Morgunblaðið - 30.04.1987, Blaðsíða 4
4 B
MORGUNBLAÐIÐ, VEDSKDTI/AIVINNULÍF FIMMTUDAGUR 30. APRÍL 1987
FIAT UNO stendur óumdeilanlega framar
öðrum bílum í sama stærðarflokki - sannur braut-
ryðjandi sem sýnir að nútíma hönnun eru lítil tak-
mörk sett.
Hann er lítill að utan, en stór að innan og býður
upp á rými og þægindi sem nútímafólk kann að
meta.
Þegar tekið er tillit til útlits, aksturseiginleika,
þæginda, hagkvæmni, öryggis, notagildis og síðast
en ekki síst hversu mikið fæst fyrir peningana,
kemur í Ijós að FIAT UNO er einfaldlega einstakur.
FIAT UNO 45 :283.000 kr.
FIATUN045S : 312.000 kr.
FIATUN0 60S : 339.000 kr.
FIATUNOTURBO: 523.000 kr.
FIAT UMBOÐIÐ
SKEIFUNNI 8 108 REYKJAVlK S: 91-68 88 50
mmu
SÍWALI
Eftir þaft verða
^S2J2£U^2H3E2!IEBBI
færð á viAkomandi
SIMINNER
691140-
691141
JftOY&lltlfilð&fö
Sjónarhorn
Mismunurá viðhorfum
Bandaríkjamanna og
Islendinga viðgerð
samninga um viðskipti
- eftir Úlf Sigurmundsson
Enda þótt ýmislegt virðist vera
sameiginlegt og aðgengilegt á yfir-
borðinu í viðskiptasamningum og
samningagerð Bandaríkjamanna og
íslendinga kemur í ljós, þegar kafað
er í málin, grundvallarmismunur f
viðhorfum. Sérstaklega á þetta við
þegar gerðir eru samningar til ein-
hvers tíma.
Islendingar, óreyndir á viðskipta-
sviðinu hér, hafa flestir heyrt
hryllingssögur, sannar eða ósannar,
um svik í viðskiptum og stórútgjöld
samfara málaferlum í Bandaríkjun-
um. Vandamál sem koma upp við
samningaborðið virðast óvenjuleg
og geta því orkað á viðkomandi sem
tilraun til að hlunnfara hann og
þannnig skapað vonda trú á hinum
samningsaðilanum. í flestum tilfell-
um eru slíkar grunsemdir tilefnis-
lausar, en geta skemmt fyrir
samningum eða bundið endi á þá.
Aðili á íslandi sem tekur frum-
kvæði í samningum leggur alla
jafna fram samningsuppkast sem
honum finnst taka tillit til og sé
aðgengilegt fyrir báða aðila. Síðan
vinna aðilarnir saman að því að
ganga frá öllum smáatriðum og
þannig verður uppkastið að bind-
andi samningi.
Samningaumleitanir í Banda-
ríkjunum hefjast oftast á þann hátt
að sá aðilinn sem leggur fram uppk-
astið hefur gert það þannig úr garði
að það uppfyllir hans óskir í einu
og öllu, en tekur ekki neitt tillit til
sjónarmiðs viðsemjandans. Við-
semjandinn tekur við uppkastinu
og breytir því eins mikið og hann
vill í eigin þágu, en geymir nokkrar
tillögur til breytinga þar til seinna.
Síðan er samningaumleitunum
haldið áfram ýmist við samninga-
borð eða með því að skiptast á
tillögum þangað til samkomulagi
er náð.
Islenska aðferðin getur bæði vak-
ið grunsemdir eða þótt skrýtin í
Bandaríkjunum. Þar er sú grund-
vallarskoðun, að hvor aðili um sig
hafi best vit á sínum málum sjálf-
ur. Þangað til samningur hefur
komist á ber hvorum aðilanum um
sig að hugsa um sig og sín mál,
en alls ekki að hafa áhyggjur af
mótaðilanum.
íslendingar, sem taka frumkvæð-
ið í samningsgerð og koma með
samningsuppkast sem tekur að
þeirra dómi tillit til beggja samn-
ingsaðila, verða fyrir miklum
Úlfur Sigurmundsson
vonbrigðum, þegar uppkastið er
sent til baka með breytingum, sem
taka eingöngu tillit til bandaríska
aðilans. Bandaríski aðilinn verður
svo jafn undrandi á hinu neikvæða
viðhorfi íslenska aðilans, þar sem
þeir hafa einungis haldið sig að
sínum venjum, sem ekkert er at-
hugavert við í Bandaríkjunum.
A hinn bóginn undrast íslenskur
aðili samningstillögu t.d. um mjög
mikið magn af vöru, þar sem hver
samningsgreinin á fætur annarri
tekur einungis tillit til bandaríska
aðilans, en alls ekki hins íslenska.
En það versta sem getur skeð
er þegar íslenskir aðilar gera ráð
fyrir að bandaríska samningstillag-
an taki tillit til sjónarmiða beggja
aðilanna og skrifa undir án þess
að lesa nákvæmlega samning sem
í reynd tekur aðeins tillit til banda-
ríska aðilans og sitja svo uppi með
bindandi samning sem gefur þeim
ekkert svigrúm.
Niðurstaðan af þessum vanga-
veltum er því sú, að gera sér grein
fyrir viðhorfsmismun í samnings-
gerðinni þegar um samninga milli
bandarískra og íslenskra aðila er
að ræða og skrifa aldrei undir
samning nema tryggt sé að allar
greinar samningsins skiljist og
hægt sé að sætta sig við þær. Síðar-
nefnda skilyrðið hefur það í för með
sér að löglærðir aðilar þurfa alltaf
að líta á uppkast áður en skrifað
er undir.
Höfundur er viðskiptafulltrúi í
New York.
Fundir
Arsfundur
Iðnþróunarsjóðs
Gestur fundarins er Sören Haargaard
frá Privatbanken
ÁRSFUNDUR Iðnþróunarsjóðs
verður haldinn fimmtudaginn 7.
maí næstkomandi á Hótel Sögu
kl. 14.00. Meðal ræðumanna á
fundinum verður einn af yfir-
mönnum Privatbanken, Sören
Haargaard, og er yfirskrift er-
indisins: „Det danske venture-
marked set í europæisk
perspektiv".
Jóhannes Nordal, stjórnarform-
aður Iðnþróunarsjóðs, setur fund-
inn. Iðnaðarráðherra flytur ávarp
og Þorvarður Alfonsson, fram-
kvæmdastjóri sjóðsins gerir grein
fyrir ársreikningi og ársskýrslu
1986. Ragnar Önundarson, formað-
ur framkvæmdastjórnar, flytur
erindi sem nefnist: „íslenski fjár-
magnsmarkaðurinn — staða og
hlutverk Iðnþróunarsjóðs“.
Megintilgangur Iðnþróunarsjóðs,
sem stofnaður var af Norðurlöndun-
um 1970, þegar ísland gerðist aðili
að EFTA, er að stuðla að alhliða
uppbyggingu atvinnulífsins hér á
landi með fjármögnun meiriháttar
ijárfestinga. Helstu lán sem Iðnþró-
unarsjóður veitir eru almenn fjár-
festingarlán, þróunarlán og
fjárfestingarlán með áhættuþóknun
sjóðsins.
Iðnþróunarsjóður er fluttur í hús-
næði í nýja Seðlabankahúsinu við
Kalkofnsveg.