Morgunblaðið - 26.09.1996, Blaðsíða 8

ÍÞRÚmR

wmmmímmmsmmmmm
"
KNATTSPYRNA
Simone með þrennu fyrir
AC Milan á 25 mínútum
Reuter
DAVID Beckham til hægrl gerði selnna mark Manchester United en hér hefur hann betur í
baráttu við Peter Stoger hjá Rapid Vín. United vann 2:0 á Old Trafford í Manchester.
MARCO Simone gerði þrennu á
fyrstu 25 mínútunum fyrir AC
Milan sem sigraði Rosenborg
4:1 í D-riðii Meistarakeppni Evr-
ópu sem fram fór í Þrándheimi
í gærkvöldi. Juventus heldur
sínu striki og gerði góða ferð til
Tyrklands. Atletico Madrid
burstaði Steaua Búkarest en
Ajax tapaði óvænt á heimavelli
fyrir Grasshopper.
imone var svo sannarlega heitur
í kuldanum í Þrándheimi. Hann
gerði fyrsta markið á 6. mínútu en
Trond Egil Soltvedt jafnaði 1:1. Þá
komu tvö frá Simone með tveggja
mínútna millibili og þar með voru
möguleikar Norðmanna orðnir litlir.
Líberíumaðurinn George Weah, besti
leikmaður heims, skoraði fjórða
markið í síðari hálfleik. Norska liðið
mátti teljast heppið að fá ekki á sig
fleiri mörk því yfirburðir ítalska liðs-
ins voru miklir. Simone fékk m.a.
iþijú önnur dauðafæri sem Jöm Jamt-
fa.ll, markvörður Rosenborgar, náði
að þjarga á síðustu stundu.
„Eg bjóst ekki við að ná svona
hagstæðum úrslitum,“ sagði Oscar
Tabarez, þjálfari Milan eftir leikinn.
„Sigurinn var sanngjarn." Roberto
Baggio kom inn á sem varamaður
fyrir Simone þegar 17 mínútur voru
eftir en náði ekki að sýna sitt besta.
Ravelli í miklu stuði
Þrátt fyrir stórleik Thomasar Rav-
ellis í markinu hjá IFK Gautaborg
dugði það ekki á móti Porto sem sigr-
aði 2:1. Porto, sem vann Milan í
fyrstu umferð 3:2, er nú í efsta sæti
D-riðils. Artur Oliviera skoraði bæði
jpörk Porto, á 27. og 51. mínútu.
Jorge Costa gerði síðan sjálfsmark
undir lokin og minnkaði þannig mun-
inn fyrir sænska liðið. Portúgalska
liðið var sterkara og getur Gauta-
borg þakkað Thomasi Ravelli, mark-
verði, að ekki fór ver. „Við áttum
sigurinn skilið,“ sagði Antonio Oli-
veira, þjálfari Porto. „Við fengum
mörg dauðafæri en frábær mark-
vörður sá fyrir því að mörkin urðu
ekki fleiri. Ravelli lék líklega besta
leik sinn á ferlinum."
Juve heldur sínu striki
Juventus heldur efsta sætinu í
C-riðli eftir 1:0 sigur á Fenerbahce
í Tyrklandi og Manchester United
lagði Rapid Vín á Old Trafford 2:0.
Króatinn Alen Boksic skoraði sig-
urmarkið á 21. mínútu eftir mistök í
vöm heimamanna. Marcello Lippi,
þjálfari Juventus, sagði að leikmenn
Fenerbahce hafi barist það vel að
hans menn þurftu að hafa mikið fyr-
ir sigri. „Þó svo að við réðum ferð-
inni mest allan leikinn náðu þeir að
skapa sér hættuleg færi undir lokin.“
Brasilíumaðurinn Sebastiao Laz-
aroni, þjálfari Fenerbahce, var
ánægður með sína menn. „Juve náði
að nýta vel eina færið sem liðið fékk
í fyrri hálfleik. Við réðum hins vegar
ferðinni í síðari hálfleik. Við hefðum
átt að skora þijú svona mörk. Allir
mínir menn börðust vel.“
Solskjær kom United
á bragðið
Ensku meistararnir í Manchester
United sigruðu Rapid Vín nokkuð
örugglega, 2:0. Normaðurinn Ole
Solskjær og David Beckham gerðu
mörkin í fyrri hálfleik. United hafði
mikla yfirburði í fyrri hálfleik og
hefði þá átt að skora fleiri mörk. I
síðari hálfleik dró United lið sitt
meira til baka til að freista þess að
halda fengnum hlut. Austurríska lið-
ið fékk þá nokkur ágæt færi og átti
að fá vítaspyrnu er einn leikmaður
liðsins var togaður niður í vítateign-
um.
