Morgunblaðið - 14.05.1996, Blaðsíða 4

4 B ÞRIÐJUDAGUR 14. MAÍ 1996
MORGUNBLAÐIÐ
+
MORGUNBLAÐIÐ
ÞRIÐJUDAGUR 14. MAÍ 1996 B 5
KIMATTSPYRNA
KNATTSPYRNA
Glæsilegt mark Cantonas og Manchester United varð fyrst liða til vinna tvennuna ítvígang
Merkileg-
ur áfangi
ERIC Cantona var kjörinn besti leikmaður Englands á fimmtu-
dag. Hann var ekki áberandi í úrslitaleik ensku bikarkeppninnar
en gerði eina markið, glæsilegt mark og minnisstætt, og varð
fyrstur eriendra leikmanna til að taka við bikarnum sem fyrir-
liði. Manchester United varð fyrst liða til að endurtaka sigur í
bikar og deild á sama tfmabili. Þetta var í níunda sinn sem félag-
ið fagnaði titlinum og hefur ekkert félag verið eins sigursælt í
keppninni. United hefur skarað fram úr í Englandi undanfarin
ár, varð deildarmeistari 1993,1994 og 1996, bikarmeistari 1990,
1994 og 1996, Evrópumeistari bikarhafa 1991 og deildarbikar-
meistari 1992. Alex Ferguson, sem hefur verið við stjórnvölinn
í nær 10 ár, er kominn á stall með helstu knattspyrnustjórum
sögunnar og nálgastfélagsmetið sem Matt Busby náði á sínum
tíma.
Sögulegu staðreyndirnar eru
merkar út af fyrir sig en leik-
ur Manchester United og Liverpool
á Wembley á laugardaginn olli
vonbrigðum. Mikið var í húfí og
liðin komust aldrei almennilega úr
sporum vamar og varkámi. Li-
verpool átti aðeins eitt skot sem
rataði á mark mótheijanna en
United fékk tvö góð færi áður en
Cantona gerði út um leikinn fimm
mínútum fyrir leikslok. Eftir fimm
mínútna leik varði David James
glæsilega eftir skot frá David
Beckham og í byrjun seinni hálf-
■leiks mátti hann hafa sig allan við
að verja eftir skot Frakkans úr
þröngu færi. Hins vegar átti hann
ekki möguleika á að veija frá Can-
tona undir lokin. Engin hætta var
á ferðum en Liverpool gaf United
homspymu og Beckham gaf fyrir
markið. Aðþrengdur samheijum
sló James boltann frá marki. Hann
barst til Cantona utarlega í víta-
teignum, snillingurinn bakkaði og
án þess að vera í fullkomnu jafn-
vægi náði hann að skjóta hnitmið-
að framhjá þremur leikmönnum
Liverpool og í netið.
Alltaf tromp á hendi
„Eric gerir gæfumuninn," sagði
Ferguson. „Ekki bar mikið á hon-
um að þessu sinni en hann hefur
alltaf tromp á hendi. Hann gætir
þess að sprengja sig ekki og hefur
því ávallt kraftinn og orkuna þegar
á þarf að halda. Að skora eins og
hann gerði krefst sjálfstjórnar og
öryggis og ég veit ekki um marga
leikmenn sem hafa þessa hluti í
Iagi á 85. mínútu. Hann þurfti að
taka boltann viðstöðulaust og stýra
honum nákvæma leið. Hann
tryggði okkur titilinn."
Fyrir tveimur árum skoraði Can-
tona úr tveimur vítaspymum þegar
United vann Chelsea 4:0 í bikarúr-
slitum en hann var í leikbanni þeg-
ar Everton vann United 1:0 á
Wembley í fyrra. „Það skiptast á
skin og skúrir og ég er ánægður
núna,“ sagði kappinn sem átti stór-
an þátt í að United varð Englands-
meistari í þriðja sinn á fjórum
árum.
Elnstakur
„Það var frábært að fá Eric aft-
ur í liðið á tímabilinu og hann hef-
ur verið einstakur," sagði miðju-
maðurinn Roy Keane. „Menn geta
rétt ímyndað sér hvað við hefðum
gert í fyrra ef hann hefði ekki
verið í banni. Það er stórkostlegt
að hafa sigrað í deild og bikar
tvisvar á þremur árum en að þessu
sinni mátti gera ráð fyrir jöfnum
leik. Við byijuðum vel en fengum
öfluga mótspymu frá sterku liði
þó við hefðum á tilfinningunni að
við yrðum ekki yfirbugaðir."
