Morgunblaðið - 20.03.1996, Blaðsíða 7
MORGUNBLAÐIÐ
MIÐVIKUDAGUR 20. MARZ 1996 B 7
FRÉTTIR
Mun minna af karfa til
Bremerhaven en í fyrra
ÚTFLUTNINGUR á
ferskum fiski til Bremer-
haven hefur dregist sam-
an um 25% á þessu ári
miðað við sama tíma í
fyrra, að sögn Samúels Hreinssonar, framkvæmdastjóra íseyjar. Á sama
tíma hefur verð hækkað nokkuð og hlutfall smákarfa hefur aukist.
Samúel segir að ef litið sé yfir undanfarin ár hafi útflutningur á miðl-
ungsstórum karfa minnkað, en smákarfa aukist.
Verðið hefur hins
vegar hækkað nokkuð
Samúel segir að á árunum 1990
til 1993 hafi um 20 þúsund tonn
verið seld af miðlungsstórum
karfa. Sala á smákarfa hafi farið
úr 900 tonnum árið 1990 í 1.600
tonn árið 1992 og svo 1.300 tonn
árið 1993. Á þessum tíma hafi
meðalverðið farið úr 2,86 mörkum
árið 1990 í 2,72 mörk árið 1992
og svo í 2,76 mörk árið 1993.
Flök seld undir gangverði
Árið 1994 segir hann að hafi
verið seld rúm 17 þúsund tonn af
miðlungsstórum karfa og 1.450
tonn af smákarfa á meðalverðinu
2,71 mark. í fyrra hafi verið seld
13 þúsund tonn af miðlungsstórum
karfa og 1.900 tonn af smákarfa.
Þrátt fyrir þetta háa hlutfall af
smákarfa hafi meðalverðið verið
2,82 mörk. Það sem af er þessu
ári hafi verið seld 2.250 tonn af
miðlungsstórum karfa og 200 tonn
af smákarfa og meðalverðið sé
3,07 mörk.
„Að okkar mati var árið í fyrra
mjög gott,“ segir Samúel. „Við
seldum 15 þúsund tonn af karfa á
móti 18.800 tonnum árið á undan,
þrátt fyrir að missa út sex vikur
í sjómannaverkfallinu.“ Hann tek-
ur ekki undir vangaveltur um það
að salan sé að færast úr ferskum
fiski yfir í flök. „Ég veit að það
er töluverð sala á flökum," segir
hann.
„Þau eru hinsvegar seld töluvert
undir því gangverði á markaðnum,
sem er óþarfi ef þeir eru með betri
vöru vegna þess að framboðið á
seljendamarkaðnum er minna en
eftirspurnin og verðið fer hækk-
andi ár frá ári.“ Hann segir að
ástæðan fyrir minnkandi útflutn-
ingi á ferskum fiski til Bremerha-
ven sé fyrst og fremst sú að kvót-
inn sé að dragast saman. Það sé
næg eftirspurn.
Slæm lausn fyrir ísland hf.
Einnig gagiirýnir hann að
ákveðin fyrirtæki á Islandi séu að
kaupa fiskinn á 30 til 40 krónur
kílóið af sínum skipum til að flaka
til útflutnings. Þau kaupi svo það
sem upp á vanti á 90 til 100 krón-
ur á íslenskum fiskmörkuðum. Þau
geti því unnið flökin, sent þau út
og selt ódýrara en þau þýsku fyrir-
tæki sem séu að kaupa fisk á
markaðnum í Bremerhaven á 130
til 150 krónur að jafnaði. „Þetta
getur komið ágætlega út hjá þess-
um fyrirtækjum, en fyrir ísland
hf. er þetta mjög slæm lausn,“
segir hann.
„Eini fiskurinn sem verður
keyptur á þessum mörkuðum til
lengri tíma litið er þó ferskur fisk-
ur. Auðvitað geta komið upp að-
stæður þar sem skip tefjast og
markaður skapast fyrir flök, en
það er ekkert til að byggja á.“
Fiskmarkaður Suðumesja
með fiskuppboð í Boston
Mikil síldveiði
við Noreg-
• MIKILL gangur hefur verið
í sildarveiðum Norðmanna i
vetur. Fyrstu tvo mánuði árs-
ins var landað um 240,000
tonnum af stórsíld, mest
norsk-íslenzku síldinni og hef-
ur meðalverðið verið um 17
krónur íslenzkar á kiló. Fyrstu
tvo mánuði síðasta árs var
landaö 153.000 tonnum af síld
úr norsk-islenzka stofninum
og var meðalverðið þá um 15
krónur á kíló. Nú fóru 63.000
tonn af þessari sild í bræsðlu,
en 75.000 tonn í fyrra. Hlut-
fall til manneldisvinnslu hefur
því aukizt úr 67% i fyrra í um
tæplega 80% nú.
Heimild: Fiskaren
ISLENSKIR fiskverkendur, sem
staddir voru á sjávarútvegssýn-
ingu í Boston, buðu í og keyptu
fisk í gegnum Fiskmarkað Suður-
nesja á fimmtudag í iðustu viku.
Uppboðinu hér heima var frestað um klukkutíma vegna tímamismunar
landanna í milli og fór því ekki fram fyrr en kl. 16 í stað kl. 15, eins og
venja er.
Tölvukerfið kynnt
í Bandaríkjunum
Að sögn Eyjólfs Guðlaugssonar,
skrifstofustjóra fiskmarkaðarins,
var hér um að ræða hefðbundið upp-
boð. „Tölvukerfið okkar er þannig
upp byggt að það er mjög auðvelt
að tengjast því og taka þátt í upp-
boði hvar sem er í heiminum. Menn
tengjast okkur einfaldlega í gegnum
mótald og þurfa ekki annað en smá-
hugbúnað."
