Morgunblaðið - 19.06.1996, Blaðsíða 8

FOLK
MIÐVIKUDAGUR 19.JÚNÍ 1996
SÍLDIIM MÆLD

• SIGURÐUR Einarsson mælir
síldina og tekur magasýni í rann-
sóknarleiðangri um borð í Árna
Priðrikssyni, einu af skipum
Hafrannsóknastofnunarinnar.
Hafrannsóknastofnun hefur að
undanförnu verið við rannsóknir
á norsk-íslenzku sildinni í Síldar-
smugunni og víðar. Útbreiðsla
síldarinnar skiptir miklu máli,
Morgunblaðið/Muggur
því á henni grundvallast skipting
aflaheimilda milli þjóðanna, sem
gera tilka.ll til veiða, íslands,
Noregs, Rússlands, Færeyja og
landa innan ESB.
Grásleppuvertíðin ínun
lélegri en á síðasta ári
GRASLEPPUVERTIÐINNI er að
ljúka víðast hvar og hefur veiði
verið með lélegra móti. Aflinn nú
er um 4.000 tunnum minni miðað
við sama tíma í fyrra. Grásleppu-
karlar á norður- og austurlandi og á Reykjanesi mega vera með net sín í sjó til
20. júní en flestir hafa þegar tekið netin í land enda veiði verið með afbrigðum
léleg í þessum landshlutum.
4.000 tunnum minna
komið af hrognum nú
Samkvæmt tölum frá Landsambandi
smábátaeigenda er veiðin það sem af
er þessu ári áætluð um 7.598 tunnur
sem er mun lakara miðað við sama
tíma í fyrra þegar að veiðst höfðu
11.259 tunnur. Leita verður aftur til
ársins 1990 til að finna lélegri veiði
en þá veiddust um 6.500 tunnur.
Þokkalegt í Breiðafirði
Grásleppubátar á Vesturlandi mega
vera með net í sjó til 20. júlí og til 5.
ágúst inn við Breiðafjarðareyjar. Björg-
ólfur Björnsson, útgerðarmaður í Olafs-
vík, segir að grásleppan hafi gengið
þokkalega hjá sér í ár og heldur lagast
frá því á síðustu árum. Skammturinn
sé um tvær tunnur á dag núna en
hafi verið meiri til að bytja með. Hann
segist vera búinn að fá um sjö og hálft
tonn af hrognum og það sé nokkuð
góður afli miðað við netafjölda en hann
er með um 100 net í sjó.
Björgólfur segist hafa miklar
áhyggjur af umgengninni við gráslepp-
una og Hafrannsóknastofnun hafi ekki
tekið mark á aðvörunarorðum grá-
sleppusjómanna. „Við höfum varað við
of miklum netafjölda hjá sumum bát-
um enda hafa margir verið að fjölga
hjá sér netum til að auka afla. Samt
hefur afli minnkað en útgerðakostnað-
ur stóraukist. Við erum einig ósáttir
við að engar rannsóknir hafa verið
gerðar á stofninum þrátt fyrir minni
afla. Það er verið að veiða mikið magn
af grásleppu í snurvoð og rækjutroll
inn með öllum fjörðum. Einnig fá
loðnuskip mikið af ókynþroska grá-
sleppu í nótina fyrir austan land. Þetta
hafa þeir hjá Hafró ekki viljað hlusta
á,“ segir Björgólfur.
Jafnari veiði á Bakkafirði
Marínó Jónsson á Bakkafirði segir
grásleppuvertíðina hafa verið frekar
lélega þetta árið. Meirihluti bátanna
væri hættur en hann sagðist sjálfur
eiga eftir nokkrar trossur í sjó. „Ætli
það séu ekki komnar rúmlega 40
tunnur hjá mér núna sem er lélegra
en í fyrra. Þó má segja að veiðin sé
miklu jafnari en í fyrra og sumir að
fá betri afla. Svo hefur tíðarfarið
heldur ekki verið til að hjálpa til,“
segir Marínó.
SVN Fréttir
af stokkunum
• SÍLDARVINNSLAN í Nes-
kaupstað hefur nú hafið út-
gáfu fréttabréfsins SVN Frétt-
ir. Stefnt er að því að frétta-
bréfið komi út fjórum sinnum
á ári og verði 4 tii 8 síður að
stærð. Ábyrgðarmaður frétta-
bréfsins er Finnbogi Jónsson,
framkvæmdastjóri SVN, en
fréttabréfið er unnið af þeim
Elmu Guðmundsdóttur og
Steinþóri Þórðarsyni og
prentað í Nesprenti í Nes-
kaupstað. Efni þessa fyrsta
fréttabréfs er fjölþætt og víða
komið við. Þetið er um fram-
kvæmdir, sem í gangi eru,
greint frá nýjungum í starfsem-
inni, sagt frá afkomu fyrirtæk-
isins og rætt við starfsmenn.
