Morgunblaðið - 28.08.1987, Page 3

MORGUNBLAÐIÐ, FÖSTUDAGUR 28. ÁGÚST 1987
B 3
Fallegt bros og
hlýlegt viðmót
Rættvið Má Gunnarsson
hjá Flugleiðum
Löngum hefur legið viss
töfraljómi yfir flugfreyjustarf-
inu; að fljúga um loftin blá,
heimshorna á milli í glœsilegum
einkennisbúningi. Og ýmsar
þjóðsögur hafa spunnist um þá
hæfileika og útlit sem flugfreyj-
ur og flugþjónar þurfi að hafa
til að bera. Það lá þvi' nokkuð
beint við að ræða við starfs-
mannastjóra hjá stóru flugfólagi
og fá hans hlið á málinu. Er
nauðsynlegt að vera hár,
spengilegur og tágrannur með
fimm tungumál á hraðbergi til
að komast í þetta eftirsótta
starf? Hvernig fer hann að því
aö velja rótta fóikið? Við rædd-
um við Mó Gunnarsson starfs-
mannastjóra hjá Flugleiðum og
spurðum hann hverju þeir leit-
uðu eftir hjó sínu starfsfólki.
„Þetta er mjög stórt fyrirtæki,
með um 1.650 manns í vinnu og
á sumrin fjölgar mikið þegar
ferðamannatíminn er í hámarki.
Starfsliðið er líka mjög fjölbreytt;
hagfræðingar, flugliðar og þern-
ur, fólk í þvottahúsi og á bílaleig-
um og allt þar á milli. Ég reyni
alltaf að velja réttan mann í rétt
starf og legg mikið upp úr við-
tölum.
Menntun og reynsla skiptir að
sjálfsögðu miklu máli en við get-
um ekki alltaf treyst þeim upplýs-
ingum sem við fáum frá
umsækjendum sjálfum og því
reynum við viðkomandi í eigin
prófum og tökum fólk síðan í við-
tal í kjölfar þeirra. Við prófum
bæði ritara og skrifstofufólk í því
aö setja upp bréf og þýða úr
ensku. Flugliðar og flugfreyjur
eru síðan prófuð í tungumálum
og almennri þekkingu."
— Hvað skiptir mestu máli
þegar fólk kemur í viðtal?
„í viðtölum leita ég eftir þeim
eiginleikum sem ætlast er til aö
fólk hafi í viðkomandi starfi. Þar
sem þetta er þjónustufyrirtæki
leita ég að fólki sem mér virðist
þjónustusinnað. Alúðleg og
þægileg framkoma er mikið at-
riði. Sömuleiðis snyrtimennska
og hlýlegt, eðlilegt viðmót og
fallegt bros getur oft gert gæfu-
muninn. Það getur ýmisiegt
komið uppá í fluginu og þá getur
hlýleg framkoma hjálpað til að
róa farþegana og fá þá tii að
slaka á og láta þeim líða vel.“
— Hversu miklu máli skiptir
útlit og klæðaburður?
„Það er heildarmyndin sem er
Morgunblaðið/BAR
Már Gunnarsson starfsmannastjóri Flugleiða.
aðaltriðið. Ef einhver kemur
ósnyrtilegur í viðtal og kemur
ekki fágað fram er hann ekki ráð-
inn. Þó svo viðkomandi hefði öll
heimsins tungumál á takteinum
fengi hann ekki starfið ef hann
væri ekki hlýleg manngerð sem
léti fólki líða vel í návist sinni.
Það er ekki verið að rýna í smáat-
riði í útliti fólks ef heildarmyndin
er góð og umsækjandinn sam-
svarar sér vel í vexti. Gangarnir
í vélunum eru þröngir og við
verðum að taka tillit til þess og
fólk þarf að geta borið einkennis-
búninginn vel, en aðalatriðið er
að fólk sé snyrtilegt og hlýlegt í
framkomu."
— Geta góð meðmæli ráðið
úrslitum um það hver er ráðinn?
„Ég lít á meðmæli en er dálítið
gagnrýninn á þau. Það er mjög
auövelt að fá meðmæli og mörg
stærri fyrirtæki eru jafnvel með
stöðluð meðmælabréf. Sumir
gefa jafnvel meðmæli bara til
þess að geta losnað við starfs-
fólk sem þeir eru óánægðir með.
Ég tala frekar við vinnuveitand-
ann og spyr út í það hvað
viðkomandi gerði, mætingu og
annað. Þá kannski segir hann
eitthvað sem hægt er að segja
í síma en er ekki sett í meðmæla-
bréf. En ég tek meðmælum alltaf
með miklum fyrirvara og hef þau
aðeins til hliðsjónar.
Með tímanum lærist manni
ákveðin mannþekking og maður
fær tilfinningu fyrir fólki. Það
kemur fyrir að fólk er kallað oftar
en einu sinni í viðtal ef ég er í
vafa eða fæ eftirþanka og efast
um að ég sé að gera rétt. Þá
velti ég vöngum og spyr nánar.
Oft reyni ég að fá fólk til að opna
sig með því að koma því á óvart
og spyrja um eitthvað sem því
finnst ekki koma málinu við.
Þannig get ég séð hvernig við-
komandi bregst við og jafnframt
kynnst manneskjunni betur. Þeg-
ar ég tel mig hafa fundið réttan
aðila fylgist óg með viðkomandi
til að sjá hvort ég hafi haft rétt
fyrir mér. Það er ekki alltaf en
oftar en hitt."
