Morgunblaðið - 16.10.1983, Blaðsíða 39

MORGUNBLAÐIÐ, SUNNUDAGUR 16. OKTÓBER 1983
39
og uppeldi, umhverfi og reynslu.
Þannig sjáum við aðdragandann
að verkum frú Unnar í mörgu því,
sem hún þáði að erfðum eða
reyndi sjálf.
Frú Unnur var af kunnum ætt-
um, þar sem hugsunarháttur og
skapgerð hafði mótast af höfð-
ingsskap og þjonustulund samtím-
is. Guðrækni og kirkjurækt kom
fram í verki. Báðir afar hennar
höfðu byggt kirkjur af eigin efn-
um. í ættinni ríkti það sem ég
kalla jákvæða stórmennsku, sem
er ekki fólgin í því að sýnast ofar
öðrum, heldur að vera í fremstu
röð, þar sem unnið er af mann-
dómi og ekkert til sparað. Þetta
kom fram í öllum hugsunarhætti
frú Unnar. Listhneigð var í báðum
ættum. Nægir hér að nefna rit-
snillinginn Sveinbjörn Egilsson.
Og svo skilst mér á frásögn þeirra,
er þekktu til búskapar hjá forfeðr-
um hennar í Kotvogi, að þar hafi
forn og fáguð vinnubrögð borið
vitni um listræna nákvæmni og
smekk.
Frú Unnur var fædd 20. janúar
1897 í Keflavík. Foreldrar hennar
voru Ólafur Ásbjarnarson, kaup-
maður, og kona hans, Vigdís Ket-
ilsdóttir. Kona Ásbjarnar var
Ingveldur Jafetsdóttir gullsmiðs í
Reykjavík, en hann var bróðir
Ingibjargar, konu Jóns Sigurðs-
sonar forseta og bræðrabarn við
Jón. Mun enn vera til eitthvað af
listmunum eftir Jafet.
Ung að árum flutti frú Unnur
til Reykjavíkur ásamt foreldrum
sínum. I Reykjavík ólst hún upp
ásamt systkinum sínum. Svo und-
arlegt sem það kann að virðast,
verða ýmiskonar örðugleikar oft
til að hrinda listamönnum út á þá
braut, er verður þeim til þroska. Á
unglingsárum sínum þurfti Unnur
til Kaupmannahafnar til læknis-
aðgerðar. Og þrátt fyrir alla örð-
ugleika stundaði hún nám í List-
iðnaðarskóla þar í borg í ein átta
ár. Er skemmst af að segja, að
námsafrek hennar þóttu svo frá-
bær, að hún hlaut ein verðlaunin
af öðrum, meðal annars ókeypis
skólavist. Að loknu námi rak hún
hannyrðaverslun í Reykjavík í
mörg ár. Meðal þess, sem eftir
hana liggur, eru fjölmargir félags-
fánar. Á síðari árum lagði hún
mesta stund á gerð messuskrúða
og aðra kirkjulega list. Síðast,
þegar ég átti tal við frú Unni, tjáði
hún mér, að hún hefði i hyggju að
halda nýja sýningu á verkum sín-
um. Gaman væri ef sú fyrirætlun
kæmist í framkvæmd, þó að sjálf
sé hún horfin af sjónarsviðinu.
Ævistarf frú Unnar var ekki
unnið fyrir gíg. List hennar er
þegar orðin áhrifarík. Enginh veit,
hvaða stefnu íslensk list yfirleitt á
eftir að taka. Margir fleiri eru nú
farnir að gera kirkjumuni á ís-
landi en átti sér stað fyrir svo sem
hálfri öld. En lengi munu íslenskir
myndlistarmenn geta notið hollra
áhrifa af list frú Unnar, og þá ekki
síður frá þeim anda, sem lýsti sér
í þjónustu hennar. Hún var sæmd
riddarakrossi hinnar islensku
fálkaorðu nú síðastliðið vor, og
var hún vel að þeim heiðri komin.
Frú Unnur var skemmtileg kona
í allri viðkynningu, hressileg í
máli „humoristi" út í fingurgóm-
ana, hreinskilin og einlæg. Fas
hennar var höfðinglegt, og enginn
sá það á henni, að þessi rösklegi og
harðduglegi listamaður ætti í
stöðugri styrjöld við erfiða sjúk-
dóma, uns yfir lauk. Sjálf lagði
hún stund á sund og aðra líkams-
rækt.
