Morgunblaðið - 21.06.1991, Page 2

2
MORGUNBLAÐIÐ FÖSTUDAGUR 21. JUNI 1991
Markús verðurformaðiir borgar-
ráðs og borgarstj órnarflokks
- segir Davíð Oddsson, fráfarandi borg-arstjóri
Elti konu o g
hótaði að
myrða hana
með búrhníf
MAÐUR á fimmtug’saldri veitt-
ist að konu á heimili hans í
austurbænum í gær með
búrhníf og hótaði að myrða
hana. Konan komst út úr íbúð-
inni og gat kallað á aðstoð úti
á götu. Maðurinn dró sig þá í
hlé og handtók lögreglan hann
skömmu síðar á heimili hans.
Konan, sem er á þrítugsaldri,
hefur búið hjá manninum í nokkra
daga. Þau lentu í deilum sem end-
uðu með þvi að maðurinn henti
þungri bók í höfuð konunnar og
samkvæmt vitnisburði hennar
greip maðurinn þvínæst til hnífs
og hótaði að myrða hana. Hún
náði að flýja út úr íbúðinni og elti
maðurinn hana út á götu. Þar
tókst henni að kalla á aðstoð og
dró maðurinn sig þá í hlé.
Lögreglan handtók manninn og
gerði upptækan hnífinn. Maðurinn
var mikið ölvaður og æstur. Hann
er þekktur innan lögreglunnar fyr-
ir ofstopa.
Konan hefur lagt fram kæru á
hendur manninum.
Eldri borgarar
fá reit í skóla-
görðunum
BORGARRÁÐ hefur samþykkt til-
lögu garðyrkjustjóra um að eldri
borgarar fái reit tjl ræktunar í
skólagörðum borgarinnar.
Að sögn Sigríðar Heiðu Braga-
dóttur hjá Skólagörðum Reykjavíkur,
er gert ráð fyrir um 50 reitum fyrir
þá eldri borgara sem áhuga hafa en
til þessa hefur einungis einn úr Fé-
lagi eldri borgara látið skrá sig.
Sagði Sigríður, að hugmyndin væri
góð og vonandi sýndu fleiri áhuga á
ræktuninni. Þama gætu ungir og
aldnir borið saman bækur sínar og
miðiað af eigin reynslu.
MARKÚS Örn Antonsson útvarps-
stjóri var kjörinn borgarstjóri í
Reykjavík á fundi borgarstjórnar
í gær. Davíð Oddsson baðst á fund-
inum lausnar frá embættinu og
gerði jafnframt tillögu um Markús
sem eftirmann sinn. í máli Davíðs
kom fram, að Markús yrði sem
borgarstjóri pólitískur leiðtogi
sjálfstæðismanna í borgarmálum
og myndi gegna formennsku í
borgarráði og borgarstjómar-
flokknum eins og aðrir borgar-
stjórar sjálfstæðismanna hafa
gert.
Davíð Oddsson sagði í ræðu á
fundinum í gær, að miklar og ófyrir-
séðar breytingar hefðu orðið á sínum
högum frá því borgarstjóm hefði
valið sig til embættis borgarstjóra í
þriðja sinn fyrir rúmu ári. Því bæðist
hann nú lausnar frá og með 16. júlí
næstkomandi og legði til, að Markús
Öm Antonsson yrði ráðinn borgar-
stjóri frá sama tíma og til loka
kjörtímabilsins.
Borgarfulltrúar minnihlutaflokk-
anna sögðust í umræðúm um málið
fagna því, að löngum óvissutíma
varðandi val borgarstjóra væri lokið.
Sögðust þeir telja, að sú niðurstaða
sjálfstæðismanna að velja til emb-
ættisins mann utan borgarstjórnar-
flokksins væri í raun vantraust á
hina kjömu fulltrúa flokksins og með
því væru sjálfstæðismenn að ganga
gegn hefð, sem ríkt hefði í þeirra
röðum varðandi val borgarstjóra.
