Morgunblaðið - 19.05.1995, Blaðsíða 7

MORGUNBLAÐIÐ
KNATTSPYRNA
FÖSTUDAGUR 19. MAÍ 1995 B 7
Logi Ólafsson, þjálfari Islandsmeistara ÍA
A yon á fleiri liðum
en ÍAog KR í baráttu
„ÉG á von á því að það verði
fleiri lið en ÍA og KR sem verða
með í baráttunni um titilinn.
Það er hefð fyrir því að lið komi
á óvart og ég man eftir því
þegar ég þjálfaði Víking þá átti
enginn von á því að við mynd-
um vinna mótið. Þó svo Akra-
nes hafi unnið ífyrra komum
við ekki til með að Ifta svo á
að við séum að verja eitt né
neitt, — það kemur ekki til með
að hjálpa okkur í sumar að
hafa unnið í fyrra, nema síður
sé,“ segir Logi Ólafsson, þjálf-
ari íslandsmeistara ÍA við .
Morgunblaðið á biaðamanna-
fundi í gær.
Logi tók við þjálfun ÍA frá Herði
Helgasyni sl. vetur en Logi var
þjálfari kvennalandsliðsins síðasta
sumar.
„Ég sá nokkra leiki með ÍA í fyrra
og ég get vonað það að við verðum
sterkari í ár. Við höfum undirbúið
okkur vel, mannskapurinn er að
mestu sá sami og ungu strákarnir í
liðinu eru árinu eldri,“ segir Logi.
„Eina breytingin á liðinu er sú að
Bibbi [Mihaljo Bibercic] er genginn
í raðir KR-inga en á móti höfum við
fengið Deijan Stojic frá Júgóslavíu."
„Það hefur gengið upp og ofan í
æfingaleikjunum. Við erum búnir
að leikja sautján leiki á undirbún-
ingstímanum, í Litlu bikarkeppninni,
móti á Kýpur og æfingaleiki hér
heima. Við erum þokkalega sáttir
við æfingaleikina þó það sé líka
ýmislegt sem við þurfum að laga.
Aðstæður til að leika knattspyrnu
hér yfir vetrartímann eru ansi bág-
bornar og ég held að menn þurfi
ekki að hafa stórar áhyggjur af því,
það mun breytast með hækkandi sól
og grænna grasi.“
Aðspurður um það hvaða félög
væru líkleg til að blanda sér í barátt-
una á toppnum sagði Logi að það
væri erfitt að spá um því liðin væru
jöfn. Fram og Valur, Kefiavík og
Vestmanneyingar gætu öll blandað
sér í baráttuna. •
Samkvæmt spánni virðast spá-
menn félaganna helst hallast að sigri
KR þrátt fyrir að meistarar þriggja
síðustu ára stilli upp svipuðu liði og
í fyrra.
„Ég er hvorki svekktur né glaður
yfir þessari spá. Auðvitað fylgir því
meiri pressa að vera handhafi titils-
ins heldur en að vera spáð efsta
sætinu. Það verður að hugsa fram-
ávið og taka hvert verkefni fyrir sig,
einbeita sér að því, og gera sér grein
fyrir því að þetta er vinna. Menn
þurfa að leggja gífurlega mikið á
sig, það vilja öll lið vinna meistarana
og þess vegna er aukaálag á liðinu.
En það er ekki bara pressa sem fylg-
ir því að þjálfa Akranesliðið. Maður
finnur líka mikla samstöðu frá fólki
á Akranesi," segir Logi.