Hreinlæti, stund-
vísi og reglusemi
Rætt við Karl Stefánsson hjá
Osta- og smjörsölunni
Sveinjón Ragnarsson aðstoðarhótelstjóri Hótels Hoits.
Meðmælendur
hreinskilnari en áður
Rættvið Sveinjón Ragnarsson á Hótel Holti
Hjá Osta- og smjörsölunni eru
um 75 fastráðnir starfsmenn og
þegar ráða þarf nýjan starfskraft
kemur það yfirleitt f hlut Karls
Stefánssonar skrifstofustjóra.
Starfsfólk í matvælaiðnaði þarf
að öllum líkindum að vera mjög
snyrtilegt og hirða vel um hendur
og hár þrátt fyrir að því séu af-
hentir bæði hanskar og húfa. En
hvaða eiginleikum öðrum skyldi
vera æskilegt að búa yfir? Við
báðum Karl að leiða okkur í allan
sannleikann um það. „Fyrst af öllu
finnst mér skipta mjög miklu máli
að skilgreina starfið, íhuga hvers
sé krafist af umsækjandanum og
gera honum grein fyrir því. Starfs-
reynsla skiptir máli og þá á ég
ekki síður við húsmóðurstarfið.
Aldurinn ræður ekki svo miklu en
kynið fer eftir því um hvers konar
starf er að ræða. Ostapökkun t.d.
og ýmiss konar færibandavinna er
kannski fremur kvenmannsstarf en
ostaskurður og flutningur þungra
kassa ef til vill fremur karlmanns-
starf.
Þeir sem koma til greina fara í
viðtal þar sem reynt er að fiska
eftir áhuga viðkomandi á starfinu.
Fyrstu kynni spila mjög mikið inn
i og það sem umsækjandinn segir
og líka það sem hann segir ekki.
Við sýnum honum einnig vinnu-
staðinn svo hann viti að hverju
hann gengur."
— Hvað skiptir mestu máli í fari
umsækjenda?
„Því er ekki að neita að í fyrir-
tæki sem þessu er krafist hreinlæt-
is og að viðkomandi gangi
hreinlega og snyrtilega til fara.
Persónulega finnst mór stundvísi
og reglusemi skipta máli og að
umsækjandi eigi gott með að vinna
með öðrum. Hér er unnið í hópum
og það er mikið til bóta ef viðkom-
Morgunblafiið/RAX
Karl Stefánsson skrifstofustjóri
hjá Osta- og smjörsölunni.
andi er félagslega sinnaður. Hér
er til dæmis starfræktur skákklúb-
bur þó fyrirtækiö sé ekki stærra.
Ég tel mjög gagnlegt að starfsfólk
mismunandi deilda kynnist."
— Skiptir rithöndin máli ef þú
færð skriflega umsókn?
„Hún skiptir kannski máli ef ég
þarf að ráða mann á lager, í skrif-
stofustörf eða afgreiðslustörf en
hins vegar finnst mér skipta meira
máli hvað kemur fram í bréfinu og
hvað viðkomandi tekur fram um
sjálfan sig. Mér finnst mun betra
að vísað sé á einhvern sem getur
gefið meðmæli í stað þess að láta
þau fylgja.
Þetta lærir maður með árunum,
þegar maður hefur ráðið fjöldann
allan af fólki. En fyrstu kynni skipta
oft miklu máli.“
Sveinjón Ragnarsson aðstoð-
arhótelstjóri sér um að ráða allt
starfsfólk Hótel Holts.
Það eru ekki allir sem hafa þá
lund að geta þjónað öðrum auð-
mjúklega. Starfsmenn hótela og
veitingahúsa þurfa þó væntanlega
aö geta tileinkað sér þá list, þar
sem starfsemin byggist á því að
gera viðskiptavininn ánægðan og
láta honum líða vel. Þjónarnir þurfa
að vera óaðfinnanlegir í alla staði
og helst ósýnilegir auðvitað, og
töfra fram veitingar án þess að
fólk viti af. En hvað ræður vali á
starfsfólki að mati Sveinjóns?
„Framkoma fólks og meðmæli
skipta máli. Maður tekur strax eft-
ir útliti fólks og snyrtimennsku og
hvernig það kemurfram. Meðmæl-
endur eru einnig hreinskilnari en
áður og það er til sóma. Menn
segja rétt frá því hvernig viðkom-
andi hefur staðið sig. Menntun og
starfsreynsla hefur líka mikið að
segja þar sem það á við. Hvað
aldurinn snertir eru hér eldri konur
sem hafa verið hjá okkur í mörg
ár og standa sig með prýði. Sumt
yngra fólk er hér í 1-2 daga og er
siðan farið ef því líkar ekki nógu
vel. Oft vantar alla virðingu gagn-
vart vinnuveitandanum. Það þyrfti
að taka upp kennslu í snyrti-
mennsku og virðingu í skólum.
Hér eru gerðar litlar breytingar,
fyrir utan að ráða sumarfólk. Sama
starfsfólkiö er hér í áraraðir. En
ef ég þyrfti að ráða nýjan starfs-
kraft myndi ég kynna mér hann,
feril hans og fyrri störf. Reglusemi
finnst mér skipta miklu máli. Einn-
ig er tekið mark á snyrtilegu útliti
enda á fólk að vera snyrtilegt i
svona störfum. Annars fer ég ekki
út í nein smáatriði. Maður finnur
fljótt hvernig fólk er.“