Morgunblaðið - 29.10.1995, Blaðsíða 4

Morgunblaðið - 29.10.1995, Blaðsíða 4
4 C SUNNUDAGUR 29. OKTOBER 1995 MORGUNBLAÐIÐ SAAB AFTUR Á ÍSLANDI EFTIR NOKKURT HLÉ Vel búinn og hljóölátur Scrab 9000 BÍLAR frá Saab verksmiðjunum sænsku hafa ekki verið í efstu sætum yfir innflutta nýja bíla á síðustu árum og má raunar segja að saga Saab innflutnings hafi gengið í talsvert miklum bylgjum síðustu árin. Á liðnu vori eða í apríl tóku Bíiheimar hf. við um- boðinu og hefur nú flutt inn fyrstu bílana og hafið nýja sókn inn á íslenskan bílamarkað. Margir gestir komu í heimsókn um síðustu helgi þegar bílarnir voru sýndir og hafa þegar selst 8 bflar. í boði eru Saab 900 sem kom fram nýr fyrir nærri tveim- ur árum og svo endurbættur 9000 sem er að verða nokkuð klassískur. Við rifjum upp kynn- in í dag og skoðum CD með lág- þrýstri forþjöppu. I stórum dráttum er Saab 9000 stór, breiður og verklegur bíll. Allar útlínur eru hæfilega mjúk- ar og ávalar, framendinn hallar örlítið niður og þar eru mjóslegn- ar og penar aðalluktir, grillið lít- ið áberandi og stuðari mjög hæfi- legur. Afturendinn er nokkuð hár, fáanlegur sem stallbakur eða fimm dyra hlaðbakur og hlið- arnar bogadregnar með fínlegum hliðarlista. Rúður eru stórar pg eins og fyrr segir er Saab 9000 verklegur og sterklegur á velli. Rúmgóður Þegar inn er komið verður þess enn frekar vart að hér er á ferðinni stór og stæðilegur bíll því alls staðar er hann rúmgóð- ur. í ökumannssætinu getur bíl- stjórinn hagrætt sér að vild og stillt hæð og halla á setunni auk hinna hefðbundnu stillinga og sama er að segja um farþega- framsætið - þar er allt til þæg- inda og í aftursætum er rúmgott fyrir tvo og þrír geta alveg látið fara vel um sig í þessum fimm manna bíl. Segja má þó kannski að sætin megi vart vera mýrki og á það kannski helst við um ökumannssætið. Útsýni er gott og er auðvelt fyrir alla að njóta þess að ferðast og það þótt leið- ir gerist langar. Mælaborðið er skemmtilega afmarkað og snýr örlítið að öku- manni þannig að hann hefur það svolítið út af fyrir sig. Uppsetn- ingin á því er hefðbundin, hring- mælir fyrir Jrfaða og snúnings- hraða, rofar fyrir ljós og þokuljós vinstra megin, hægra megin sætahitararofar og í myndarleg- um stokknum hægra megin eru miðstöðvarrofar, útvarpsstæði og öskubakki. Stórt hólf er milli framsætanna, gírstöngin og handhemill eru á sínum stað, sömuleiðis hanskahólf og geymsluhólf í hurðum. Hljóðlátvél Vélin í þessari gerð sem var prófuð er tveggja lítra, 16 ventla, 150 hestöfl og með nýrri gerð af forþjöppu sem er lágþrýst (low pressure turbo). Þessi vél er sér- lega hljóðlát, gefur allsæmilegt viðbragð og eyðir 13,6 lítrum á 100 km í þéttbýli en getur farið niður í tæpa 8 lítra á þjóðyegi í tiltölulega friðsömum akstri. Gír- ÞRJÁR vélagerðir eru í boði og í bílnum sem var prófaður var tveggja lítra og 150 hestafla vél með lágþrýstri forþjöppu. EKKERT skortir á þægindin í innri búnaði en ef menn vejja leðurklæðningu verður að bæta 200 þúsund krónum við verðið. EINS og annað er mæla- borðið stórt og verklegt í Saab 9000. skiptingin er fjögurra þrepa sjálfskipting en einnig er fáanleg fímm gíra handskipting. Er sjálf- skiptingin mjög mjúk og gildir einu þótt ekið sé hranalega af stað, hún fer áreynslulaust milli þrepa og verður ökumaður naumast var við það og hægt er einnig að skipta mjög mjúk- lega niður ef á þarf að halda. Staðalbúnaður er allríkulegur og þessi helstur: Vökvastýri, hemlalæsivörn, rafdrifnar rúður og hliðarspeglar,- samlæsingar, stillanlegur ljósgeisli á aðalljós- um, festingar fyrir barnabílstóla í