Davíð Oddsson sagði ekki ástæðu
fyrir minnihlutafulltrúana að gera
veður út af aðdraganda þessarar
ákvörðunar, enda væri aðeins einn
og hálfur mánuður síðan hann hefði
tekið við embætti forsætisráðherra
og ljóst hefði orðið að hann myndi
biðjast lausnar frá borgarstjóraemb-
ættinu. Hann sagði að sjálfstæðis-
menn væru ekki með ákvörðuninni
að víkja frá þeirri hefð, að borgar-
stjóri væri pólitískur leiðtogi flokks-
ins í borgarmálum. Markús Öm Ant-
onsson hefði um árabil gegnt trúnað-
arstörfum fyrir sjálfstæðismenn í
borgarstjórn og yrði nú formaður
borgarráðs og formaður borgar-
stjómarflokksins.
Lausnarbeiðni Davíðs var sam-
þykkt á fundinum með öllum greidd-
um atkvæðum en Markús var kjörinn
í hans stað með 10 atkvæðum sjálf-
stæðismanna. Fulltrúar minnihlutans
sátu hjá við þá atkvæðagreiðslu.
Á borgarstjórnarfundinum í gær
var Magnús L. Sveinsson endurkjör-
inn forseti borgarstjórnar til eins árs
og Páll Gíslason og Katrín Fjeidsted
endurkjörin varaforsetar. Magnús
L. Sveinsson, Katrín Fjeldsted, Vil-
hjálmur Þ. Vilhjálmsson og Árni
Sigfússon voru endurkjörin í borgar-
ráð fyrir hönd Sjálfstæðisflokks og
Sigrún Magnúsdóttir kjörin fyrir
hönd minnihlutans í stað Siguijóns
Péturssonar, samkvæmt samkomu-
lagi sem flokkarnir gerðu á síðasta
ári. Velja þurfti með hlutkesti milli
Árna Sigússonar og Elínar G. Ólafs-
dóttur í borgarráðskosningunum þar
sem þau hlutu jafnmörg atkvæði og
bar Arni sigur úr býtum.
Þá voru á fundinum kjömir þrír
fulltrúar Reykjavíkurborgar í stjórn
Landsvirkjunar. Fyrir liönd sjálf-
stæðismanna hlutu kosningu Vil-
hjálmur Þ. Vilhjálmsson og Páll
Gíslason, en fyrir hönd minnihlutans,
Alfreð Þorsteinsson, Framsóknar-
flokki.
Morgnnblaðið í
52.649 eintök-
um að meðal-
tali dag hvern
í MÁNUÐUNUM febrúar, mars
og apríl á þessu ári var meðal-
talssala Morgunblaðsins í áskrift
og lausasölu 52.649 eintök hvern
útgáfudag. Þetta er staðfest eftir
reglulega skoðun trúnaðar-
manns Upplagseftirlits Verslun-
arráðs íslands, sem er Reynir
Vignir, löggiltur endurskoðandi.
Jafngildir þessi söluaukning
3,6% miðað við sömu mánuði
1990, en þá var meðaltalssala
Morgunblaðsins 50.813 eintök.
Næsta tímabil á undan, þ.e. nóv-
ember, desember og janúar síðast-
liðinn, var meðaltalssala blaðsins
52.288 eintök og er aukningin á
milli tímabila 0,7%.
í frétt frá Upplagseftirliti Versl-
unarráðsins segir að í júlí verði birt-
ar tölur um prentað upplag og dreif-
ingu tímarita, fréttablaða og kynn-
ingarrita, sem noti sér eftirlitsþjón-
ustuna.
Samdráttur á sjúkrahúsum í Reykjavík:
Sjúklingar útskrifaðir
og færðir milli deilda
VERULEGUR samdráttur verður á stóru sjúkrahúsunum í
Reykjavík yfir sumarmánuðina vegna skorts á sérmenntuðu starfs-
fólki. í samtölum við fulltrúa spítalanna kemur fram að deildum
verði í sumum tilfellum lokað en einnig er töluvert um að deildir
verði sameinaðar öðrum deildum á sjúkrahúsunum. Sjúklingarnir
verða ýmist sendir heim eða færðir yfir á aðrar deildir. Reynt
verður að halda innlögnum í lágmarki og seinka þeim aðgerðum
sem mögulegt er að seinka. Samdráttur sjúkrahúsanna í sumar er
að sögn Péturs Jónssonar, framkvæmdastjóra stjórnunarsviðs
Landspítalans, um 40% minni en í fyrra. Verði fjárhagsstaða sjúkra-
hússins slæm með haustinu telur hann líklegt að loka verði fleiri
deildum.
