Morgunblaðið - 06.03.1996, Blaðsíða 2

2 B MIÐVIKUDAGUR 6. MARZ 1996
MORGUNBLAÐIÐ
Þorskflökin
hækka í verði
í Bretlandi
• UNDANFARIN þrjú ár
hefur verð á þorskflökum
verið stöðugt á Bandaríkja-
markaði, að sögn Sæmundar
Guðmundssonar, aðstoðar-
forstjóra íslenskra sjávaraf-
urða. Á Bretlandsmarkaði
hafa hinsvegar orðið verð-
breytingar á sjófrystum
fiski þegar stuðst er við jan-
úartölur síðustu þriggja ára
og kemur í Ijós að um 3,4%
lækkun var að ræða frá ár-
inu 1994 til 1995, enfrá
árinu 1995 til 1996 hækkaði
verðið hinsvegar aftur um
12,7%. „Á sama tíma erum
við að selja inn á smásölu-
markaðinn og þar er verð
mun stöðugra,“ segir Sæ-
mundur. „Selt magn á milli
ára hefur aftur minnkað
vegna kvótaskerðingar, en
það hefur vegið upp að við
höfum verið að flytja út tví-
fryst flök inn á Bandaríkja-
markað og náð góðum ár-
angri þar. Þannig að hjá
sumum framleiðendum á ís-
landi er það orðinn töiuverð-
ur iðnaður að vinna úr tví-
frystum fiski.“
Sýningí
Björgvin
• FRÁ 8. til 10. maí næst-
komandi verður sjávaraf-
urðasýningin „Northern Se-
afood Conference and Exhi-
bition“ haldin öðru sinni í
Björgvin í Noregi. Að þessu
sinni verður aðalumfjöllun-
arefnið viðskipti með sjávar-
afurðir við ríkin í Austur-
Evrópu. Búist er við, að þátt-
takendur í sýningunni verði
um 400 alls staðar að úr
Evrópu. Jan Henry T. Oisen,
sjávarútvegsráðherra Nor-
egs, mun opna sýninguna en
auk þess mun Vjatsjeslav
Zílanov, aðstoðarsjávarút-
vegsráðherra Rússlands,
flytja fyrirlestur.
Athugasemd
• VERINU hefur borizt eft-
irfarandi athugasemd frá
Endurmenntunarstofnun
Háskóla íslands til birting-
ar:
„Þann 28. febrúar birtist
í Verinu - sjávarútvegsblaði
Morgunblaðsins frétt af út-
skrift nemenda úr námi
Endurmenntunarstofnunar
í sjávarútvegsfræðum. Um
er að ræða árs nám með
starfi fyrir sljórnendur og
starfsmenn sjávarútvegs-
fyrirtækja og samsvarar
námið 12 einingum. í fyrir-
sögn fréttarinnar voru nem-
endur nefndir sjávarútvegs-
fræðingar og er það tilefni
þessarar athugasemdar.
Háskólhm á Akureyri
býður þriggja ára fullt nám
í sömu greinum og kalla
nemendur þaðan sig sjávar-
útvegsfræðinga. Endur-
menntunarstofnun Háskól-
ans hefur ekki notað það
heiti yfir þá sem Ijúka námi
stofnunarinnar, heldurgef-
ið náminu sem siíku heitið
Nám Endurmenntunar-
stofnimar Háskóla Islands í
sjávarútvegsfræðum. Það
gefur auga leið að 12 ein-
inga nám er ekki sambæri-
legt við þriggja ára fullt
nám eins og það sem Háskól-
inn á Akureyri býður. At-
hugasemd þessi óskast birt
til að leiðrétta þann mis-
skilning sem fyrirsögn frétt-
arinnar kann að hafa vald-
ið.“
FRÉTTIR
Fiskmarkaður
Þorlákshafnar
ínýtthúsnæði
• FISKMARKAÐUR Þor-
lákshafnar er fluttur í nýtt
og betra húsnæðí, sem
stenst allar gæðakröfur sem
gerðar eru til fískvinnslu-
húsa. Ástæðan fyrir flutn-
ingunum er sú að eldra hús-
næðið stóðst ekki þessar
kröfur og krafðist Fiski-
stofa lokunar á því. Markað-
urinn hafði verið á undan-
þágu í tvö ár vegna þess að
flutningarnir voru á döfinni.
