Morgunblaðið - 12.07.1996, Page 7

MORGUNBLAÐIÐ
FÖSTUDAGUR 12. JÚLÍ 1996 B 7
DAGLEGT LÍF
geta brunnið illa á öxlunum þegar
þau busla. Með því að hafa þessi
einföldu atriði í huga þarf enginn
að brenna og þá heldur ekki að missa
úr daga í sólinni vegna sólbruna.
Og „siesta“, hvíldartíminn um miðj-
an daginn er guils ígildi.
í skoðunarferðum
Þeir skoðunarglöðu láta ekki sum-
arhitana aftra sér frá að fara í skoð-
unarferðir og þá er spurning hvernig
á að láta sér líða sem best. Best er
að taka daginn snemma og draga
sig í hlé um miðjan daginn, ef hægt
er. Versti klæðnaðurinn er stuttbux-
ur og hlýrabolir eða annar örklæðn-
aður, því þá kemst sólin að og
maður getur brunnið, auk þess
sem siíkur strandklæðnaður er
oft bannaður í kirkjum eða öðr-
um helgistöðum, eða litinn
óhýru auga í kaþólskum lönd-
um. Kvenfólk er mun betur
sett í víðum stutterma og
hálfsíðum kjólum, þar sem
ermarnar ná niður á hand-
leggi, stutterma blússum og
víðum, hálfsíðum piisum
eða buxum. Karlmenn í víð-
um stutterma skyrtum eða
bolum og bermudabuxum,
þessum stuttbuxum sem ná
niður undir hné, eða bara
síðbuxum. Með öðrum orð-
um, engin þröng föt og ekki
vera of ber.
Mörgum finnst gott að hafa
eitthvert höfuðfat, hvort sem
er stráhattur, derhúfa eða skupla.
Efnið í fötunum á endilega að vera
bómull eða önnur náttúruefni. Vis-
kósi er trefjaefni og sumar tegund-
ir þess eru góðar í hita, en það
besta er hör, því það loftar svo
þægilega í gegnum hann. Hann
krumpast reyndar óskaplega, en
það er bara hluti af útlitinu. Ef þið
lítið í kringum ykkur á suðrænum
slóðum þá sjáið þið enga innfædda
ganga um hálfnakta á strætum
borga og bæja, ekki bara af því
það sé ósiðlegt, heldur ein-
faldlega af því það er
þægilegra að klæða af
sér hitann í þægileg-
um flíkum. B"esti
skófatnaðurinn
eru góðir sand-
alar, sem mað-
ur hefur gengið til heima
eða aðrir opnir, þægi-
legir skór, sem þola
göngu og þrútna fæt-
ur. Mörgum finnst
góð sólgleraugu
ómissandi, en það er
smekksatriði.
Á borgargöngu
kemst maður ekki hjá
að verða rykugur og
sveittur, en með því að hafa papp-
írsservíettu í hendinni og reyna að
snerta sem minnst er ótrúlegt hvað
hægt er að halda lófunum ferskum,
því servíettan dregur í sig svitann.
Svo hefur maður auðvitað vatns-
flösku í töskunni og eins og nefnt
er á eftir er mun betra að drekka
volgt vatn en ískalt.
Mataræði
Líka hér eru þeir innfæddu góð
fyrirmynd, því um alla Suður-Evrópu
og víðast annars staðar
í heitum löndum er mik-
ið borðað af grænmeti
og ávöxtum. Margir
kvarta um magapestir
suðurfrá og það er auð-
vitað staðreynd að þar
eru margar göróttar
bakteríur á sveimi, en
það er líka staðreynd
að stöðugt þamb af ís-
vatni, ísköldum gos-
drykkjum eða ísát er
ekki til bóta, að
ónefndu áfengi.
Spurning er hvort
dijúgur hluti
magakveisa norð-
urhveisbúa á ferðlagi á suður-
slóðum stafi ekki fremur af
óviturlegu líferni en bakteríun-
um.
Það er góð regla að borða
ekki hrátt grænmeti, nema
maður hafi sjálfur farið um það
höndum eða borði hjá hreinlátu
fólki í heimahúsum. Ávextir,
sem þarf að skræla koma auðvit-
að hreinlætislega innpakkaðir og
þá þarf ekki að óttast að leggja sér
þá til munns. Vatnið er best að
kaupa á flöskum, en gætið þess að
það komi ekki í opnum flöskum að
borðinu á veitingahúsinu, heldur að
það sé opnað við borðið. Hinir inn-
fæddu drekka lítið af ísvatni og
einnig í því er gott að taka þá sem
fyrirmynd. Það þýðir lítið að passa
sig að drekka bara flöskuvatn, ef
maður setur svo ísmola í, sem eru
gerðir úr kranavatni.
Sama á við um gosdrykki: drekk-
ið þá ekki ískalda, ekki með klaka
og sem minnst af þeim. Haldið ykk-
ur frekar við vatnið og fremur kol-
sýrulaust en kolsýrt. Fyrir norður-
hvelsbúa fara áfengi og hitar illa
saman. Það er enginn að tala um
bindindi, en látið nægja borðvín eða
létta fordrykki undir kvöld eða á
kvöldin. Farið afar sparlega með
sterka drykki, þótt verðlagið geri
þá freistandi, að minnsta kosti ef
ykkur er annt um heilsuna og vellíð-
anina í sólinni.
Það er aldrei sniðugt að vera að
narta í snarl og sælgæti og sólarferð-
ir eru þar engin undantekning.