„Ég er sáttur við leikinn og úrslit-
in eru góð,“ sagði Alex Ferguson,
knattspymustjóri Manchester Un-
ited. „Fyrri hálfleikur var góður en
við misstum aðeins niður taktinn í
síðari hálfleik og þeir komust meira
inn í leikinn undir lokin. En við héld-
um okkar hlut og ég er ánægður
með það.“
Atletico burstaði Steaua
Atletico Madrid fer vel af stað í
B-riðlinum. í fyrstu umferð vann lið-
ið Steaua Búkarest 4:0 og í gær
burstaði liðið Widzew Lodz 4:1 í
Póllandi. Atletico komst í 2:0 með
mörkum Júgóslavans Milinko Pantic
og Diego Simeone á 24. og 32. mín-
útu áður en Marek Citko minnkaði
muninn fyrir heimamenn með því að
lyfta knettinum yfir Jose Molina,
markvörð, á síðustu mínútu fyrri
hálfleiks. Simeone bætti öðru marki
sínu við á 60. mínútu og Kiko Narva-
ez kom liðinu í 4:1 fjórum mínútum
síðar. Pólska liðið er enn án stiga
því liðið tapaði fyrir Dortmund 2:1
í fyrstu umferð.
Dortmund hafði mikla yfirburði á
móti Steaua Búkarest og sigraði 3:0
á útivelli og hefur því unnið báða
leikina í riðlinum. Lars Ricken og
Joerg Heinrich skoruðu í fyrri hálf-
leik og svissneski landsliðsmaðurinn
Stephane Chapuisat, sem kom inn á
sem varamaður fyrir Ricken á 61.
mín., bætti þriðja markinu við einni
mínútu eftir að hann kom inná.
Fyrsta tap Ajax á móti
svissnesku liöi í EM
Grasshopper fer vel af stað í A-riðli.
Liðið er með fullt hús stiga eftir tvo
fyrstu leikina eftir l:0-sigur á fyrrum
Evrópumeisturum Ajax í Amsterdam
í gærkvöldi. Murat Yakin gerði sigur-
mark svissnesku meistaranna með
skoti af 35 metra færi eftir auka-
spyrnu um miðjan síðari hálfleik.
Þetta er í fyrsta sinn sem Ajax tapar
fyrir svissnesku liði í Evrópukeppni.
Ajax hefur ekki náð sér á strik það
sem af er keppnistímabili og hefur
aðeins gert fimm mörk í sjö fyrstu
deildarleikjunum. Hollensku meistar-
arnir léku reyndar án fjögurra lands-
liðsmanna; Patrick Kluivert, John
Veldman, Richard Witschge og Peter
Hoekstra. Fyrirliðinn Danny Blind
lék hins vegar með eftir meiðsli.
Louis van Gaal, þjálfari Ajax,
sagði erfitt að sætta sig við tapið.
„Það er áfall fyrir okkur að tapa.
Við áttum að vinna þennan leik því
marktækifærin voru fyrir hendi.“
Deniaud nýtti tækifærið
Thomas Deniaud, sem kom inn í
byijunarliðið fyrir Lilian Laslandes
sem er meiddur, gerði tvö mörk með
skalla fyrir Auxerre sem vann
Glasgow Rangers 2:1 á útivelli. Ran-
gers hefur tapað báðum leikjum sín-
um, hefur markatöluna 1:5 og á Ajax
í næsta leik. Paul Gascoigne, sem lék
50. leik sinn fyrir Rangers, gerði
eina mark liðsins og var það jafn-
framt 25. mark hans fyrir skoska
liðið.