Hinn 15. október 1921 giftist
hún Óla M. Isakssyni fulltrúa, og
áttu þau vel sar.ian. Börn eignuð-
ust þau ekki, en til þess var tekið,
hversu vel börn kunnu við sig hjá
þeim. Frú Unnur stóð engan veg-
inn ein uppi. Mér er ekki grun-
laust um, að stundum hafi henni
fundist þeir seinir að hugsa og
framkvæma, sem helst skyldu
njóta hennar handaverka. En þar
er hún á sama bát og fjöldi góðra
listamanna fyrr og síðar.
Ég læt hér staðar numið. En áð-
ur en ég slíðra pennann, vil ég í
einlægni bera fram þá ósk, að sá
boðskapur, sem felst í verkum frú
Unnar, megi festa sem dýpstar
rætur í íslenskri þjóðarsál.
Jakob Jónsson
KAFARAR
Námskeiö fyrir atvinnukafara 19,—20. nóvember
1983.
MARKMIÐ
Tilgangur námskeiösins er aö gera atvinnuköfur-
um kleift aö uppfylla þær kröfur sem geröar eru í
lögum og reglugerö um köfunarstörf og kanna
viðbrögö á 50 m dýpi.
EFNI
Rifjað verður upp notkun á afþrýsti í töflum, undir-
búningur viö aö taka afþrýstitank í notkun og
meðferð og stjórnun á honum. Þá verður fariö í
tankinn og próf tekið á sem svarar 50 m dýpi.
ÁHUGAMENN
Námskeið fyrir áhugamenn verður haldiö í lok nóv-
ember ef næg þátttaka fæst. Kennd veröur notkun
á afþrýstitöflum og köfun í þrýstitank á 20 m dýpi.
Nánari upplýsingar á skrifstofunni milli kl. 13 og
17, Skúlatúni 4, 4. hæö, sími 14980.
( 'j
FACIT NýKróna
Facit 8001, 8101 og 8111 — ný kynslóð ritvéla sem búin er raf-
eindatækni tölvualdar. Fislétt leturkróna. NyKrona færir þér hljóð-
láta en eldfljóta prentun, jafnan áslátt og fallegri áferð en nokkru
sinni fyrr.
Facit NyKrona býður þér fjölmarga tænilega yfirburði. Vélin sér
um sjálfvirka uppfærslu og línuskiptingu, línuminnið gerir þér
kleift að vélrita stöðugt um leið og það auðveldar einnig leiðrétt-
ingar, sjálfvirkur talnadálkastillir tryggir þér margfaldan tíma-
sparnað og margt fleira léttir þér störfin á margvíslegan hátt.
Facit 7900 er einfaldasta ritvélin í NyKronu
línunni, en engu að síður búin öllum þeim
tækniyfirburðum sem máli skipta þegar
vélritun þarf að vera lipur, hröð og þægileg.
Með Facit 8101 og 8111 nálgast þú
ritvinnslukerfi tölvualdarinnar enn frekar.
Þú tengir þær við tölvu- eða telexkerfi
skrifstofunnar og tæknivæðir hana til
frambúðar.

Sænsk völundarsmíð á verði
sem kemur á óvart.
GÍSLI J. JOHNSEN
SKRIFSTOFUBÚNAÐUR SF
n
Smiðjuvegi 8 - Simi 73111
GRLHNT
Verö kr. 297.000
(Qwigi 5.8 ’83)
m VINNU-
OG SNYRTIRÝMIÍBÚÐA
Húsnæðisstofnun ríkisins
efnir til hugmyndasamkeppni um
vinnu- og snYrtirými íbúða.
Heimild tíl þátttöku hafa allir íslenskir
ríkisborgarar og útlendingar er verið hafa
búsettir hér á landi í tvö ár eða lengur.
VERÐLAUNAFÉ
Verðlaunafé er samtals kr. 140.000,00.
Fyrstu verðlaun verða ekki lægri
en kr. 60.000,00.
Utboðslýsing er aíhent hjá trúnaðarmanni
dómnefndar Ólafi Jenssyni, fram-
kvæmdastjóra, Byggingaþjónustunni,
Hallveígarstíg 1, Reykjavík.
Tillögum skal skila til trúnaðarmanns
í síðasta Iagi þriðjudaginn 22. nóvember
1983 kl. 18.00 að íslenskum tíma.
c§=>Húsnæðisstofnun ríkisins