Morgunblaðið/Golli
Amór með fyrsta
mark sitt í sumar
ARNÓR Guðjohnsen — sem á myndinni er með knöttinn í leik gegn
IFK Gautaborg — gerði sitt fyrsta mark fyrir Örebro á þessari leiktíð
í gærkvöldi þegar liði mætti Öster á útivelli í sænsku deildarkeppninni
í knattspyrnu. Óster komst í 2:0 en Arnór minnkaði muninn og skömmu
síðar jöfnuðu gestirnir. Önnur úrslit urðu þau að Rúnar Kristinsson
og félagar í Órgryte töpuðu heima fyrir Hammarby 0:1, Degerfors
tapaði heima fyrir Helsingborg 0:2 og Djurgaarden tapaði heima fyr-
ir AIK 1:2. Halmstad vann Norrköpping 2:0, Malmö og Gautaborg
gerðu 1:1 jafntefli og Frölunda vann Trelleborg 1:0.
Sígandi
lukka
erbest
„BREIÐABLIKSMENN hafa séð
þessa spá áður og ég vona bara að
bæði ég og leikmennirnir séum með
það stórt hjarta að það slái hraðar
þegar á hólminn er komið, sagði
Bjarni Jóhannsson þjálfari Breiða-
bliks sem spáð var 9. sæti og falli.
Bjarni sagði að æfingaleikir vors-
ins hefðu gengið viðunandi, æfinga-
tímabilið verið langt og það þyrfti
að skoða í heild. „Ég tel að við höfum
lagt mikið inn frá því í nóvember og
það verður að koma í ljóst hvemig
sú innistæða ávaxtar sig.“
Breiðablik hefur misst þijá leik-
menn, Einar Páll Tómasson fór til
Noregs, Valur Valsson fór til síns
gamia félags, Vals og Kristófer Sig-
urgeirsson fór til Svíþjóðar. Anthony
Karl Gregory gekk hins vegar til liðs
við Kópavogsliðið.
Aðspurður um markmið Blika á
þessari leiktíð sagði Bjarni: „Það
hlýtur að vera að halda liðinu í deild-
inni. Breiðablik hefur rokkað milli
deilda síðustU fimmtán árin og það
er mjög mikilvægt fyrir félagið að
ná að festa sig í sessi í fyrstu deild.
Menn mega ekki vera með of miklar
væntingar, því þá verður fallið meira
ef það kemur. SSgandi lukka er best
í þessum efnum,“ sagði Bjarni.
Morgunblaðið/Kristinn
Skagamenn skeinuhætlir
AKURIMESINGAR tóku KR-inga í bakaríið í Meistarakeppni KSÍ á Akranesi í gærkvöldi — sýndu
sannkallaða meistaratakta og sigruðu 5:0. KR-ingum var spáð íslandsmeistaratitli í árlegri
spá þjálfara, fyrirliða og forráðamanna 1. deildarliðanna í gær, en ef marka má leik gær-
kvöldsins verða þeir heidur betur að taka slg saman í andlitinu fyrir 1. deildarbaráttuna. Á
myndinni eigast þeir við í gærkvöldi, Steinar Adoifsson, KR-ingur og Kári Steinn Reynisson, ÍA.
Lúkas Kostic, þjálfari Grindavíkur sem spáð er neðsta sætinu
„Ég er bjartsýnn á sumarið"
„ÉG er með nokkuð góðan hóp leikmanna en ég er búinn að
vinna með þessum strákum í eitt og hálft ár og ég er bjartsýnn
á sumarið. Við erum reyndar með óreyndasta hópinn af öllum
liðum deildarinnar og meðalaldurinn hjá okkur er aðeins 22 ár.
Hins vegar kvíði ég ekki sumrinu, önnur lið þurfa að leika vel
til að sigra okkur alveg eins og við þurfum Itka að leika vel til
að sigra," segir Lúkas Kostic, þjálfari nýliðanna úr Grindavík.
Ispá fyrirliða, þjálfara og formanna
félaganna var Grindavík spáð
neðsla sæti í deildinni. En telur þjálf-
arinn að það verði hlutskipti Grinda-
víkur að beijast fyrir sæti sínu í
deildinni í sumar?