Ásmundur
ekki með
gegn AIK
ÁSMUNDUR Haraldsson leik-
ur ekki með KR-ingum í dag
gegn sænska liðinu AIK í
Stokkhólmi. KR-ingar reyndu
eins og þeir gátu að fá Ás-
mund frá Bandaríkjunum þar
sem hann er við nám. Ekki
tókst að fá hann lausan en ef
allt gengur eftir vonum KK-
inga kemur hann til landsins
á laugardag og leikur með
Vesturbæingum f úrsiitaleikn-
um við Skagamenn á Skipa-
skaga á sunnudaginn. Leikur
KR og AIK hefst kl. 17 að ís-
lenskum tíma.
Leikurinn
við Dani
í Álaborg
DANIR hafa ákveðið að leikur
Danmerkur og íslands, síðasti
leikur þjóðanna í undankeppni
HM, verði leikinn í Álaborg
1. desember. Grikkland og
Eistland ieika einnig í riðlin-
um. íslendingar leika fyrsta
leik sinn í HM gegn Grikkjum
á Akureyri á miðvikudaginn
kemur. Þorbjörn Jensson
landsliðsþjálfari mun tilkynna
landsliðshóp sinn í dag.
Jóhann í
langt bann
JÓHANN G. Jóhannsson,
hornamaður úr KA, var á
fundi aganefndar HSÍ í gær
úrskurðaður í fjögurra leikja
bann vegna atviks í leik FH
og KA á sunnudaginn. Bannið
tekur gildi kl. 12 á hádegi í
dag þannig að Jóhann missir
af leiknum við Gróttu 10. októ-
ber, ÍR16. október, Aftureld-
ingu 23. október og Val þann
26. október.
Djordjevic
til Portland
PORTLAND Trail Biazers
gekk í gær frá samningi við
júgóslavneska landsliðsbak-
vörðinn Aleksander
Cjonyevic. „Ég er nyög
ánægður með að vera kominn
til Blazers og í NBA deildina,"
sagði Djordjevic, sem er 29
ára gamail og lék með Bo-
logna á Ítalíu undanfarin fjög-
ur ár. Djordjevie gerði 23,8
stig að meðaltali í fyrravetur
og var með 62,7% nýtingu, en
hann þykir mjög skæð þriggja
stiga skytta.
Blikastúlkur
verða með
BREIÐABLIK ákvað í fyrra-
kvöid að senda lið í 1. deild
kvenna í körfuknattleik en
félagið hafði áður ákveðið að
hætta við þátttöku vegna
manneklu. Anna María Sveins-
dóttir úr Keflavík ætiaði að
vera þjálfari meistaraflokks
og leika með liðinu auk þess
en hún hætti vegna þess
hversu fáar stúlkumar vom.
Fyrsti innileikur-
inn í Evrópu
LEIKUR Ajax og Grasshopper í gærkvöldi markaði viss tíraamót
I sögu knattspyraunnar í Evrópu. Þetta var fyrsti „alvöru" leikur-
inn sem leikinn er innandyra í Evrópu. Arena, hinn nýi leikvangur
Ajax, er nefnilega yfirbyggður að fyrirmynd Skydome í Toronto
*á Kanada. Fyrsti stórleikurinn í knattspyrnu sem fram fór innan-
dyra var leikur Bandaríkjanna og Sviss í HM1994 og fór 1:1.
Leikvangur Ajax er með þannig þaki að hægt er að hafa það opið
eða lokað eftir óskum og var því lokað tíu mínútum fyrir leikinn
í gær. Ajax tókst ekki að nýta sér heimavöllinn, tapaði 1:0, rétt
eins og síðasta Evrópuleik sínum á gamla leikvanginum, þar tap-
aði Ajax 1:0 fyrir Panathinaikos í fyrra.