Morgunblaðið - 08.06.1983, Page 4

36 MORGUNBLAÐIÐ, MIÐVIKUDAGUR 8. JÚNÍ 1983
Frá formannaráðstefnunni. Björn Björnsson, hagfreðingur ASÍ, I ræðustói.
Ályktun formannaráðstefnu ASÍ:
40% kaupmáttaraukningu þarf
í byrjun næsta árs, ef ná á
kaupmáttarstigi ársins 1982
Afnám samningsréttar brot á einu frumlögmáli lýðræðisþjóðfélagsins
Hér á eftir birtist í heild ályktun
formannaráðstefnu Alþýðusam-
bands íslands, sem samþykkt var á
mánudag.
„Efnahagsráðstafanir ríkis-
stjórnarinnar eru grimm atlaga
að réttindum og kjörum launa-
fólks. Meginefni ráðstafananna er
tvíþætt:
í fyrsta lagi: Afnám samn-
ingsréttar
— Samningsréttur er afnuminn
fram til 1. febrúar á næsta
ári.
— Fram til 1. júní 1985 telst
það lögbrot að semja um
vísitölubætur.
— Þegar samningsréttur verð-
ur veittur á ný, skulu samn-
ingsaðilar ábyrgir fyrir því
að samningar séu innan
ramma kjaramálastefnu rík-
isstjórnarinnar.
í öðru lagi: Kjaraskerðing
Á þeim tíma, sem verkalýðs-
hreyfingin er svipt samningsrétti,
er stefnt að þvílíkri rýrnun kaup-
máttar að næstu samningar yrðu
að fela í sér um 40% kaupmáttar-
aukningu, ef vinna ætti upp það
sem tapast hefur frá ársmeðaltali
síðasta árs. Kjaraskerðingin yrði
þreföld á við áætlaðan samdrátt
þjóðartekna síðustu tvö ár.
Lagaákvæðum um afnám samn-
ingsréttar verður ekki saman
jafnað við neinar íhlutanir stjórn-
valda á síðari tímum. Með afnámi
hans er brotið eitt frumlögmál
lýðræðisþjóðfélags. Því verður
ekki trúað að meirihluti Alþingis
sé reiðubúinn til þess að ganga
gegn því að ísland sé samfélag
frjálsra manna, sem hafi rétt til
þess að vinna að hagsmunamálum
sínum. Því verður ekki trúað að
meirihluti Alþingis sé reiðubúinn
að skipa sér á bekk með þeim er-
lendu stjórnvöldum, sem mest
hafa verið fordæmd á undan-
gengnum árum.
Sú kjaraskerðing, sem að er
stefnt er svo alvarleg að fara verð-
ur þrjá áratugi aftur, til ársins
1952, til þess að finna dæmi um
lakari kaupmátt kauptaxta verka-
fólks. Samningar í byrjun næsta
árs yrðu að tryggja 40% kaup-
máttaraukningu, ef ná ætti kaup-
máttarstigi ársins 1982. Úr svo
djúpum.pytti yrði erfitt að kom-
ast. Kaupmáttarhrapið hlyti að
leiða til samdráttar á mörgum
sviðum. fslenskt þjóðfélag gæti
lokast inni i vítahring atvinnu-
leysis og kjaraskerðingar. Slíkt
ástand er samfélaginu hættulegt.
Gagnráðstafanir stjórnvalda
létta nokkuð byrðar þeirra sem nú
verða að mæta stórfelidum hækk-
unum hitunarkostnaðar og þeirra
sem eiga börn undir 7 ára aldri, og
stefnt er að því að fresta greiðsl-
um þeirra sem skulda vegna hús-
næðiskaupa eða byggingar, þannig
að greiðslubyrðin aukist ekki
verulega sem hlutfall tekna.
Gagnráðstafanir taka í engu tillit
til tekna, nema hækkanir á
greiðslum Tryggingastofnunar,
þar sem þyngst vegur að tekjur
þeirra sem njóta tekjutryggingar
skerðast 2% minna en aðrar tekj-
ur. Fyrir launafólk í heild sam-
svara gagnráðstafanir um 2'h% í
kaupi ef allt er talið.
Aðgerðir stjórnvalda eru ein-
hliða kaupskerðing og á engan
hátt er reynt að stemma stigu við
verðhækkunum. Landbúnaðarvör-
ur hafa hækkað um 22—33%,
brauð og kökur um nálægt 15%,
bensín og olíur um 15—30%, aðrar
innfluttar vörur um og yfir 20%
og neyslufiskur um 25% svo
eitthvað sé nefnt. 8% kauphækk-
un 1. júní er þegar uppétin hjá
flestum áður en hún kemur til út-
borgunar.
Verðhækkunarhrina síðustu
daga er upphaf skriðu sem á
næstu mánuðum mun kaffæra af-
komu heimilanna í landinu verði
ekki að gert.
Stjórnvöld hafa kosið að gera
hvergi grein fyrir afleiðingum
bráðabirgðalaganna. Því hlýtur
fyrsta skref verkalýðssamtakanna
að vera markviss upplýsingamiðl-
un þar sem hvert einstakt verka-
lýðsfélag er vakandi og virkt og
komi upplýsingum sem best á
framfæri við alla félagsmenn.
Verkafólk verður að þjappa sér
saman í skýrt mótaðri andstöðu
gegn ráðstöfununum.
