Morgunblaðið - 19.10.1995, Blaðsíða 2
2 B FIMMTUDAGUR 19. OKTÓBER 1995
MORGUNBLAÐIÐ
VIÐSKIPTI
Fasteignalán lífeyrissjóðanna til 25 ára með föstum vöxtum
Hægt að greiða upp
lán ef vextir lækka
Talsmenn EJS segja það vera
of dýrt að þýða Windows 95
Of mikill kostn-
aður fyrir svo
lítinn markað
SKULDABRÉF fasteignalána til
25 ára, sem lífeyrissjóðir hafa að
undanförnu boðið gegnum Handsal,
Skandia o.fl. fyrirtæki, bera fasta
vexti og því njóta lántakendur ekki
að óbreyttu hugsanlegra vaxta-
lækkana sem spáð hefur verið að
séu framundan. Forsvarsmenn fyr-
irtækjanna segjast veita væntan-
legum lántakendum allar upplýs-
ingar um líklega vaxtaþróun en
jafnframt sé sá möguleiki fyrir
hendi að greiða lánin upp, ef lántak-
endur óska, og taka ný lán.
„Það er ekki sjálfgefið að kjör
Visa með
kortlausa
reikninga
VISA ísland hefur komið á fót
nýrri þjónustu, greiðslureikningi
Visa, sem gerir viðskiptavinum
kleift að nýta greiðsluþjónustukerf-
in „boðgreiðslur" og „alefli“ án eig-
inlegs greiðslukorts. í stað
greiðslukorts fær viðkomandi ein-
staklingur sérstakt greiðsluskír-
teini með númeri og gildistíma,
hliðstætt því sem er á greiðslukort-
um. Þessar upplýsingar eru for-
senda þess að unnt sé að heimila
boðgreiðslur.
Hins vegar er ekki mögulegt að
nota greiðslureikninginn í neinum
öðrum viðskiptum. Reikningurinn
þarf að vera tengdur bankareikn-
ingi. Stofngjald vegna reikningsins
er 500 krónur og árgjald ekkert.
fasteignalána fylgi á eftir þó vextir
ríkisverðbréfa lækki um 20-30
punkta. Fasteignalánin eru núna
með 7-8,5% vöxtum og ég efast um
að þeir lækki niður fyrir 7%,“ sagði
Árni Oddur Þórðarson, forstöðu-
maður hjá Skandia.
Algengt er að fasteignalán beri
7,5-7,75% vexti hjá Skandia. Miðað
við 7,5% vexti greiða lántakendur
um 7.500 krónur í afborganir og
vexti á mánuði af hverri milljón
króna auk verðbóta. Ef bréfið ber
8% vexti nemur mánaðargreiðslan
7.700 krónum. Þannig lækkar
greiðslan um 200 krónur á mánuði
fyrir hvert hálft prósentustig. Árni
Oddur benti á að hálfs prósents
vaxtamunur skipti engum sköpum
fyrir lántakendur heldur miklu
fremur verðbólgan á hvetjum tíma.
Fasteignalán hjá Handsali hafa
einnig uppgreiðslumöguleika, að
sögn Pálma Sigmarssonar, fram-
kvæmdastjóra. „Flestir lántakendur
geta lækkað sína vexti um 1-2%
með því að taka fasteignalán og
ég held því að vaxtalækkunin þyrfti
að vera svipuð til að menn fari aft-
ur út í skuldbreytingu."
Apple-umboðið ver
5 milljónum króna
árlega í þýðingar
BALDUR Sigurðsson, lektor við
Kennaraháskóla íslands, gagnrýnir
það að hugbúnaður skuli ekki vera
þýddur á íslenska tungu í Morgun-
blaðinu sl. þriðjudag. Hann gagn-
rýnir sérstaklega að ekki skuli vera
búið að íslenska Windows95 stýri-
kerfið og segir þetta vera dæmi um
„fjósamennsku þjóðarsálarinnar“.
Hann hrósar hins vegar forráða-
mönnum Apple-umboðsins fýrir að
hafa lagt metnað sinn í að þýða
stýrikerfi fyrir Macintoshtölvur.