Það er verið að ganga frá
útboðsgögnum á nýju hús-
næði og munu framkvæmdir
hefjast eins fyótt og auðið
er, að sögn Bjarna Askels-
sonar, framkvæmdastjóra
Fiskmarkaðar Þorlákshafn-
ar. Nú er markaðurinn til
staðar í húsnæði Hafbergs
hf. í Þorlákshöfn. „Við
stefnum svo að því að vera
komnir í okkar eigið hús-
næði í júlímánuði,“ segir
Bjarni. Það er ekki búið að
halda aðalfund fískmarkað-
arins ennþá, en í fyrra voru
seld 8.600 tonn á markaðn-
um og er rekstrarhagnaður
fyrir skatta og afskriftir
áætlaður 9 miiyónir króna.
Rússar spá
meiri afla
• BÚIST er við, að afli rúss-
neskra skipa á fyrstu þrem-
ur mánuðum ársins verði 1,6
milljón lestir eða 12% meiri
en á sama tíma í fyrra.
Ástandið í rússneskum sjáv-
arútvegi er þvi farið að ein-
kennast af meiri stöðugleika
og horfum á hægri en ör-
uggri aukningu. Vladímír
Korelskjj, sjávarútvegsráð-
herra Rússlands, segir, að á
síðasta ári hafi loks tekist
að snúa við þróuninni, stöð-
ugum samdrætti allt frá ár-
inu 1988, en þá var heildar-
aflinn 19,6% meiri en 1994.
Voru 70% aflans tekin innan
rússneskrar lögsögu en
Rússar notuðu sér ekki til
fulls þá kvóta, sem þeir
höfðu innan lögsögu ann-
arra ríkja eða á alþjóðlegu
hafsvæði. Horfur eru á, að
heildaraflinn verði 9,9 millj-
ónir lesta á þessu ári en rík-
isstjórnin hefur heimilað
sjávarútveginum að nota
kvóta upp á 350.000 tonn
eða sem svarar til 6,6 millj-
arða kr. til að greiða fyrir
ný skip. Opinberlega er tal-
ið, að afskrifa verði fljótlega
eða úrelda 45% af rússneska
fiskiskipastólnum en hann
telurnú 2.700 skip.
Morgunblaðið/Örn Þorláksson
TROLLIÐ og hlerarnir undirbúin til flutnings austur til Kamtsjatka.
Troll frá Hampiðjunni
með flugi tU Kanitsjatka
HAMPIÐJAN hefur nú
sent eitt fullbúið gloriu-
troll austur til Kamtsjatka
í Rússlandi. Trollið var sent
með flugi til Pusan í Kóreu
og fer þaðan með birgða-
skipi út á miðin og um
borð í rússneskt veiðiskip. Þetta er fyrsta trollið frá Hampiðjunni, sem
fer þangað austur, en 4 til 5 togar’ar frá Múrmansk tóku troll frá
Hamiðjunni í fyrra. Nú er gert ráð fyrir frekari sölu þangað, en á
Kamtsjatka bíða menn átekta.
Einnig gert ráð fyrir
sölu á trollum til
útgerða í Múrmansk
Trollið, sem farið er til Kamt-
sjatka, er Gloria 896 með öllu,
meðal annars toghlerum frá Jósafat
Hinrikssyni. Eyjólfur Friðgeirsson,
fiskifræðingur og skipstjóri, sem
lærði fiskifræði í Moskvu, er farinn
utan og mun hann aðstoða Rússana
við að setja trollið upp og vinna
með það. Trollið fer um borð í veið-
skip sem er 54 metra langt, 1.200
brúttótonn að stærð en aðeins með
1.320 hestafla vélar. Skipið stundar
aðeins veiðar og landar aflanum
um borð i stórt vinnsluskip.
