauta-
atssviðið. Engir veggir huldu
„nekt“ þeirra og hreyfingar. Ekk-
ert tempraði ruddaleg hróp
þeirra." Gestirnir á „La Taurina"
trufluðu því knattspyrnuleikinn
og kölluðu háðsyrði á eftir leik-
mönnum.
En ráðsmaðurinn á „La Taur-
ina“ minnti gesti sína á að viðhafa
prúðmannlega framkomu á veit-
ingastað sínum, nú sem fyrr, og
leigöi knattspyrnumönnum eitt af
herbergjum sínum til að hafa
fataskipti í. Hvort það var gert af
fjárhagslegum ástæðum eða af
beinum áhuga fyrir íþróttinni,
sem enskir sjómenn og viðskipta-
menn komu með til Spánar, skal
ósagt látið hér.
Hiö konunglega félag
Svona gekk knattspyrnan fyrir
sig í fjögur ár og á þeim grunni
stofnuðu nokkrir háskólastúdent-
ar félag, nánar tiltekið 18. marz
1902; félag sem átti eftir að vinna
fleiri sigra og áhangendur en
nokkurt annað knattspyrnufélag.
í upphafi hét félagið aðeins
Madrid CdeF. Það var ekki fyrr en
1920 að konungur Alfonso XIII gaf
leyfi sitt fyrir að félagið kallaði
sig „Real“, sem þýðir konunglegur.
REAL MADRID
er eins og ein stór
fjölskylda
Þá var knattspyrnan líka orðin
góð og gild þar í borg.
I dag er knattspyrnan mun vin-
sælli en nautaatið og á hvítskúr-
uðum veggjum á barnum, sem áð-
ur voru skreyttir með myndum af
hinum fræga „matador" Juan
Belmonte, hanga nú myndir af
frægum knattspyrnumönnum svo
sem Alfredo di Stefano, Ferenc
Puskas, Francisco Gento, Luis del
Sol, Þjóðverjunum Gúnter Netzer,
Paul Breitner og Uli Stielike og
Dananum Henning Jensen, sem á
drjúgan þátt í frægð og frama fé-
lagsins.
Real Madrid hefur nokkrum
sinnum fært sig um set frá því það
yfirgaf gömlu spilduna við „La
Taurina". Nú leika þeir á hinum
endurbyggða „Chamartin", sem er
eins og fílabeinsturn á „Avenida
de Generalissimo" og til heiðurs
manninum sem lét reisa þennan
leikvang var honum gefið nafnið
Santiago Bernabeu.
Eitt er að vera stór, en það er
Estadio Santiago, leikvangurinn,
þrátt fyrir að möguleika fyrir
áhorfendafjölda hafi verið skorinn
niður úr 125.000 í 90.000 til að
auka öryggi og þægindi áhorf-
enda.
Annað er svo að vera fallegur að
auki. Þessi leikvangur er það —
eða var það allavega áður en þrír
af fjórum pöllum hans voru
bólstraðir. Ekki er inniaðstaðan
heldur af verri endanum. Sund-
laug með stökkbretti, bar, þar sem
meðlimir félagsins geta gætt sér á
kaffisopa eða annarri hressingu
um leið og rætt er um árangurinn
í deildinni.
Jafnframt er þar að finna leik-
fimisal, körfubolta- og handbolta-
velli, nýtísku búningsherbergi
með heitum laugum, matsal,
nuddstofu, sjúkraherbergi og full-
komna skurðstofu. Svona hljómar
lýsingin á íþróttavanginum Est-
adio Santiago Bernabeu, þar er
greinilega hugsað fyrir öllu. í upp-
talninguna vantar þó „Hreiður Al-
addins" eða „ógnarherbergið" eins
og það er stundum nefnt. Það hef-
ur að geyma þá 3.479 verðlauna-
gripi sem Real Madrid hefur unnið
til, þ.á m. er að finna 6 bikara
fyrir Evrópumeistaratign.
En Real Madrid — ríkið í ríkinu
— á fleiri eignir. í útjaðri borgar-
innar á félagið heilt íþróttahverfi
sem heitir „Ciudad Deportiva del
Real Madrid", sem búið er að
leggja margar milljónir í með
dyggri aðstoð Francos heitins. Þar
er hægt að stunda allar hugsan-
legar íþróttagreinar svo sem,
frjálsar íþróttir, júdó, lyftingar,
handbolta, tennis, sund, svo ekki
sé minnst á knattspyrnu og flestar
aðrar ónefndar greinar.
Merkilegur maður
Árið 1976 kom Henning Jensen
til Real Madrid frá Borussia
Mönchengladbach. Eftir nokkurra
mánaða dvöl hjá félaginu sagði
hann í blaðaviðtali: „Þessi tvö fé-
lög skiptast í tvö horn, það er eins
og að koma úr helvíti í paradís að
koma hingað. Tilveran er orðin
mannleg aftur. Nú þarf ég aðeins
að standa reikningsskil fyrir Guði
almáttugum og Don Santiago
Bernabeu.forseta félagsins.“
Santiago Bernabeu lék í mörg ár
með 1. deildarliði Real sem mið-
herji. í seinni heimsstyrjöldinni
varð hann svo forseti félagsins og
var þar með lagður grunnurinn að
glæstum ferli félagsins á komandi
árum. Þegar Don Santiago Berna-
beu tók við stjórnartaumunum
hafði Real ekki unnið meistaratit-
ilinn í tíu ár, auk þess barðist fé-
lagið í bökkum fjárhagslega. En
Bernabeu var hugmyndaríkur
maður og ein af hugdettum hans
var sú að bjóða árskort sem veitti
eigendum aðgang að 1. deildar-
leikjum jafnframt rétt til að iðka
alls kyns íþróttir. Þannig fékk
hann fé í kassann og tókst einnig
að fá umtalsvert bankalán. Pen-
ingana notaði hann til að reisa
stóran íþróttaleikvang. Og með
tilkomu stærra íþróttasvæðis
eignaðist félagið fleiri meðlimi og
seldi þannig fleiri árskort. Fram-
kvæmdastjórn lét Bernabeu í
hendur hins framtakssama manns
Raimundo Saporta, sem skipu-
lagði heimsmeistarakeppnina á
Spáni. Saporta vann bæði að upp-