Morgunblaðið - 18.07.1996, Blaðsíða 2
2 C FIMMTUDAGUR 18. JÚLÍ 1996
MORGUNBLAÐIÐ
r
ÍÞRÓTTIR
GOLF / OPNA BRESKA MEISTARAMOTIÐ
Reuter
Völlurinn tekinn út
BRETINN Nick Faldo ræðir hér við sænsku stúlkuna Fanny Sunesson um hvernig best sé að bera sig að á Lytham vellinum.
Hinum heimsfræga kennara David Leadbetter virðlst leiðast.
Er tími ungu kylfing-
anna runninn upp?
FLESTIR bestu kylfingar heims verða f sviðsljósinu í Englandi,
opna breska meistaramótið f golfi hefst í dag á Lytham golfvellin-
um. Spennan fyrir mótinu er mikil, enda er þetta eitt af fjórum
stærstu golfmótum ársins. Eins og venjulega fyrir stórmót velta
menn þvf fyrir sér hver teljist Ifklegastur sigurvegari. Margir
telja að nú sé tími ungu kylfinganna kominn og þá eru þeir Ernie
Els frá Suður-Afrfku og Phil Mickelson frá Bandaríkjunum oftast
nefndir til sögunnar. Báðir eru þeir 26 ára gamlir og hafa verið
í fremstu röð kylfinga undanfarin ár.
Mm
FOLX
■ ENSKA 1. deildarfélagið Birm-
ingham City nældi sér á þriðjudag
í framherjann Paul Furlong frá
Chelsea, en samningur Furlongs
við Birmingham mun vera til fjög-
urra ára og hljóða upp á 150 millj-
ónir íslenskra króna.
■ HOLLENSKI landsliðsmaður-
inn Johan de Kock skrifaði á
þriðjudag undir þriggja ára samn-
ing við þýska félagið Schalke ’04.
Kock, sem er 31 árs gamall varnar-
maður, var áður í herbúðum Roda
JC á Hollandi og átti hann sæti í
landsliðshópi Hollendinga, sem
þátt tók í Evrópukeppninni á Eng-
landi í síðasta mánuði.
■ ÓVÍST er hvort enska úrvals-
deildarliðið Liverpool mun geta
leikið tvo fyrirhugaða æfingaleiki á
N-írlandi í næsta mánuði sökum
nýafstaðinna óeirða í landinu. Liv-
erpool átti að leika gegn Linfield
og Dundalk og bíða þeir nú aðeins
að ólgan lægi á N-írlandi og vona
að yfirvöld landsins hleypi þeim
yfir landamærin.
■ NÝJUSTU fregnir frá High-
bury herma, að Arsenal sé á hött-
unum eftir portúgalska landsliðs-
manninum Rui Costa. Costa, sem
leikið hefur með ítalska liðinu Fior-
entina síðastliðin tvö ár, er dýrasti
knattspyrnumaður Portúgals frá
upphafi, en hann yfirgaf Benfica
fyrir rúmar 500 milljónir króna árið
1994.
■ NÚ nýlega gerði sjónvarpsstöðin
SKY fjögurra ára samning við úr-
valsdeildarfélögin á Englandi, sem
þýðir að hvert félag fær í sinn hlut
litlar 830 milljónir íslenskra króna.
■ ÞÁ náðust einnig samningar um
34 beinar útsendingar frá leikjun í
deildinni á komandi keppnistímabili
og verður fyrsti leikurinn, sem
sýndur verður beint, viðureign
Manchester United og Newcastle
um góðgerðarskjöldinn sunnudag-
inn 11. ágúst.
■ SAMKVÆMT nýjum reglum á
Englandi áskilur enska knatt-
spyrnusambandið sér rétt til þess
að setja leikmenn umsvifalaust í
keppnisbann verði þeir uppvísir að
grófum brotum innan vallar sem
utan, svo sem eins og eiturlyfjamis-
notkun, mútuþægni eða ástæðu-
lausum leikbrotum, án þess að leita
samráðs liðanna, sem umræddir
leika með.