Nokkrir Islendingar eru þarna
ytra á vegum íslenzkra sjávaraf-
urða og munu þeir einnig koma að
þessu máli, en veiðiskipið er frá
UTRF-útgerðinni, sem íslenzkar
sjávarafurðir aðstoða nú við veiðar,
vinnslu og sölu afurðanna.
Eru að veiðum á alaskaufsa
Rússnesku skipin þarna austur
frá eru yfirleitt með fremur slök
veiðarfæri og því er talið að betri
troll og hierar geti aukið veiðina
mikið og þannig bætt hag
útgerðarinnar. Skipin eru nú að
veiðum á alaskaufsa í Beringshafi.
Sú vertíð stendur stutt yfir og er
aðaláherzlan lögð á að ná sem
mestu af hrognum, en fiskurinn er
einnig frystur eða bræddur um borð
í vinnsluskipunum.
Guðmundur Gunnarsson, sölu-
stjóri hjá 'Hampiðjunni, var þarna
á ferðinni fyrir skömmu ásamt
Eyjólfi Friðgeirssyni og segir hann
ýmsa möguleika vera á sölu veiðar-
færa. Hann segir að Rússarnir hafi
einnig sýnt áhuga á samstarfi við
Hamiðjuna í rekstri kaðlaverk-
smiðju, sem þeir eiga. Reksturinn
hefur gengið brösulega, enda
rekstarumhverfi í Rússlandi iðnað-
inum óhagstætt nú.
Möguleikar í Múrmansk
Bankakerfið er afar veikburða,
verðbólga 10 til 12% á mánuði og
árvextir um 240%. Fjárskortur er
því tilfinnanlegur. Guðmundur seg-
ir, að verði eitthvað úr ferkari sölu
þangað austur, vcrði_ það að öllum
Iíkindum í gegn um íslenzkar sjáv-
arafurðir.
Guðmundur segir, að einnig séu
möguleikar á sölu trolla til Múr-
mansk. „Fjórir til fimm rússneskir
togarar hafa þegar tekið troll frá
okkur og við gerum ráð fyrir enn
frekari viðskiptum af því tagi,“ seg-
ir Guðmundur Gunnarsson.
Minna rakatap með
nýjum hraðfrystum
KÆLITÆKNI hf. er með umboð fyrir nýjategund hraðfrysta sem
eru framleiddir undir vörumerkinu „Super Contact“ af Food
Systems Europa. Frystarnir eru útbúnir þannig að þunn plastf-
ilma dregur fiskflakið yfir lágrétta frystiplötuna sem er -r 40qC
+ 52qC köld, þannig fæst mjög hröð frysting sem tryggir gæði
vörunnar. „Super Contact" frystiplatan forfrystir vöruna í um
það bil 2-4 mínútur eftir þann tíma fer hún í lausfrystingu. I
fréttatilkynningu frá Kælitækni segir að með þessari nýju fryst-
iaðferð aukist framleiðnin um 1% þar sem rakatap vörunnar við
frystinguna er 50% minni en við hefðhundna lausfrystingu. Einn-
ig er þessi frystiaðferð orkusparandi þar sem varan er í beinni
snertingu við kæliflötinn. Ennfremur segir að plastfilman sem
er 10 migron þykk sé notuð aðeins einu sinni til að tryggja að
varan sem á að frysta renni örugglega með plastfilmunni yfir
frystiflötinn og tryggi að varan sé hrein og fái slétta áferð. Kostn-
aður við plastfilmuna sé um það bil 26 aurar á hvert kíló af af-
urð. Hægt er að fá þijár mismunandi gerðir af „Super Contact"
hraðfrystum. I fyrsta lagi frystiplötu sem frystir undirlag vörunn-
ar (hraðfrystir). I öðru lagi frystiplötu ásamt frystiblásara með
eimi og öflugum viftum sem hraðfrysti. Frystiblásarinn eykur
hraðfrystingu á yfirborði vörunnar. Loks er hægt að fá frysti-
plötu ásamt frystiblásara auk lausfrystis með plast eða stál færi-
böndum. „Super Contact" frystibúnaðurinn er hugsaður sem for-
frystir fyrir lausfrysta og hefur gefið mjög góða raun þar sem
þeir hafa verið teknir í notkun.