Cantona sýndi rétt fyrir verð-
launaafhendinguna að ekkert gat
eyðilagt daginn og hann var
reynslunni ríkari. Þegar hann fór
fyrir sínum mönnum upp tröppurn-
ar að heiðursstúkunni lagðist einn
stuðningsmaður Liverpool lágt og
hrækti á fyrirliðann. Hann sneri
sér snöggt að honum, horfði í augu
hans, en hélt síðan áfram og brosti
dulúðlega. Hann var hinn sanni
sigurvegari og átti það skilið, en
framkoma áhorfandans í lokin var
honum til skammar.
Reuter
FRANSKI landsllAsmaAurinn Erlc Cantona hampar enska bikarnum á Wembley á laugardag, fyrstur útlendinga sem fyrirllAi. Honum á
vlnstri hönd eru Danlnn Peter Schmelchel, markvörAur United, írlnn Denls Irwln og Englendingurlnn Davld May.
Cantona ætlaði sér
alHaf að vera
áfram í Englandi
Eric Cantona, kóngurinn á Old
Trafford, sagði í viðtali við
Reuter
PETER Schmeichel markvöröur Manchester Unlted fagnar sigurmarkl
Eric Cantonas meö tilþrifum ásamt félögum sínum.
Verðum ad geva vel
í Meistaradeildinni
Manchester United varð Evrópu-
meistari meistaraliða 1968, fyrst
enskra liða, og lék til úrslita ári síðar
en hefur ekki síðan verið nálægt því að
vinna til æðstu verðlauna sem félagslið
í Evrópu á kost á. Eftir bikarsigurinn
gegn Liverpool sagði Alex Ferguson,
knattspyrnustjóri United, að aðalatriðið
væri að gera vel í Meistaradeild Evrópu
næsta tímabil.
„Við skuldum okkur og enskri knatt-
spyrnu að standa okkur betur í Evrópu-
keppninni en við höfum gert,“ sagði hann.
„Það besta við félag okkar er að ávallt
er haldið áfram veginn. Við höfum hæfi-
leikana en þurfum að bæta tæknina og
einn eða tveir leikmenn til viðbótar
styrkja okkur til muna. Ef til vill erum
við á byijunarreit. Við vitum að við verð-
um að gera betur og við ætlum að gera
það. Það er á hreinu."
United féll úr Evrópukeppninni 1993
til 1994 í annarri umferð og komst ekki
áfram í Meistaradeildinni í fyrra. En síðan
hafa orðið þijár veigamiklar breytingar.
í fyrsta lagi eru engar takmarkanir
varðandi fjölda erlendra leikmanna frá
Evrópska efnahagssvæðinu í kjölfar úr-
skurðar í Bosman-málinu.
í öðru lagi eru ungu leikmenn félagsins
reynslunni ríkari og þrátt fyrir ungan
aldur hræðast þeir ekki mótheijana á einn
eða annan hátt, en sex leikmenn sem
tóku þátt í bikarúrslitaleiknum voru yngri
en 22 ára.
í þriðja lagi er United með snillinginn
Eric Cantona. „Ég vil veita stuðnings-
mönnunum þá ánægju sem þeir eiga skil-
ið, þó ekki sé nema í 15 sekúndur,“ sagði
hann við BBC-sjónvarpsstöðina fyrir leik-
inn. Hann gerði það og gott betur með
markinu en tók undir orð Fergusons eftir
leikinn og sagði að huga þyrfti að því að
verða meistari í Meistaradeildinni. „Miklar
væntingar eru gerðar til okkar en við
höfum reynsluna og tækifærið er okkar.
Til að gleymast ekki er ekki nóg að verða
landsmeistari - lið verður að standa sig í
Evrópu.“
BBC-sjónvarpsstöðina sem birt var
fyrir bikarúrslitaleikinn að eftir að
hann var úrskurðaður í átta mánaða
keppnisbann í fyrra hefði aldrei
annað hvarflað að sér en vera áfram
í Englandi. Hann sagði einnig að
hann ætlaði að vera áfram í Eng-
landi og gæti hugsað sér að verða
knattspyrnustjóri þegar hann hætti
að leika. Ennfremur kom fram hjá
Frakkanum að hann væri tilbúinn
að leika með franska landsliðinu í
Evrópukeppninni í júní ef eftir því
yrði óskað en hann hefði ekkert á
móti því að fá frí til að hlaða raf-
hlöðurnar fyrir næsta tímabil.