■ ÞAÐ sama gildir um fram-
kvæmdastjóra, knattspymustjóra
og alla aðra, sem að knattspyrn-
unni standa og þykir þetta stórt
skref í þá átt að útrýma ýmiss kon-
ar ósóma úr knattspyrnunni.
■ GERRY Francis, knattspyrnu-
stjóri Tottenham, framlengdi í gær
samning sinn við félagið til tveggja
ára. Francis, sem er 44 ára gam-
all, mun fá 36 milljónir króna á ári
í laun frá Tottenham auk bónus-
greiðslna.
■ SÆNSKI landsliðsmaðurinn
Hakan Mild, leikmaður IFK
Gautaborgar, er á leiðinni til Real
I Sociedad á Spáni. Gautaborg mun
fá 154 millj. ísl. kr. fyrir Mild, 25
ára, sem hefur leikið 26 landsleiki
fyrir Svíþjóð. Hann mun fara til
j Spánar, eftir að Gautaborg hefur
I leikið í forkeppni Evrópukeppni
• meistaraliða.
Golfvörur sf.
Lyngási 10, Sími 565 1044
Spánveijinn Severino Ballest-
eros var aðeins 22 ára þegar
hann sigraði í fyrsta sinn á Opna
breska, árið 1979 á Lytham vellin-
um. Els sigraði í hitteðfyrra á Opna
bandaríska mótinu og hefur leikið
vel síðan og sömu sögu er að segja
af Mickelson, hann hefur leikið
mjög jafnt í ár og hefur þrívegis
sigrað á bandarísku mótaröðinni í
ár.
Hinum örvhenta Mickelson hefur
verið líkt við Ballesteros enda er
hann snillingur í að bjarga sér úr
erfiðum aðstæðum. Þegar Spán-
veijinn sigraði 1979 var hann út
um allan völl eftir upphafshögg
sín, en bjargaði sér meistaralega.
„Það er ekki hægt að líkja okkur
saman. Trúlega er enginn betri en
Seve í að bjarga sér, en skoraði
vel og það er það sem skiptir máli.
Eg á enn eftir að sýna hvað ég
get og nú er tækifærið því ég er
viss um að ég á eftir að lenda í
einhveijum vandræðum. Ef ég á
að líkjast Seve verð ég að sýna að
ég geti bjargað mér jafn ævintýra-
lega og hann,“ sagði Mickelson.
Takist honum að sigra verður hann
annar örvhenti kylfingurinn til
þess. Nýsjálendingurinn Bob Charl-
es sigraði 1963, einnig á Lytham
vellinum.
Lögreglan og Faldo
Nick Faldo er alltaf líklegur sig-
urvegari og hann hefur leikið mjög
vel að undanförnu. Á stórmóti sem
þessu eru margir áhorfendur og
þrátt fyrir stranga gæslu geta kom-
ið upp leiðinleg atvik. í fyrra slapp
ung stúlka inná völlinn og náði til
Faldos og afhenti honum rauða
rós. Faldo brosti sínu breiðasta en
forráðamenn mótsins vilja ekki að
svona atburðir endurtaki sig og nú
fer Faldo hvergi nema í fylgd lög-
reglukonu nokkurrar sem á að
gæta hans. Hvað golfinu viðkemur
hefur Faldo leikið mjög vel að und-
anförnu og á æfingasvæðinu við
Lytham völlinn hefur hann sýnt að
enginn skyldi afskrifa hann.
Sömu sögu er ekki hægt að segja
af besta kylfingi heimsins, ef
marka má heimslistann, Ástralan-
um Greg Norman. Hann hefur ver-
ið í lægð að undanförnu. „Ég verð
til í slaginn um leið og ég mæti á
teig,“ sagði Norman. „Eg missti
algjörlega áhugann á golfi um tíma
og hef lítið æft að undanförnu, en
ég er viss um að á miðvikudags-
kvöldið verð ég búinn að fá fiðring-
inn í magann, sem kemur venjulega
kvöldið fyrir stórmót. Þá veit ég
að ég er tilbúinn,“ sagði Norman
á þriðjudaginn.
