Morgunblaðið - 08.06.1983, Blaðsíða 11

MORGUNBLAÐIÐ, MIÐVIKUDAGUR 8. JÚNÍ 1983 43
Hestamót Mána:
Hylling dæmd úr leik — Kirkju-
bæjarhestar efstir í gæðingakeppni
Sögulegur sprettur. Hylling kemur fyrst I mark en vmr dæmd úr leik. Nestu hestar eru Léttir, sá dökki, og
lengst til vinstri sér í höfuðið á Rúdolf. Léttir var dæmdur koma á undan í mark en sjónarvottar töldu að Rúdolf
hefði haft vinninginn. En það sem vekur mesta athygli er það að Léttir var sagður tveim sekúndubrotum á
undan samkvæmt mælingu tímavarða. Ljósmynd Valdimar Kristinsson
Tveggja daga móti hestamanna-
félagsins Mána á Suðurnesjum
lauk á níunda tímanum á sunnu-
dagskvöld. Mótið hófst á laugar-
dag með gæðinga- og unglinga-
keppni, gæðingaverðlaun voru af-
hent í byrjun dagskrár á sunnudag
og síðan hófust kappreiðar.
Óhagstætt veður var báða dagana,
rigning á laugardag og þungskýjað
og vindgjóla á sunnudag.
í gæðingakeppninni sigruðu
Kirkjubæjarhestar í báðum
flokkum, Laski 1 A-flokki og
Haki í B-flokki, sami eigandi er
að báðum hestunum, Maja Loe-
bell og sat hún báða hestana.
I kappreiðum voru tímar frek-
ar slakir og var þar um að kenna
miklum mótvindi. Má því segja
að miðað við aðstæður hafi tím-
ar verið allþokkalegir. Kærur og
klögumál voru í hávegum höfð á
kappreiðunum og var meðal
annars eitt hross dæmt úr leik.
Var það hlaupadrottningin
Hylling en hún tapaði sínum
fyrsta spretti í undanrásunum
og var þar um að kenna lélegri
ræsingu. Var ekki annað að sjá
en ræsir væri óþarflega bráðlát-
ur þá sem oftar en mikið var um
að hestar væru á skakk og skjön
þegar ræst var. í úrslitum í átt-
ahundrað metra stökkinu sneri
einn hestur bakhlutanum í þá
stefnu sem hlaupið var þegar
ræsir lét flaggið falla og fleiri
dæmi mætti nefna. En ástæðan
fyrir brottvikningu Hyllingar úr
keppni var sú að þegar ræst var
í úrslitasprettinn skall Hylling
utan í Létti og kærði knapinn á
Létti þetta atvik og hélt því
fram að hleypt hefði verið fyrir
sig og tók dómnefnd þá ákvörð-
un að dæma Hyllingu úr leik, en
knapinn fékk að keppa áfram!
í 250 metra skeiði sigraði
Hjörtur. Er þetta hans fyrsti
sigur í þessari grein og virðist
hann óðum vera að treysta sig í
sessi með þeim bestu. Annar
varð Jón Haukur og má segja
það sama um hann.
í 150 metrunum sigraði Júpit-
er á 15,6, Frigg varð önnur og
nýr og óþekktur hestur, Bliki, í
þriðja sæti. Vani Erlings Sig-
urðssonar, sem sigraði á Hvíta-
sunnukappreiðum Fáks lá ekki.
í brokkinu sigraði hin nýja
stjarna, Álfur, á 38,4 sek. Betri
tími en hann náði hjá Fáki og
var þessi hestur það eina já-
kvæða sem sást í brokkinu.
Annars kitlaði það óneitanlega
hláturtaugarnar að sjá suma
„brokkgammana geysast" eftir
brautinni og eftir á spurði mað-
ur sjálfan sig hver væri tilgang-
urinn með slíkum sýningum. En
nóg um það.
Spóla endurheimti sigursæti
það sem hún hefur oftast skipað
í 350 metrunum en eins og menn
muna tapaði hún óvænt á Fáks-
kappreiðunum. Örvar hélt upp-
teknum hætti í 800 metrunum
og sigraði nokkuð örugglega og
bíður maður spenntur eftir að
sjá hann keppa við Cesar en það
verður væntanlega á fjórð-
ungsmótinu á Melgerðismelum.
I heild voru þetta frekar leið-
inlegar kappreiðar og má þar
um kenna kærum og klögumál-
um sem gengu á víxl. Ræsir var
í einu orði sagt lélegur. Einnig
má benda á þá staðreynd að