I samhljóða ályktun miðstjórn-
ar ASÍ og BSRB hinn 10. maí er
um það fjallað, hvernig skuli snú-
ast gegn þeim vanda sem nú herj-
ar á íslenskt efnahagslíf. Þar segir
m.a.: „Verðbólgan verður ekki
læknuð með rothöggi 1. júní eða 1.
september. Hún verður ekki lækn-
uð með aðgerðarleysi atvinnuleys-
is. Gegn vandanum verður að ráöast
með virkri atvinnustefnu sem kjarna
nýrrar efnahagsstefnu. Þjóðin verð-
ur að vinna sig út úr vandanum en
hörfa ekki á vit samdráttar, lang-
vinnrar lífskjaraskerðingar og at-
vinnuleysis.** í ályktuninni voru
talin upp ýmis atriði sem máli
skipta í mótun atvinnustefnu og
lokaorðin voru þessi: „Miðstjórn
Alþýðusambands Islands beinir
þeirri eindregnu áskorun til
stjórnvalda og stjórnmálaflokka,
að nú verði brotið blað í efnahags-
stjórn og að sem víðtækastri sam-
stöðu verði náð um stefnu, sem
taki tillit til sjónarmiða verka-
lýðshreyfingarinnar."
Á þessa útréttu hönd hefur rík-
isstjórnin slegið. I stað samstarfs
býður hún verkalýðshreyfingunni
fjötra lagaboðs og geigvænlegri
kjaraskerðingu en fordæmi eru
um. Formannafundur Alþýðu-
sambands íslands krefst þess að
ofbeldinu verði aflétt, og varar við
afleiðingum þess ástands sem nú
hefur skapast, því ljóst má vera að
verkalýðshreyfingin getur aldrei
liðið að gengið sé svo freklega á
lýðræðisleg réttindi eins og felst í
nýsettum bráðabirgðalögum um
afnám samningsréttar."
Fræðslumiðstöð iðnaðaríns:
Megináhersla lögð á endur-
menntun starfsfólks í iðnaði
Fræðslumiðstöð iðnaöarins var
kynnt fyrir blaðamönnum í vikunni
sem leið, en henni er ætlað það
meginverkefni að efla eftirmenntun
í iðnaði, en eftirmenntun starfsfólks
er talín vera einn af undirstöðuþátt-
um þeirrar iðnþróunar sem stefnt er
að hér á landi.
Fræðslumiðstöðin tók til starfa
haustið 1981. Hún vinnur í tengslum
við tæknistofnanir iðnaðarins og
hefur samvinnu við samtök í iðnaði,
fræðslunefndir og aðra hagsmuna-
og áhugaaðila.
Starf FMI felst í að stuðla að
fjölbreyttu framboði námskeiða
með því að greina fræðsluþarfir,
velja sérfræðinga, vinna náms-
gögn, skipuleggja fræðslu, veita
leiðbeinendum tilsögn og halda
tilraunanámskeið. Síðan taka
ýmist aðrir við rekstri námskeið-
anna eða Fræðslumiðstöðin
annast hann sjálf, einkum í sam-
vinnu við tæknistofnanirnar.
Fram að þessu hafa verið hald-
in að tilhlutan eða með stuðningi
FMI 29 námskeið með á tólfta
hundrað þátttakendur. Áhugann
og þörfina á þessari starfsemi má
nokkuð marka af því að í upphafi
vetrar lágu fyrir 130 beiðnir og
hugmyndir að nýjum námskeið-
um.
Nokkuð af náms- og kennslu-
gögnum FMI hefur verið fengið til
notkunar við iðnfræðsluskólana.
Skólarnir hafa og veitt aðstöðu til
rekstrar ýmissa námskeiða og er
þess vænst að þessi samvinna við
skólana stuðli að þeirri endurnýj-
un tæknikunnáttu sem verk-
menntuninni er nauðsynleg.
Meirihluti námskeiða FMI og
samstarfsaðila hennar hefur ver-
ið á sviði löggiltra iðngreina, en
ætlunin er að bjóða fram fleiri
námskeið fyrir ófaglærða
starfsmenn í iðnaði. Þau nám-
skeið sem nú eru í boði eru í bygg-
ingargreinum, fataiðnaði, málm-
iðnaði og bílgreinum og í raf-
iðngreinum auk nokkurra ann-
arra. Upplýsingar um námskeiðin
er að finna í kynningarbæklingi
FMI sem kemur út tvisvar á ári
°K liggur frammi hjá samtökum í
iðnaði, hann má einnig fá sendan
ef óskað er.
Fræðslumiðstöðin hefur aðset-
ur að Keldnaholti, í húsi Rann-
sóknastofnunar byggingariðnað-
arins. Forstöðumaður er Þuríður
Magnúsdóttir. Stjórn Fræðslu-
miðstöðvarinnar er þannig skip-
uð: Ásgeir Magnússon, raftækni-
fræðingur, formaður, og Snorri S.
Konráðsson, bifvélavirki, Sigurð-
ur Guðmundsson, viðskiptafræð-
ingur, Guðmundur P. Kristinsson,
verkfræðingur, og Jónas Sigurðs-
son, húsasmiður.
Ljósm. Mbl/GB
Frá fræsinganámskeiði á vegum Fræðahimiðstöðvarinnar