Cantona fór'til Frakklands eftir
að hafa sparkað í áhorfanda og
stuðningsmenn Manchester United
víða um heim biðu í ofvæni eftir
því hvort hann snéri aftur. Alex
Ferguson, knattspyrnustjóri Un-
ited, fór til Frakklands til að ræða
við Cantona en Frakkinn sagðist
aldrei hafa verið í vafa um fram-
haldið. „Hann vissi að þetta var
erfiður tími hjá mér og spurði að-
eins hvort ég vildi yfirgefa ensku
knattspymuna en ég sagði einfald-
lega „nei“. Hann reyndi ekki að
tala um fyrir mér en vildi aðeins
hafa mig ef ég vildi vera. Ég var
nálægt því að semja við annað félag
því ég vissi ekki hvort Manchester
United vildi að ég yrði áfram hjá
félaginu. Ég var harðlega gagn-
rýndur og félagið líka en ég vildi
vera áfram.“
Ákvörðunin reyndist ekki auð-
veld í framkvæmd. „Eiginkona mín
var ófrísk en þetta var erfiðast fyr-
ir sjö ára son okkar því börn eru
óvægnari en fullorðið fólk og hann
fékk að finna fyrir því. En við rædd-
um málin við hann og töluðum mik-
ið saman. Konan stóðst álagið og
þar sem ég gat ekki leikið knatt-
spyrnu töluðum við um eitthvað
annað.“
Fjölskyldan hefur staðið af sér
mótlætið og hefur ekki í hyggju að
flytja aftur til Frakklands. „Eg verð
áfram í Englandi og verð jafnvel
knattspyrnustjóri. Ég vil vera hérna
vegna barnanna því þau eru í skóla,
vinirnir eru hérna og þau eru
ánægð.“
Cantona sagði að gaman yrði að
spila fyrir Frakkland í Evrópu-
keppninni en líka væri gott að fá
frí fyrir átökin næsta tímabil. „Ég
þarf frí vegna þess að tímabilið er
langt í ensku knattspyrnunni og svo
erum við í Meistarakeppni Evrópu.
Það tekur á að vera í Meistaradeild-
inni og menn verða þreyttir eftir
hana rétt eins og eftir síðustu
Heimsmeistarakeppni og reyndar
öll slík mót. Meistaradeildin er mjö
gmikilvæg fyrir Manchester United
og við viljum allir verða meistarar.
Það er mikilvægt fyrir enska knatt-
spyrnu, mikilvægt fyrir Manchester
United.“
Manchester United hefur gengið
vel undanfarin ár en Cantona sagði
að næsta tímabil yrði prófraun fyr-
ir ungu leikmenn félagsins. „Strák-
arnir hafa verið dásamlegir en
næsta tímabil er mikilvægast fyrir
þá. Það verður erfiðast eftir að
hafa orðið meistarar."
Hann sagðist ekki vera fyrir-
mynd elsta sonar síns, því strákur-
inn dýrkaði danska markvörðinn
Peter Schmeichel. „Hann hefur litið
upp til Peters síðan hann var
þriggja eða ijögurra ára. Hann er
fyrirmyndin, ekki ég. Ég er vinur
hans og ég vil að hann sé vinur
minn því ég elska hann.“
Cantona hældi ensku knattspyrn-
unni, sagði að tæknin væri sú besta
í Evrópu „en hugsanlega má vinna
meira i skemmtanagildinu og sköp-
uninni.“
Hann sagðist hafa róast eftir
atvikið í fyrra en neitaði að það
hefði breytt sér. „Sjálfstraustið hef-
ur alltaf verið mikið hjá mér. Ég
er ekki hrokafullur eins og fólk
segir heldu rfullur sjálfstrausts. Ég
hef ekki breyst heldur geri aðeins
það sem ég hef alltaf gert. Ég reyni
að lifa í sátt og samlyndi við sjálfan
mig og ef til vill er það ástæðan
fyrir því hvernig ég spila núna.“
KR Reykjavíkurmeist-
arí þriðja áríð í röð
ValurB.