„Ég get ekki spáð um það hvar
við verðum í deildinni. Þetta verður
örugg-lega erfið barátta og það má
oft lítið út af bregða hvort menn eru
i efri eða neðri. hlutanum. Hvert ein-
asta lið verður að berjast fyrir stig-
um sínum í deildinni en ég er með
góðan hóp og treysti strákunum til
að standa sig vel.“
Lúkas sagði að hann væri hættur
að spila, hans væri ekki lengur þörf
inni á vellinum og að leikmenn gætu
spjarað sig án hans. Nokkrar breyt-
ingar hafa verið á liðinu frá því í
fyrra. „Við misstum Inga Sigurðsson
og þeir Hjálmar Sigurðsson og Páll
Valur Björnsson eru líka farnir og
ég óska þeim alls hins besta. A
móti eru komnir frábærir leikmenn
og félagar, Tómas Ingi Tómasson,
Þorsteinn Jónsson og Zoran Ljubicic.
Við þurfum því engu að kvíða en
við þurfum að svitna fyrir stigum
okkar í deildinni," sagði þjálfarinn.
„Æfingaleikirnir lofa góðu og lið-
ið hefur batnað með hverjum leikn-
um. í síðasta leiknum fyrir mótið
lékum við gegn Þrótti Reykjavík og
þö við værum ekki með alla okkar
bestu leikmenn sigruðuín við 6:3 og
fengum auk þess átta dauðafæri sem
við hefðum átt að nýta. Ég get ekki
sagt að allur leikur okkur hefði ver-
ið góður en við höfum enn tíma til
að laga það sem á bjátar.“
Lúkas sagði að hann hefði lagt
mikla áherslu á að leikmenn sínir
væru í góðu úthaldi og sagði að að
því leyti stæði lið hans öðrum ekki
að baki nema síður væri. „Það er
engin óregla í liðinu og ég ætlast
til þess af leikmönnum að þeir rífist
ekki við andstæðinga eða dómara í
leikjum."
Kanchelskis
vill ekki leika
undir stjórn
Fergusons
ANDREJ Kanchelskis til-
kynnti í gær að hann gæti
ekki leikið lengur undir stjórn
Alex Fergusons hjá Manchest-
er United en hann liefur ekki
verið í liðinu síðan hann fékk
magakveisu eftir landsleik í
síðasta mánuði. Þetta er önnur
uppákoman í félaginu á tveim-
ur dögum en í fyrradag kom
fram að Manchester City vildi
fá Brian Kidd, aðstoðarmann
Fergusons, sem framkvæmda-
stjóra í staðinn fyrir Brian
Horton, sem var látinn fara.
„Andrej elskar félagið, leik-
mennina og stuðningsmennina
en getur ekki unnið með fram-
kva?mdastjóranum,“ sagði
Grigory Esaylenko, umboðs-
maður Ukrainumannsins.
United mætir Everton í úr-
slitum ensku bikarkeppninnar
á morgun og Ferguson var
æfur yfir ummælum leik-
mannsins svo skömmu fyrir
þennan mikilvæga leik. „Hann
valdi rétta tímann. Við rædd-
um við hann og umboðsmann
hans í síðustu viku og ég hélt
að við hefðum gengið frá mál-
inu. Allt virtist vera í lagi en
við verðum að sjá til hvað ger-
ist.“
Kanchelskis gerði fimm ára
samning við United í fyrra og
Ferguson vill halda honum en
vill ekki ræða við leikmanninn
fyrir úrslitaleikinn. „Ég fer í
frí cftir helgi og við sjáum
hvað gerist ísumar,“ sagði
Ferguson. „Á tímabili áttum
við í samskiptaörðugleikura en
minn skilningur er að þeir séu
að baki. Ég geri ráð fyrir
Andrej á næsta tímabili og
hann er svo sannarlega inni í
framtíðarskipulagi mínu hjá
Manchester United.“
Ferguson var ánægðari með
tíðindin varðandi Ryan Giggs,
en hann stóðst læknispróf í
gær og getur þess vegna leikið
á morgun. Hins vegar hefur
hann ekki spilað síðan hann
meiddist 12. apríl og Ferguson
vildi ekki segjatil um hvort
hann yrði með á morgun.