í samtali við Björgu Snorradótt-
ur, hjúkrunarframkvæmdastjóra á
Landakoti, kom fram að tvær hand-
læknisdeildir yrðu gerðar að einni
deild og tvær lyflæknisdeildir að
annarri deild um helgina. Verður
þetta fyrirkomulag á sjúkrahúsinu
næstu tvo mánuði en ástæðan er
að sögn Bjargar sumarleyfi starfs-
manna. Hún sagði að fjöldi út-
skrifta færi nokkuð eftir áiagi í
bráðamóttöku og erfítt væri að
meta hvort útskriftir yrðu fleiri á
næstunni en þær hefðu verið á
tímabili í vetur.
Ein þeirra sem útskrifast af
Landakoti fyrir helgina er Aðal-
heiður Haraldsdóttir og er hún með
ólæknandi sjúkdóm. Eiginmaður
hennar Ágúst Vigfússon sem er á
níræðisaldri segist ekki geta séð
um hana heima. „Okkur er veitt
heimilishjúkrun á daginn og á
kvöldin til þess að hátta hana en
ef hún þarf þjónustu á öðrum
tímum til dæmis á nóttunni, er ég
enginn maður til þess að hjálpa
henni. Ég get ekki komið í staðinn
fyrir tvær hjúkrunarkonur sem
styðja hana á sjúkrahúsinu. Hún
getur dottið útaf hvenær sem er
og ég reyndar líka,“ sagði Ágúst
í samtali við Morgunblaðið og bætti
við að honum fyndist vítavert að
senda ósjálfbjarga fólk til dvalar
hjá gamalmennum.
Hann sagði að Aðalheiður hefði
fengið heilablóðfall fyrir um 6 árum
en frá því að hún brotnaði fyrir
jólin hefði hún verið með annan
fótinn inni á spítalanum. Hún á
erfitt með þekkja aðra en fjöl-
skyldumeðlimi og getur aðeins
staulast áfram með hjálp göngu-
grindar. Ágúst vildi taka fram að
læknar og hjúkrunarfólk á Landa-
koti hefðu reynst hjónunum afar
vel.
Magnús Skúlason, aðstoðar-
framkvæmdastjóri á Borgarspít-
alanum, segir að dregið verði sam-
an á flestum deildum sjúkrahússins
í sumar. Sem dæmi nefndi hann
að tveimur skurðdeildum yrði lokað
um tíma og dregið yrði saman á
lyflækninga-, öldrunar- og endur-
hæfingadeildum. Hann sagði að
þeir sjúklingar sem hægt væri að
útskrifa yrðu útskrifaðir en einnig
yrði fólk flutt á aðrar sjúkrahús-
deildir. Hann sagði að alltaf væri
reynt að spara á sjúkrahúsinu en
sagði að samdrátturinn væri fyrst
og fremst vegna skorts á faglærðu
starfsfólki. Nefndi hann sérstak-
lega hjúkrunarfræðinga og sjúkral-
Morgunblaðið/KGA
Ágúst Vigfússon, 82 ára, treyst-
ir sér ekki til að sjá um eigin-
konu sína sem útskrifast af
Landakoti fyrir helgi.
iða en líka meina- og röntgen-
tækna. Samdrátturinn er að sögn
Magnúsar nokkuð minni en í fyrra.
Pétur Jónsson, framkvæmda-
stjóri stjórnunarsviðs Landspítal-
ans, segir að samdráttur á sjúkra-
húsinu í sumar felist í lokun tveggja
handlæknisdeilda, lyflæknisdeilda
og barnadeildar á spítalanum.
Deildirnar verða lokaðar í 6 til 9
vikur. Hann segir samdráttinn um
40% minni en í fyrra en sagði að
vel gæti verið að einhverjum deild-
um yrði lokað í haust ef fjárhags-
staða spítalans yrði bág eftir
sumarið.