Fastur þáttur í blaðinu verður
starfsmannakynning og í þessu
blaði er stutt kynning á fjórum
starfsmönnum, sem lengi hafa
unnið hjá SVN. Guðbjörg
Þórisdóttir hóf störf í frysti-
húsinu um sumarið 1950, þá
13 ára gömul. Frystihúsið hef-
ur til þessa verið eini starfsvett-
vangur Guðbjargar utan heim-
ilisins. Núna vinnur hún „bara“
fyrir hádegi í Súninu, eins og
þeir segja sem hófu þar storf
áður en Síldarvinnslan tók við
rekstrinum. Hans Sigfússon,
eða Hansi eins og hann er kall-
aður í daglegur tali, hefur
starfað hjá SVN í 33 ár. Hann
er lærður rafvirki og starfaði
'*F - n MAHU ^ • |
Guðbjörg Þórisdóttir Hans Sigfússon
BHri| i í „-i iMm
Laufey Þóra Víglundur
Sveinsdóttir Gunnarsson
sem slíkur í bræðslunni í 11
ár. Hann hefur verið bílstjóri
hjá fyrirtækinu síðastliðin 22 á
auk þess að sinna ýmsum öðr-
um verkefnum sem til falla.
Laufey Þóra Sveinsdóttir er
trúnaðarmaður starfsfólksins í
frystihúsinu og hefur gengt
þeirri trúnaðarstöðu frá árinu
1990. Hún hóf fyrst störf í
frystihúsinu 1972, en hefur nú
unnið þar samfellt í 11 ár. Hún
segir starf trúnaðarmanns yfir-
leitt renna ljúflega, en þegar
mikið sé umleikis komi stund-
um upp ýmis mál, sem hún
þurfi að sinna. Víglundur
Gunnarsson er úr löndunar-
genginu. Hann bytjaði sem
unglingur í síldarbræðslunni og
var þar í 6 ár. Hann var eina
vertíð á sjó hjá SVN en snéri
sér síðan að eigin rekstri. Hann
hóf aftur störf hjá SVN fyrir
19 árum og hefur að langmestu
leyti verið í löndunargenginu
svokallaða og stjórnað lönd-
unarkrönum og annazt viðhald
á þeim.
Utflutningur eða dauði
• DR. ARNAR Bjarnason hef-
ur gefið út bókina Útflutningur
eða dauði; íslenskur sjávar-
útvegur, eðli og hegðun út-
flutningsgeirans. Bókin er
byggð á doktorsritgerð Arnars
sem hann varði við háskólann
í Edinborgí maí 1994. Bókin
er á ensku og Sjávarútvegs-
stofnun Háskóla Islands gefur
bókina út ásamt Arnari.
Arnar segir í bókinni að
miklar breytingar hafi átt sér
stað á undanförnum árurn í
útflutingi sjávarafurða frá Is-
landi, einkum hvað varði fjölda
útflutningsfyrirtækja, mark-
aðssvæði, útflutningsaðferðir
og tegundir sjávarafurða.
í bókinni er m.a. fjallað um
efnahagsþróun á íslandi á und-
anförnum árum og mikilvægi
útflutnings fyrir þjóðina, þá
sérstaklega með tilliti til út-
flutnings á sjávarafurðum.
Lýst er viðskiptaumhverfi sjáv-
arútvegsins, sögulegri þróun
og núverandi einkennum hans.
Þá gerir höfundur ýtarlega
grein fyrir útflutningi sjávaraf-
urða og lýsir helstu gerðum
Morgunblaðið/Þorkell
útflutningfyritækja sem hér er
að finna, hvað hefur valdið
breytingum á útlutningshegð-
un fyrirtækjanna, einkennum
markaðsstefnunnar og greinir
frá helstu hindrunum sem á
vegi manna verða. Við rann-
sóknina ræddi Arnar við for-
svarsmenn 60 fyrirtækja sem
stunda útflutning á sjávaraf-
urðum frá íslandi. Arnar telur
bókina ekki aðeins gagnlega
þeim sem vinna við eða rann-
saka útflutning heldur öllum
þeim sem áhuga hafa á fiskút-
flutningi.
Ysa í tómatpúrre
MARGIR sjómenn hafa litið við á Sjómannastofunni Vör
í Grindavík og fengið sér í gogginn. Þeir Sigurgeir
Sigurgeirsson og Reynir Karlsson,
ftiiiit'iaiiilililiilir'lll^B matreiðslumenn á sjómannastofunni,
eru úrvals kokkar enda í nánum tengslum við allt sem
viðkemur sjávarfangi í Grindavík. Þeir senda okkur hér
yúfengan og fljótlegan ýsurétt.
ca. 200 gr. roðflett ýsuflök
1/2 laukur
1/2 matskeið smjörliki
1/2 dl. vatn
1/2 matskeið tómatpúrre
1/2 teskeið timian
1/2 teskeið esdragon
1/2 teskeið pipar
1/2 teskeið salt
Saxið niður laukinn og steikið hann mjúkan í snýör-
líki, bætió við vatni, tómatpúrre, kryddinu og saltinu á
pönnuna, hrærið og látið blandast vel. Leggið siðan
ýsuflökin á pönnuna, ofan á blönduna og látið sjóða við
vægan hita þar til fiskurinn er orðinn hvítur.
Berið fram með hrísgijónum eða kartönum og fersku
salat.