Morgunblaðið - 24.03.1985, Qupperneq 4

4
MORGUNBLAÐIÐ, SUNNUDAGUR 24. MARZ 1985
Starfsmenn á Grundartanga daginn sem þeir fengu verðlaunin:
„Ég var bókstaf-
lega himinlifandi“
HVERNIG verður manni vid að fá
um 10% árslauna í verðlaun frá
vinnuveitanda sínum? Það þótti
Morgunblaðsmönnum forvitnilegt,
svo þeir renndu upp á Grundartanga
og tóku nokkra starfsmenn Járn-
blendifélagsins tali, sem höfðu þá
um daginn fengið sem svarar 1,3
fóldum mánaðarlaunum í sérstök
verðlaun frá íslenska járnblendifé-
laginu, samkvemt ákvörðun stjórn-
ar fyrirtækisins eftir aðalfund sl.
miðvikudag.
Hefðum annars farið í hart
Þorgils Sigurþórsson varafor-
maður Starfsmannafélagsins á
Grundartanga er fyrstur spurður
hver viðbrögð hafi verið við þess-
ari verðlaunagreiðslu: „Þetta
breytti því, að við fórum ekki í
hart, sem við annars hefðum
gert/ segir Þorgils. Þorgils var
spurður hvort þeir hefðu staðið í
launadeilum við fyrirtækið: „Nei,
ég get ekki sagt það,“ sagði Þor-
gils, „þeir hafa verið afskaplega
sanngjarnir og okkur finnst sem
þeir hafi verulega komið til móts
við okkur með þessari bónus-
greiðslu. Þetta hefur mikið verið
rætt á meðal starfsmannanna
hérna, og almennt ríkir hér
ánægja með þessa greiðslu."
Mér brá ekki
Hlynur Sigurbjörnsson starfs-
maöur í Ofnadeild var spurður
hvernig honum hefði orðið við að
fá verðlaunin i launaumslagiö:
„Mér brá ekki neitt, ef það er það
sem þú átt við. Að sjálfsögðu er ég
ánægður með þetta, og vona bara
og treysti að við fáum svona
glaðning árlega héðan í frá.“
Var búinn að heyra
ávæning af þessu
Jón Vestmann starfsmaður í
Ofnadeild hefur starfað á Grund-
artanga í 6 ár. Hann segir að
starfið sé erfitt á köflum, en segist
samt kunna starfinu ágætlega.
Hann er spurður um kjörin: „Þau
eru ágæt f dag, alla vega er ég
sæmilega ánægður. Þau hljóta að
teljast góð miðað við það sem ger-
ist víðast hvar.“ Aðspurður um
hvort launauppbótin, eða verð-
launin hafi ekki komið honum á
óvart, segir hann: „Ég var nú bú-
inn að heyra ávæning af þessu,
þannig að þetta kom ekki svo mjög
á óvart. Vissulega var þetta
ánægjulegt, og ég treysti þvi að
þetta verði árviss viðburður héðan
í frá.“
Aðspurður hvort hann myndi
sætta sig við það að fá ekki þessi
sérstöku verðlaun þegar og ef ár-
aði illa hjá verksmiðjunni á nýjan
leik, sagði Jón: „Ég held að við
myndum ekki sætta okkur við að
þetta yrði tekið af okkur aftur,“ og
Hlynur tók í sama streng.
Var himinlifandi
í mötuneytinu á Grundartanga
tökum við tvær starfsstúlkur tali,
þær Guðbjörgu Guðmundsdóttur
frá Galtalæk, sem starfað hefur á
Grundartanga í 7 ár, eða allt frá
því að verksmiðjan var í byggingu,
og Ásthildi Benediktsdóttur frá
Stöðvarfirði, sem byrjaði störf hjá
fyrirtækinu í janúar sl. Blaðamað-
ur spurði þær hvernig þeim hefði
orðið við að fá verðlaunaumslagið
í hendur. Guðbjörg sagði: „Þetta
kom mér afskaplega skemmtilega
á óvart. Ég varð bókstaflega him-
inlifandi. Ég vona bara að við
fáum svona glaðning á hverju ári.“
Ásthildur segir: „Ég varð mjög
ánægð, mjög svo. Ég átti hreint
ekki von á því að fá svona óvænta
ánægju f umslagið mitt.“
Þær stöllur eru sammála um að
starfið í mötuneytinu sé erfitt, en
miserfitt þó. Segja þær að það
skipti miklu varðandi álag hvort
90 manns séu í mat hjá þeim eða
130, en fjöldinn sé mismunandi,
eftir því hve margir eru að störf-
um hverju sinni. Þær segja þó
báðar, að þeim lfki starfið mjög
vel.
Kemur sér vel til að
borga reikninga
Loks tökum við tali Skúla
Bjarnason, flokksstjóra f flutn-
ingadeild. Hann hefur starfað hjá
fyrirtækinu síðan 1979 og segir að
fyrirtækinu haldist mjög vel á
starfsmönnum. Það sé meira um
það að menn flytjist milli starfa
hjá fyrirtækinu, en að þeir hætti.
Hann, eins og flestir starfsmenn
Járnblendifélagsins, er búsettur á
Akranesi. Aðspurður um hvort
hann hafi orðið hissa við að fá
verðlaunin f gær segir Skúli:
„Þetta kom nú ekki mjög á óvart,
en þetta kemur sér allavega vel til
að borga reikninga."
Þorgils Signrþórsson, varaformaður Hlynur Sigurbjðrnsson, starfsmaður
Starfsmannafélagsins i Grundar- í Ofnadeild.
tanga.
MorgunblaAið/RAX
Guðbjörg Guðmundsdóttir og Ásthildur Benediktsdóttir, starfsstúlkur í
mötuneytinu á Grundartanga.
Jón Vestmann, starfsmaður i Ofna-
deOd.
Skúli Bjarnason, flokksstjóri f fhitn-
ingadeild.
DRAUMASTAÐUR ALLRAR FJÖLSKYLDUNNAR:
AÐEINS 20.000 KRÓNUR Á MANN FYRIR HJÓN
MEÐ ÞRJÚ BÖRN í ÞRJÁR VIKUR
+ Barnaafsláttur allt að 90%
+ 15 ára fá 50% afslátt í tilefni 15 ára afmælis Úrvals.
+ Hlægilega ódýrt að lifa.
+ Aqualandið er óviðjafnanlegt, 36.000 m2 af alls
konar vatnsrennibrautum, sundlaugum og sprautuverki.
ATHUGIÐ: Pað er uppselt í fyrstu ferðina.
Aðrar brottfarir: 14/6, 3/7, 24/7, 14/8 og 4/9.
Cap d'Agde er fyrir alla fjölskylduna.
FumsKRifsmfON úrvol
Ferðaskrifstofan Úrval viö Austurvöll, sími (91F26900.
OOTT PÓLK