Reynir Jónsson, sölustjóri
hjá Einari J. Skúlasyni,
dreifingaraðila Microsoft
á íslandi, segir að fyrir-
tækið hafi kannað mögu-
leika á þýðingu stýrikerf-
isins en slíkt hafi einfald-
lega reynst of dýrt.
„Windows 95 hefur þeg-
ar verið þýtt á u.þ.b. 60
mismunandi tungumál
og við höfum óskað eftir
því við Microsoft að stýri-
kerfið verði þýtt á ís-
lensku. ísland er hins
vegar mjög lítið markaðs-
svæði og því erum við
mjög aftarlega í for-
gangsröðinni hvað þetta
varðar." Aðspurður hvers
vegna fyrirtækið treysti
sér ekki í slíka fram-
kvæmd í ljósi þess að
Apple-umboðið hafi getað
gert þetta segir Reynir
að það sé öllu flóknara
og því dýrara að þýða
Windows stýrikerfið
heldur en System 7.
Slæm reynsla
af þýðingum
Reynir segir að fyrir-
tækið hafi á sínum tíma
þýtt þrjár útgáfur af
WordPerfect ritvinnslu-
forritinu, m.a. að áeggjan
íslenskra stjórnvalda. Þeim þýðing-
um hafi fylgt kostnaður upp á fleiri
milljónir króna, þó að WordPerfect
corp. hafi gefið eftir alla sína vinnu,
sem að öðrum kosti hefði tvöfaldað
þennan kostnað. Auk þess hafi hið
opinbera ekki keypt það magn af
hugbúnaðinum sem reiknað hafði
verið með. Því hafi fyrirtækið tapað
miklum fjármunum á þessari til-
raun. „Það er alveg ljóst að íslenski
markaðurinn er of lítill til þess að
bera slíka fjárfestingu. Neytendur
eru ekki tilbúnir til að greiða það
verð sem við þyrftum að setja upp
fyrir hugbúnaðinn og því myndum
við alltaf tapa á slíkum þýðingum.
Við erum hins vegar í þessu til
þess að græða og því eru þýðingar
á hugbúnaði ekki inni í myndinni
hjá okkur nú.“
Reynir bendir einnig á, að á hin-
um Norðurlöndunum, þar sem boðið
hafi verið upp á þýddan hugbúnað,
hafi það þýtt u.þ.b. 25% hærra verð,
miðað við ensku útgáfuna, auk þess
sem ýmsir eiginleikar hugbúnaðar-
ins, sérstaklega gagnvart skrifum
þriðja aðila, hafi glatast. Þá myndi
sá tími sem fer í þýðingarnar hægja
mjög mikið á öllum nýjungum á
þessu sviði.
íslenskt stýri-
kerfi í 11 ár
Að sögn Árna G. Jónssonar,
framkvæmdastjóra Apple-umboðs-
ins, hefur stýrikerfí Macintosh vél-
anna verið þýtt á íslensku allt frá
árinu 1984. Hann segir að fyrirtæk-
ið hafi einnig þýtt ýmsan annan
hugbúnað frá Apple svo sem File-
maker, Hypercard o.fl. en í dag
þýði fyrirtækið einungis Claris
Works, auk stýrikerfisins, þar sem
sá hugbúnaður fylgi öllum vélum
sem ætlaðar eru til einkanota.
Árni segir að þessum þýðingum
fylgi talsverður kostnaður og í dag
eyði fyrirtækið u.þ.b. 5 milljónum
króna, árlega, í þær. „Það er ljóst
að við græðum ekki mikið á þessu
þó að íslenskt stýrikerfi kunni að
hafa eitthvert sölugildi. Við höfum
hins vegar metið það þannig að
með þessu séum við að styrkja ís-
lenskt mál.“
Útboð Lánasýslu ríkisins
Sala 5 ára rík-
isbréfa eykst
VEXTIR á óverðtryggðum ríkis-
bréfum til fímm ára lækkuðu í
útboði Lánasýslu ríkisins í gær.
Hins vegar hækkuðu vextir á 3ja
ára óverðtryggðum bréfum og 3ja
mánaða ríkisvíxlum.
