Morgunblaðið - 25.03.1995, Síða 1

J#Kr0M»Ma^í§»
1995
LAUGARDAGUR 25. MARZ
BLAD
MorgunblaOið/Knstinn
OLGA Færseth og félagar úr Brelðabliki unnu KR-inga í fyrri eða fyrsta leik liðanna í undanúrslitum 1. deildar
kvenna í gærkvöldi og hér smeyglr Olga sér framhjá Söru Smart og Hanna Kjartansdóttir er tilbúln í frákastið.
í hinum undanúrslitaleiknum vann Keflavík lið Grindavíkur en næstu leikir liðanna eru á morgun.
Ásgeirvaldi 21 leik-
mann í undirbúnings-
hóp fyrir leik við Chile
ÁSGEIR Elíasson, landsliðsþjálfarí í knatt-
spymu, hefur valið 21 leikmann í undirbún-
ingshóp vegna næsta verkefnis sem er æf-
ingalandsleikur í Chile í lok apríl. Atvinnu-
mennirnir erlendis eru að sjálfsögðu ekki
með en stefnt er að því að sem flestir þeirra
fari til Chile. Eftirtaldir leikmenn eru í hópn-
um sem undirbýr sig hér heima:
Amar Grétarsson, Breiðabliki. Kristján
Jónsson, Bodö. Ólafur Kristjánsson, FH. Birk-
ir Kristinsson og Pétur Marteinsson, Fram.
Þórhallur Dan Jóhannsson, Fylki. Haraldur
Ingólfsson, Ólafur Adoifsson, Ólafur Þórðar-
son, Sigurður Jónsson og Sigursteinn Gísla-
son, í A. Friðrik Friðriksson, ÍBV. Einar Þór
Danielsson, Hilmar Björnsson, Izudin Daði
Dervic, Kristján Finnbogason, Óskar Hrafn
Þorvaldsson og Þormóður Egilsson, KR.
Gunnar Oddsson, Leiftri. Baldur Bjarnason,
Stjörnunni, og Guðmundur Benediktsson,
Þór, en ekki hefur verið gengið frá félaga-
skiptum hans í KR.
Island mætir Svíþjóð í Evrópukeppni lands-
liða 1. júní og bendir allt til þess að leikurinn
við Chile verði eini æfingaleikurinn fyrir
viðureignina í Svíþjóð. Til stóð að reyna að
fá leik heima 22. eða 23. maí og var þá gert
ráð fyrir að 1. umferð 1. deildar hæfist 18.
maí. Frá því var horfið vegna Heimsmeistara-
keppninnar í handknattleik sem stendur þá
sem hæst hér á landi og verður 1. umferð
íslandsmótsins 23. maí.
Bolton greiddi Spurs
skaðabætur fyrir
Guðna Bergsson
SAMNINGUR Guðna
Bergssonar við Bolton,
sem er í öðm sæti í 1.
deild ensku knattspyrn-
unnar, hafði ekkert með
sölu frá Tottenham að
gera, að sögn Bergs
Guðnasonar, lögfræðings
og föður Guðna, heldur
greiddi Bolton Spurs
skaðabætur þar sem úr-
valsdeildarfélagið taldi að Guðni væri enn
samningsbundinn því. Hins vegar hefur Guðní
ávallt. haldið því fram að Iiann væri laus allra
mála hjá Spurs og um það hefur ágreiningur-
inn staðið en Samband atvinnuknattspyrnu-
manna i Englandi hefur tekið málið að sér
fyrir hönd Guðna. Eins og greint var frá í
blaðinu í gær fékk Tottenham 65.000 pund
(um 6,6 millj. kr.) frá Bolton sem samþykkti
auk þess að greiða 1.000 pund fyrir hvern
leik sem Guðni léki með liði félagsins upp í
50 leiki eða alls 50.000 pund.
KORFUKNATTLEIKUR
HANDKNATTLEIKUR
Þorbjöm úrskurðaður
í eins leiks bann
orbjöm Jensson, þjálfari Vals,
var úrskurðaður í eins leiks
bann fyrir óprúðmannlega framkomu
eftir leik Vals og KA í fyrrakvöld.
Dómarar leiksins kærðu Þorbjörn og
tók aganefnd málið fyrir í gærmorg-
un. HSÍ sendi síðan út tilkynningu
þar sem stóð að bannið tæki gildi
kl. 12 á hádegi í dag, laugardag, en
það stangast á við 11. grein reglu-
gerðar fyrir aganefnd HSÍ þar sem
segir m.a.: „Skrifstofa HSÍ tilkynnir
úrskurði aganefndar næsta dag eftir
fund nefndarinnar og tekur hann
gildi kl. 12.00 á hádegi, næsta dag
þar á eftir.“ Klukkutíma síðar var
send út leiðrétt tilkynning í samræmi
við 11. greinina og tekur bannið gildi
kl. 12 á hádegi á morgun.
Þorbjörn sagði við Morgunblaðið
að úrskurður aganefndar hefði kom-
ið sér á óvart en ekki mistökin sem
væru í takt við annað en bætti við
að þetta væri furðulegt og ekki á
það bætandi að tjá sig um það.
„Spámaðurinn“
öruggur
Aður en úrslitakeppnin hófst sagði
Þorbergur Aðalsteinsson, landsliðs-
þjálfari, við Morgunblaðið hver úrslit
yrðu í einstökum leikjum og hefur
spáin gengið að öllu leyti eftir nema
hvað leikir Vals og Hauka í átta liða
úrslitum urðu þrír en ekki tveir eins
og „spámaðurinn" átti von á. Hann
hefur ávallt haldið því fram að Valur
fengi íslandsmeistarabikarinn af-
hentan á Akureyri eftir fjórða leik
við KA.
„Ég held mig við fyrri spá og því
klárar Valur þetta á Akureyri," sagði
Þorbergur við Morgunblaðið í gær.
„Alfreð Gíslason hefur verið djarfur
og þorað að prófa ýmislegt með
KA-liðið sem er nauðsynlegt í svona
keppni. Hins vegar gerir breiddin hjá
Val útslagið og eins er komið að
Guðmundi Hrafnkelssyni að sýna sitt
rétta andlit en hann á mikið inni,“
sagði Þorbergur.
Morgnnblaðið/Kristinn
ÞORBJÖRN Jensson var brúnaþungur þrátt fyrir sigur Vals
gegn KA í fyrrakvöld og haföi ýmislegt út á dómgæsluna aö
setja en í kjölfarið var hann úrskurðaður í eins leiks bann.
FRJÁLSÍÞRÓTTIR: MARTHA ERIMSTDÓTTIR SEGIST ORÐIIM SAMKEPPIMISHÆF / C3