Islensku fiskkaupendurnir voru
staddir á sýningunni þegar kaupin
voru gerð, en þar eru menn á vegum
fyrirtækisins að kynna markaðinn
og uppboðskerfi hans. Það er hannað
hjá Verk- og kerfisfræðistofunni og
var tekið í notkun í ársbyrjun 1992.
Með hugbúnaði og vélbúnaði kostaði
kerfið þá á fjórða tug milljóna.
„Við kynntum þetta tölvukerfi
fyrst á sjávarútvegssýningunni í
Boston í fyrra og gerðum þá jafn-
framt tilboð í tölvukerfi fyrir fisk-
markaði í Maine-fylki. Við urðum
því miður af verkefninu, urðum í
öðru sæti í samkeppni við belgískt
og hollenskt fyrirtæki, en það var
heimamaður sem hafði vinninginn.
Okkur fannst hins vegar sjálfsagt
að kynna þetta núna líka þar sem
við vitum um fleiri aðila ytra sem
eru að spá,“ segir Eyjólfur.
Morgunblaðið/RAX
SKYGGNST um í Sjóminjasafni íslands.
Kynna verklega
sjóvinnu í sumar
^mmmmmmmmmt^^^^^^m k döfinni er að haida
■mr _j / • / nokkrar litlar sérsýningar
Ymislegt adofinm a i sjóm^asafm
Sjóminjasafni íslands Sft S
urbætur á fasteigninni. Þetta og ýmislegt fleira kemur fram í máli Ág-
ústs Georgssonar, safnvarðar.
„Við ætlum að halda nokkrar litl-
ar sérsýningar sem verða settar upp
í viðbyggingu safnsins," segir Ág-
úst. Hann segir að sú fyrsta af
þessum sýningum hafi verið opnuð
í febrúar og sé á nýjum aðföngum
safnsins. Þegar vorið nálgist verði
haldin sýning á málverkum af bát-
um eftir Bjarna Jónsson, listmálara.
„Einnig stendur til að gera vissar
endurbætur á fastasýningunni,"
segir hann. „Þar ætlum við t.d. að
stofna nýja deild um slysavarnir.
Safninu barst fyrir jólin góð gjöf
sem er gúmbjörgunarbátur frá því
fyrir 1960. Við ætlum að setja hann
upp í safninu og hafa hann til sýn-
is og fá til þess aðstoð frá góðu
fólki."
Ágúst segir að síðan sé hug-
myndin að sýna verklega sjóvinnu
í sumar alla sunnudaga í júní, júlí
og ágúst. „Við stefnum á að fá
gamla sjómenn til liðs við okkur,“
segir hann. Loks er á dagskrá að
halda nokkra fyrirlestra í safninu á
árinu.
„Það sem er efst á óskalistanum
hjá okkur á árinu og við stefnum
á að byija á er þjóðháttasöfnun á
sviði sjávarhátta," segir hann. „Þá
hefur verið í gangi verkefni á safn-
inu sem felst í að afla upplýsinga
um hvað sé til af gömlum bátum
með varðveislugildi og því verður
líka haldið áfram.“
Ágúst segir að auk sýningahalds
verði lögð áhersla á skráningu safn-
gripa. Síðan sé ætlunin að nýta
betur núverandi húsnæði. „Við
þurfum að gera endurbætur á nú-
verandi húsnæði til þess og það er
eitt af stóru málunum hjá okkur,“
segir hann.
TRAUSTAR V0RUR
0G ÞJÓNUSTA ,
VIÐ ÍSLENSKAN !
FISKIÐNAÐ
0G SJÁVARÚTVEG
= HÉÐINN =
VERSLUN
SELJAVEGI 2 SÍMI 562 4260
RADAUQ YSINGAR
Vélstjórar
Vélstjóra vantar á beitingarvélabát, sem
frystir aflann um borð.
Upplýsingar hjá skipstjóra í síma 456 1139.
Stýrimenn
- vélstjórar
Laus eru til umsóknar eftirtalin störf á m/s
Svalbarða Sl 302 (Svalbakur EA 302).
1. stýrimaður og afleysingaskipstjóri.
2 stýrimaður,
yfirvélstjóri,
1. vélstjóri og 2. vélstjóri.
Skipið mun stunda veiðar utan ísl. landhelgi
og fyrst halda til rækjuveiða í Flæmska hatt-
inum upp úr miðjun apríl nk.
Upplýsingar eru gefnar hjá Siglfirðingi hf. í
síma 467 1518, fax 467 1672, þar sem jafn-
framt er tekið við umsóknum.
Til sölu
Volvo Penta TMD 102 bátavél, 238 hestöfl,
ásamt gír, öxli og skrúfu, árg. 1992, keyrð
6.000 tíma. Heppileg í 20-30 tonna bát.
Upplýsingarísíma421 1351 eða 852 2319.
KVÖTABANKINN
Vantar þorsk
Sími 565 6412, fax565 6372, Jón Karlsson.
FUNDIR - MANNFAGNAÐUR
Rækjubátar
óskast íviðskipti
Upplýsingar í síma 438 6720 Magnús/
Sigurður.
Soffanías Cecilsson hf.,
Borgarbraut 1, 350 Grundarfirði.
Skipstjórnarmenn
Upprifjunarnámskeið í meðferð slasaðra og
notkun lyfjakistu verður haldið 1 .-3. apríl nk.
Skráningar í símum 562 4884 og 852 0028.
Slysavarnaskóli sjómanna.