Morgunblaðið - 21.06.1991, Blaðsíða 44

svo vel
sétryggt

FOSTUDAGUR" 21. JUNI 1991
VERÐ I LAUSASOLU 100 KR.
Skoðanakönnun Félagsvísindastofnunar um viðhorf til sjávarútvegsmála:
Mikill meirihluti Islend-
inga fylgjandi veiðigjaldi
95,2% eru hlynnt því að fiskimiðin séu skilgreind í lögum sem sameign þjóðarinnar
TVEIR þriðju hlutar þeirra sem afstöðu taka eru fylgjandi því að
útgerðarmenn greiði gjald í sameiginlegan sjóð fyrir veiðiheimildir
samkvæmt skoðanakönnun, sem Félagsvísindastofnun gerði fyrir
Morgunblaðið á viðhorfum til sjávarútvegsmála dagana 6.-I2. júní.
53,6% þátttakenda í könnuninni eru þessu fylgjandi, eða 66,8% þeirra
sem afstöðu taka. 20,6% þátttakenda eru andvígur gjaldtöku, eða'
25,7% þeirra sem afstöðu taka og rúm 7% nefna eitthvað annað.
Skekkjumörkin eru plús eða mínus 2,8-3,0%. Þá eru 95,2% þeirra
sem afstöðu taka hlynntir því að fiskimiðin séu skilgreind í lögum
sem sameign þjóðarinnar, 1,7% eru andvígir, 2,9% segja að það
skipti ekki máli og innan við 1% nefnir annað.
Urtakið í skoðanakönnuninni
náði til 1.500 manna á aldrinum
18-75 ára. Um var að ræða slembi-
úrtak úr þjóðskrá og var rætt við
fólk í gegnum síma. Svör fengust
frá 1.040 manns, en það er 69,3%
svarhlutfall. Nettósvörun/þegar frá
hafa verið dregnir þeir sem eru
nýlega látnir, erlendir ríkisborgarar
og þeir sem staddir eru eriendis,
er 70,6%. 131 eða 8,7% neituðu að
svara og ekki náðist í 283 eða
18,9%. I skýrslu Félagsvísinda-
stofnunar segir að fullnægjandi
samræmi sé á milli skiptingar úr-
taksins og þjóðarinnar allrar eftir
aldri, kyni og búsetu. Því megi
ætla að það endurspegli þjóðina
18-75 ára allvel.
82,3% þeirra sem afstöðu taka
eru hlynntir því að byggðalögum
sé tryggðar einhvetjar veiðiheimild-
ir, 8,3% eru andvígir og 9,4% telja
að það skipti ekki máli. 63% eru
fylgjandi því að veiðheimildum sé
úthlutað til skamms tíma, 27,1%
eru fylgjandi því að veiðiheimildir
séu veittar til langs tíma og tæp
10% telja að það skipti ekki máli.
Þá telja 86,9% aðspurðra að það
sé óréttlátt að útgerðarmenn og
eigendur fiskiskipa geti hagnast á
sölu veiðikvóta sem þeim hafi verið
úthlutað án endurgjalds, en 11,8%
telja það réttlátt. 68,8% þeirra sem
afstöðu taka eru sammála því að
stjórnvöld eigi að stuðla að hag-
kvæmni í sjávarútvegi jafnvel þó
það kosti nokkra byggðaröskun, en
31,2% eru ósammála.
Rúmir tveir þriðju hlutar þeirra
sem afstöðu taka eru hlynntir sér-
stökum frádrætti sjómanna frá
tekjuskatti en andvígir eru 31,4%.
Um 98% svarenda í hópi sjómanna
eru hlynntir þessum fríðindum en
65-70% í öðrum starfsstéttum.
Stuðningur við gjaldtöku fyrir
heimildir er mestur meðal kjósenda
Alþýðuflokksins eða 80% en fylgið
meðal hinna flokkanna við það er
á bilinu 62-70%. Ef svörin eru
greind eftir atvinnugreinum eru
45% þeirra sem starfa í sjávarút-
vegi á því að ekki eigi að taka gjald
fyrir veiðiheimildir. Ef sjómenn eru
teknir sérstaklega eru 56% þeirra
andvígir því að gjald sé tekið fyrir
.veiðiheimildir, 33% eru fylgjandi því
og tæp 12% nefna annað fyrirkomu-
lag.
Sjá nánar uin skoðanakönnun-
ina á miðopnu.
Heimsóknir til
fógeta
Það var mikið annríki hjá embætti
bæjarfógetans á Akureyri í gær þeg-
ar forráðamenn tveggja fyrirtækja í
bænum, þeir Ólafur Ólafsson hjá
Álafossi og Guðmundur Stefánsson
hjá Istess, komu þangað til að óska
eftir því að fyrirtækin yrðu tekin til
gjaldþrotaskipta. Þeir hittust á Ráð-
hústorgi er Olafur hafði lokið erindi
sínu og Guðmundur var á leið inn.
Með þeim á myndinni er Viðar Már
Matthíasson lögfræðingur Álafoss.