Reynið að fá ykkur eitthvað í morg-
unmat, ef þið eru vön því. Annars
léttan hádegisverð og svo eitthvað
gott á kvöldin. Það er engin ástæða
til að skilja líkamann útundan í frí-
inu og leiða eitthvað harðræði yfir
hann. Með smá umhugsun getur
sumarleyfið orðið reglulega ánægju-
legt, líka í miklum hita.
ar ég verð þess áskynja að konur
dæma mig eftir útlitinu. Þær eru
sannfærðar um að ég noti útlitið til
að komast yfir konur og hljóti að
sofa hjá þeim öllum. Slíkt er Ijar-
stæða og fráleitt að ætla að útlitið
ráðu einhveiju um hvernig frammi-
staðan er í rúminu, en sumar konur
virðast hafa miklar vonir og vænting-
ar í þeim efnum þegar myndarlegir
karlar eiga í hlut,“ segir Sculfor, sem
stundum óskar þess að líkjast fremur
Bob Hoskins, leikaranum lágvaxna
og sköllótta.
Janet Sayers, sáifræðingur við
Háskólann í Kent, segir að myndar-
legir karlar virki eins og segulstál á
margar konur. „Með þeim finnst
konunum þær vera fegurri en ella.
Ýkt dæmi er svokölluð Don Juan
manngerð, sem í bernsku var auga-
steinn móður sinnar. Slíkur karl
þarfnast stöðugrar fullvissu um eigið
ágæti. Því er engin furða að konur
séu taugaóstyrkar í návist hans, ekki
einungis vegna þess að þarfirnar að
þessu leyti eru óseðjandi heldur líka
vegna þess að hann gerir miklar
kröfur um fullkomið útlit vinkvenna
sinna."
Konur hafa löngum þótt meira
fyrir að fylgja tískunni en karlar.
Þær snyrta sig yfirleitt og farða í
ríkara mæli en karlamir og sumar
eru ekki mönnum sinnandi ef þær
fá litla, nánast ósýnilega bólu á and-
litið. Séu karlar eins uppteknir af
útlitinu er stundum talað um sjálfs-
dýrkun. í Zest segja tvær konur frá
reynslu sinni af einstaklega fríðum
kærustum. „Michael var fullkominn.
Konur sneru sér umvörpum við á
götu til að horfa á eftir honum. Eg
komst að því að hann þoldi ekki ef
athyglin beindist að mér og hann sló
mér aldrei gullhamra, hversu glæsi-
lega klædd og vel snyrt sem ég var.
Síðar komst ég að því að hann hafði
haldið framhjá mér og lét hann róa,“
segir 31 árs hárgreiðslukona.
Georgia, 36 ára, fékk sig líka
fullsadda á einum guðumlíkum og
segist aldrei treysta fríðum karli
framar. „Fríðir karlar, sem komast
allt á útlitinu, þroskast ekki á sama
hátt og aðrir karlar, því þeir þurfa
ekkert fyrir lífinu að hafa og geta
fengið allar stúlkur sem þeir vilja.“
Sjálfsímynd kvenna á þátt í tor-
tryggni þeirra gagnvart myndarleg-
um körlum. Dr. Marlow segir að
konur kjósi oft maka, sem eru áþekk-
ir þeim að útliti. „Ef konu finnst
karlinn myndarlegri en hún er hún
sannfærð um að honum sé ekki
treystandi. Útlitið virðist því oft
skipta meira máli en ýmsir eiginleik-
ar þegar að makavali kemur.“
Láta stjórnast af
lágu sjálfsmati
Sylvia Milton, ráðgjafi í kynlífssál-
fræði, segir að sé sjálfsímynd kvenna
lítil trúi þær ekki að myndarlegur
karl sjái eitthvað við þær og séu stöð-
ugt að prófa karlinn, t.d. með því
að kynna hann fyrir forkunnarfögr-
um vinkonum sínum, til að vita hvort
hann fari á fjörurnar við þær.
Dr. Wolfson segir að lítið sjálfs-
mat megi oft rekja til æskuáranna.
Hún ráðleggur konum að ígrunda
vel hvers vegna þær vantreysti fríð-
um karli áður en þær afskrifi hann.
Fleiri fræðingar taka í sama streng.
Anne Dickson, sálfræðingur og höf-
undur bókarinnar A Woman in Your
Own Right segir að sjálfsmjmdin sé
samofin þörfinni á viðurkenningu,
en konur þurfi fyrst og fremst að
meta sjálfar sig að verðleikum.
í umræddri tímaritsgrein segir að
ekkert sé eðlilegra en að konur falli
fyrir karlímynd drauma sinna. Hins
vegar verði þær að varast að verða
taugaóstyrkar og ímynda sér að þær
séu ekki nógu góðar fyrir þann sem
þær telja fríðastan. Með því að van-
treysta karlmanni einungis vegna
þess að hann lítur óvenjulega vel út
og láta ýmsa hugaróra í því sam-
bandi villa um fyrir sér er óvirðing,
sem konur, litu þær í eigin barm,
myndu ekki láta bjóða sér segir enn-
fremur í greininni.
„Ef líkamlegt aðdráttarafl, sem í
upphafi laðar fólk hvort að öðru,
þróast ekki í raunverulega væntum-
þykju, er lítið til að byggja á,“ segir
Paul Sculfor, sem viðurkennir að
hafa á sínum yngri árum alltaf farið
út með afburðafögrum stúlkum.
„Slíkt gerði ég einungis til að bæta
eigin ímynd, en uppgötvaði þó um
síðir að innst inni veittu slík sambönd
mér enga fullnægju. Hvort sem fólk
er venjuleg útlits eða óvenjulega
myndarlegt þrá allir það sama, þ.e.
að elska og vera elskaðir, segir fríð-
leikspilturinn Paul Sculfor. ■
r