Jónatansson
skrifar
KR-INGAR urðu Reykjavíkur-
meistarar í meistaraflokki karla
knattspyrnu þriðja árið í röð
á sunnudaginn. Þeir sigruðu
Fylkismenn 4:2 í skemmtileg-
um úrslitaleik sem fram fór við
frábærar aðstæður á Laugar-
dalsvelli. Guðmundur Bene-
diktsson skoraði þrennu fyrir
KR og var markahæsti leikmað-
ur mótsins annað árið í röð.
Leikurinn fór ijörlega af stað og
strax á fyrstu mínútu leiksins
fengu Fylkismenn sannkallað
dauðafæri. Andri
Marteinsson komst
upp að endamörk-
um hægra megin og
sendi fyrir markið
og þar kom Finnur Kolbeinsson á
fullri ferð að ijærstöng en skaut
yfir markið. KR-ingar svöruðu með
því að skora fyrsta markið á 3.
mínútu. Guðmundur Benediktsson
tók þá aukaspyrnu rétt utan víta-
teigs og Kjartan varði gott skot
hans, en missti knöttinn frá sér til
Ólafs Kristjánssonar sem fylgdi vel
á eftir og skoraði.
Vesturbæjarliðið fylgdi þessu
eftir með miklum sóknarþunga og
oft skall hurð nærri hælum við
mark Fylkis og Kjartan markvörð-
ur hafði nóg að gera fram að hálf-
leik.
KR skoraði úr sinni fyrstu alvöru
sókn í síðari hálfleik. Einar Þór
Daníelsson átti heiðurinn að því.
Hann vann boltann á miðjunni, lék
upp að vítateig og sendi inn á
Guðmund Benediktsson sem lyfti
knettinum snyrtilega yfir Kjartan
í markinu.
Fimm mínútum síðar minnkaði
Gunnar Þór Pétursson, sem var
nýkominn inn á sem varamaður,
muninn með fallegu marki. Hann
skaut föstu vinstri fótar skoti frá
vítateig sem Kristján átti ekki
möguleika á að veija. Fylkismenn
voru enn að fagna marki Gunnars
er þeir fengu á sig þriðja markið
sem var nokkuð skondið. KR-ingar
tóku miðju. Ásmundur sendi á
Guðmund Benediktsson sem skor-
aði frá miðju. Kjartan markvörður
áttaði sig ekki á þessu og var kom-
inn of langt út úr markinu og það
nýtti Guðmundur sér.
Fjórða mark KR kom á 72. mín-
útu og kom það eftir þunga sókn.
Guðmundur fékk boltann inn í víta-
teiginn frá Hilmari og lagði hann
fyrir sig í rólegheitum og sendi
hann örugglega í vinstra mark-
hornið og innsiglaði þar með
þrennu sína. Tveimur mínútum síð-
ar fengu Fylkismenn vítaspyrnu er
Finni Kolbeinssyni var brugðið inn-
Morgunblaðið/Bjami
HILMAR Björnsson, lelkmaður KR, með knöttinn andspænls
Ómari Valdimarssynl einum varnarmanna Fylkis.
an vítateigs KR. Kristinn Tómasson
tók spyrnuna og skoraði af öryggi,
4:2, og það urðu lokatölurnar.
Leikurinn var skemmtilegur á
að horfa þó svo að vorbragur hafi
verið á honum á stundum. Leik-
menn eiga enn eftir að fínpússa
spilið en hann lofar góðu fyrir sum-
arið. KR-ingar voru mun betri og
sigur þeirra sanngjarn. Ólafur
Kristjánsson og Guðmundur Bene-
diktsson voru bestu leikmenn KR
og Einar Þór og Hilmar voru ógn-
andi á köntunum. Hjá Fylki var
Þórhallur Dan bestur og eins komst
Finnur Kolbeinsson vel frá sinu.
Lofar góðu fyrir sumarið
„Ég er auðvitað ánægður með
sigurinn. Það var margt ágætt í
þessum leik og hann lofar góðu
fyrir sumarið," sagði Lúkas Kostic,
þjálfari KR, eftir sigurinn á Fylki
í úrslitum Reykjavíkurmótsins.