fram- og aftursætum og loft- púði eða líknarbelgur í stýri. Lipur Meðhöndlun á Saab 9000 með sjálfskiptingu og þessari hæfi- lega rösku vél verður vart auð- veldari. Bíllinn er lipur og ber engin merki um að vera þung- lamalegur eins og kannski mætti ætla af svo stórum bíl. Vélin á sitt í þessari lipurð þrátt fyrir að hún sé ekki haldin neinu ofur- viðbragði. Hann leggur vel á og er auðveldur viðfangs í stæðum Rúmgóður Hljóðlátur Vel búinn og skaki í borg. Helst mætti nefna sem truflun að nokkuð stutt er milli bensíngjafar og hemils og getur það orðið hvim- leitt ef ökumaður er í umfangsm- iklum akófatnaði. Á þjóðvegi er bíllinn mjúkur og vélin dugar vel í vinnslu á hæðóttum vegum og viðbragði við framúrakstur þótt ekki reyndist mikið tækifæri til að prófa fararskjótann í fyrstu hálku vetrarins á höfuðborgar- svæðinu. Aðbúnaður og gott rými gerir líka Saab 9000 að vænum ferðabíl og ekki spillir að farangursrými er gott. SAAB 9000 er virðulegur bíU og sterklegur á velli. Mlklðverðbll Verðið er síðan alltaf það sem allt snýst um þegar öllu er á botninn hvolft. Með þessari tveggja lítra vél og forþjöppunni lágþrýstu er það hátt í 2,7 millj- ónir króna fyrir sjálfskiptan bíl en 2,5 sé hann tekinn með hand- skiptingu. Sé hann tekinn með tveggja lítra 130 hestafla vél og án forþjöppu er verðið rúmar 2,4 og 2,6 milljónir en sá, með stærstu vélinni, sem er 2,3 lítr- ar, 200 hestöfl og með for- þjöppu, kostar tæpar 3,1 milljón og rúmar 3,2 milljónir. Eins og sagði í upphafi hefur innflutningur á Saab gengið dá- lítið skrykkjótt síðustu árin og má segja að varla hafi verið flutt- ur inn nýr Saab síðustu tvö ár en þeir munu þó hafa verið um 20. Nú er að verða bót á því með sókn Bílheima og þótt skref- in séu ekki stór hafa þau alla burði til að vera örugg enda eru hér vandaðir gripir á ferð, nokk- uð íhaldssamir kannski, en vel búnir, þægilegir og öruggir. ¦ Jóhannes Tómasson Saab 9000 CS í hnotskurn Vél: 2,0 lítrar, 16 ventlar, 150 hestöfl, lágþrýst for- þjappa. Framdrifinn. Fimm manna. Aflstýri - veltistýri. Hemlalæsivörn. Rafdrifnar rúður. Rafstillanlegir og hitaðir hliðaspeglar. Samlæsingar. Festingar fyrir barnabíl- stóla í fram- og aftursætum. Loftpúði í stýri. Lengd: 4,79 m. Breidd: 1,77 m. Hæð: 1,42 m. Hjólhaf: 2,67 m. Þyngd: 1.360 kg. Stærð farangursrýmis: 448 1. Hröðun úr kyrrstöðu í 100 km tekur 11 sekúndur. Bensíneyðsla á 100 km: 13,6 1 í þéttbýli, 7,8 1 á jöfnum 90 km hraða. Staðgreiðsluverð kr.: 2.683.000. Umboð: Bflheimar hf., Reykjavík Sala nýrra bifreiða íEvrópuríkjunum fyrstu 9mánuði 199 Þýskaland Bretland 2.547.300 1.594.200 +3,0% +0,4% Frakkland ítalía 1.453.200 1.300.900 +1,3% ¦0,8% Spánn Holland 634.500 370.200 ¦7,2% +2,7% Belgía Austurríki 284.800 229.400 ¦9,3% +0,2% Sviss 212.700 -0,1% Portúgal 156.700 -10,7% Svípióð 122.800 +8,4% Danmörk 106.600 ¦1,4% Grikkland 92.500 +12,4% írland 81.700 +7,9% Noregur 71.200 +11,4% Finnland 64.400 +17,9% Lúxemborg 22.700 •4,0% SAMTALS: 9.345.800 +0,5% Samdráttur í Evrópu SALA á nýjum bílum í Evrópu dróst saman um 3,7% í september miðað við sama tíma í fyrra. Alls seldust 853.500 bílar í mánuðinum. Sölu- aukningin fyrstu níu mánuði ársins í Evrópu er aðeins 0,5%. Af fimm stærstu markaðslöndunum var það aðeins í Þýskalandi sem umtalsverð söluaukning várð í september, eða 4,9% en fyrstu níu mánuðina hefur söluaukningin í Þýskalandi verið 3%. í Frakklandi var samdrátturinn í september 15% og 22,3% á Spáni. Á íslandi jókst fólksbílasalan í sept- ember um 3,3% og 18,9% fyrstu níu mánuði ársins. ¦

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.