þegar dagskrá stendur yfir í
meira en sjö tíma á ekki stærra
móti eru menn orðnir þreyttir
og slæptir og fáir eða jafnvel
enginn hefur gaman af því sem
á að vera til skemmtunar.
En verst af öllu vondu var þó
mótskráin, var hún yfirfull af
stafsetningar-, vélritunar- og
jafnvel hugsanavillum. Var lík-
ast því að átta ára krakkar
hefðu séð um gerð hennar. Fyrir
um tveim árum voru félagar í
Mána komnir með gott orð á sig
fyrir hestamótshald og gengust
þeir fyrir metamótum auk fé-
lagsmótanna. En nú er öldin
önnur og virðist þeim eitthvað
hafa förlast. Ættu þeir að taka
sig á í þessum efnum því einu
sinni var gaman á Mánagrund.
En úrslit urðu sem hér segir:
A-flokkur gæðinga:
1. Laski frá Kirkjubæ. Eigandi
og knapi: Maja Loebell. Ein-
kunn 8,14.
2. Bára frá Arnþórsholti. Eig-
andi og knapi: Jón Þórðarson.
Einkunn 7,87.
3. Kolbakur frá Garðsauka.
Eigandi: Hákon Kristinsson.
Knapi: Guðmundur Hinriks-
son. Einkunn 7,85.
B-flokkur gæðinga:
1. Haki frá Kirkjubæ. Eigandi
og knapi: Maja Loebell. Ein-
kunn 8,30.
2. Díor úr Húnavatnssýslu. Eig-
andi Hallgrimur Jóhannes-
son. Knapi: Þórir Ásmunds-
son. Einkunn 8,12.
3. Bliki frá Höskuldsstöðum.
Eigandi: Brynjar Vilmund-
arson. Knapi: Olil Amble.
Einkunn 8,09.
Unglingar 10—12 ára:
1. Þorvaldur Helgi Auðunsson á
Ými 7,35.
2. Jón Guðmundsson á Gæfu
7,33.
3. Sigríður Geirsdóttir á Óðni
6,35.
Unglingar 13—15 ára:
1. Sigurður Kolbeinsson á Flug-
ari 7,98.
2. Unnur Guðmundsdóttir á
Skyggni 7,71.
3. Guðmundur Snorri ólafsson
á Eldi 6,41.
150 metra skeið:
1. Júpiter. Eigandi og knapi:
Sigurbjörn Bárðarson á 15,6
sek.
2. Frigg. Eigandi: Hörður G. Al-
bertsson. Knapi: Sigurður
Marínusson á 16,2 sek.
3. Bliki. Eigandi: Lúðvík Ás-
mundsson. Knapi: Erling Sig-
urðsson á 16,3 sek.
250 metra skeið:
1. Hjörtur. Eigandi: Margrét
Helgadóttir. Knapi: Þórður
Jónsson á 24,2 sek.
2. Jón Haukur. Eigandi: Har-
aldur Siggeirsson. Knapi:
Sævar Haraldsson á 24,6 sek.
3. Fannar. Eigandi: Hörður G.
Albertsson. Knapi: Aðal-
steinn Aðalsteinsson á 25,2
sek.
300 metra brokk:
1. Álfur. Eigandi: Gísli B.
Björnsson. Knapi: Þórður
Jónsson á 38,4 sek.
2. Trítill. Eigandi og knapi: Jó-
hannes Þ. Jónsson á 42,0 sek.
3. Krapi. Eigandi og knapi:
Eygló Einarsdóttir á 44,0 sek.
250 metra stökk:
1. Léttir. Eigandi Guðbjörg
Þorvaldsdóttir. Knapi: Sigur-
laug Anna Auðunsdóttir á
19,2 sek.
2. Rúdolf. Eigandi: Kristján
Benjamínsson. Knapi: Hinrik
Bragason á 19,4 sek.
3. Eron. Eigandi: Sveinbjörn
Steingrímsson. Knapi: Róbert
Jónsson á 19,6 sek.
350 metra stökk:
1. Spóla. Eigandi og knapi:
Hörður Þ. Harðarson á 25,4
sek.
2. Tvistur. Eigandi og knapi:
Hörður G. Albertsson á 26,3
sek.
3. Don. Eigandi: Hallgrímur Jó-
hannesson. Knapi: Helgi Ei-
ríksson á 26,4 sek.
800 metra stökk:
1. Örvar. Eigandi og knapi:
Róbert Jónsson á 62,5 sek.
2. Þristur. Eigandi Hörður G.
Albertsson. Knapi: Hörður Þ.
Harðarson á 63,4 sek.
3. Snarfari. Eigandi og knapi:
Jón ó. Jóhannesson á 65,5
sek. VK
T0PPLEIKUR
Lím og kílti Irá
'Þvottahúsið
Auðbrekku 41, Kóp.
Sími 44799.
Laugardalsvöllur — 1. deild
Breiðablik
í kvöld kl. 8

tl»

Ferðaskrtfstofan
ÚTSÝIM
Austurstræti 17,
sími 26611.
Seljum TÖLVUPAPPÍR f\°X^ KR
rfrw
1111FORM PRENT
H verf isgötu 78, simar 25960 - 25566.

HOTEL
ÞJONUSTA
SKÚLAGÖTU 30
simar A 23 88 & 2 33 88
Ofurkraftur — ótrúleg ending