Alls var tekið tilboðum að upp-
hæð 515 milljónir króna í ríkis-
bréf. Þar af voru 455 milljónir
króna í 5 ára ríkisbréfum og var
meðalávöxtun þeirra 10,66%,
samanborið við 10,78% í síðasta
útboði fyrir mánuði. Einu tilboði
var tekið í 3ja ára bréfín að fjár-
hæð 60 milljónir króna og var
ávöxtunin 9,59%, samanborið við
9,48% í síðasta útboði.
Ríkisvíxlar seldust hins vegar
fyrir 1.410 milljónir króna og nam
meðalávöxtun þeirra 7,04%. Það
er smávægileg hækkun frá síðasta
útboði fyrir hálfum mánuði er
meðalávöxtunin var 6,99%.
Pétur Kristinsson hjá Lánasýslu
ríkisins, sagðist vera ánægður
með þáttökuna í þessu útboði og
eftirspurnin eftir 5 ára bréfunum
vekji sérstaka athygli. Hann segir
ennfremur að spennandi verði að
sjá hver niðurstaða útboðsins á
20 ára verðtryggðum spariskír-
teinum í næstu viki verði, enda
virðist sem talsverðar vaxtalækk-
anir séu í pípunum.
Hollenskur vodkaframleiðandi leitar eftir samstarfi
við Eldhöku um framleiðslu á vodka
Framleiðirnú þegar
„íslenskan “ vodka
HOLLENSKT fyrirtæki, Ursus Int-
emational, hefur leitað eftir sam-
starfi við Eldhöku hf. um framleiðslu
á nýrri vodkategund. Það vekur hins
vegar athygli að þessir hollensku aðil-
ar, sem munu vera þeir hinir sömu
og framleiða Black Death-vodka, hafa
þegar hafið framleiðslu á þessari
vodkategund og ætla mætti af merk-
ingum á umbúðunum að um íslenska
framleiðslu væri að ræða.
Flutningskostnaðurinn
setti strik í reikninginn
Þórir Steingrímsson, sölustjóri hjá
Eldhöku hf., segir að þessir aðilar
hafi sett sig í samband við fyrirtækið
fyrir um ári síðan og lýst yfir áhuga
á því að láta framleiða þessa áfengis-
tegund fyrir sig hér á landi. Þegar
til kastanna kom hafi þeim hins veg-
ar vaxið í augum sá kostnaður sem
fylgdi því að flytja flöskurnar til og
frá landinu og því hafí þeir farið þá
leið að hefja framleiðsluna úti í Hol-
landi. Þórir segir hins vegar að enn
sé verið að kanna möguleikann á því
að flytja framleiðsluna hingað til
lands.
„Þessir aðilar hafa verið að ræða
við skipafélögin um flutninga til og
frá landinu og greinilegt er að þeir
hafa enn fullan áhuga á því að fram-
leiða þessa vodkategund hér á landi.
Það mun væntanlega skýrast á næst-
unni hvort af verður eða ekki.“ Hann
segist ekki kunna neina eina skýringu
á því hvers vegna þessum aðilum sé
svo í muna að markaðssetja vöru sína
sem íslenska framleiðslu, en segir þó
aðjíklega komi hrein ímynd landsins
og þá sérstaklega vatnsins, þar inn í
myndina.
Mikilvægt að rétt sé
farið með uppruna
María E. Yngvadóttir, starfsmaður
Útflutningsráðs í Moskvu, segir að
hún hafi orðið vör við þessa fram-
leiðslu þar í landi og hafi þá ýmist
verið um að ræða flöskur sem merkt-
ar eru með fyrrgreindum hætti eða
þá að merkingar hafi verið með þeim
hætti að ætla mætti að um íslenska
framleiðslu væri að ræða. Hún segir
það vera mjög mikilvægt að rétt sé
farið með uppruna vöru „Þetta er
mjög skrítið og það sama er uppi á
teningunum með Black Death, því það
er ekki íslensk framleiðsla, fremur
en þessi. Vara verður ekki íslensk
bara fyrir það að íslendingur komi
nálægt framleiðslunni.“ María segist
hins vegar ekki sjá í fljótu bragði
hvað hægt sé að gera í máli sem
þessu.