„Það er hálfur mánuður í íslands-
mót og þann tíma ætlum við að
nota vel til að fínpússa leik okkar.“
„KR er búið að taka þátt í þrem-
ur mótum síðan ég tók við liðinu
og unnið þau öll. Fyrst íslandsmót-
ið innanhúss, síðan Reykjavíkur-
mótið innanhúss og nú Reykjavík-
urmótið utanhúss. Þetta er góð
byrjun á tímabilinu og nú þarf að
fylgja henni eftir í sjálfu Islands-
mótinu. Við erum með gott lið og
ég treysti strákunum til að ná góð-
um árangri í sumar og er bjartsýnn
á gott gengi.“
íslendingar unnu Svía
ÍSLENSKA kvennalandsliðið í knattspyrnu sigraði unglingalandslið
Svía, skipað stúlkum 20 ára og yngri, 2:1 í vináttuleik í Sandgerði á
sunnudag.
Svíar gerðu eina mark fyrri hálfleiksins en Ragna Lóa Stefánsdótt-
ir jafnaði; skoraði úr þröngu færi eftir að hafa komist í gegnum vörn
gestanna. Allt virtist stefna í jafntefli þegar Guðrún Sæmundsdóttir
skoraði sigurmark íslands af harðfylgi skömmu fyrir leikslok.
Dortmund varði titilinn
Dortmund tryggði sér þýska
meistaratitilinn i knattspyrnu
í fjórða sinn um helgina þegar liðið
gerði 2:2 jafntefli við 1860 Múnc-
hen og Bayern Miinchen tapaði 2:1
í Schalke. Dortmund er með ijög-
urra stiga forystu á Bayern og
aðeins ein umferð eftir.
Þýski landsliðsmaðurinn Stefan
Reuter skoraði fyrir Dortmund á
38. mínútu og Michael Zorc bætti
öðru marki við um miðjan seinni
hálfleik en Olaf Bodden tryggði
heimamönnum jafntefli, skoraði á
61. og 81. mínútu. Andreas Muller
gerði sigurmark Schalke gegn Bay-
ern á síðustu mínútu og þar með
var Dortmund orðið meistari.
Dortmund hefur eini sinni áður
varið titilinn en félagið varð meist-
ari 1956, 1957, 1963 og 1995.
„Þetta fór eins og við áttum von
á,“ sagði Franz Beckenbauer, for-
maður Bayern, sem tók við stjóm
liðsins fyrir skömmu.
„Við gerðum okkur sjálfir lífið
leitt á stundum í leiknum en það
er gleymt og grafið,“ sagði Reuter.
„Þetta er mikilvægari sigur en í
fyrra. Mörg lið hafa fagnað meist-
aratitilinum en lið þurfa að vera
mjög góð til að veija hann.“
Gífurleg fagnaðariæti brutust
út á ólympíuleikvanginum í
Munchen, heimavelli Bayern og
1860 Munchen, þegar úrslitin í
Schalke lágu fyrir. „Þungu fargi
er af mér létt,“ sagði Ottmar Hitz-
feld, þjálfari Dortmund. „Þetta var
erfiður leikur og ekki var hlaupið
að því að verja titilinn. Það voru
hæðir og lægðir í þessu hjá okkur
og oft þurftum við að vera sterkir
á taugurn." Hann gaf sér tíma til
að styðja Otto Rehhagel, sem var
rekinn frá Bayern fyrir tveimur
vikum þrátt fyrir að hafa komið
liðinu í úrslit í Evrópukeppni fé-
lagsliða. „Hann var látinn fara
þegar fjórar umferðir voru eftir og
það er slæmt mál. Ég vona að
hann fái starf hjá sterku félagi
fljótlega."
Beckenbauer viðurkenndi eigin
mistök. „Ég vissi að ég gerði ekki
kraftaverk á þremur vikum. Þetta
var allt of seint. Annaðhvort átti
ég að láta slag standa eða taka
fyrr í taumana.“
Bayern var nefnt „draumaliðið“
í byijun tímabilsins vegna stjörnu-
leikmanna sem félagið keypti og
góðrar frammistöðu í fyrstu um-
ferðunum en það stóð ekki undir
nafni. „Við misstum hvorki af titlin-
um á móti Bremen né Schalke held-
ur á öllu tímabilinu,“ sagði fyrirlið-
inn Lothar Mattháus. „Við sýndum
ekki nógu miklan stöðugleika á
leiktíðinni og áttum ekki skilið að
vera meistarar,“ sagði Jurgen
Klinsmann.