Morgunblaðið/Rúnar Þór
Rekstur Alafoss tryggður til 5. júlí:
Landsbankinn veitir þrotabú-
inu um 30 milljóna afurðaJán
Bæjaryfirvöld á Akureyri o g Mosfellsbæ undirbúa stofnun rekstrarfélags
ÁLAFOSS hf. var úrskurðað
gjaldþrota lijá skiptaráðanda á
Akureyri í gær. Voru hæstaréttar-
lögmennirnir Ólafur Birgir Árna-
son, Brynjólfur Kjartansson og
Skarphéðinn Þórisson skipaðir
bústjórar þrotabúsins. í gær tók-
ust svo samningar bústjóra við
Landsbankann um veitingu af-
urðaláns til þrotabúsins sem mun
tryggja áframhaldandi rekstur
Álafoss á Akureyri og í Mos-
fellsbæ til 5. júlí, þegar sumarlok-
anir hefjast. Að sögn Ásgeirs Pét-
urs Ásgeirssonar skiptaráðanda á
Akureyri er óvíst hvort starfsemi
Álafoss í Hveragerði verður hald-
ið áfram en þar hefur fyrirtækið
starfrækt ullarþvottastöð. Sagðist
hann álíta að lánafyrirgreiðsla
Landsbankans gæti numið um 30
milljónum króna.
Bæjarráð Akureyrar samþykkti í
gær að beina þeim tilmælum til fyrr-
Skoðanakönnun Félagsvísindastofnunar:
49,8% landsmanna fylgjandi
gagnkvæmum veiðiheimildum
TÆPUR helmingur þeirra sem afstöðu taka, eða 49,2%, telur að
til greina komi að semja við Evrópuþjóðir uin veiðiheimildir þeirra
í vannýttum stofnum á Islandsmiðum gegn því að Islendingar fái
veiðiheimildir hjá Evrópuþjóðum auk bættra viðskiptafríðinda, að
því er fram kemur í skoðanakönnun Félagsvísindastofnunar scm
gerð var fyrir Morgunblaðið. 40,8% eru andvíg því og rúm 10%
telja það ýmsu háð. Skekkjumörkin eru plús eða mínus um 3%
miðað við 95% öryggismörk. Rætt var um gagnkvæmar veiðiheim-
ildir allt að 2.600 þorskígildum á ráðherrafundi EB og EFTA í
Lúxemborg í vikunni.
Mestur stuðningur við þetta
kemur fram hjá stuðningsmönnum
Alþýðuflokks og Sjálfstæðisflokks,
59% hjá þeim fyrrnefnda og 53,5%
hjá þeim síðarnefnda. Minnst er
fylgið við gagnkvæmar veiðiheim-
ildir hjá Kvennalista tæp 42%. Þá
er fylgi við gagnkvæmar veiði-
heimildir í öfugu hlutfalli við ald-
ur, því það er mest meðal yngsta
aldurshópsins 18-24 ára 65%, en
minnst meðal fólks eldra en 45 ára
35-36%. Meðal stétta er fylgið
langminnst meðal sjómanna,
27,5%.
Þá var einnig spurt hvort fólki
fyndist koma til greina að semja
við Evrópuþjóðir um takmarkaðar
veiðiheimildir og fá bætt viðskipta-
fríðindi hjá Evrópubandalaginu í
staðinn. Mikill meirihluti eða rúm
70% eru andvíg því, rúm 20% fylgj-
andi, en 8,7% telja það ýmsu háð.
35% þeirra sem í yngsta aldurs-
hópnum eru telja til greina koma
að semja um veiðiheimildir fvrir
viðskiptafríðindi, en aðeins 5,35%
þeirra sem eldir eru en sextugir
eru sama sinnis. Þá er einnig f|'órð-
ungur íbúa á höfuðborgarsvæðinu
þessarar skoðunar en aðeins 10%
fólks í byggðum sem byggja af-
komu sína að miklu leyti á sjávar-
útvegi.
Þá var spurt hvort fólk treysti
stjórnmálamönnum til þess að ná
samningum sem séu íslendingum
hagstæðari en núverandi skipan
mála. Rúmur helmingur eða 52,9%
svara spurningunni játandi, rúmur
þriðjungur eða 36,2% treysta þeim
ekki og 10,85 telja það ýmsu háð.
Sjá nánar á miðopnu.
verandi stjórnenda Álafoss að kann-
aðir verði möguleikar á stofnun nýs
rekstrarfélags. Að sögn Páls Guð-
jónssonar, bæjarstjóra Mosfellsbæj-
ar, er fullt samráð á milli bæjarfélag-
anna tveggja um þessa afgreiðslu.
Ásgeir Asgeirsson sagði að bú-
stjórar myndu nota næstu vikur til
að afsetja eignir. „Við teljum að
hagsmunum búsins sé best borgið
með áframhaldandi starfsemi sem
er nú í fullum gangi til að framleiða
upp í samninga,“ sagði Ásgeir.
Á fundi starfsfólks Álafoss á Ak-
ureyri í gær var samþykkt áskorun
til bæjaryfirvalda að hafa forgöngu
um að stofnað verði rekstrarfélag
um áframhaldandi rekstur fyrirtæk-
isins og lýstu strarfsmenn yfir áhuga
á þátttöku í stofnun fyrirtækis í
þessu skyni. Hugmyndir eru um að
Akureyrarbær, Mosfellsbær, starfs-
menn og einkaaðilar sameinist um
stofnun fyrirtækis sem mum leigja
búnað og viðskiptasamninga Álafoss
til að vinna upp í þá samninga sem
þegar liggja fyrir. Páll sagði að und-
irbúningurinn miðaði við óbreyttan
rekstur fyrirtækisins ’fyrst um sinn.
„Ef vilji er til þess hjá fulltrúum
starfsmanna og fyrrverandi stjórn-
endum Álafoss að skoða þennan
möguleika á ég von á að það muni
ganga hratt fyrir sig. Grundvallar-
svör þurfa að liggja fyrir á næstu
dögum,“ sagði Páll.
Sjá einnig frétt á bls. 18