Flestir telja að stutta spilið muni
spila óvenjulega stóran þátt í þessu
móti, völlurinn er þannig. Sé það
rétt er ekki hægt að nefna líklega
sigurvegara án þess að minnast á
Corey Pavin því hinn smávaxni
Bandaríkjamaður er sérfræðingur
í kringum flatirnar og hefur oftast
gengið vel að stjórna boltanum í
vindi, en kári gæti haft mikil áhrif.
Meistarinn frá því í fyrra, John
Daly, er ekki talinn sigurstrangleg-
ur, því völlurinn er líklega full
þröngur fyrir hann. Daly hefur
ekki sigrað í móti síðan hann vann
á Opna breska í fyrra og hefur
fullan hug á að sigra þrátt fyrir
þröngan völl.
Colin Montgomerie, sem er í
öðru sæti á heimslistanum, segist
vera búinn að jafna sig eftir lélegt
skor á skoska mótinu um síðustu
helgi og meðal líklegra manna má
einnig nefna Mark O’Meara og Tom
Lehman.
Jack Nicklaus, sem hefur þríveg-
is sigrað á mótinu, verður með og
er þetta 36. árið í röð sem hann
er með. Fimmfaldur meistari, Tom
Watson,'getur hins vegar ekki ver-
ið með því hann er slæmur í öxl
og bæði Nick Price og Fred Coupl-
es verða meðal keppenda, en þeir
misstu af Opna bandaríska mótinu
í síðasta mánuði.
Kylfusveinn Price
með hvítblæði
Þrátt fyrir að Price hafí verið
meiddur að undanförnu og sé alls
ekki í eins góðri æfingu og hann
sjálfur kysi, hefur hann miklu meiri
áhyggjur af öðru, því nýlega kom
í ljós að Jeff Medlen, kylfusveinn
hans og náinn vinur, er með hvít-
blæði. „Hann hefur alltaf gefið sig
allan í starf sitt og það hefur ekki
hvarlað að nokkrum manni sem
hefur séð hann á golfvellinum að
hann væri veikur,“ sagði Price í
gær. „Það eru erfiðir tímar fram-
undan hjá honum, hann má vera
kylfusveinn en ekki ferðast mikið
þannig að hann verður að draga
eitthvað úr vinnunni á næstunni.
Það er verið að athuga hvort bróð-
ir hans getur gefið honum bein-
merg og vonandi gengur það,“
sagði Price. Medlen, sem er 42
ára, var kylfusveinn hjá Price í þau
þijú skipti sem hann sigraði á stór-
móti og hann dró fyrir Daly þegar
hann sigraði á PGA 1991. Medlen
hefur ákveðið að gangast undir
uppskurð í september, á svipuðum
tíma og kona hans á von á þeirra
þriðja barni.
Til gamans má geta þess að
veðbankar telja Faldo sigurstrang-
legastan og eru líkurnar 12 á móti
einum. Næstir eru Norman, Mont-
gomerie og Els með 14-1, þá
Woosnam með 22-1, Couples, Pav-
in og Langer með 25-1, Mickleson
28-1, Price, Lehman, Robert All-
enby, Steve Elkington, Brad Fax-
on, Vijay Sinngh og Payne Stewart
eru með 33 á móti einum.
Blackburn
á eftir
Cantona
ENSKA úrvalsdeildarliðið i
knattspyrnu Blackbum Rov-
ers bauð í gær tæpar 420
milljónir króna í Frakkann
Eric Cantona bjá Manchester
United. Tilboðið barst til for-
ráðamanna United á faxi um
miðjan dag í gær og höfnuðu
meistararnir því samstundis,
en eigaudi Blackburn, Jack
Walker, sagði að félagið
hefði mikinn hug á að fá
Cantona í sínar herbúðir og
væri ekki búið að gefa kapp-
ann upp á bátinn þrátt fyrir
neikvæðar undirtektir Un-
ited-manna.
: ' i
i