Spennan hjá toppliðunum var
mikil í vetur. Beckenbauer og leik-
menn Bayern rifust opinberlega en
Dortmund tókst að leysa málin inn-
anhúss og Matthias Sammer hrós-
aði formanninum Gerd Niebaum
fyrir að hafa tekið rétt á málunum.
Formaðurinn gerði nýja samninga
við leikmenn þegar orðrómur var
um að þeir vildu fara og talaði
tæpitungulaust við leikmennina
fyrir luktum dyrum. „Tvö atriði
gerðu það að verkum að við urðum
meistarar," sagði Sammer. „í
fyrsta lagi stóðu menn saman 0:
leystu smáatriðin í sameiningu
öðru lagi tók formaðurinn af skarið
á réttum tíma.“ „Þetta var tauga-
keppni og við vorum taugasterk-
ari,“ sagði Niebaum.
ÞORMÓÐUR Egilsson fyrir-
líði KR með sigurlaunin í
Reykjavíkurmótlnu.
Signori og
Protti
marka-
kóngar
GIUSEPPE Signori hjá Lazio og
Igor Protti hjá Bari urðu marka-
kóngar í ítölsku deildinni að
þessu sinni, gerðu sín 24 mörkin
hvor.
Signori skoraði í 2:0 sigri á
móti fallliði Tórínó en Protti, sem
var til þess að gera óþekktur í
ítölsku knattspyrnunni fyrir
tímabilið, gerði bæði mörkin I
2:2 jafntefli gegn Juventus.
AC Milan vann Cremonese 7:1
og varð meistari með 73 stig.
Juventus varð í öðru sæti með
65 stig og fer líka í Meistara-
keppni Evrópu með sigri gegn
Ajax í úrslitaleik keppninnar í
Róm 22. maí. Lazio og Fiorentina
fengu 59 stig en Roma og Parma
58 stig. Fiorentina fer í Evrópu-
keppni bikarhafa sigri liðið Atal-
anta í úrslitum bikarkeppninnar,
en liðið vann fyrri leikinn 1:0.
Þrátt fyrir frammistöðu Prott-
is varð Bari að sætta sig við fall
ásamt Tórínó, Cremonese og
Padova.
Auxerre
franskur
meistari
AUXERRE gerði 1:1 jafntefli við
Guingamp og tryggði sér þar
með franska meistaratitilinn í
knattspyrnu í fyrsta sinn. Liðið,
sem vann Nimes 2:1 í bikarúrslit-
um fyrir 10 dögum, er með fjög-
urra stiga forystu á PSG, Món-
akó og Metz en ein umferð er
eftir.
Bernard Diomede skoraði fyr-
ir Auxerre eftir 11 mínútna leik
og liðið hafði undirtökin þar til
Georghe Mihali jafnaði 10 mínút-
um fyrir leikslok.
Auxerre fagnaði fyrst titli þeg-
ar liðið varð bikarmeistari 1994.
„Það er sanngjarnt að þeir sem
hafa lengi lagt mikið á sig upp-
skeri einhvern tíma,“ sagði Guy
Roux, sem hefur verið þjálfari
Auxerre í 35 ár. Hann er þekktur
fyrir að „búa til“ góða leikmenn,
m.a. Eric Cantona, sem hóf feril-
inn þjá Auxerre, og hrósaði leik-
mönnum sinum. „Leikmennirnir
hafa verið frábærir allttímabilið
og eiga skilið að vera meistarar."
Luis Fernandez, þjálfari PSG,
sem hefur oft skopast að um-
hyggju Roux, samgladdist hon-
um. „Ég er ánægður fyrir hans
hönd. Ilann hefur beðið eftir
þessu svo lengi.“ Auxerre hefur
ávallt verið í skugga „stóru“ og
ríku félaganna en Fernandez gaf
til kynna að það gæti breyst. „Nú
getur Roux ekki lengur sagt að
hann sé fátækur. Titillinn gerir
það að verkum að hann verður
ríkur.“